ভারতকী প্রধানমন্ত্রী
শ্রী গুলজারী লাল নন্দা ১৮৯৮গী জুলাই ৪দা পঞ্জাবকী সিয়ালকোৎতা পোকখি। মহাক্না লাহোর, আগরা অমসুং এলাহাবাদতা মহৈ মশিং তমখি। মহাক্না এলাহাবাদ য়ুনিবর্সিতী (১৯২০-১৯২১)দা লেবর প্রোব্লেমদা রিসর্চ স্কোলর অমা ওইনা থবক তৌখি অমসুং ১৯২১দা নেস্নেল কোলেজ (মুম্বৈ)দা ইকোনোমিক্সকী প্রোফেসর ওইখি। চহি অদুমক্তা মহাক নন-কোওপরেসন মুবমেন্তা য়াওখি। ১৯২২দা মহাক এহমদাবাদ তেক্সতাইল লেবর এসোসিএসনগী সেক্রেতরী ওইখি মসিদা মহাক্না ১৯৪৬ ফাওবা থবক তৌখি। মহাক ১৯৩২দা সত্যগ্রহগীদমক জেলদা চংখি অমসুং মতুংদা ১৯৪২দগী ১৯৪৪ ফাওবা জেলদা লৈখি।
শ্রী নন্দা ১৯৩৭দা বোম্বে বিধান সভাদগী কাখি অমসুং ১৯৩৭ গী ১৯৩৯ ফাওবা বোম্বে সরকারগী পার্লিয়ামেন্তরী সেক্রেতরী (লেবর অমসুং এক্সাইজ) ওইখি। মতুংদা, বোম্বে সরকারগী লেবর মন্ত্রী (১৯৪৬তগী ১৯৫০ ফাওবা) ওইনা মহাক্না সাজ্য বিধান সভাদা মাই পাক্না লেবর দিসপ্যুৎ বীল পুথোকখি। মহাক্না কস্তুরবা মেমোরিয়েল ত্রস্তকী ত্রস্তী, হিন্দুস্তান মজদুর সেবক সংঘগী সেক্রেতরী অমসুং বোম্বে হাউসিং বোর্দকী চেরমেন ওইনা থৌ পুখি। মহাক নেস্নেল প্লানীং কমিতীগী মেম্বরসু ওইখি। ইন্দিয়ন নেস্নেল ত্রেদ য়ুনিয়ন কোংগ্রেস শেম্বদা মহাক্না অচৌবা থৌদাং লৌখি অমসুং মতুংদা মসিগী প্রসিদেন্তসু ওইখি।
১৯৪৭দা মহাক্না জেনেবাদা পংথোকখিবা ইন্তর্নেস্নেল লেবর কনফরেন্সতা সরকারগী দিলিগেৎ অমা ওইনা শরুক য়াখি। মহাক্না কনফরেন্সনা খনগৎপা “দ ফ্রিদম ওফ এসোসিএসন কমিতী”দা থবক তৌখি অমসুং মফম অসিগী লেবর অমসুং য়ুমলৈ কৈরৈগী মরমদা থিজিনবা ঙম্নবা স্বীদেন, ফ্রান্স, স্বিৎজর্লেন্দ, বেল্জিয়ম অমসুং ইংলেন্দা চৎখি।
মার্চ ১৯৫০দা মহাক য়োজনা আয়োগতা মসিগী ভাইস-চেরমেন ওইনা য়াওখি। মথংগী চহিগী সেপ্তেম্বরদা মহাক কেন্দ্র সরকারদা প্লান্নীং মন্ত্রী ওইখি। মসিদা নত্তনা মহাকপু ইরিগেসন অমসুং পাৱরগী থৌসু পুহনখি। মহাক ১৯৫২গী মীখলদা মুম্বৈদগী লোক সভাগীদমক খনখি অমসুং অমুক হন্না প্লান্নীং মন্ত্রী, ইরিগেসন অমসুং পৱার মন্ত্রী ওইখি। মহাক্না ১৯৫৫দা সিঙ্গাপুরদা পাংথোকখিবা দ প্লান কন্সলতেতিব কমিতী অমসুং ১৯৫৯দা জেনেবাদা পাংথোকখিবা ইন্তর্নেস্নেল লেবর কনফরেন্সতা ভারতকী দেলিগেসনবু লুচীংখি।
শ্রী নন্দা ১৯৫৭কী মীখলদা লোক সভাগীদমক খনখি অমসুং লেবর অমসুং ইম্প্লোইমেন্ত অমসুং প্লান্নীংগা কেন্দ্র মন্ত্রী ওইনা হাপখি। মতুংদা মহাক প্লান্নীং কমিশনগী দিপুতী চিয়র্মেন ওইনা হাপখি। মহাক্না ১৯৫৯দা ফেদরেল রিপাব্লিক ওফ জর্মনী, য়ুগোস্লাবিয়া অমসুং ওস্ত্রেলিয়াদা চৎখি।
১৯৬২গী মীখলদা মহাক গুজরাৎকী সাবরকান্থ কেন্দ্রদগী লোক সভাগীদমক অমুক হন্না খনখি। মহাক্না ১৯৬২দা সোসিএলিস্ত এক্সনগীদমক কোংগ্রেস ফোরম হৌদোকখি। মহাক ১৯৬২ অমসুং ১৯৬৩দা কেন্দ্রগী লেবর অমসুং ইম্প্লোইমেন্ত মন্ত্রী লোইননা ১৯৬৩দগী ১৯৬৬ ফাওবা কেন্দ্রগী য়ুম্লৈ কৈরৈ মন্ত্রী ওইখি।
পন্দিৎ নেহরুনা লৈখিদ্রবা মতুংদা মহাক্না ১৯৬৪গী মে ২৭তা ভারতকী প্রধান মন্ত্রী ওইনা ৱাশক লৌখি। তাশকন্দা শ্রী লাল বহাদুর শাস্ত্রীনা লৈখিদ্রবা মতুংদা অমুক হন্না ১৯৬৬কী জনুৱারী ১১দা মহাক্না প্রধান মন্ত্রী ওইনা ৱাশক লৌখি।
