ভারতকী প্রধানমন্ত্রী
মচিন তুমখৎলক্লিবা ভারতকীদমক্তা ইনফ্রাস্ত্রকচর
শেমগৎপা অসি তশেংনমক এন দি এ সরকারনা অহানবা নুমিৎতুমক্তদগী ইনফ্রাস্ত্রকচরদা ইনোৎ পীবা হৌখি। রেলৱেবু ওইরো, লম্বীবু ওইরো, নত্রগা শিপিংবু ওইরো, সরকারনা অমগ-অমগা শম্নবা হেনগৎহন্নবা ইনফ্রাস্ত্রকচরগী খুদোংচাবশিংবু হেন্না ফবা ওইহন্নবা হোৎনবদা মিয়েং থম্লি।
অহানবা ওইনা, রেলৱেগী বজেত্তা মশক থোক্না হোংদোকপা অমসুং ইনফ্রাস্ত্রকচরগী অহোংবশিংদা মিয়েং থমখি। অনৌবা রেলগাড়ীশিংগীদমক লাওথোকপা অসি রাজনীতিগী ওইবা খুদোং চাবা লৌননবগীদমক তৌনৈ, অদুবু হৌজিক্তি মসি ইচম চম্বা ৱাফম অমা ওইরে। পেসেঞ্জরশিংগীদমক্তা রেলৱে স্তেসনশিংদা ৱাই-ফাই, পেসেঞ্জর হেল্পলাইন (১৩৮), সেক্যুরিতী হেল্পলাইন (১৮২), পেপরলেস অনরিজার্ব তিকেতিং, ই-কেতরিং, মোবাইল সেক্যুরিতী এপ অমসুং নুপীশিংগী ঙাক-শেলগীদমক সি সি তি ভি কেমেরানচিংবা মশিং থিঙমদ্রবা খুদোংচাবশিং হৌদোক্লে। খনিগী খোংশিং, সমুদ্র তোর্বান্দশিং অসিনচিংবা শম্নহন্দুনা অমসুং শেল হৈনা শিজিন্নবা চৎথোক চৎশিনগী পাম্বৈদা রেলৱেনা থৌদাং লৌগদৌরি। মুম্বাই-অহেমদাবাদ চেনগদবা য়াম্না য়াংবা বুল্লেত ত্রেনগী লম্বী থৌরাং তৌরি। নিয়ু দিল্লী-চেন্নাই চৎকদবা লম্বীগী ওইথোকপা য়াবা থিজিনবগী থবক চৎথরি।
হৌজিক ফাওবদা পাঙথোকখিবা থবকশিংগী মনুংদা খ্বায়দগী ফবা ওইনা চহি অসিদা কিলোমিতর ১,৯৮৩ শাংবা রেল লম্বী শিন্নখ্রে অমসুং কিলোমিতর ১,৩৭৫ শাংবা রেল লম্বী মৈ ফংহনবগী থবক লোয়শিনখ্রে। বৈস্নো দেবী য়ৌগদবা কাত্রা লাইন হাংদোকখ্রে অমসুং তির্থ চৎপা মীওইশিংগী ত্রেন ৬ নৌনা হৌদোকখ্রে।
লম্বীগী শরুক্কী মনুং চন্না, লেপতুনা লৈরম্লবা প্রোজেক্তশিং অমুক হন্না পাইখৎলে, মতম শাংনা পন্দুনা লৈরক্লবা থিকাগী চয়েৎনরমবা কয়া অদু লোইশিনখ্রে অমসুং হিংবা ঙমদ্রবা প্রোজেক্তশিংবু য়ৈথখ্রে। ভারতকী ঙমখৈগী মফমশিং অমসুং সমুদ্র তোর্বালগী মফমশিংদা লম্বী শেমগৎপদা হেন্না ফনবা মওং মতৌ খেৎনবা ভারত মালা কৌবা প্রোজেক্ত অমা পায়খৎপা হৌরে। তোইনা চৎথোক চৎশিন তৌবা মীওইশিংদা খুদোং চাহন্নবা তোল প্লাজা ৬২ দগী তোল ফী খোমগৎপগী থবক মখা চৎথহন্দ্রে। হায়ৱেগী পাইখৎলিবা প্রোজেক্তশিং লোইশিন্দুনা চাদা ১২০ রেজিস্তর তৌদুনা মমাঙ চহিদগী হেঙ্গৎলে। প্রধান মন্ত্রী গ্রাম সরক য়োজনাগী মখাদা শেমখিবা লম্বীগী মশিং রেজিস্তার তৌবগী চাংসু ৱাংনা হেঙ্গৎলে।
এন দি এ সরকারগী মখাদা জহাজগী মাইকৈদসু ভারত অসি খোঙকাপ লাউনা থাংদুনা থুনা চৎলি। সাগরমালা প্রোজেক্তনা অনকপা সমুদ্রা মপালগী সম্প্রদায়গী মখাদা পাক্না খোল্লিবা পোর্ত-লেদ শোয়হন্দনা চাউখৎহল্লনি। হীথাংফমদা জহাজদা পোৎ থাংদোক থাংজিন তৌবদা চাউখৎপগী চাং শরূক অনি হেনগৎলদুনা চাদা ৪ ওইরম্বদু চহি অসিদা চাদা ৮ য়ৌরে। হৌজিক ফাওবগী খ্বাইদগী ৱাংবা ওইনা চহিগী হাপচিনবা ঙমবগী চাং এম তি পি এ ৭১ রিকোর্ড তৌখ্রে। চহাবাহার হিথাংফম চাওখৎহনবা অমসুং আফগানিস্থান অমদি ময়াই থংবা এসিয়াগী লৈপাকশিংদা চংশিন্নবা লাল্লোং ওইনা ইরানগা এমওইয়ুদা খুয়েক তৌনখ্রে। ত্রান্সপোর্তেসন অমসুং গঙ্গা ফাওরগা লৈপাক মনুংগী ওইবা ঈশিং লম্বী শেমগৎনবা জল মার্গ বিকাস প্রোজেক্ত হৌদোকখ্রে।
সধারন মীয়ামগী নোংথক্তা পাইবগী লমদসু খুমাং য়াম্না চংশিল্লে। মোহালী, তিরুপতী অমসুং খাজুরাহোদা শাগৎলিবা ইন্তিগ্রেতেদ তর্মিনেল বিল্দিং শাবা লোইশিনলক্লে। কাদাপ্পা অমসুং বিকানেরগী তর্মিনেলশিং লোইশিনখ্রে। লৈপাক মনুংগী শমজন্নবগী চাং হেঙ্গৎনবা হুব্লী, বেলগম, কীসনঘর, তেজু অমসুং ঝার্শুগুদগী মালং হিথাংফমশিংবু থাক ৱাংখৎহনবা হৌরে। এফ এ এ না ভারতকী ইন্তর্নেস্নেল এবিয়েশন সেফতী ওদিত (আই এ এস এ)পু থাক ৱাংখৎহনবদগী খুদোংথিবা থোকহন্দবগী চাং হেলহন্দুনা ফ্লাইত মশিং হেঙ্গৎহল্লে।
[ 
