ভারতকী প্রধানমন্ত্রী
প্রধান মন্ত্রী নরেন্দ্র মোদীনা সনসদ গ্রাম য়োজনা হৌদোকপদা মহাক্কী ৱাখল্লোন ফোংদোকখি।
‘ঐখোয়গী চাওখৎ থৌরাংগী মোদেল সপ্লাই-দ্রিভন ওইরিবা অসি ঐখোয়গী খ্বাইদগী চাওবা সমস্যানি। লখনৌ, গান্ধী নগর লোইননা দিল্লীদা স্কিম অমা শেম-শারি। মসিমক হৌদোক্নবা হোৎনরি। ঐখোয়না আদর্শ গ্রামগী পাম্বৈনা মোদেল অসিবু সপ্লাই-দ্রিভনগী মহুত্তা দিমান্দ-দ্রিভন ওইহনবা পাম্মি। খুঙ্গংমক্তদা মসিগী অপাম্বা অসি শেমগৎকদবনি।
ঐখোয় ঐখোয়গী ৱাখল্লোন্দা অহোংবা পুরকপা তাই। ঐখোয়না পুম্নমক্কী থমোই পুন্সিলহনগদবনি।’ মহৌশানা এম পিশিংনা রাজনীতিগী থবক তৌগনি, অদুবু মসিগী তুংদদি মখোয় খুলদা লাক্লবা মতুংদা রাজনীতিগী থবক তৌররোই। ইমুং অমগী মওংদা ওইরনি। খূঙ্গংগী মীয়ামগা ফম্মীন্নরগা ৱারেপ লৌগনি। মসিনা পাঙ্গল হাপকনি অমসুং খূঙ্গং পুন্সিনগনি।’
মহাত্মা গান্ধিগী ফিদম্নফম ওইবা ভারতকী খূঙ্গং অমগী মঙলান অদু মঙফাওননা পান্দমদা ২০১৪গী ওক্টোবর ১১ দা সংসদ আদর্শ গ্রাম য়োজনা (এস এ জি ৱাই ) হৌদোকখি। (এস এ জি ৱাইগী মখাদা এম পী অমমম্না গ্রাম পঞ্চায়ৎ অমা কোনশিনগনি অমসুং চাওখৎ থৌরাংগী থবকশিং পায়খৎকনি। “আদর্শ গ্রাম”শিং অতৈ গ্রাম পঞ্চায়ৎশিং পুক্নিং থৌগৎপা ওইনা খূঙ্গং চাওখৎহনবগী স্কুল ওইরক্লগনি।
এম পীগী লমজিং মখাদা খুঞ্জাশিং য়াওহন্দুনা অমসুং বিগ্যানগী ওইবা খূৎলাইশিং শীজিন্নদুনা খূঙ্গং চাওখৎহনবগী থৌরাং শেম্লে। অকুপ্পা প্রোজেক্ত রিপোর্ত শেম্লবা মতুংদা বিভাগশিংনা রাজ্য সরকারশিংদা পীশিনগনি। স্তেৎ লেভেল এম্পাৱর কম্মিতীনা হন্না য়েংশিনগনি, শেমদোক্নবা পাউতাক পীগনি অমসুং ফন্দ পীনবা মীৎয়েং চংগনি। এস এ জি ৱাই গ্রাম পঞ্চায়ৎ প্রোজেক্তশিংদা য়াওহন্নবা ভারত সরকারগী মন্ত্রালয়শিং অমসুং বিভাগশিংনা স্কীম ২১ শেমদোক্লে।
গ্রাম পঞ্চায়ৎ অমমমগী থবক য়েংশিন্নবা এম পীনা চেরপর্সন ওইদুনা জিলাগী থাক্তা থা খুদিংগী মীফম পাংথোক্লে। মরি লৈনবা বিভাগশিংগী মীহুৎশিং য়াওহন্দুনা প্রোজেক্তশিং য়েংশিল্লে অমসুং মদু রাজ্য সরকারদা খঙহল্লি। মোদেল ওইনা ২০১৬দা এম পী অমমম্না গ্রাম পঞ্চায়ৎ অমা, ২০১৯ দা অনি অমসুং ২০২৪ দা মঙা শেমগৎকনি। হৌজিক ফাওবদা ভারত শিনবা থুংনা এম পীশিংনা গ্রাম পঞ্চায়ৎ ৬৯৬ কোনশিল্লে।
থবক মপুং ফানা দাইত্ব লৈনা পায়খৎনবা য়েংশিন্নবা দিস্ত্রিক্ত কলেক্তর অমমম্না সেনিয়র ওইরবা চার্জ ওফিসর অমা হাপ্লে। রুরেল দিভেলপমেন্ত মন্ত্রালয়না শীন্দুনা ভারত শীনবা থুংনা মফম ৯ দা চার্জ ওফিসার ৬৫৩গী ত্রেনিং পাংথোকখ্রে। রুরেল দিভেলপমেন্ত মন্ত্রালয়না শীন্দুনা ২০১৫গী সেপ্তেম্বর ২৩-২৪ দা জাতিগী ৱার্কশোপ অমা পাংথোকখ্রে। মদুদা এম পীশিং, রাজ্য সরকারশিং, দিস্ত্রিক্ত কলেক্তরশিং অমসুং রাজ্যশিংগী গ্রাম প্রধানশিংদা চেবাউ পীখি। এস এ জি ৱাই গ্রাম পঞ্চায়ৎশিংনা চৎননবা রুরেল দিভেলপমেন্ত মন্ত্রালয়গী নেসনেল লেভেল কম্মিতিনা খনগৎলবা অফবা থবকশিং মেলা ওইনা উৎখি। এস এ জি ৱাই গ্রাম পঞ্চায়ৎশিংগী থবক য়েংশিন্নবা পঞ্চায়ৎ দরপন কৌবা ইন্দিকেতর ৩৫ মন্ত্রালয়না পুথোকখি।
