ভারতকী প্রধানমন্ত্রী

এক্সেলেন্সিশিং,

বিজিনে অমসুং ইন্দস্ত্রীদী কেপতেনশিং,

ইচল ইচে অমসুং মরুপ মপাংশিং,

ফুদ প্রোসেসিং সেক্তরগী গ্লোবেল লিদরশিং অমসুং দিসিজন মেকরশিংগী ওইবা মসিগী অগস্ত  গেদরিংগী শরুক অমা ওইবা ফংবা অসিদা ঐহাক নুঙাইবা ফাওই। ময়াম পুম্নমকপু ঐহাক্না ৱার্ল্দ ফুদ ইন্দিয়া ২০১৭দা তরাম্না ওকচরি ।

থৌরম অসিনা ময়াম পুম্নমক্না ভারত্তা ঙাইরিবা অদুগুম্বা খুদোংচাবশিং অদু অদোম্বু ফংহল্লগনি । মসিনা ফুদ প্রোসেসিং ফুদ চেন্দা ঐখোয়গী পোতেন্সিয়েল অদু উৎলগনি । মসিনা ম্যুচেল প্রোসপেরিতীগীদমক তোঙান তোঙানবা স্তেকহোল্দর অমসুং কোলাবোরেতশিংগা লোইননা শম্নহন্নবা প্লেতফোর্ম অমা ফংহল্লগনি । অমসুং মসিনা মালেম শিনবা থুংনা মহাওগীদমক মমীং চৎলবা মথেল খরা অদোমগী মফমদা খুদোল তম্লগনি ।

ইচল ইচে অমসুং মরুপ মপাংশিং,

লৌউ শিংউবগী লমদা ভারতকী মপাঙ্গল অসি তোঙান তোঙান্না অমসুং মখল মখা কয়া থোক্না য়েংবা য়াই । লৌউ শিংউবা য়াবা মফম লৈবদা মালেমদা অনিশুবা ওইরিবা অমসুং এগ্রো-ক্লাইমেতিক জোন ১২৭ লৈরিবা, মদুনা লফোয়, হৈনৌ, পুংথোল, অৱাথবি অমসুং ওকরাগুম্বা মশিং য়াম্লবা পোৎথোকশিং পুথোকপদা মালেমদা মাংজিল থারি । চেং, গেহু, ঙা, উহৈ অমসুং মনা মশিং পুথোকপদা মালেমদা অনিশুবা মফমদা লৈরি । ভারত অসি মালেমদা শঙ্গোম খ্বাইদগী পুথোকপা লৈবাক ওইরি । ঐখোয়গী হোর্তিকলচর সেক্তরনশু হৌখিবা চহি তরা অসিদা চহিদা চাদা ৫.৫গী চাংদা হেঙ্গৎলক্লি ।

চহি চা কয়াদগী ঐখোয়গী অখন্নবা মরু মরাংবু থিদুনা অথাপ্পা লমদমদগী লাক্লিবা ললোনবশিংবু ভারতনা তরাম্না ওক্লি । মখোয়গী ভারতকী খোংচৎশিং অদুনা তোয়না পুৱারিগী মচাক ওইরি । মরু মরাংগী খুথাংদা য়ুরোপ অমসুং সাউথ ইস্ত এসিয়াগা লোয়ননা ঐখোয়গী ললোন মরি অসি ময়াম্না খংনরি । ক্রিসতোফর কলম্বস ফাওবা ভারতকী মরু মরাংদা পুক্নিং চিংশিল্লমী অমসুং ভারত য়ৌনবা লম্বী থিবদা অমেরিকা য়ৌখিরম্মী ।

ফুদ প্রোসেসিং অসি ভারত্তা পুন্সিগী শরুক অমনি । মসি চহি কয়াদগী অপিকপা ইমুং মনুংদফাওবা চৎথদুনা লাক্লি । অচম্বা য়ুমগী ওইবা তেক্নিকশিং শিজিন্নদুনা  শেমলবা অচার, পাপর, চৎতনি অমসুং মুরাবসশিং হৌজিক্তি মালেম পুম্বদা য়াম্না পাম্নরি । 

