ভারতকী প্রধানমন্ত্রী
এন দি এ সরকারনা মহৈ মশিং অমসুং স্কিল দিভেলপমেন্তা অচৌবা ইনোৎ হাপ্লি।
মহৈ মশিংগী মগুন অমসুং মসিগী পাক চাওবা হেনগৎহন্নবা অমত্তা ঙাইরবা পাম্বৈ কয়া পাইখৎলি। প্রধান মন্ত্রী বিদ্যালক্ষ্মী কারিক্রমগী মখাদা এজুকেসন লোন অমসুং স্কোলরশিপ পুম্নমক চলাইনবা অমসুং য়েংশিন্নবা মপুং ফাবা মওংদা আই তিদা য়ুম্ফম ওইবা ফাইনান্সিএল এদ ওথোরিতী শেমগৎখি। তাকপী তম্বীবগী মগুন হেনগৎনবা পন্দিৎ মদন মোহন মালভি¬¬¬¬য়া তিচর ত্রেনিং মিশন হৌদোকখি।
লৈবাক অসিগী অৱাংবা থাক্কী মহৈ তমফমশিংদা কালেন থা অমসুং নীংথম থাগী ছুতি মনুংদা মালেমদা মমিং চৎলবা এজুকেস্নেল অমসুং সাইন্তিফিক ইন্সতিত্যুৎশিংগী শক্নাইরবা ফেকলটি, সাইন্তিস্ত অমসুং ইন্ত্ররপ্রিনরশিং কৌননবা গ্লোবেল ইনিসিএতিভ ওফ একাদেমিক নেতৱার্ক (জি আই এ এন) হৌদোকখি। ওনলাইন শিক্ষা ফংবা ঙমহনবা স্বয়মনা মেসিব ওপন ওনলাইন কোর্সেস (এম ও ও সি) পাংথোক্লগনি। নেশনেল ই-লাইব্রেরিনা শিক্ষাগী অমসুং লৌশিংগী ওইবা মচাক ফংহনবদা লায়হনলগনি। মোবাইল তেক্নোলোজি সালাদর্পন অসিগী মতেংনা মমা মপা ওইবশিংগা মহৈ লোয়শংশিংগা শমনহল্লগনি, মদুনা মখোয়গী অঙাংশিংনা চৎথরিবা মতৌ অদু য়েংশিনবা ঙমহল্লগনি।
পীক্লিবী নুপীমচাশিংবু শিক্ষাগী লমদা চাওখৎহন্নবা ঊড়ান অসি কৎথোকলে, মসিনা মহৈরোই নুপীমচাশিংবু মমিং চলহনবদা মতেং ওইরগনি। ইশান বিকাসনা মখোয়গী ছুতি মতমদা আই আই তি এস, এন আই তি এস, অমসুং আই আই এস ই আর এস শিংগা নক্নবা মরি থমহননবা অৱাং-নোংপোক রাজ্যগী খনগৎলবা স্কুল মহৈরোই অমসুং ইঞ্জিনীয়ারিংগী মহৈরোইশিং থিরি। নাৎকী ওইবা কলা/খুৎ-শা হৈবশিং মখোয়গী হৈজ-শিংজবা অদুবু অৱাংবা থাক্তা পুথৎনবা উসতাদ হৌদোক্নবা অয়াবা পীথ্রে। নাৎকী ওইবা কলাকার/খুৎ-শা হৈবা মীওইশিং মশিং হেঙ্গৎহননবা, মশক নাইবা নাৎকী ওইবা কলা/খুৎ-শা হৈবশিং, মখোয়গী প্রামান উৎপা অমসুং কৈথেলগা মরি লৈহননবা থৌরাং অসিনা পান্দম থমলি।
স্কিল ইন্দিয়াদা পি এম মোদীনা হাপচিল্লিবা মরুওইবশিং অসিদা অরোন অথুপ য়াওদে। খুৎ-শা হৈববু খুদক্তগী চাওখৎহনবদা ঐখোয়গী নহাশিংবু থৌনা পীনবা সরকার অসিনা কৎথোক্লবা মন্ত্রালয় অমা শেমগৎলে। খুৎ-শা হৈববু চাওখৎহন্নবা শেমখিবা কৎথোক্লবা মন্ত্রালয় অসিনা হৌজিক ফাওবদা মখল মখা য়াম্লবা থৌরাংশিংগী মখাদা নহা লাখ ৭৬পু খুৎ-শা হৈনবা শিন্দমবীখ্রে। ‘স্কুল তু স্কিল’ থৌরাংগী মখাদা লাইরিক তম্ফমশংগা মগুণ চপমান্নবা খুৎ-শা হৈবগী প্রমান পত্র য়েন্থোকখ্রে। প্রধান মন্ত্রী কুসল বিকাস য়োজনাগী মখাদা কোতি ১,৫০০গী শেনফম অমা শেন্থং ওইনা অয়াবা পীখ্রে। পাণ্ডিত দিন দায়াল উপধ্যায় গ্রামিন কুসল য়োজনানা চহি ৩গী মনুংদা খুঙ্গংগী নহা লাখ ১০ বু শিন্দমবীরগনি।
অপ্রেতেন্সীব এক্ত শেমদোকখিবা অসিনা থবক ফংহন্নবা শিন্দম্বদা অচেৎপা লম্বি অমা পীরদুনা হেন্না খুদোংচাবা ফংহল্লে। সরকার অসিনা শিন্দম্বগী মথৌ তৌরিবা মীওই লাখ অমদা মথংগী চহি অনি মখায় অসিদা চাদা ৫০ শেলগী তেংবাং পীদুনা মতেং পাঙ্গদৌরি। হৌজিক্কী ওইরিবা মশিং লাখ ২.৯ অসিগী মহুৎতা লাক্কদৌরিবা চহি খরা অসিদা শিন্দম্বগী মথৌ তৌবা মীওই লাখ ২০ হেলহন্নবা সরকারনা থৌরাংলি। ওনলাইন সেবাগী ওইবা মফম অমখক্তদা লেংদনা দুকান ওইনা লৈবা য়াহন্নবা নেস্নেল কেরিয়র সেন্তরশিং লিংখৎতুনা জাতি শিন থুংনা কান্নবা ফংহল্লে। মখোয়না নহাশিংবু মমল য়াম্লবা হিংনবগী পাম্বৈগা মরি লৈননা পেলহনবদা অমসুং মরনাইগী ওইবা খুজু-খুলাই শেমগৎপদা মতেং পাংগনি। নহাশিংবু পাউতাক পীনবা নেতৱার্ক অমসু ফংহল্লগনি ।
পাণ্ডিত মদন মোহন মালভয়া মিশন ফোর তিচর ত্রেনিং হৌদোকপদা পি এম মোদীনা তাবা