মায়পাকপগী ৱারী খরা :
লাদরৱান খুঙ্গং, ত্রেগ্রাম ব্লোক, কুপৱারা জিলা, জম্মু অমসুং কাশ্মীরগী মীয়ামগী মরুওইবা শিনফমদি লৌ উবনি। বীগ্যান্নিক ওইনা লৌ উনবা লৌমীশিংনা মোবাইল নম্বর ৩৭৯গা কৃশি বীগ্যান কেন্দ্রশিং (কে ভি কে )গা পাউ ফাওনরি। নোং-চিংগী পাউ অমসুং অখন্নবা মহৈ-মরোং অমগী পায়খৎকদবা থৌরাংশিং কে ভি কেনা লৌমীশিংদা এস এম এসগী খুৎথাংদা পাউ পীরক্কনি।থবক অসি এম পী মুজফর হুসেন বাইগকী লমজিং মখাদা পায়খৎপনি। মসিগী মহৈ ওইনা লৌমীশিংনা মোবাইলদা লৌউ-শিংউগী পাউ ফংবা ঙম্লে। ফংলিবা পাউশিং অদুগী মনুংদা মহৈ-মরোং থানবগী মওং, লৈবাক লৈহাও চাংয়েং তৌবা, লায়না-তিলনাদগী ঙাকথোকপা, মহৈ-মরোং লোকপগী মওং অমসুং কদাইদা য়োনগদগে হায়বা য়াওরি। মসিনা লৌমীশিংনা মহৈ-মরোং পুথোকপা অমসুং মহৈ-মরোং য়োনবগী মতাংদা মশাগী ফিরেপ অমা লৌবা ঙমহল্লে।
রাজ্য সভাগী এম পী দা: ই এম সুদরসন নাতচিয়াপননা তামিল নাদুগী সিবগঙ্গা জিলাগী মরাভামঙ্গালম অসি আদর্শ গ্রাম ওইনা খনখি। খুল অদুগী মীয়ামগী হিংবগী লম্বী ফগৎহন্নবা অমসুং চাওখৎথৌরাংগী থবকশিং পায়খৎকদবা তঙাইফদবশিং অদু এম পীনা মশক খঙদোকখি। মীয়ামদা য়ুবী, য়ুবী মকু অমসুং শউনগী ত্রেনিংশিং পীখি। জিলাগী লৈঙাক অমসুং অলাগাপা য়ুনিভর্সিতীগা খুৎশম্নদুনা এম পীনা মীয়াম খঙহন্নবা থৌরম কয়া পাংথোকখি। কোইর বোর্দ ওফ ইন্দিয়া, কোকোনত দিভেলপমেন্ত বোর্দ ওফ ইন্দিয়া অমসুং সেন্ত্রল লেদর রিসর্স ইন্সতিত্যুৎকা খুৎশম্নদুনা মহাক্না অখন্নবা ত্রেনিং কয়া পীনবা হোৎনখি।
মীয়াম মায়পাক্লবা ইন্ত্ররপ্রিনরশিং ওইহন্নবা থা অনিগী কোইর ত্রেনিং পীনবা মহাক্না ত্রেনিং ইন্সতিত্যুৎশিংগা চৎমিন্নখি। কোইর ত্রেনিংগী নুপী ১২০, লেদর ত্রেনিংগী মীওই ১১২ অমসুং য়ুবীগী ত্রেনিং নুপা ২৭ দা পীখি। ত্রেনিং লোইরবা মতুংদা মায়পাক্লবা ত্রেনিশিংনা মখোয় মশাগী থবক হৌনবা ত্রেনিং পীরিবশিং অমসুং জিলা লৈঙাক অনিনা শেন্থং পীগনি।
এম পী বিদয়ুদ বারান মহাতোনা মহাক্কী বাঙ্গুরদগী এদোপতেদ গ্রাম পঞ্চায়ৎদনা জারখন্দগী নোংপোক সিংবুমগী মনুং হুনজিনবা মফমদা লৈবা ইনখৎলক্লিবী নুপীমচাশিংগী হকশেলগী ফিভম ফগৎনবা থবক কয়া লৌখৎখি। মরুওইনা নুপীশিং অমসুং ইনখৎলক্লিবী নুপীমচাশিং ঈ ৱাৎপা অমসুং অতৈ লায়না কয়া মায়োক্নরম্মী। কস্তুরবা গান্ধী বিদ্যলয়াদা হেল্থ কেম্প পাংথোক্তুনা ইনখৎলক্লিবী নুপীমচা ১৮৮ লায়েংখি। কেম্প অদুগী মহৈ ওইনা খুন্নাইগী চৎনবীনা মরম ওইদুনা নুপীমচাশিং ফিনুংগী লায়না, ঈশিং মরীগী লায়না অমসুং উনশাগী লায়না কয়া নারম্বা থেংনখি।
অনাবশিং অদু হকচাং মোৎপা অমসুং অকোয়বগী ফিভম মোৎপদগী ওইরকপনি হায়বা খঙবা ঙমখি। নুপীশিং অমসুং ইনখৎলক্লিবী নুপীমচাশিং হকচাং লু-নান্না লৈবগী মতাংদা ভাব তাহন্নবা থবক লৌখৎলে। মসিনা খুলশিংদা চাংনাইনা পায়খৎকদবা থৌরাং অমা ওইরগনি।
[ 
