ভারতকী প্রধানমন্ত্রী
ঐখোয়গী লাইশোন অসি মসি ওইগদবনিঃ ‘ইচানুপা ইচানুপী, অমত্তনি’’
“ইচানুপী পোকপদা ঐখোয় নুংঙাইবা ফোংদোকসি। ঐখোয় ইচা নুপীগীদমক্তসু চাওথোকচগদবনি। ঐনা ৱাফম অসি থমজরি মদুদি অদোমগী ইচা নুপী পোকপা মতমদা নুংঙাইবা ফোংদোকপা ওইনা উপাল মঙা থাবীয়ু।” – প্রধান মন্ত্রী নরেন্দ্র মোদীনা মহাক্কী খুঙ্গং জয়পুরগী মীয়ামদা ফোংদোকখিবা ৷
বেতি বচাও বেতি পঢ়াও (বি বি বি পি) অসি জু্ন্যুৱারী ২২, ২০১৫দা হরিয়ানাগী পানিপৎতা প্রধান মন্ত্রীনা হৌদোকখি। বি বি বি পিনা হন্থরক্লিবা চাইল্দ সেক্স রেসিও (সি এস আর) অমসুং পুন্সি চুপ্পগী নুপীদা শক্তি পীবগা মরি লৈনবা হিরমশিংগী মতাংদা ফোংদোক্লি। মসি নুপী অমসুং অঙাংশিংগী চাওখৎ-থৌরাং, হকশেল অমসুং য়াইফ-য়ুম্বাল অমসুং হ্যুমেন রিসোর্স মন্ত্রালয় অহুম্না পাইখৎপা থৌরাং অমনি।
স্কিম অসিগী অহানবা তাঙ্কক্তা য়াওবা মরু ওইবা মচাকশিংদি পি সি & পি এন দি তি এক্ত চৎনহনবা, লৈবাক শিনবা থুংনা খঙহনবা অমসুং শন্দোকপগী খোংজং চংশিনবা লোইননা খনগৎলবা জিলা ১০০ (সি এস আর হন্থবা মফম)দা তোঙান তোঙানবা হিরমশিংদা মরি লৈনবা থবকশিং পাইখৎপা। মখোংদগী হৌরগা মীয়ামদা ত্রেনীং পীদুনা, খঙহন-উহন্দুনা লোইননা কাংলুপ নাইনা পুন্সিলহন্দুনা মখোয়গী ৱাখল্লোন অদুবু হোংদোকহন্নবা কন্না হোৎনরি।
এন দি এ সরকারনা অঙাং নুপী মচাগী মফমদা য়েংলিবা খুন্নাইগী মিয়েং অসিবু হোংদোক হন্নবা হোৎনরি। প্রধান মন্ত্রী মোদীনা মহাক্কী মন কী বাত্তা ‘সেল্ফি ৱিথ দোতর’গী অনৌবা খোংথাং অমা হৌদোকখিবা হরিয়ানাগী বিবিপুরগী সর্পঞ্চ অমবু থাগৎপা ফোংদোকখি। প্রধান মন্ত্রীনা মীয়ামদা মচা নুপীশিংগা লোইননা সেল্ফি থারক্নবসু খঙহনখি অমসুং মদু অথুবা মতমদা মালেম শিনবা থুংনা ফাওখি। ভারত অমসুং মালেমগী লৈবাক কয়া মরুমগী মীয়াম্না মচা নুপীশিংগা নম্মিন্নবা মখোয়গী সেল্ফিসশিং থানরকখি অমসুং মসিনা মচা নুপী পোকচবশিংদা চাওথোকচনীংঙাইগী মরম অমা ওইহনখি।
বেতী বচাও বেতী পঢ়াও পায়খৎপদগী রাজ্যশিংদা দিষ্ট্রিক্ত এক্সন প্লান থবক ওইনা পায়খৎলে। মাংজিল থানা থবক তৌরিবশিং অমসুং দিষ্ট্রিক্ত লেভেল ওফিসরশিং হৈশিংবা হেনগৎহন্নবা ত্রেনরশিংদা ত্রেনিং কয়া পীখ্রে। ২০১৫ গী এপ্রিল-ওক্তোবরদা ৱুমেন এন্দ চাইল্দ দিভেলপমেন্ত মিনিস্ত্রীনা শীন্দুনা ত্রেনিং মাপন পাংথোকখ্রে ।
পায়খৎলবা থবক খরা
বেতী বচাও বেতী পঢ়াও স্কীমগী মখাদা পীথোরাগর জিলাদা নুপীমচাশিং ঙাকশেন্নবা অমসুং লাইরিক তমহন্নবা থবক কয়া পায়খৎলে। দিষ্ট্রিক্ত তাক্স ফোর্স অমসুং ব্লোক তাক্স ফোর্স শেম্লে। লুপশিং অসিগী মীফম কয়া পাংথোক্লে অমসুং চাইল্দ সেক্স রেসিওগা মরী লৈননা থবক কয়া লৌখৎলে। মীয়ামদা স্কীম অসি পাকশন্না খঙহন্নবা থবক কয়া লৌখৎলে। স্কুলশিং, আর্মী স্কুলশিং অমসুং সরকারগী বিভাগশিংগী কর্ম্মচারিশিং শরুক য়াহন্দুনা রেলি কয়া পাংথোক্লি। বেতী বচাও বেতী পঢ়াও স্কীম পাকশন্না খঙহন্নবা পীথোরাগর জিলাদা লম্বীগী লিলা কয়া উৎলি। লম্বীগী লিলাশিং খুলশিংদা উৎপতা নত্তনা মীয়াম পাকশন্না খঙহন্নবা কৈথেলশিংদশু উৎলি। লিলাগী ৱারি অদুনা মীয়ামদা পুকনুংদা লৈরিবা অঙাং নুপী মাঙহনবগী খুদোংচাদবশিং উৎলি । খুয়েক কেম্পেন, ৱাশক লৌবগী খূৎথাংদা পিজি কোলেজশিংগী মহৈরোয় ৭০০ অমসুং আর্মী পরশোনেল কয়াদা বেতী বচাও বেতী পঢ়াও স্কীমগী পাউজেল পীরে।
পঞ্জাবকী মনসা জিলাদা নুপীমচাশিং লাইরিক তমহন্নবগী থৌরাং কয়া লৌখৎলে। “উরান সপনে দি দুনিয়া দে রুবরু ” স্কীমগী মখাদা মনশাগী লৈঙাক্না ক্লাস সিক্স-তুয়েল্বকী নুপীমচাশিংদগী মখোয়গী অপাম্বা থবক ওইনা পাংথোক্নবা কৌরি। মখোয়গী পুক্নিং থৌগৎনবা নুপীমচাশিং অসি নোংমা চুপ্না দোক্তর, পুলিস, ইঞ্জিনীয়র, আই এ এস অমসুং পি পি এস ওফিসরশিংগা উনবগী খুদোংচাবা পীরি।
থবক অসি য়াম্না মায়পাক্লে, মখোয়না করম্না ওফিসতা থবক তৌরি হায়বা য়েংনবগী খুদোংচাবা ফংবগা লোয়ননা মহৈরোয়শিং অদুগী তুংগী শিনফম খনবদা মতেং ওইরি। মহৈরোয় ৭০ হেন্না মসিগী খুদোংচাবা ফংখ্রে।
[ 
[ 
