ভারতকী প্রধানমন্ত্রী

য়োর এক্সিলেন্সি, দি স্তেত কাউন্সিলর

শক্নাইরবা দেলিগেৎশিং,

মিদিয়াগী মরূপশিং

মিংলাবা

২০১৪দা এসিন সম্মিতকী তঞ্জাদা ঐহাক মফম অসিদা লাকখি, অদুম ওইনমক সনাগী লৈবাক ম্যানমারদা নাকল অনিগী ওইবা খোংচৎতা লাকপা মসিনা অহানবনি । অদুবু ঐহাকপু তরাম্না ওকপিরিবা অসিনা ঐহাক য়ুমদা লৈবগা চপ মান্নরে । মসিগীদমক ম্যানমার সরকারবু ঐহাক্না থাগৎচরি ।

এক্সেলেন্সি,

ম্যানমার পিছ প্রোসেসকী নহাক্না থৌনা ফনা লুচিংলিবা অদু থাগৎনিঙাইনি । নহাক্না মায়োক্নরিবা কয়া অদু ঐখোয়না নিংথিজনা খংই । রাখিন স্তেত্তা এক্সত্রিমিস্ত ভাইওলেন্সনা মরম ওইদুনা সেক্যুরিতি ফোর্সশিং অমসুং মীচম প্রজা লৈখদবগী নহাক্কী অৱাবদা ঐখোয় শরুক য়ারি । অচৌবা শান্তিগী থৌরাং ওইগেরা নত্রগা অকক্নবা প্রোব্লেম অমা লোইশিনবা ওইগেরা, ঐখোয়না আশা তৌরি মদুদি স্তেকহোল্দর পুম্নমক্না অমত্তা ওইনা পুন্দুনা ৱারোইশিন পুরক্নবগী মায়কৈদা থবক তৌবা য়াই মদুনা মরম ওইরগা ম্যানমারগী তেরিতোরিয়েল ইন্তিগ্রিতী অমসুং য়ুনিতী ইকায় খুম্নদুনা পুম্নমকপু শান্তি, জজতিস অমসুং দিগনিতী শোইদনা পুরক্লগনি ।

মরূপশিং,

ঐহাক্না থাজৈ মদুদি ভারতকী দেমোক্রেতিক এক্সপেরিয়েন্স অসি ম্যানমারগীদমক মতিক চাই । মরম অদুনা ম্যানমারগী একজিক্যুতিব, লেজিসলেচর, ইলেক্সন কমিসন অমসুং প্রেস কাউন্সিলগুম্বা ইন্সতিট্যুসনশিংগী কেপাসিতী বিলদিংদা ঐখোয়গী কমপ্রেহেন্সিব কোওপরেসনদা ঐখোয়না চাওথোকচৈ । য়ুমলোন্নবা ওইবনা সেক্যুরিতীগী লমদা ঐখোয়গী ইন্তরেস্ত অসি মান্নৈ । ঐখোয়গী কংফাল অমসুং সমুদ্রগী ঙমখৈশিং ঙাক শেন্নবা ঐখোয় পুন্না থবক তৌমিন্নবা অদু মথৌ তাই । লম্বী অমসুং থোং শাগৎপা, ইনর্জিগী লমদা লিঙ্কশিং অমসুং কনেক্তিবিতী হেঙ্গৎনবা ঐখোয়না হোৎনরিবা অসিনা অফবা ফ্যুচর অমগী মায়কৈ তাক্লি । কালাদান প্রোজেক্ততা ঐখোয়না সিত্বি পোর্ত অমসুং পালেত্বা ইনলেন্দ ৱাতরৱেজ তর্মিনেলগী থবক লোইশিল্লে । অপ্পর ম্যানমারগী চংদবা য়াদবা অদু ফংহন্নবা ভারত্তগী হাই স্পিদ দিজল ত্রকশিং থুলবা হৌরে । ঐখোয়গী দিবলপমেন্ত পার্তনরশিপকী মখাদা ম্যানমারদা অৱাংবা থাক্কী হকশেল, ইদুকেসন অমসুং রিসার্স ফেসিলিতীশিং অসি হরাওনিঙাইগী মচাক্নি । হিরম অসিদা ম্যানমার ইন্সতিট্যুত ওফ ইনফোর্মেশন তেক্নোলোজি অমসুং এদভান্স সেন্তর ফোর এগ্রিকলচরেল রিসার্স এণ্ড এদুকেসন অখন্নবা মওংদা পনবা য়াই । অনি অসি ইদুকেসনগী মরুওইবা সেন্তর ওইরক্লি । তুংদশু ঐখোয়গী প্রোজেক্তশিং ম্যানমারগী মথৌ তাবা অমসুং প্রায়োরিতীশিংদা ওইগনি । ঐখোয়গী লৈবাক অনিগী মরক্তা ঙসি খুৎয়েক পিনখিবা এগ্রিমেন্তশিং অদুনা ঐখোয়গী মায়থোং য়াম্লবা নাকল অনিগী কোওপরেসন মখা তানা হেঙ্গৎহল্লনি ।

মরুপশিং,

ঐহাক্না মসি লাওথোকপদা নুঙাইবা ফাওই মদুদি ভারত্তা লাকনিংবা ম্যানমারগী প্রজা পুম্নমকপু গ্রাতিস ভিজা ফংহন্নবা ৱারেপ লৌরে । ঐহাক্না মসিমশু ফোংদোকপদা নুঙাইবা ফাওরি মদুদি হৌজিক ভারতকী জেলদা লৈরিবা ম্যানমার মচা ৪০ থাদোক্নবা ঐখোয়না ৱারেপ লৌরে । ঐখোয়না আশা তৌরি মদুদি মখোয়না অথুবা মতমদা ম্যানমারদা লৈরিবা মখোয়গী ইমুং মনুংগা অমুক হন্না উন্নজবা ফংলগনি ।

এক্সেলেন্সি,

নে পি তোদা ঐহাক্কী মতম খরা অসি য়াম্না মমল লৈ । ম্যানমারদা ঐহাক্না মখা তানা লৈথগদবা অসিদা লাংতক্নবা ফাওই । ঙসি ঐহাক বাগান্দা অনন্দ তেম্পল চৎকনি । অনন্দ তেম্পল অমসুং অতোপ্পা হিস্তোরিক অমসুং কলচরেল বিলদিংশিং মমাং চহিগী য়ুহানা মরম ওইদুনা মাংহন তাকহনখিবা অদু ভারতকী মতেংনা শেজিন শাজিন্দুনা রিনোভেসনগী থবক চৎথরি । য়াঙ্গুনদা লৈরিবা ইন্দিয়ান ওরিজিন পিপলগী কমুনিতীগা উন্নবা অদুগী মথক্তা ঐহাক্না রিলিজিয়স অমসুং হিস্তোরিকেল মরুওইবা মোনুমেন্তশিংদশু ঐহাক্না ইকোক নোনজগনি । ঐহাক্না থাজবা থমলি মদুদি লাক্কদৌরিবা মতম অসিদা ঐখোয়গী লৈবাক অনিগী কান্ননবগীদমক অকনবা অমসুং নক্নবা পার্তনরশিপ অমা শেমগৎনবা পুন্না থবক তৌমিন্নগনি ।

থাগৎচরি!

চেজু তিন বা দে!