ಪಿಎಂಇಂಡಿಯಾ

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ಡಿಜಿಟಲ್ ಪರಿವರ್ತನಾ (ಟ್ರಾನ್ಸ್‌ ಫರ್ಮೇಷನ್) ಪ್ರಶಸ್ತಿ 2025 ಅನ್ನು ಗೆದ್ದಿರುವ ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ ಬಿ ಐ ) ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.  ಆರ್ ಬಿ ಐ, ದೇಶೀಯವಾಗಿ ತನ್ನ ಇನ್‌ ಹೌಸ್‌ ಡೆವಲಪರ್‌ ತಂಡದ ಮೂಲಕ ಅಭಿವೃದ್ಧಿಪಡಿಸಿರುವ  ಪ್ರವಾಹ್ ಮತ್ತು ಸಾರಥಿ – ನವೀನ ಡಿಜಿಟಲ್‌ ಉಪಕ್ರಮಗಳನ್ನು ಗುರುತಿಸಿರುವ ಲಂಡನ್ ನಲ್ಲಿರುವ ಯುನೈಟೆಡ್‌ ಕಿಂಗ್ಡಮ್ ನ  ಕೇಂದ್ರ ಬ್ಯಾಂಕ್, ಆರ್ ಬಿ ಐ ಗೆ ಡಿಜಿಟಲ್ ಪರಿವರ್ತನಾ ಪ್ರಶಸ್ತಿ 2025 ನೀಡಿ ಗೌರವಿಸಿದೆ.

ಸಾಧನೆಯನ್ನು ಶ್ಲಾಘಿಸುತ್ತಾ, ಪ್ರಧಾನ ಮಂತ್ರಿಗಳು ಎಕ್ಸ್ ನಲ್ಲಿ ಹೀಗೆ ಪೋಸ್ಟ್‌ ಮಾಡಿದ್ದಾರೆ:

“ಆಡಳಿತದಲ್ಲಿ ನಾವಿನ್ಯತೆ ಮತ್ತು ದಕ್ಷತೆಯೆಡೆಗೆ ಆದ್ಯತೆಯನ್ನು ಪ್ರತಿಬಿಂಬಿಸುವ ಶ್ಲಾಘನೀಯ ಸಾಧನೆ.

ಡಿಜಿಟಲ್ ನಾವಿನ್ಯತೆಯು ಭಾರತದ ಹಣಕಾಸು ಪರಿಸರ ವ್ಯವಸ್ಥೆಯನ್ನು ಸದೃಢಗೊಳಿಸುವುದನ್ನು ಮುಂದುವರಿಸಿದೆ, ಈ ಮೂಲಕ ಅಸಂಖ್ಯಾತ ಜೀವಗಳನ್ನು ಸಬಲೀಕರಣಗೊಳಿಸುತ್ತಿದೆ.”

*****