ভারতকী প্রধানমন্ত্রী
এন দি এ সরকারনা ইন্তরপ্রিনর্শিপ চাওখৎহনবদা মিৎয়েং থম্লি। ‘মেক ইন ইন্দিয়া’ খোংথাং অসি ভারত্তা ইন্তরপ্রিনর্শিপ চাওখৎহন্নবা ঐখোয়গী য়ুম্বী মরিদা য়ুম্ফম ওইবনি, মসি শুপ্নগী মেন্যুফেকচরিং খক্তদা নত্তনা অতোপ্পা লমশিংদসুনি।
অনৌবা থৌওংশিং: ‘মেক ইন ইন্দিয়া’না ইন্তরপ্রিনর্শিপ্পু চাওখৎহন্নবগীদমক্তা ‘ইজ ওফ দোইং বিজিনেস’ অসি অমত্তা ঙাইরবা খ্বাইদগী মরু ওইবা ফেক্তর অমা ওইনা লৌই।
অনৌবা ইনফ্রাস্ত্রকচর: উদ্যোগ চাওখৎহন্নবা অনৌবা ইনফ্রাস্ত্রকচর ফংহনবা অমসুং শেমগৎপা হায়বসি মথৌ তাই। অনৌবা অয়াংবা কম্যুনিকেসন অমসুং পোৎচৈ পুথোক পুশিনগী খুদোংচাবশিং ফংহন্দুনা উদ্যোগকী মফম কয়া অমসুং স্মার্ত সিতী কয়া শেমগৎনবা সরকারনা হোৎনরি।
অনৌবা সেক্তরশিং: “ভারত্তা শাবা”না পোৎচৈ শাবগী সেক্তর ২৫ মশক খঙদোক্লে, ইনফ্রাস্ত্রকচর অমসুং অতৈ থবকশিং য়াওনা অকুপ্পা ঈ-পাউশিং শরুক য়াগদৌরিবশিংগা খঙমিন্নরে।
অনৌবা ৱাখল্লোনশিং: উদ্যোগনা সরকার অসি নিয়ম শেম্বা ওইনা উই। মতৌ করম্না সরকারনা উদ্যোগকা লোয়নবগে হায়বদু “ভারত্তা শাবা” ইহৌ অসিনা উৎপা পাম্লি। সরকারগী পান্দম অসি নিয়ম শেম্বা ওইররোই, কান্নবা পীবা ওইরগনি।
ইন্তরপ্রিনরসিপ চাউখৎহন্নবগী সরকারনা লাল্লোং অহুম শীজিন্নরি। থ্রি সি মোদেল অদুদি: কমপ্লাইয়েন্স, কেপিতল অমসুং কোন্ত্রেক্ত ইনফোর্সমেন্তনি।
কমপ্লাইয়েন্স
কারবার তৌবদা নুংঙাইবা লৈবাকশিংগী ৱার্ল্ড বেঙ্কনা পীবা রেঙ্কতা ভারত ১৩০শুবদা লৈরি। হৌজিক অনৌবা কারবার অমা হৌবদা হান্নদগী হেন্না লাইরে। দরকার লৈতবা থবকশিং লৌথোক্লে অমসুং অয়াবা অয়াম্বা ওনলাইনদগী লৌবা য়ারে।
ইন্দস্ত্রিয়েল লাইন্সেস (আই এল) অমসুং ইন্দস্ত্রিয়েল ইন্তরপ্রিনর মেমোরেন্দম (আই ই এম) ওনলাইনদগী লৌবা য়ারে অমসুং মসিগী থবক অসি ইন্তরপ্রিনরশিংদা ২৪x৭গী খুদোংচাবা লৈরে। চাওরাক্না থবক ২০ রোম পুনশিল্লে অমসুং সরকার অমসুং সরকারগী এজেন্সিশিংদগী অয়াবা লৌবগী থবকশু পুনশিল্লে।
ভারত সরকারগী মতেংগা লোয়ননা ৱার্ল্ড বেঙ্ক গ্রুপ অমসুং কে পি এম জিনা রাজ্য সরকারশিংনা চৎনরিবা অনৌবা কারবারগী নিয়মশিংগী চাংয়েং অমা পাংথোকখ্রে। চাংয়েং অদুনা রাজ্য অমনা অমদগী তম্নরগনি
অমসুং মায়পাকপগী ৱারিশিং মতৌ তম্লগনি। ভারত্তা শেল থাদরক্না সরকারনা লৈবাক অসিগী এফ দি আইগী নিয়মশিং কোমথোক্লে।
কেপিতল
ভারত্তা কোর্পোরেৎ নত্তবা ফার্মশিংনা মীওই মিলিয়ন ১২৮ রোম থবক পীরি। মখোয়গী মনুংদা চাদা ৬০দি খুঙ্গংদনি। ফার্মশিং অদুগী চাদা ৪০ না শোৎথরবা কাংলুপকী মীওইনা মপু ওই অমসুং চাদা ১৫ না সেদুল কাস্ত অমসুং ত্রাইবনা মপু ওই। অদুবু মখোয়দা বেঙ্কগী শেন্থংদি য়াম্না পীক্না ফংলি। মখোয় অয়াম্বা বেঙ্কগী শেন্থং অমুক্তা ফাওবা ফংদ্রি। থবক য়াম্না পীরিবা সেক্তরশিংদা বেঙ্কগী শেন্থং য়াম্না পীক্না ফংলি। মসিগী ফিভম অসি হোংদোক্নবা সরকারনা প্রধান মন্ত্রী মুদ্রা য়োজনা অমসুং মুদ্রা বেঙ্ক হাংদোক্লে।
মসিগী মরুওইবা পান্দমদি অচৌবা শেন্দোয়দা শেল পুরম্বা ইন্তরপ্রিনর মচাশিংদা অপীকপা শেন্দোয়দা শেন্থং ফংহনবনি। মসি হৌদোকপদগী অতেনবা মতমগী মনুংদা লুপা কোতি ৬৫,০০০গী লোন কোতি ১.১৮ রোম পীখ্রে। হৌখিবা চহিশিংগা য়েংনবদা ২০১৫গী এপ্রিল-সেপ্তেম্বরদা লুপা ৫০,০০০গী মখাদা লোন ফংখিবা মীওই চাদা ৫৫৫দা হেনগৎলকখি।
কোন্ত্রেক্ত ইনফোর্সমেন্ত
কোন্ত্রেক্ত ইনফোর্সমেন্ত মায়পাক্না চৎনবা ঙম্নবা, য়েৎনবশিং অথুবা মতমদা হোংনা লোইশিনবা য়ানবা আর্বিত্রেসন লো শেমদোক্লে। আইন অদুনা কেস লোইশিন্নবগী মতম পীরে অমসুং ৱারেপ লৌনবগী শক্তি ত্রিবুনেলদা পীরি।
হৌজিক চৎনরিবা ললোন-ইতিক্কী থবকশিং লাইথোকহন্নবা সরকারনা অনৌবা বেঙ্কক্রপ্সী কোদ হৌদোক্লে।
[ 
