ପିଏମଇଣ୍ଡିଆ

ୟୁରୋପୀୟ ୟୁନିଅନର ବୈଦେଶିକ ବ୍ୟାପାର ଓ ସୁରକ୍ଷା ନୀତି ସଂକ୍ରାନ୍ତ ଉଚ୍ଚ ପ୍ରତିନିଧି ସୁଶ୍ରୀ ଫେଡେରିକା ମୋଘେରିନୀ ଆଜି ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି ।

ପ୍ରଧାନମନ୍ତ୍ରୀ ମୋଦୀ ଏବଂ ସୁଶ୍ରୀ ମୋଘେରିନୀ ଦ୍ଵିପାକ୍ଷିକ ସ୍ଵାର୍ଥଜଡିତ ଆଞ୍ଚଳିକ ଓ ବୈଶ୍ଵିକ ପ୍ରସଙ୍ଗଗୁଡିକର ଆଲୋଚନା କରିଥିଲେ । ଭାରତ ଓ ୟୁରୋପୀୟ ୟୁନିଅନ ମଧ୍ୟରେ ବ୍ୟାପକ ନିରାପତ୍ତା ସହଯୋଗ ବିଶେଷକରି ଆତଙ୍କବାଦ ନିରୋଧୀ ସହଯୋଗକୁ ବୃଦ୍ଧି କରିବା ଦିଗରେ ସହମତ ହୋଇଥିଲେ ।

ଭାରତ-ୟୁରୋପୀୟ ୟୁନିଅନ ଶିଖର ବୈଠକ ଲାଗି ଗତ ମାର୍ଚ୍ଚ 2016ରେ ତାଙ୍କର ସଫଳ ବ୍ରସେଲ୍ସ ଗସ୍ତ ସମ୍ପର୍କରେ ପ୍ରଧାନମନ୍ତ୍ରୀ ସ୍ମରଣ କରିଥିଲେ । ଆସନ୍ତା ଅକ୍ଟୋବରରେ ହେବାକୁଥିବା ପରବର୍ତ୍ତୀ ଶିଖର ବୈଠକ ପାଇଁ ସେ ଆଗ୍ରହର ସହ ଅପେକ୍ଷା କରିଛନ୍ତି ବୋଲି ପ୍ରଧାନମନ୍ତ୍ରୀ ଆଲୋଚନା କାଳରେ କହିଥିଲେ ।

**********