ভারতকী প্রধানমন্ত্রী

भैया हरौ बोलो मतंगेश्वर भगवान की जै, बागेश्वर धाम की जै, जय जटाशंकर धाम की जै, अपुन ओंरण खाँ मोरी तरफ सें दोई हाँथ, जोर के राम–राम जू।

থৌরম অসিদা শরুক য়ারিবা, মধ্য প্রদেসকী রাজ্যপাল শ্রী মঙ্গুভাই পতেল; চীফ মিনিস্তর ভাই মোহন যাদব জি; জগতগুরু পুজ্যা রামভাদ্রাচার্য়া জি; বাগেশ্বর ধামগী পীথাধিশ্বর শ্রী ধিরেন্দ্র শাস্ত্রি জি; সাধবী রিতামভারা জি; শ্বামী চিদানন্দ সরশ্বতি জি; মহান্ত শ্রী বালক যোগেসচার্দাস জি; লমদম অসিগী এম.পি বিষ্ণুদেব শর্মা জি; অতোপ্পা শক্নাইরবশিং অমসুং ঐগী নুংশিরবা ইনাওশিং অমসুং ইচলশিং! 

অথৌবশিংগী লমদম বুন্দেলখন্দা মতম কয়াগী মতুংদা ঐনা লাকপগী খুদোংচাবা ফংবা অসি হন্দক্কী অসিনা অনিশুবা থৌরমনি। হন্দকশু, থৌরম অসি বালাজিনা ঐ কৌবনি। ভগবান হনুমানগী থৌজালদগী, মসিগী শেংলবা লাইনিংগী মফম অসি হৌজিক অনা-লায়েংগী মফম অমশু ওইরগনি। ঐনা ঙাইহাক্কী মমাঙদা শ্রী বাগেশ্বর ধাম মেদিকেল সাইন্স এন্দ রিছার্স ইন্সতিতুৎকী উরেপ-উয়ুং তম্বগী থৌরম পাংথোকখ্রে। ইন্সতিতুৎ অসি লম একর ১০ দা পায়খৎকি অমসুং মসিগী অহানবা তাঙ্কক্ত ফমুং ১০০গী খুদোংচাবা লোইশিনগনি। অফবা থবক অসিগীদমক ঐনা শ্রী ধিরেন্দ্র শাস্ত্রি জি থাগৎপা ফোঙদোকচরি অমসুং বুন্দেলখন্দগী মীয়ামদা ঐগী য়াইফ-পাউজেলশু পীজরি।

মরুপশিং,

হৌজিক লুচিংবা কাংবু খরনা লাইনিংদা করেম্নবা অমসুং তোখায় তানবা থবকশিং পাংথোকপা ঐখোয়না উরে। থৌদোক কয়াদা, মপানগী শক্তিশিংনা লনাই মীওইশিংদা মতেং পাংশিন্দুনা ঐখোয়গী লৈবাক্কী মপাঙ্গল শোন্থহন্নবা অমসুং লৈবাক অসিগী অধ্যাতিক্কী মপাঙ্গল শোন্থহন্নবশু হোৎনরি। চহি চা কয়াদগী মওং অমদা নত্ত্রগা মওং অমদা, মখোয়না হিন্দু লাইনিংদা তিমথিবা মীৎয়েং য়েংলি। লোয়লম লৈঙাক্কী ৱাখল্লোন্দা চুরবা মীওইশিংনা ঐখোয়গী লাইনিংশিং, ঐখোয়গী লাইশঙশিং, ঐখোয়গী সাধুশিং, ঐখোয়গী নাৎশিং অমসুং ঐখোয়গী গুনশিংদা লেপ্তনা খুৎ থারি। মখোয়না ঐখোয়গী কুহ্মৈশিং, চৎনবীশিং অমসুং নাৎশিংদা করেম্নখি। ইপা ইপু হাক্তদগী চাউখৎতুনা লাক্লবভা লাইনিং অমসুং নাৎ অমা ফাওবা মখোয়না শিধখি। মখোয়গী পান্দমদি ঐখোয়গী খুন্নাই মচেৎ তাহনবনি অমসুং মসিগী অপুনবদা অয়েৎপা পীবনি।

