ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ 11 ଓ 12 ମେ, 2017ରେ 2 ଦିନିଆ ଶ୍ରୀଲଙ୍କା ଗସ୍ତରେ ଯିବେ ।

ପ୍ରଧାନମନ୍ତ୍ରୀ ଏହି ଗସ୍ତ ସମ୍ପର୍କରେ ତାଙ୍କ ଫେସବୁକ୍ ପୋଷ୍ଟରେ ଉଲ୍ଲେଖ କରିଛନ୍ତି :

“ମୁଁ ଆଜି, 11ମେ ଠାରୁ ଦୁଇଦିନିଆ ଶ୍ରୀଲଙ୍କା ଗସ୍ତରେ ଯିବି । ଆମର ସୁଦୃଢ଼ ସମ୍ପର୍କର ପ୍ରତୀକ ସ୍ୱରୂପ ଗତ ଦୁଇ ବର୍ଷ ମଧ୍ୟରେ ଏହା ମୋର ଦ୍ୱିତୀୟ ଦ୍ୱିପାକ୍ଷିକ ଗସ୍ତ”

ମୋର ଏହି ଗସ୍ତ ସମୟରେ ମୁଁ ଅନ୍ତର୍ଜାତୀୟ ଭେସକ ଦିବସ ସମାରୋହରେ ଯୋଗଦେବି । 12 ତାରିଖରେ କଲୋମ୍ବୋ ଠାରେ ଅନୁଷ୍ଠିତ ହେବାକୁ ଥିବା ଏହି କାର୍ଯ୍ୟକ୍ରମରେ ମୁଁ ଅଗ୍ରଣୀ ବୌଦ୍ଧ ସନ୍ନ୍ୟାସୀ, ବୁଦ୍ଧିଜୀବୀ ଏବଂ ଧର୍ମତତ୍ତ୍ଵବିତ ମାନଙ୍କ ସହ ଆଲୋଚନା କରିବି ।

ରାଷ୍ଟ୍ରପତି ମୈତ୍ରୀପାଲା ସିରିସେନା ଏବଂ ପ୍ରଧାନମନ୍ତ୍ରୀ ରାନିଲ ବିକ୍ରମସିଂଘେଙ୍କ ସହ ଏହି କାର୍ଯ୍ୟକ୍ରମରେ ଯୋଗଦେବା ମୋର ସୌଭାଗ୍ୟ ହେବ ।
ଭାରତ ଓ ଶ୍ରୀଲଙ୍କା ମଧ୍ୟରେ ରହିଥିବା ଦୀର୍ଘସ୍ଥାୟୀ ବୌଦ୍ଧ ଐତିହ୍ୟ ସମ୍ପର୍କକୁ ମୋର ଗସ୍ତ ସାମନାକୁ ଆଣିବ ।

2015ରେ ମୋର ଗସ୍ତ ସମୟରେ ମୁଁ ୟୁନେସ୍କୋ ବିଶ୍ୱ ଐତିହ୍ୟ ସ୍ଥଳ ତଥା ବୌଦ୍ଧ ଧର୍ମାବଲମ୍ବୀଙ୍କ ପାଇଁ କେନ୍ଦ୍ରସ୍ଥଳୀ ଅନୁରାଧାପୁର ବୁଲିଦେଖିବାର ସୌଭାଗ୍ୟ ପାଇଥିଲି ।

ଏଥର ମୁଁ କାଣ୍ଡିରେ ଥିବା ପବିତ୍ର ଦନ୍ତ ଅବଶେଷ ମନ୍ଦିର ଭାବେ ଜଣାଶୁଣା ସମ୍ମାନନୀୟ ଶ୍ରୀ ଦାଲଦା ମାଲିଗାୱାଙ୍କ ଦର୍ଶନ କରିବାର ସୁଯୋଗ ପାଇବି ।”