Search

ভারতকী প্রধানমন্ত্রীভারতকী প্রধানমন্ত্রী

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

প্রধান মন্ত্রীনা লেক্স ফ্রিদমেনগা ৱারি শানখ্রে


হন্দক প্রধান মন্ত্রী শ্রী নরেন্দ্র মোদীনা শক্নাইরবা পোদকাষ্টর অমসুং এ.আইগী লমদা থিজিল্লিবা লেক্স ফ্রিদমেনগা উনখ্রে অমসুং কান্নবা  ৱাফম কয়াদা ৱারি শানখ্রে। পুং অহুম হেন্না ৱারি শানখিবা অদুদা, প্রধান মন্ত্রী মোদীগী অঙাং ওইরিঙৈ, মহাক্কী ইনখৎলকপা চহিশিংদা হিমালায়দা পুন্সি লেনখিবা অমসুং মীয়ামগী থবক তৌরকখিবা মহাক্কী পুন্সিগী খোঙচৎ য়াওনা তোঙান তোঙানবা হিরম কয়াদা কোনশিনখি। শক্নাইরবা এ.আই থিজিল্লোয় অমসুং পোদকাষ্টার লেক্স ফ্রেদমেনগা লোয়ননা পাংথোকখিবা মীয়াম্না খৌরাংনা ঙাইনরিবা পুং অহুম শাংবা পোদকাষ্ট অসি হয়েং মার্চ ১৬,২০২৫ দা ফোঙলগনি। ৱারি শানবা অসি মহাক্কী পুন্সিদা খ্বাইদগী মতিক মগুন লৈবা ৱারি শান্নবা অমনি হায়না লেক্স ফ্রেদমেন্না ফোঙদোকখি।

শন্দোক্কদৌরিবা পোদকাষ্ট অসিগী মতাংদা লেক্স ফ্রেদমেনগী এক্স পোষ্ট অমগী পাউখুম পীরদুনা, প্রধান মন্ত্রীনা এক্সতা হায়খি;

“ঐগী অঙাং ওইরিঙৈগী থৌদোকশিং, চহি কয়া হিমালায়দা লৈখিব অমসুং মীয়ামগী থবক তৌবগী খোঙচৎকী মতাং য়াওনা হিরম কয়াদা @lexfridman গা ৱারি শানবা অসি তশেংনা অঙকপা অমনি।

তাবীয়ু অমসুং ৱারি শানবা অসি শরুক অমা ওইবীয়ু!”

****