ইচল ইচে অমসুং মরুপ মপাংশিং,

মতম খরগী ওইনা অচৌবা পিকচর অমাদা য়েংলশি ।

ঙসিদি ভারত অসি মালেমদা শেল থুমগী ফিভমদা য়াম্না থুনা চাওখৎলক্লিবা লৈবাক অমা ওইরে । জিএসতিনা তেক্সশিংগী মল্তিপ্লিসিতী মুৎথৎলে । চহি অসিদা ভারতনা ৱার্ল্দ বেঙ্ক দুইং বিজিনেস রেঙ্কিংদা মফম কুন্থ্রাতরুক হায়গৎলে । মসি ভারতকী ওইনা হৌজিক ফাওবগী খ্বাইদগী ফবা ওইরি অমসুং চহি অসিদা লৈবাক পুম্নমক্তা মফম খ্বাইদগী য়াম্না চোংবা ওইরি । ২০১৪দা রেঙ্ক ১৪২ লৈবম্বা অদুদগী হৌজিক ঐখোয় মকোকথোংবা চামগী মনুং চল্লে ।

ভারত অসি ২০১৬তা গ্রীনফীল্দ ইনভেস্তমেন্তদা অহানবা মফম কনবা ঙম্লে । গ্লোবেল ইনোভেসন ইন্দেক্স, গ্লোবেল লোজিস্তিক্স ইন্দেক্স অমসুং গ্লোবেল কম্পেতিতীবনেস ইন্দেক্সতা ভারত ফিভম অসি য়াম্না থুনা ফগৎলক্লি ।

ভারত্তা অনৌবা কর্বার অমা হৌবা অসি মমাগা য়েংনরুবদা লাইথোকহল্লে । তোঙান তোঙানবা এজেন্সিশিংদগী ক্লিয়ারেন্স ফংনবা প্রোসিদ্যুরশিং লাইথোকহল্লে । অরিবা লোশিংগী মহুৎ অনৌবা লোশিং হৌদোক্লে অমসুং কমপ্লাইন্সশিংগী পোৎলুমশিং হন্থহল্লে ।

হৌজিক ঐহাক অকন্ননা ফুদ প্রোসেশিংরোমদা অমুক হায়জরগে ।

সরকার অসিনা পাক চাওরবা ত্রান্সফোর্মেস্নেল ইনিসিয়েতিবশিং পায়খৎলে । সেক্তর অসিদা হৌজিক ভারত অসি খ্বাইদগী চান্নবা ইনভেস্তমেন্তকী মফম অদু ওইরে । মসি ঐখোয়গী মেক ইন ইন্দিয়া প্রোগ্রামদা মাংজিল থারিবা সেক্তর অমনি । ভারত্তা ই-কমর্স য়াওনা চান থক্নবা শেম্বা নত্রগা পুথোকপগী ত্রেদিংগীদমক হৌজিক চাদা ১০০ এফদিআই অয়াবা পিরে । সিঙ্গল ৱিন্দো ফেসিলেতেসন সেলনা মীরমগী শেল থাদবশিংগীদমক মতেং ফংহল্লে ।

মফম অসিদা কেন্দ্র অমসুং রাজ্য সরকারশিংদগী পুক্নিং চিংশিন্নিঙাই ওইবা ফিস্কেল ইন্সেন্তিবশিং পিরে । ফুদ অমসুং এগ্রো বেজ প্রোসেসিং য়ুনিতশিং অমসুং কোল্দ চেনশিংদা লোন ফংহনবদা প্রায়োরিতী সেক্তর লেন্দিংগী মখাদা ক্লাসিফাইদ তৌরে, মখোয়বু ফংহনবদা লায়থোকহল্লে অমসুং হোংনা ফংহল্লে ।

নিবেশ বনধু নত্রগা ইনভেস্তর ফ্রেন্দ কৌবা অখন্নবা পোর্তেল অদু ঐখোয়না হন্দক্তা হৌদোক্লে, ফুদ প্রোসেসিং সেক্তরগীদমক কেন্দ্র অমসুং রাজ্য সরকারগী থৌশিলশিং অমসুং ইন্সেন্তিবশিং ফংহল্লিবা অদুগী ই-পাও পুন্না পুরক্লে । মসিনা প্রোসেসিংগী মথৌতাবশিং অদুগা লোয়ননা লোকেল লেভেলদা রিসোর্সশিং খংদোক্লে । মসি ফার্মরশিং, প্রোসেসরশিং, ত্রেদরশিং অমসুং লোজিস্তিক ওপরেতরশিংগীদমক বিজিনেস নেতৱার্ক্কী প্লেতফোর্ম অমনি ।