অসিগুম্বা ফিবমশিং অসিদা, ঐগী ইনাও, ধিরেন্দ্র শাস্ত্রি জিনা লৈবাক শীনবা থুংনা অপুনবগী লাইৱাগা লোয়ননা মীয়াম মিকপ থোকহল্লি। হৌজিক মহাক্না খুন্নাই অমসুং মীওইবগী থবক তৌনবা অতোপ্পা অফবা ৱারেপ অমা লৌরে- কেন্সর ইন্সতিতুৎ অসি লিংখৎনবা মহাক্না ৱারেপ লৌরে। বাগেশ্বর ধামনা লাইশোন ঈশৈশিং অমসুং প্রাসাদ ফংহনবা খক নত্তনা, হকচাং ফবা পুন্সি অমসু খুদোল ওইনা পীরগনি।

মরুপশিং,

ঐখোয়গী লাইশঙশিং, মতশিং অমসুং শেংলবা মফমশিং মতম পুম্নমক্ত লাই খুরুম্বা অমসুং ধ্যান অনিমক্কী মফমশিং ওইরি। মখোয় অসি সাইন্তিফিক ওইনা থিজিনবা, খুন্নাইগী ৱাখল খনবা অমসুং অপুনবগী ৱাখল্লোন শাগৎনবগী মফমশিংশু ওইরি। ঐখোয়গী সাধুশিংনা ঐখোয়দা অয়ুর্বেদগী সাইন্স অমসুং য়োগ পীরে-অনিমক অসি হৌজিক মালেম শীনবা থুংনা পাম্নরে। ঐখোয়গী থাজবা অসি ইচ চম্মী: মরুপশিং, ওইজবা থিদনা থবক তৌবদগী হেন্না চাউবা লাইনিং অমতা লৈতে। অতোপ্পা ৱাহৈশিংদা. অতোপ্পশিংগী থবক তৌবা, মখোয়গী অৱাবশিং কোকহনবা অসি অশেংবা লাইনিংগী ফজবনি। মরম অদুনা, মীওইবা খুদিংমক্ত ঈশ্বর লৈ হায়না -মীওইবদা নারায়ন লৈরি, পোৎশক খুদিংমক্ত সিবা য়াওরি থাজবগা লোয়ননা থৱায় পানবা খুদিংমক্কী সেবা তৌবা অসি মতম কয়াদগী চৎনরক্লবা চৎনবীনি।

হৌজিক, মহা কুম্ভগী মরমদা খন্নবদা মফম খুদিংমক নিল্লে। করোর কয়া তিন্দুনা, ঈরুপতুনা অমসুং সাধুশিংদগী থৌজাল নিদুনা হৌজিক অচৌবা থৌরম অসি লোইশিল্লক্লে। ঐখোয়না হন্দক্কী মহা কুম্ভ অসি য়েংবা মতমদা, ঐখোয়না তশেংনা খঙবা অমা লৈরে-মসি তশেংনা অপুনবগী মহা কুম্ভ অমনি( এক্ত কা মহাকুম্ভ)। চহি ১৪৪ গী মতুংদা পাংথোক্তুনা, হন্দক্কী মহা কুম্ভ অসিনা অপুনবগী খুদম অমা ওইনা, অমৃতগী লোম্বা নাইদ্রবা ইচেল অমগুম ঐখোয়গী লৈবাক্কী অপুনবগী ৱাখল্লোন মপাঙ্গল কনখৎহন্নবা মহা কুম্ভ অসিনা তুংগী মীরোলশিংদা ইথিল পীরগনি। মীয়াম মরক্ত থবক তৌনবগী ৱাখল্লোন অমা উরে। কুম্ভ য়েংবা লাকপা মীওই খুদিংমক লৈবাক্কী অপুনবা অসি হকথেংননা উবা ফংলে। ভারতকী মফম খুদিংমক্তগী মহা কুম্ভ শরুক য়াবা লাকখিবা ঐগা উনখিবা মীওই খুদিংমক্না ফাওখিবা মান্নবা ৱাখল অনি লৈরি। অহানবদা, মখোয়না থম্মোয় শেংনা অমোৎপা শেংদোক্লিবা শিন্মীশিং থাগৎপা ফোঙদোকখি। এক্ত কা মহা কুম্ভ অসি লু-নান্না থম্নবা মখোয়না কৎথোকখিবা অমসুং চোকথবা লৈতনা পাংথোকখিবা থবকশিং অদু তশেংনা থাগৎনিঙাইনি। ঙসি, হায়রিবা সেনিতেসন ৱার্করশিং অদুদা ঐনা ঐগী তৌবীমল খঙবা অমসুং ইকায়খুম্নবা উৎচরি।

