ভারতকী প্রধানমন্ত্রী

ফিলিপ্পিনগী মনিলাদা লৈরিবা ইন্দিয়ান কমুনিতীদী ঙসি প্রধানমন্ত্রী শ্রী নরেন্দ্র মোদীনা ৱা ঙাংখ্রে ।

প্রধানমন্ত্রীনা হায়খি মদুদি এসিন রিজন অসি ভারতকীদমক্তা য়াম্না মরু ওই । এসিন রিজনশিংগা লোয়ননা ভারতকী মতম শাংলবা মহৌশাগী অমসুং নুংশিনবগী মরি অদুগী মতাংদা মহাক্না ফোংদোকখি । বুদ্ধা অমসুং রামায়নবু মহাক্না অকক্ননা পনখি । রিজন অসিদা ভারতনা হোৎনরিবা অসিনা মসিগী হেরিতেজ অসি য়োকখৎপদা মরু ওইবা থৌদাং লৌরি হায়না মহাক্না হায়খি ।

ভারতনা কৈদৌনুংদা অতোপ্পা লৈবাকশিং মাংহন তাকহনখিদ্রি হায়না প্রধানমন্ত্রীনা ফোংদোকখি । মালেমগী অহানবা অমসুং অনিশুবা লানজাও মনুংদা অথাপ্পা লমদমশিংদা থৱায় কৎখ্রবা অদুগুম্লবা ভারতকী লান্মী লাখ অমা মখায় অদুগী কৎথোকখিবা অদু মহাক্না ফোংদোকখি ।

মহাক্না হায়খি মদুদি হৌজিকশু ভারতনা মদুগা মান্ননা মশেক মঙাল থোক্না লৈগনি । ২১শুবা চহিচা অসি এসিয়াগী চহিচানি হায়রিবা অদু ভারতকী চহিচা ওইরক্নবা ওইথোকপা য়াবা পুম্নমক পাথোক্কনি হায়না মহাক্না ফোংদোকখি ।

লায়রবশিংবু শক্তি লৈহন্নবগীদমক সরকারনা পায়খৎলিবা জনধন য়োজনা অমসুং উজ্বল য়োজনা অসিগুম্বা ইনিসিয়েতিবশিংগী মতাংদা প্রধানমন্ত্রীনা পনখি । আধার লিঙ্ক সবসিদীগী খুথাংদা ফংলিবা কান্নবশিং অদুশু মহাক্না পনখি ।