ভারতকী প্রধানমন্ত্রী

ভারত মাতাগী জয়

সরদার সাহেব অমর ওইসনু, অমর ওইসনু

মশিং য়াম্না লাকপীরিবা মহাভারতীগী নুংশিজরবা নহা ওইরিবা খোংলোই পুম্নমক ঙসি ওক্তোবর ৩১ সরদার বল্লভভাইজীগী মপোক নুমিৎনি। ঙসি ওক্তোবর ৩১ অসি হান্নগী প্রধানমন্ত্রী শ্রীমতী ইন্দিরা গান্ধীগী লৈখিদবা নুমিৎসুনি। ঙসি লৈবাক অপুনবদা সরদার সাহেবকী মপোক নুমিৎপু নীংশিংজদুনা মহাপুরুষ অদুনা লৈবাক অসিগী নীং খা তম্নবগীদমক্তা মতৌ অদুম্না মপুন্সি কৎথোকখি। মহাপুরুষ অদুনা লৈবাক অসিনা নীং খা তম্বা ফংলবা মতুংগী অৱাবগী পুংফমশিংদগী, মচোই মচোই তাবা ফিভম অদুদগী, মনুংগী ওইবা মুক্নবগী অয়ৌবী থাক অদুগী মরক্তা মহাক্কী হৈথোই শিংথোইবা অদুনা, মহাক্কী অচেৎপা থৌনা অদুনা, মহাক্কী অশেংবা ভারতকী ভক্তি অদুনা মহাক্না লৈবাক অসিবু নীং খা তম্বগী মতমদা মায়োক্নখিবা অৱাবা অদুদগী কনবীবতা নত্তনা মহাক্না নীংথৌ পানবা লৈবাক মচা কয়ামরুম্বু অংগ্রেজশিংনা পামখি মদুদি অংগ্রেজশিংনা চৎখ্রবা মতুংদা মখোয় অসি মচোই মচোই তাহৌবা। অপীক অপীকপা লৈঙাক্তা য়েন্থোকহৌবা। ভারতকী মমিং ফাওবা লৈহন্দবা, মসিদা সরদার বল্লভভাই পতেলগী ৱাশক চেৎশিনখি। মসিদা সরদার বল্লভভাই পতেলগী অচেৎপা মিৎয়েংনা সাম, দাম, দন্দ ভেদ মখল খুদিংমক্কী কাংলোন, কুৎনীতি, লাল্লোং শিজিন্নদুনা য়াম্না তেনখ্রবা মতমগী মনুংদা লৈবাক অসিবু অপুনবা লংলা অমদা লেংশিনখি। সরদার বল্লভভাই পতেলবু ঐখোয়গী লৈবাক অসিগী অনৌবা মীরোল অসিদা মশক তাকখিদবা মাল্লে। অমরোমদা পুৱারিগী চেনাদগী মহাপুরুষ অসিগী মমিংবু মুথৎখিবা নত্রগা মহাকপু পীকশিলহন্নবা হোৎনখি। অদুবু পুৱারিনা খঙই মদুদি সরদার সাহেবতি সরদার সাহেবনি লৈঙাক অমত্তনা মাবু য়ারবসু য়াদ্রবসু, রাজনীতি দল অমত্তনা মহাক্কী মগুন অদুবু য়ানীংলবসু য়ানীংদ্রবসু লৈবাক অসিনা লৈবাক অসিগী নহা ওইরিবা মীরোলনসু মিকুপ অমতংবু ওইরবসু সরদার সাহেবপু কাওথোকপা পামদ্রি, পুৱারিদগী মাংহনখিবা পামদ্রি অমসুং মসিনা মরম ওইদুননি মদুদি লৈবাক অসিনা ঐবু সেবা তৌননবগী তাঞ্জা পীরকপা মতমদা ঐনা সরদার পতেলগী মপোক নুমিৎপু অখন্নবা মওং অমদা পাংথোক্তুনা মহাপুরুষ অসিগী অথোইবা থবকশিং অদুবু মীরোল অমগী মথং মীরোল অমদা নীংশিংদুনা লৈহৌনবা অমসুং মরম অসিনা রন ফোর য়ুনিতী অপুনবগীদমক লমজেল হায়রিবা খোংজং অসি পাংথোক্লি অমসুং ঐনা নুংঙাইবা পোকচৈ মদুদি লৈবাক অসিগী নহা ওইরিবা মীরোলনা হেন্দোক্না লমজেল অসিদা শরু য়াররি।