অনিশুবা ৱাফম্না-ঐখোয়গী লৈবাক অসিদা তাংনা ইকায়খুম্নবা উৎপা-ঐখোয়গী পুলিস পর্সোনেলশিংগী থবক অসিনি। ভক্ত করোর কয়া কৎথোকপা অমসুং নোল্লুকপগা লোয়ননা সেবা তৌখিবগী মতাংদা মহা কুম্ভদগী হল্লকপা ভক্ত খুদিংমক্না ৱারি শানবা ঐ তারে। মখোয়গী তমজনফম ওইরবা থবকশিংনা মীওই কয়াগী থম্মোয় জয় তৌখিবা পুলিসকী মীওইশিং ঐখোয়না থম্মোয় শেংনা তৌবীমল খঙবা উৎচরি।

মরুপশিং,

প্রায়াগ্রাজগী মহা কুম্ভ অসিদা, ওইজবা থিদনা থবক তৌবগী ৱাখলগা লোয়ননা মীয়ামগী থবক কয়া পাংথোক্লে। লাইবক থিবদি, মখোয়দা মীৎয়েং থম্বা অসি মেদিয়াগী খুদোংচাদবা লৈ অমসুং মদুগী ফল ওইনা, মখোয় মীয়াম্না খঙদ্রে। করিগুম্বা ঐনা হায়রিবা থবকশিং অদু কুপ্না পন্দুনা লৈরিবদি, ঐগী মথংগী থৌরমদা অকায়বা থোকপা য়াই। অদুবু, ঐনা শিংথাবা য়াবা থবক অমা পনবা পাম্মী- হন্দক্কী এক্ত কা মহা কুম্ভ মনুংদা পাংথোকখিবা মহা কুম্ভগী নেত্রা অসিনি।

নেত্রা মহা কুম্ভ অসিদা, লৈবাক শীনবা থুংবদগী লাই খুরুম্বা লাকপা মীওইশিং, মরুওইনা লায়রবা মীওইশিং লেম্না মীৎয়েং লায়েংবগী খুদোংচাবা ফংখি। হৌখিবা থা অনিদা, লৈবাক শীনবা থুংবগী ওফথালমোলোজিস্তশিংনা থবক অসি পাংথোকখিবনি। হৌজিক ফাওবদা, ঐগী ইনাও অমসুং ইচল লাখ ২ হেনবগী মীৎশিং য়েংখ্রে। মসিগী মথক্ত, মীওই লাখ ১.৫ হেন্না লেম্না হিদাক-লাংথকশিং অমসুং অনোকশিং ফংখি। ঙৌদোং লৈবা মীওই ১৬,০০০ রোম লেম্না ঙৌদোংগী সর্জরি পাংথোক্নবা চিত্রকুত অমসুং মীৎ লায়েংনবগী অফবা খুদোংচাবা লৈবা অনকপা হোস্পিতালশিংদা থাখ্রে। হন্দক্কী এক্ত কা মহা কুম্ভ মনুংদা অসিগুম্বা অফবা থবক কয়া পাংথোকখি।

মরুপশিং,

হায়রিবা থবকশিং অসিগী তুংদা কনা লৈবগে? ঐখোয়গী সাধুশিং অমসুং মুনিশিংগী লমজিং মখাদা, মীয়ামগী থবক তৌনবগী ৱাখল্লোন অমগা লোয়না দোক্তর অমসুং ভোলুন্তিয়র লিশিং কয়ানা মশাগী ওইজবা থিদনা থবক অসি পাংথোকখিবনি। এক্ত কা মহা কুম্ভ শরুক য়াখিবা মীওইশিংনা হায়রিবা থবকশিং অসি তশেংনা থাগৎপা ফোঙদোকখি।