মরূপশিং,

ভেলু চেন অদুগী তাঙ্কক কয়াদা প্রাইভেত সেক্তরশিংনা শরুক য়াবা হেঙ্গৎলে । অদুম ওইনমক কন্ত্রেক্ত ফার্মীং, রো মেতরিয়েল সোর্সিং অমসুং এগ্রি লিঙ্ককেজ ক্রিয়েত তৌবদা অহেনবা ইনভেস্তমেন্ত মথৌ তারি । ইন্তরনেস্নেল কম্পেনি কয়া অমা ভারত্তা কন্ত্রেক্ত ফার্মীং ইনিসিয়েতিবশিংদা মাং থারি । ভারতপু মরুওইবা আউতসোর্সিং হবকী মওংদা উহন্নবা গ্লোবেল সুপর মার্কেতকীদমক্তা মসি ক্লিয়ার ওপোর্চুনিতী অমনি ।

নাকল অমদা প্রাইমারি প্রোসেসিং অমসুং স্তোরেজ, প্রিজার্বেসন ইনফ্রাস্ত্রকচর, কোল্দ চেন অমসুং রেফ্রিজরেতেদ ত্রান্সপোর্তেসনগুম্বা পোস্ত হার্বেস্ত মেনেজমেন্ততা খুদোংচাবশিং লৈরি । অতোপ্পা নাকল অমরোমদনা ওর্গানিক অমসুং ফোর্তিফাইদ ফুদশিং অসিনচিংবা নিচে এরিয়াশিংদা মরুওইনা ফুদ প্রোসেসিং অমসুং ভেলু এদিসনগীদমক ইম্মেন্স পোতেসিয়েলশিং লৈরি । চাওখৎপা হেঙ্গৎলকপা অমসুং মিদল ক্লাস মশিং য়ামখৎলকপনা মরম ওইদুনা মচি ওইবা অমসুং প্রোসেস তৌরবা চিঞ্জাক্কী মথৌ তাবা হেঙ্গৎলক্লি । ভারত্তা নোংমদা ত্রেন্দা তোংদুনা চৎলিবা কোতী অমা হেনবনা চাক চারি । মখোয়গী মরক্তা মীওই খুদিংমক ফুদ প্রোসেসিং ইন্দস্ত্রীগী কস্তমরশিংনি । 

ইচল ইচে ইচিল ইনাওশিং,

মালেমগী ওইনা পুন্সি মহিংনা পুরকপা লৈনা হেঙ্গৎলক্লি । খুৎশেমগী মচু, কেমিকেলশিং অমসুং প্রিজার্বেসন শিজিন্নবা হেঙ্গৎলক্লি । ভারতনা মসিগী সোলুসন অমসুং ৱিন ৱিন পার্তনরশিপ ফংহনবা ঙমগনি । অনৌবা তেক্নোলোজী, প্রোসেসিং অমসুং পেকেজিংগা লোয়ননা ভারতকী ত্রেদিস্নেল ওইবা চিঞ্জাক্কী অপুন্বা শক্তমনা মালেমবু হকশেলগী ওইবা কান্নবা ফংহনবা ঙমগনি খুদম ওইনা য়াইঙং, শীং, অমসুং তুলশীগী অশেংবা মহাও অদুনা মতেং পিবা ঙমহল্লগনি । ভারত্তা শেম শারিবা চিঞ্জাকশিং অদু ফুদ সেফতী অমসুং স্তেনদর্দ ওথোরিতী ওফ ইন্দিয়ানা শোয়হন্দনবা হোৎনদুনা গ্লোবেল ক্বালিতী অদু ফংহন্নবা হোৎনরি ।

 ঐখোয়না ইকায় খুম্ননা অন্নাদাতা হায়না কৌরিবা লৌমীশিং অদুনা ঐখোয়গী ফুদ প্রোসেসিংদা মরু ওইবা থৌদাং লৌরি । চহি মঙাগী মনুংদা ফার্মগী শেন্থোক শরুক অনি ওইহন্নবা ঐখোয়গী অহানবা পান্দম থম্লি । হন্দক্তা ঐখোয়না নেস্নেল লেভেল প্রোগ্রাম প্রধানমন্ত্রী কিষান সম্পদা য়োজনা হৌদোকখ্রে মদুনা ৱার্ল্দ ক্লাস ফুদ প্রোসেসিং ইনফ্রাস্ত্রকচর শেমলগনি । মসিনা য়ুএস দোলর বিলিয়ন মঙা চাদিং তৌদুনা লৌমী মিলিয়ন অনিদা কান্নবা ফংহল্লগনি অমসুং লাক্কদৌরিবা চহি অহুম অসিদা মীওই লাখ য়াঙ্খৈদা থবক ফংহল্লগনি হায়না পান্নরি ।