ঐখোয়গী লৈবাক অসিগী অহানবা রাষ্ট্রপতি দা. রাজেন্দ্র প্রসাদনা অমুকখক হায়বীরম্মি অমসুং মহাক্কী ৱাহৈ অদুনা ঐখোয় পুম্নমকপু ৱাখল খলহনখি। লৈবাক অসিগী অহানবা রাষ্ট্রপতি দা. রাজেন্দ্র প্রসাদনা হায়বীরম্মি মদুদি ঙসি ঐখোয়না খন্ননবা অমসুং ঙাংননবগীদমক ঐখোয়না ভারতকী মিং, ভারত কৌবা লৈবাক অমা ফংজরে…মসি সরদার বল্লভভাই পতেলগী স্তেৎমেনশিপ অমসুং লৈঙাক্তা মাগী অচেৎপা খুৎপাই অদুনা মরম ওইদুনা ওইথোকপা ঙম্লিবনি অমসুং মখা তানা হায়বীখি মদুদি অদুগা অসুম্না ওইরবা ফাওবদা ঐখোয়না য়াম্না থুনা সরদার সাহেবপু কাওথোক্লি। রাজেন্দ্র বাবু ভারতকী অহানবা রাষ্ট্রপতিনা সরদার সাহেবপু কাওথোকখিবগী মরমদা অৱাবা অসি ফোংদোকখি। ঙসি সরদার সাহেবকী ওক্তোবর ৩১দা অপুনবগী লমজেলগা লোইননা মপোক নুমিৎ পাংথোক্লিঙৈ অসিদা রাজেন্দ্র বাবুগী থৱাইনা মফম অমদবু লৈরবসু মহাক্না শোইদনা অপেনবা পোকপীরমগনি মদুদি কনাগুম্বা খরনা সরদার সাহেবপু কাওথোক্নবা হোৎনজরবসু সরদার সাহেব লৈবাক অসিগী থৱাইমিদা তোংদুনা লৈরি। মহাক্না অমুক হন্না ঐখোয়গী মাংদা নহা ওইরিবা ৱারেপ অসিগা লোইননা অমুক হন্না থোরক্লি অমসুং ঐখোয়দা অনৌবা ইথিল পীররি।

ভারত অসি মখল মখাতনা থনবা লৈবাক্নি। মখল মখা অদুদা অপুনবা ঐখোয়গী লৈবাক্কী থোইদোকপা মন্ত্র থিরদুনা লাক্লি, নিল্লরি অদুবু ঐখোয়না অসিগুম্বা মখল মখা অসিদা ইকাই খুম্নবা উৎত্রি ফাওবা, ঐখোয়গী মখল মখা অসিগীদমক চাওথোকচবা পোক্ত্রি ফাওবা , ঐখোয়গী মখল মখা অসিদা অমত্তা ওইবগী ওইথোকপা অদুগা লোইননা ঐখোয় ইশানা ইশাবু থৱাইগী ওইবা মওংদা পুন্সিনজদ্রিঙৈদি তোঙান তোঙানবা হায়বসি ঐখোয়না ৱাহৈ খক্তমক ওইনা কান্নগনি। লৈবাক অসিগী তুংলমচৎ শেমগৎনবগীদমক ঐখোয়না মসি শিজিন্নবা ঙম্লোই। মসি ঐখোয়গী লংলবা তুংলমচৎকী লম্বীনি অমসুং ঐখোয় ময়ামগী ইথৌনি মচিন-মৌপ্বাগী মরিবু কনাননসু হন্থনা লৌদে। মচিন-মৌপ্বাগীদমক্তা অমনা অমগীদমক্তা কৎথোক্নবা মসি মহৌশাগী চৎনবীনি। মসিমক্তদসু ঐখোয়না অসিগুম্বা চৎনবী নাৎ অসিবু য়োকখৎনবা রক্ষা-বন্ধনগী কুম্মৈ পাংথোক্লি। মচিন-মৌপ্বাগী মরিবু চহি খুদিংগী চেৎশিন্নবা হোৎনরি। হন্না হন্না অপুনবগী মন্ত্রবু নীংশিংজবা মথৌ তাই। হন্না-হন্না অপুনবগীদমক্তা হিংবগী ৱাশক মথৌ তাই।