মরুপশিং,

ভারতকী অচৌবা লায়েংশঙ কয়া ঐখোয়গী লাইনিংগী লোইশঙ কয়ানা থবক তৌরি। হকশেল অমসুং সাইন্সতা কৎথোক্লবা থিজিনবগী লোয়শঙ কয়া লাইনিংগা মরী লৈনবা ত্রস্তশিংনা থবক তৌরি। লোয়শঙশিং অসিনা লায়রবা মীওই করোর কয়াদা অনা-লায়েংগী খুদোংচাবশিং পীরি। ঐগী ‘দিদি মা’ মফম অসিদা লৈরি। মমা-মপা লৈত্রবা নুপীমচাশিংগীদমক মহাক্কী কৎথোকপা অসি তশেংনা পুক্নিং থৌগৎলি। হায়রিবা নুপীমচাশিং অসিগী য়াইফনবা মহাক্না মহাক্কী পুন্সি কৎথোক্লে।

মরুপশিং,

ভগবান রামগা মরী লৈনবা শেংলবা লমদম বুন্দেলখন্দগী চিত্রকুত অসি মতম কয়াগী মমাঙদগী অনাবশিং অমসুং দিবয়াংশিংগী থবক তৌবগী অচৌবা মফম অমা ওইদুনা লাক্লি। বাগেশ্বর ধামগী খুৎথাংদা অনৌবা চৎনবী অমা হাপচিনবা অসি ঐ অপেনবা ফাওই। হৌজিক বাগেশ্বর অসি লাইনিং অমসুং অধ্যাতিক্কী মফম অমা ওইবতা নত্তনা অনা-লায়েংগী মফম অমসু ওইরে অমসুং মফম অসিদা হকচাং ফনা লৈনবগী থৌজালশিং ফংলগনি।

শেংলবা মহাসিবরাত্রি থৌরমদা মফম অসিদা ইচানুপী ২৫১ লুহোংবগী অচৌবা থৌরম অমা পাংথোক্কনি হায়বা ঐনা খঙলে। শেংলবা থবক অসিগীদমক ঐনা বাগেশ্বর ধাম থাগৎপা ফোঙদোকচরি। মাঙজৌননা নৌনা লুহোংগদৌরিবা নুপা অমসুং নুপীশিং অনিমক্ত মখোয়গী পুন্সি হরাওনা অমসুং নুংঙাইনা পান্নবা ঐনা য়াইফ পাউজেল পীজরি।

মরুপশিং,

ঐখোয়গী অরিবা লাইরিকশিংনা হায়রি: शरीर–माद्यं खलु धर्म–साधनम्। – হায়বদি ঐখোয়গী থৌদাংশিং পাংথোক্নবা, হরাওবা ফংনবা অমসুং মাইপাকপা পুরক্নবগীদমক ঐখোয়গী হকচাং অমসুং ঐখোয়গী হকচাং ফবা অসি খ্বাইদগী মরুওইবা খুৎলায়শিংনি। মরম অসিদগী, মীয়ামগী সেবা তৌনবা লৈবাক অসিনা ঐঙোন্দা শীন্নরে, ঐনা ঐখোয়গী সরকারনা লমজিংনবা সবকা সাথ, সবকা বিকাস শেম্লে। ৱারেপ অসিগী মরুওইবা য়ুম্ফমদি সবকা ইলাজ, সবকা অরোগ্যা (পুম্নমক্কী অনা-লায়েং, পুম্নমক হকচাং ফবা) হায়বনি।

পান্দম অসি ফংনবগীদমক, মাঙজৌননা লায়না ঙাকথোক্নবা তোঙান তোঙানবা থাকশিংদা ঐখোয়না থবক তৌরি। অদোমদা হংগে-শ্বাছ ভারত অভিয়ানগী মখাদা, খুঙ্গং খুদিংমক্ত তোইলেতশিং শাবরা নত্ত্রগা শাদবরা? মখোয়না অদোমদা কান্নবা পীবরা নত্ত্রগা পীদবরা ? তোইলেতশিং শাববগী মরুওইবা কান্নবশিং অদোম খঙলে- মোৎপদগী থোকহনবা লায়নাশিং হন্থরে। তোইলেতশিং ফজনা লৈবদগী অনা-লায়েংদা চঙগদবা লুপা লিশিং কয়াগী শেনফমশিং কনবা ঙম্লে হায়বা থিজিনবশিংদগী খঙবা ঙম্লে।