মেগা ফুদ পার্কশিং শেমগৎপনা স্কিম অসিগী মরুওইবা মচাক ওইগনি । ফুদ পার্কশিং অদুগী খুথাংদা ঐখোয়না এগ্রো প্রোসেসিং ক্লসতরশিং অদু মরুওইবা প্রদক্সন সেন্তরশিংগা লোয়ননা শম্নহন্নবা পান্দম থম্লি । মসিনা অলু, কিহোম, কোম্লা অমসুং সেমগুম্বা পোৎথোকশিংদা মতিক চাবা মমল অদু ফংহল্লগনি । মসিগী পার্কশিং অসিদা য়ুনিতশিং শেমগৎনবা লৌমীশিংদা পুক্নিং থৌগৎলি । মদুনা খুৎশুমল অমসুং ত্রান্সপোর্তেশনগী মমল হন্থহল্লগনি অমসুং অনৌবা থবক ফংহল্লগনি । অসিগুম্বা মখলগী পার্ক মাপল হান্ননা থবক হৌখ্রে অমসুং অতোপ্পা কুন্থ্রা হেনবনা লৈবাক্কী তোঙান তোঙানবা মফমদা হৌনবা থবক চৎথরি ।

মরূপশিং,

ভারতকী কৈথেলদা মায় পাক্নবা, ভারতকী চাকচা য়ুথকশিং অদু খংজিন্দুনা অমসুং মহাওগী মরুওইবা মথৌতাবা অদু পাংথোক্লি । ময়ামদা খুদম অমা পিরবদা শঙ্গোমদা য়ুমফম ওইবা পোৎথোকশিং অমসুং হৈ মহিদা য়ুমফম ওইবা থক্নবশিং অসি ভারতকী চাকচা য়ুথক্কী মরুওইবা শরুক অমনি । মরম অদুনা ঐহাক্না এইরেতেদ দ্রিঙ্কশিং শেম শানবা সজেস্ত তৌরি । পুদ প্রোসেসিংনা ন্যুত্রিসন সেক্যুরিতীদশু সোলুসন পুথোক্লি । খুদম ওইনা ঐখোয়গী মরু মরাং অমসুং হৱাই চেংৱাই অসি ন্যুত্রিসন ভেলু য়াম্না ৱাংই । মখোয়শিং অসি এগ্রো ক্লাইমেত কন্দিসনদশু থম্বা য়াই । মখোয়শিং অসি ন্যুত্রিসন রিচ এণ্ড ক্লাইমেত স্মার্ত ক্রোপশিং কৌই ।

ঐখোয়গী পোতেন্সিয়েল অসি মালেমগী মথৌতাবশিং অসিদা শম্নহনবা ঙমগদ্রা? মীওইবগী তুংদা ওইরক্কদবা অসিদা ভারতকী ত্রেদিসন অসি শম্নহনবা ঙম্লগদ্রা? ভারতকী লৌমীশিংবু ঐখোয়না মালেমগী কৈথেলশিংগা শম্নহনবা ঙম্লগদ্রা ? ৱাহংশিং অসি ঐহাক্না ময়ামদা থমনিংলিবা অদুনি । ঐহাক্না থাজবা থম্লি মদুদি ৱার্ল্দ ফুদ ইন্দিয়ানা মায়কৈ অশোমদা অকনবা খোংথাং খরা লৌখৎলক্কনি । থৌরম অসিদা ভারতকী থোং থাকপগী ৱারি অদু লিরদুনা পোস্ত দিপার্তমেন্তনা নিংশিংনিঙায় ওইরবা পোস্তেজ স্তাম্প ২৪গী সেত অমা রিলিজ তৌরকপদশু ঐহাক্না নুঙায়বা ফাওই ।

ইচল ইচে অমসুং ইচিল ইনাওশিং,

ভারতকী ফুদ প্রোসেসিং সেক্তরগী অঙকপা ফংনা চাওখৎলক্লিবা খোংচৎতা শরু য়ানবা ঐহাক্না ময়াম পুম্নমকপু বার্তন তৌজরি । তেংবাংগী মথৌ তারকপা মতমদা থৱাই হকচাং য়াওনা মতেং পাংগনি হায়না ঐহাক্না থাজবা পিজরি ।

লাকপিরো । ভারত্তা শেল থাদবিরো ।

ফার্মদগী ফোর্ক ফাওবগী মপাল নাইদ্রবা খুদোংচাবা অদুগা লোয়নবা মফম অসিদা  

থৌশিল অমসুং য়াইফবা পুথোক্লিবা মফম অসিদা

ভারতকীদম অমসুং পৃথীবি অসিগীদমক ।

ময়াম্বু থাগৎচরি ।

 **