પીએમઇન્ડિયા

પ્રધાનમંત્રી શ્રી નરેન્દ્ર મોદીએ મોરેશિયસ પ્રજાસત્તાકના 57માં રાષ્ટ્રીય દિવસ ઉજવણીમાં મુખ્ય અતિથિ તરીકે હાજરી આપી હતી.

ઉજવણી દરમિયાન, મોરેશિયસ પ્રજાસત્તાકના રાષ્ટ્રપતિ મહામહિમ શ્રી ધરમવીર ગોખુલે પ્રધાનમંત્રી મોદીને મોરેશિયસનો સર્વોચ્ચ નાગરિક પુરસ્કાર, ગ્રાન્ડ કમાન્ડર ઓફ ધ ઓર્ડર ઓફ ધ સ્ટાર એન્ડ કી ઓફ ધ ઇન્ડિયન ઓશન (G.C.S.K) એવોર્ડ એનાયત કર્યો. આ પહેલી વાર છે જ્યારે કોઈ ભારતીય નેતા આ સન્માન મેળવી રહ્યા છે.

પ્રધાનમંત્રી મોદીએ આ એવોર્ડ ભારત અને મોરેશિયસ વચ્ચેની ખાસ મિત્રતા અને ભારતના 1.4 અબજ લોકો અને મોરેશિયસના તેમના 1.3 મિલિયન ભાઈઓ અને બહેનોને સમર્પિત કર્યો.

રાષ્ટ્રીય દિવસ ઉજવણી દરમિયાન, ભારતીય નૌકાદળના માર્ચિંગ ટુકડીએ પરેડમાં ભાગ લીધો. રાષ્ટ્રીય દિવસ ઉજવણી સાથે સુસંગત થવા માટે ભારતીય નૌકાદળના એક જહાજે પોર્ટ કોલ પણ કર્યો.