মরুপশিং,

২০১৪ দা ঐখোয়গী সরকার লাক্ত্রিঙৈ মমাঙদা, লায়রবনা লায়নদগী লায়েংবদা চঙবা শেনফমনা হেন্নবা কিবা ফিবম অমদা লৈবাক অসিদা লৈরমখি। করিগুম্বা ইমুং অমগী মীওই অমা নারকপা মতমদা, ইমুং অদু হুপ্না শেন-থুমগী অচৌবা অৱাবা মায়োক্নখি। অদোমগুম্না ঐশু অচম্বা ইমুং অমদগী হৌরকপনি। হায়রিবা অৱাবশিং অসি ঐশু থেংনখ্রে। মরম অদুনা অনা-লায়েংদা চঙবা শেনফমগী পোৎলুম হন্থহন্নবা অমসুং অদোমগী ৱানা তাঞ্জবা শেনফমশিং কন্নবা ঐনা ৱাশক অমা শক্লে।

খুদোংচাবা ফংবা য়ারবা কনাগুম্বা অমা চিৎথহৌদনবা ঐনা য়াম্না তোইনা সরকারগী য়াইফ-থৌরাংগী স্কিমশিংগী পীরি। ঙসি ঐনা অকুপ্পা মরোল খর অমুক হন্না হায়রি অমসুং মসি অদোম্না নিংশিংবা খক নত্তনা মখোয় অদোমগা নক্নবা মীওইশিংদা শরুক য়াগনি হায়বগী থাজবা ঐনা থম্লি। অদোমনা মসি ঐগীদমক পাংথোক্কদরা? মীয়ামদা ৱাখল তাহনবা অসিশু থবক অমনি হায়না ঐনা থাজৈ। করিগীদমক ঐখোয়না লায়েংবদা চঙবা শেনফম হন্থহল্লোইদৌরিবনো?

মরম অসিদগী লায়রবা লনাই মীওই অমা লুপা লাখ ৫ ফাওবা লেম্না লায়েংনবগী খুদোংচাবা পীবা অমা ঐনা হৌদোক্লে। মখোয়গী মমা-মপা লায়েংনবা মচানুপা অমতনা লুপা লাখ ৫ চাদিং তৌগনি হায়না ৱাররোই-দিল্লিদা লৈরিবা অদোমগী ইচানুপানা অদোম লায়েংলগনি। অদুবু মসিগী কান্নবা অসি লৌনবগীদমক অদোম অয়ুস্মান কার্দ পায়গদবনি। কার্দ পায়দ্রিবশিং অথুবা মতমদা কার্দ পায়গদবনি। লমদম অসিদা স্কিম অসি পায়খৎপদা লৈবা খুদোংচাদবশিং অথুবা মতমদা কোকহন্নবা ঐনা চীফ মিনিস্তরদা হায়জরি।

মরুপশিং,

অদোম্না নিংশিংগদবা অতোপ্পা মরুওইবা অমা লৈরি। লায়রবা, ইনাকখুনবা নত্ত্রগা মিদল ক্লাস থিদনা, হৌজিক চহি ৭০ গী মথক্ত লৈবা অহল খুদিংমক লেম্না লায়েংবগী খুদোংচাবা পীনবা অয়ুস্মান কার্দ পীরে। কার্দশিং অসি ওনলাইন্দা শাবা য়াগনি অমসুং শেন অমতা চঙলোই। কার্দ শাবদা কনাগুম্বনা শেন পীয়ু হায়রক্লবদি, অদোম্না ঐঙোন্দা ইবীরকউ-ঐনা মখা তাবা থবক পায়খৎকনি। মখোয়গী অয়ুস্মান কার্দশিং শানবগীদমক ঐনা সাধুশিং অমসুং মুনিশিংগী মফমদা হায়জরি। অদোম হকচাং ফরমগনি হায়না ঐনা থাজৈ, অদুবু দরকার ওইরকপা মতমদা, মসিগী খুদোংচাবা অসি থৌরাং তৌদুনা থমগদবনি।

মরুপশিং,

অনাবা কয়া হোস্পিতালদা লায়েংবা দরকার ওইদবা-অনাবশিং য়ুমদা হিদাক চাবা দরকার ওইবা কয়া লৈরি। হিদাক-লাংথকশিং মমল হোংনা ফংহন্নবা, ঐখোয়না লৈবাক শীনবা থুংনা জন ঔশাধি কেন্দ্র ১৪,০০০ লিংখৎলে। কেন্দ্রশিং অসিদা কৈথেলদা লুপা ১০০ পীবা হিদাক অদু লুপা ১৫, লুপা ২০ নত্ত্রগা লুপা ২৫ দা ফংহল্লে। অদোম জন ঔশাধি কেন্দ্রশিংদগী অদোমগী হিদাকশিং লৈরোইদরা?

