ভারতকী প্রধানমন্ত্রী

প্রধানমন্ত্রীনা লুচিংবা কেন্দ্রগী মন্ত্রীমন্দলনা কন্দলা পোর্তপু দীনদয়াল পোর্ত হায়না মমিং ওনবদা মসিগী ওইবা এক্স-পোস্ত ফেক্তো এপ্রুবেল পিখ্রে ।

ভারত্তা লৈরিবা হিথাংফমশিং অসি মসিনা লৈরিবা সিতী নত্রগা তাউন অদুগী মমিং লৌরগা থোনবা ঙাক্তনি । অদুম ওইনমক, সরকারনা, অখন্নবা কেসশিংদা, খন্নরবা মতুংদা, লৈখিদ্রবা অফাওবা লুচিংবশিংগী মমিং লৌদুনা হিথাংফমশিংগী মমিং থোল্লি ।
কন্দলা পোর্তপু “দীনদয়াল পোর্ত, কন্দলা” হায়না মমিং নৌনা থোনবনা ভারতকী খ্বাইদগী মমিং চৎপা মচাশিংগী মরক্তগী অমা ওইরিবা পন্দিত দীনদয়াল উপাধ্যয়না কৎথোকপিরম্বা মমল নাইদবা অদু অচৌবা লৈবাক অসিনা নিংশিংলগনি । মসিনা গুজরাতকী প্রজা, মরু ওইনা নহাশিংগী মফমদা অফাওবা লুচিংবা অসিনা কৎথোকলম্বশিং অদু মপুং ফানা খংহনবা ঙমলগনি ।

য়ুমফম:

কন্দলা পোর্তপু “দীনদয়াল পোর্ত, কন্দলা” হায়না নৌনা মমিং থোন্নবা গুজরাতকী মফম কয়াদগী মরুওইনা কছ জিলাদগী পব্লিক দিমান্দশিং লাকখি । পন্দিত দীনদয়াল উপাধ্যয় (২৫.৯.১৯১৬ – ১.২.১৯৬৮) অসি শক্নাইরবা লুচিংবা অমা ওইরম্মী, মহাক্না মহাক্কী পুন্সি অদু লৈবাক্কীদমক্তা কৎথোকখি । মহাক্কী এক্সন পুম্নমক ইন্তিগ্রেল হ্যুমেনিজমগী প্রিন্সিপলদা য়ুমফম ওই । মহাক্কী মপুন্সি চুপ্পা, মহাক্না দেমোক্রেসি পুরক্নবা, মীয়ামগী ৱাখল্লোনবু ইকায় খুম্নবা, লৈবাক অসিগী আইগীদমক ওইজবা থিদনা অমসুং ইকায় খুম্ননা চোকথবা নাইদনা থবক তৌখি । পন্দিত দীনদয়াল উপাধ্যয়না মহাক্কী মপুন্সি চুপ্পা মীয়ামগী সেবাদা কৎথোকখি অমসুং লাইরবা অমসুং লৈখাতাবশিংগীদমক চম্না, পুকচেল শেংনা অমসুং ওইজ ওইথক থিদনা থবক তৌখি ।

পন্দিত দীনদয়াল উপাধ্যয়গী মপোক নুমীৎ অসি ২০১৭কী সেপ্তেম্বর ২৫দা পাংথোকখিবনা মরম ওইরগা, কন্দলা পোর্তপু দীনদয়াল পোর্ত হায়না নৌনা মমিং থোন্নবা ৱারেপ লৌদুনা অফাওবা জাতিগী লুচিংবা অসিগী মপোক কমওনগী শরুক অমা ওইহনবা অসি য়াম্না মতাং চাই ।