ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা প্রধানমন্ত্রী আৱাস য়োজনা (শহর)গী মখাদা ময়াই ওইবা চাগা লাকপা কাংলুপশিং (এমআইজি)গীদমক্তা ক্রেদিৎ লিঙ্ক সব্সিদী স্কিম (সিএলএসএস)গী মখাদা শেন্দোয়গী সব্সিদীগীদমক্তা য়ুমশিংগী কার্পেৎ এরিয়া চাওথোকহনখ্রে।

স্কিম অসিগী পাক চাওবা, কবরেজ অমসুং য়ৌশিনবা হেনগৎন্নবগীদমক্তা মন্ত্রীমন্দলনা মখাগী অসিদা অয়াবা পীখ্রেঃ

1. সিএলএসএসকী এমআইজি–১ কেতেগোরীদা কার্পেৎ এরিয়া অসি হৌজিক্কী লৈরিবা স্ক্যার মিতর ৯০ অসিদগী হেনগৎতুনা স্ক্যার মিতর ১২০ ফাওবা ওইহনখ্রে অমসুং সিএলএসএসকী এমআইজি–২ কেতেগোরীগী মতাংদা কার্পেৎ এরিয়া অসি হৌজিক্কী লৈরিবা স্ক্যার মিতর ১১০ অসিদগী হেনগৎতুনা স্ক্যার মিতর ১৫০ ফাওবা ওইহনখ্রে।
2. অহোংবা অসি ০১.০১.২০১৭তগী চৎনবা হৌগনি হায়বদি এমআইজিগীদমক্তা সিএলএসএস চৎনবা হৌখিবা নুমিৎ অদুদগী।

এমআইজিগীদমক্তা সিএলএসএস অসিনা শহরগী য়ুম লৈতবগী শিংনবশিং অসি হনথহনবদা য়াম্নমক মতেং ওইরগনি। মসি শন্দোইদা সব্সিদী পীবা স্কিমগী কান্নবশিংবু ময়াই ওইনা চাগা লাকপা কাংলুপশিংদা ফংহনবগী অহৌবা খোংথাং অমনি।

এমআইজিগীদমক্তা সিএলএসএসনা এমআইজিদা চাগাগী শরুক অনি হায়বদি লুপা ৬,০০,০০১দগী হৌরগা লুপা লাখ ১২ (এমআইজি–১) অমসুং লুপা ১২,০০,০০১দগী হৌরগা লুপা লাখ ১৮ (এমআইজি–২) অসি চহি খুদিংগী কবর তৌই। এমআইজি–১দা লুপা লাখ ৯ ফাওবা লোন্দা চাদা মরিগী শেন্দোইগী সব্সিদী পীরি অদুমকপু এমআইজি–২দা লুপা লাখ ১২গী লোনগীদমক্তা চাদা অহুমগী শেন্দোইগী সব্সিদী পীরি।

সিএলএসএসকীদমক্তা এমআইজি অসি হৌজিক্কী ওইনা মার্চ ৩১, ২০১৯ ফাওবা চৎনগনি।

শাফু

• স্ক্যার মিতর ১২০ অমসুং ১৫০ অসি নীংথিজনা পাক-চাওরে হায়না লৌরি অমসুং মসিনা স্কিম অসিদা লেপথোক্লিবা চাগা লাক্লিবা কাংলুপ অনি অসিগা মরি লৈনবা এমআইজিনা মহৌশা ওইবা মওংদা স্কাউতেদ বাজারগী তঙাইফদবশিং ফংহনগনি।
• কার্পেত এরিয়া পাকথোকপা অসিনা দিব্লেপর প্রোজেক্তশিংদা মরন্নাই ওইনা এম১ কেতেগোরীদা হেন্না ফবা খনবা ঙমহল্লগনি।
• হেনগৎলকপা কার্পেত এরিয়ানা চুনবা য়ুমগী কাংলুপশিংদা শেম-শারবা ফ্লেৎশিং য়োনবদা পুক্নীং থৌগৎকনি।

য়ুম্ফম

হাউসিং অমসুং অর্বান এফ্যার মন্ত্রালয় অসি প্রধানমন্ত্রী আৱাস য়োজনা (শহর)গী মখাদা ময়াই ওইনা চাগা লাকপা কাংলুপ (সিএলএসএস)কীদমক্তা এমআইজিগী ক্রেদিৎ লিঙ্ক সব্সিদী স্কিম অসি তাং ০১.০১.২০১৭তগী চৎনবা হৌরি। হাউসিং লোনগী কান্নবা অসি লাইরবশিংদা য়ৌহনবা অমসুং ময়াই ওইবা চাগা লাকপা কাংলুপশিংগীদমক্তা হাউসিং লোনগী অনৌবা সোন্দোইদা সব্সিদী পীবা স্কিম অসি ইকাই খুম্নমরবা প্রধানমন্ত্রীজীনা লৈবাক মীয়ামদা তাং ৩১.১২.২০১৬তা ৱা ঙাংবদা লাওথোকখিবনি।