ঐনা অতোপ্পা ৱাফম অমা খঙহনবা পাম্মী। খুঙ্গংশিংদা কিদনিগী লায়না হেনগৎলকপগী পাউ লৈরে। কিদনগী অনাবা হেনগৎলকপা মতমদা, অনাবশিং দাইলাসিস তৌবা দরকার ওই, মসিদা লম থাপ্না চৎপা অমসুং শেন য়াম্না দরকার ওই। মসিগী খুদোংচাদবা অসি কোকহন্নবা, লৈবাক অসিগী জিলা ৭০০ হেনবদা দাইলাইসিস সেন্তর ১,৫০০ হেন্না লিংখৎতুনা লেম্না দাইলাইসিস তৌবগী খুদোংচাবশিং পীরে।

হায়রিবা সরকারগী খুদোংচাবশিং অদোম্না লৌবা খক নত্তনা অতোপ্পশিংদা খঙহনবা অসিশু তঙাইফদে। অদোম্না মসি ঐগীদমক পাংথোক্কদরা? অদোমগী খুৎশিং থাংগৎপীয়ু অমসুং মসি পাংথোক্কনি হায়না হায়বীয়ু? মসি মীয়ামগী থবক তৌবা অমনি অমসুং অফবা থবক অসিনা অদোমগী পুন্যা ফংগনি।

মরুপশিং,

বাগেশ্বর ধামদা কেন্সর অনাবশিংগী অচৌবা লায়েঙশঙ অমা লিংখৎলগনি। মফম খুদিংমক্ত কেন্সর অসি অচৌবা খুদোংচাদবা অমা ওইরকপা মরমনা, সরকার, সোসাইতি অমসুং লাইনিংগী লুচিংবশিংনা লায়না অসি থেংননবা অপুনবা থবকশিং পায়খৎলে।

মরুপশিং,

মরুওইনা খুঙ্গংশিংদা কেন্সর লায়েংবা অসি কয়া য়াম্না ৱাবগে হায়বা ঐ খঙই। মীয়াম্না মখোয় কেন্সর নারে হায়বা নুমিৎ কয়ানি, থা কয়া ফাওবা খঙদে। অহানবদা মখোয়না লাইহৌ অমসুং চিকপা ফনবা য়ুমদা ফংবা লায়েং কয়া শীজিন্নৈ অমসুং মীওই খরনা লাই খুরুম্মী, অতোপ্পা মীওই খরনা শাশিন্নবা মাইবশিংগী মখুত্তা তাখি। অনাবা হেঞ্জিল্লকপা নত্ত্রগা অপোম্বা উরক্লবা মতমদা মখোয়না দোক্তরগী মনাক্ত চৎকনি। অনাবা অসিগী মমিং পনবা খক্তদা ইমুং হুপ্না অৱাবা অমসুং অকিবনা পীক থনখি অমসুং মঙলানশিং কায়খি অমসুং কনাদগী লায়েংনবা শেন লৌগনি হায়বদা ইমুং কয়া অৱাবনা থনখি। অয়াম্বা মীওইনা, দিল্লি অমসুং মুম্বাই খক্ত লায়েংনবা খঙই।