লৈবাক অসি পাক চাওই, মীরোল অহোংবা নাই। পুৱারিগী থৌদোক খুদিংমক খঙবা ঙমদে। মতম অদুদা ভারতকুম্বা মখল মখাতনা থল্লবা লৈবাক্তা মিকুপ খুদিংগী অপুনবগী মন্ত্রনা নিলহন্দুনা থম্বা, মিকুপ খুদিংগী অপুনবগী লম্বী থিদুনা লৈবা, মিকুপ খুদিংগী অপুনববু চেৎশিলহন্নবা থৌওংদা মাই ওনশিন্দুনতা লৈবা মসি ভারতকুম্বা লৈবাক অসিগীদমক্তদি মথৌ তাই। ঐখোয়গী লৈবাক অমত্তা ওইনবা, অপুনবা ওইনা লৈনবা…সরদার সাহেবনা ঐখোয়দা পীবীরম্বা লৈবাক অদুগী অপুনবা অমসুং মখল মখাশিং অদু লৈবাক মচা কোতি ১২৫গী থৌদাংনি। লৈবাক মচা কোতি ১২৫গী মথৌনি অমসুং মরম অসিনা সরদার পতেলনা অদুগুম্বা লৈবাক্কী অপুনবগীদমক্তা তৌবীরম্বা শেংলবা থবকশিং অদু নীংশিংজবগা লোইননা ঐখোয়না পাংথোক্কদবনি। করম্না মহাক্না লৈবাক অসিবু অমত্তা ওইহনখিবা। মীরোল খুদিংমক্না খঙগদবনি অমসুং ৱাফম অসিগী মতাংদা ঙসি ওক্তোবর ৩১ সরদার সাহেবগী মপোক নুমি ঐখোয়না পাংথোক্লি। চহি নিপালগী মতুংদা সরদার সাহেবকী মপোক কুমওন চহি ১৫০ শুরগনি। সরদার সাহেবকী মপোক কুমওন চহি ১৫০ শুবদা ঐখোয়না লৈবাক অসিদা অপুনবগী করম্বা খুদম অদু পীগনি। মীপুম খুদিংমক্কী নুংদা অপুনবগী ৱাখল্লোন অসিবু মতৌ করম্না মপাঙ্গল কলহনগনি। ৱাশক কয়া অসিগা লোইননা ঐখোয় চৎপা তাই।

২০২২দা নীংতম্বা চহি ৭৫ শুগদৌরি। ভগৎ সিংহ, সুখদেব, রাজগুরু, নেতাজী সুভাশচন্দ্র বোস, মহাত্মা গান্ধী, সরদার পতেল মশিং থিঙমদ্রবা মরৈবাক নীংবশিং, মরৈবাক্কীদমক্তা হিংখি, মরৈবাক্কীদমক্তা শিখি। হিন্দুস্তানী পুম্নমক্কী ৱাশক অমমম লৈফম থোকই। হিন্দুস্তানী পুম্নমক্কী ৱাশক অদু মংফাওনহন্নবা কন্না হোৎনগদবনি। অমসুং ৱাশক অদু খুন্নাইগী কান্ননবগীদমক ওইগদবনি। অসিগুম্বা মখলগী ৱাশক অদুদগী ঐখোয় ইশানা ইশাবু য়াওশিনহনগদবনি । ভারতকী নীং খা তম্বগী অথৌবা মপারি সরদার বল্লভভাই পতেলগী মপোক কুমওন্দা ২০২২গীদমক্তসু ঐখোনা ৱাশক শকপা অসি ঐনা খল্লি মসি মতমগী অপাম্বনি।

অদোম অসুক্কি মতিক মশিং য়াম্না লেংবীরক্লি। অনিংবা অমদি অপাম্বগা লোইননা অদোম মসিদা শরুক য়াবীররি। ঐনা অদোম পুম্নমকপু জতিগী অপুনবা নুমিৎতা ৱাশক শক্ননবা পাউজেল পীজরি। ঐখোয় পুম্নমক সরদার বল্লভভাই পতেলবু নীংশিংজদুনা, ঐনা অদোমগী মাংদা থমজগদৌরিবা ৱাশক অসি খুম্বীয়ু অমসুং শুপ্নগী খোঞ্জেলদতা নত্তনা পুক্নীংদসু ৱাশক অসি শকপীয়ু। ৱাখল অসিগা লোইননা মসি খুম্বীগনি অদোম পুম্নমক্না অদোমগী খুৎ য়েৎ তিংথোকপীদুনা ঐগী ৱাহৈ অসি খুম্বীরকউ। ঐনা অচুম্বগা লোইননা ৱশকচরি মদুদি ঐনা জাতিগী অপুনবা মখল মখা অমসুং ঙাক-শেলবু ঙাক্তুনা থম্নবগীদমক ইশাবু কৎথোকচগনি অমসুং ইচৈবাক মচাশিংগী মরক্তা পাউজেল অসি শন্দোক্নবগীদমক্তসু কন্না হোৎনগনি। ঐনা ৱাশক অসি ইরৈবাক্কী অপুনবগী ৱাখল্লোন্দা শক্লিবনি। মদু সরদার ভল্লভভাই পতেলগী শান্না উবা মিৎয়েং অমসুং থবকশিংনা মরম ওইদুনা ওইথোকপা ঙমখিবনি। ঐনা ইরৈবাক্কী মনুংগী ওইবা ঙাক-শেল ফংহন্নবগীদমক্তা থৌদাং য়াননবীদমক্তসু অচেৎপা ৱাশক অসি শকচরি।

ভারত মতাগী জয়

ভারত মতাগী জয়                      

ভারত মতাগী জয়

হন্না হন্না থগৎচরি।