মরম অদুনা হায়রিবা খুদোংচাদবশিং অসি কোকহন্নবগীদমক ঐখোয়গী সরকারনা থবক পায়খৎলিবনি। চহি অসিগী বজেত্ত, কেন্সর লায়েংনবগী থবকশিং ফগৎনবা মরুওইবা ৱাফম কয়া লাউথোক্লে। কেন্সরগী হিদাকশিং মমল হোংনা ফংহন্নবা মোদীনা থবক পায়খৎলে। মথং চহি অহুমদা, লৈবাক শীনবা থুংনা জিলা খুদিংমক্ত কেন্সর দে কিয়ার সেন্তরশিং লিংখৎলগনি অমসুং তেস্ত তৌবা অমসুং পোথানবা খুদোংচাবশিং ফংহল্লগনি। দিস্ত্রিক হোস্পিতালশিংদা কেন্সর ক্লিনিকশিং লিংখৎলে অমসুং অদোমগী অনকপদা লৈবা মেদিকেল সেন্তরশিংনা লায়েংনবা খুদোংচাবা হেন্না ফংহনগনি।

মরুপশিং,

অদোম নশামক কেন্সরদগী ঙাকথোক্নবা অদোম মিকুপ নাহুম শিংগদবনি অমসুং থবক ফজনা পাংথোক্কদবনি। অহানবা অমসুং খ্বাইদগী মরুওইবা থবক্তি ঙল্লিঙৈদা খঙদোকহৌবা অসিনি। কেন্সর অসি হেক শন্দোকপা হৌখিবদা, মসি লায়েংবা য়াম্না ৱাই। মরম অদুনা ঐখোয়না লৈবাক শীনবা থুংনা চহি ৩০ গী মথক্ত লৈবা মীওইশিং লায়না অসি লৈবরা হায়না চেক তৌবগী থবক পায়খৎলি। অদোমনা মসিগী খুদোংচাবা মপুংফানা লৌনবা ঐনা হায়জরি-মসি মীরাইগনু। করিগুম্বা চিংনবা অমা লৈরবদি,খুদক্ত কেন্সর স্কৃন্নিং তৌগদবনি। অতোপ্পা মরুওইবা অমনা খঙবা অসিনি। কেন্সর লৌনগনবা লায়না নত্তে, মসি হকচাংগা শোক্নবদা শন্দোক্তে। অদুবু পুন্সি মহিং খরনা খুদোংথিবা হেনগৎহল্লি। বিরি অমসুং চুরুতশিং শীজিন্নবা, গুতখা, হিদাক মনা শীজিন্নবা অমসুং মচল য়াম্না থাকপা চীঞ্জাকশিং চাবনা কেন্সর নাহনবদা মতেং পাংই। অদোম হায়রিবা ফত্তবা পোৎলমশিং অসিদগী লাপ্না লৈগদবনি অমসুং অতোপ্পা মীওইশিংশু লাপ্না লৈনবা পুক্নিং থৌগৎকদবনি। অদোমগী হকচাং অমসুং নুংঙাইনা হিংবা মরুওইনা লৌগদবনি। করিগুম্বা ঐখোয়না মাঙজৌননা থবকশিং পায়খৎলবদি, ঐখোয়না হোস্পিতালশিংগী পোৎলুমশিং হন্থহনবা ঙমগনি।

মরুপশিং,

অদোমগী মীনাই অমা ওইনা অদোমগী থবক তৌনবা মোদী কৎথোক্লবনি। ছাতারপুরগী ঐগী ইকোন কোনবা খোঙচত্ত, ঐনা লুপা করোর লিশিং কয়াগী প্রোজেকশিং শঙ্গাখি অমসুং উরেপ-উয়ুং তমখিবা অদু চীফ মিনিস্তরনা ফোঙদোকখ্রে। লুপা করোর ৪৫,০০০ গী কেন-বেতৱা লিঙ্ক প্রোজেক অদোম নিংশিংলমগনি। প্রোজেক অসি চহি কয়া পন্দুনা লাকপনি-সরকার কয়া লাকখি অমসুং চৎখি অমসুং রাজনিতি দল খুদিংমক্কী লুচিংবশিং বুন্দেলখন্দা লাকখি, অদুবু ঈশিং ফংদবগী অৱাবদি হেনগৎলখি। ঐঙোন্দা হায়য়ু, মমাঙগী সরকারশিংনা মখোয়গী ৱাশকশিং থবক ওইনা পাংথোকখিবরা? মোদীদা অদোমগী থৌজাল ফংহল্লবা মতম খক্তদাদ মতম কয়াদগী পন্দুনা লাক্লবা প্রোজেক অসি পায়খৎলকপনি।

থক্নবা ঈশিং ফংদবগী অৱাবশিং কোকহন্নবা থবকশিং পায়খৎলে। জল জিবন মিসনগী মখাদা, বুন্দেলখন্দগী খুঙ্গং খুদিংমক পাইপলাইনশিংগী খুৎথাংদা হৌজিক ঈশিং ফংহল্লে। খুঙ্গংগী লমশিংদা ঈশিং ফংহন্নবা ঐখোয়না চোকথবা লৈতনা থবকশিং পায়খৎলি অমসু ংমসিনা ঐখোয়গী লৌমী ইনাওশিং অমসুং ইচলশিং নুংঙাইহল্লে অমসুং মখোয়গী শেন্থোক হেনগৎলে।

মরুপশিং,

তশেংনা বুন্দেলখন্দ নুংঙাই য়াইফনবা ঐখোয়গী ইমাশিং অমসুং ইচলশিংগী ফিবম ফগৎহনবা তঙাইফদে। মসিগীদমক, ঐখোয়না লাখপতি দিদি অমসুং দ্রোন দিদিগুম্বা থবকশিং হৌদোক্লে। ঐখোয়গী পান্দমদি ইচল করোর ৩ লাখপতি দিদিশিং ওইহনবনি। নুপীশিং দ্রোন পাইবা তম্বীরে। ৱাখলদা শাগৎলু- বুন্দেলখন্দা ইথৈ-লৌখোঙদা ঈশিং চেনবা, ঐখোয়গী ইচলশিংনা দ্রোনশিং পাইবা অমসুং লৌউ-শিংউগী থবকশিংদা থৱায় য়াওনা শরুক য়াবা। মসিনা বুন্দেলখন্দ চাউখৎপগী লম্বীদা য়াংনা পুরক্কনি।

মরুপশিং,

দ্রোন তেক্নোলোজিগী খুৎথাংদা ঐখোয়গী খুঙ্গংশিংদা অচৌবা অওনবা অমশু পুরক্লে। শ্বামিতভা য়োজনাগী মখাদা লমশিং সর্ভে তৌনবা দ্রোনশিং শীজিন্নরে অমসুং লমগী মপু ওইনবা চে-চাংশিং পীরে। থবক অসিদা মধ্য প্রদেস শিংথাবা য়ানা থবক পায়খৎলে। হায়রিবা লমগী চে-চাংশিং অসিগী খুৎথাংদগী হৌজিক মীয়াম্না য়াম্না লাইনা বেঙ্কশিংদগী লোনশিং লৌরে অমসুং শেনফম অদু ললোন-ইতিক হৌদোকপদা শীজিন্নরে অমসুং থবক ফংনবগী খুদোংচাবশিং পীরে।

মরুপশিং,

বুন্দেলখন্দ লমদম চাউখৎপগী অনৌবা থাকশিংদা পুখৎনবা দবল ইঞ্জিন সরকারনা চোকথবা নাইদনা থবক তৌরি। ঙসি বাগেশ্বর ধামদা, মখা তানা বুন্দেলখন্দ চাউখৎনবা ঐনা থৌনিজরি। হনুমান দাদা জিনা থৌজাল পীবা ঐনা পাম্মী।

মরুপশিং,

মসি অচৌবা থৌরম অমনি, অচৌবা মিসন অমনি। সাধুশিং অমসুং ঈশ্বরনা ঐখোয়দা থৌজাল পীবা মতমদা, অকক্নবা মতমগী মনুংদা ঐখোয়গী পান্দমশিং ফংবা ঙমগনি। মীওই খরনা ঐঙোন্দা শঙ্গাবা লাক্নবা হায়খি, অদুগা খরনা মখোয়গী লুহোংবগী থৌরমশিং য়াওনবা চেবাউ পীরকখি। ঙসি ঐনা মীয়ামদা লাউথোক্লি- ঐনা থবক অনিমক পাংথোক্কনি।

ঐনা অমুক হন্না অদোমগী মফমদা ঐগী য়াইফ পাউজেল পীজরি। অদোম থাগৎচরি। হর হর মহাদেব!

দিসক্লেমর: মসি প্রধান মন্ত্রীগী ৱারোলদগী চাউরাক্না হন্দোকপনি। অশেংবা ৱারোল হিন্দীদা পীখি।

*****