ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি লোক সভাদা পার্লিয়ামেন্তদা রাস্ত্রপতিগী ৱারোলগী মোসন ওফ থেঙ্কসকী পাউখুম পীখ্রে। হাউসতা ৱা ঙাংলদুনা, প্রধান মন্ত্রীনা ঙরাং অমসুং ঙসি খন্ন-নৈনবদা শরুক য়াখিবা ইকায় খুম্নরবা এম.পি. পুম্নমক্কী থৌদাং অদু থাগৎলদুনা মহাক্না হায়খি মদুদি দিমোক্রেসীগী চৎনবী অসিদা মথৌ তাবা মফমদা থাগৎপা অমসুং মথৌ তাবা মফমদা নেগেতিব রিমার্কশিং পীবা য়াওরি, মসি মহৌশানি। মহাক্না হায়খি মদুদি মীয়ামনা 14শুবা ওইনা রাস্ত্রপতিগী ৱারোলগীদমক থাগৎপা ফোংদোক্নবগী খুদোংচাবা পীবা অসি য়াম্না চাউবা খুদোংচাবা অমনি। মহাক্না নাগরিকশিংদা মহাক্কী থাগৎপা ফোংদোকখি অমসুং খন্ন-নৈনবদা শরুক য়ারিবা পুম্নমকপু মখোয়গী ৱাখল্লোনগা লোয়ননা প্রপোজেল অসি মপাঙ্গল কনখৎহনবগীদমক থাগৎপা ফোংদোকখি।

2025 ফাওবদা 21শুবা চহিচাগী ক্বার্তর অমা হৌখ্রগনি হায়না পল্লদুনা শ্রী মোদীনা হায়খি মদুদি মতমনা নীংতম্লবা মতুংগী 20শুবা চহিচা অমসুং 21শুবা চহিচাগী অহানবা চহি 25গী মায়পাকপশিং অদু লেপক্কনি। মহাক্না অকনবা ৱাফম থমখি মদুদি রাস্ত্রপতিগী ৱারোলগী অকুপ্পা মরোল নৈনবদা মসিনা তুংগী চহি 25 অমসুং চাউখৎলবা ভারতকী মঙলানদা অনৌবা থাজবা অমা পোকহল্লি। প্রধান মন্ত্রীনা হায়খি মদুদি রাস্ত্রপতিগী ৱারোল অসিনা ভিক্সিৎ ভারতকী ৱারেপ অদু মপাঙ্গল কনখৎহল্লি, অনৌবা থাজবা অমা পোকহল্লি অমসুং মীয়াম্বু পুক্নিং থৌগৎলি।

প্রধান মন্ত্রীনা হায়খি মদুদি হৌখিবা চহি 10দা, স্তদী কয়ানা ফোংদোকখিবগী মতুং ইন্না, মীওই করোর 25না লায়রবদগী থোরকখ্রে। মহাক্না হায়খি মদুদি সরকারনা লায়রবশিং অমসুং অৱাবা তারবশিংগীদমক্তা অখন্নবা মীৎয়েং থমদুনা স্কিমশিং অসি মপুং ফানা পায়খৎলকপদগী মসিগী থবক অসি পাংথোকপা ঙমখি। মহাক্না মখা তারদুনা হায়খি মদুদি করিগুম্বা লমদম অসিদা লৈরিবা মীওইশিং অমসুং লমদম অসিগী অশেংবা ফিভম খঙলবা মীওইশিংনা লমদম অসিগী মীয়ামগীদমক থবক তৌরবদি, লমদম অসিদা অহোংবা লাকপা হায়বসি শুকশোই শোইদ্রবনি অমসুং শোইদনা ওইথোক্কনি। শ্রী মোদীনা হায়খি, “ঐখোয়গী সরকারনা লায়রবশিংদা অরানবা স্লোগান পীদে, অদুবু অশেংবা চাউখৎপা পীরি।” মহাক্না মখা তাখি মদুদি মহাক্কী সরকার অসিনা খুন্নাইগী শরুক খুদিংমক্কীদমক থবক তৌরি। মসিনা লায়রবশিংগী অৱাবা অমসুং মিদ্দল ক্লাসকী আশাশিংবু মপুং ফানা খঙ‌ই হায়না উৎলি।

নোংজু মতমদা কচ্ছা য়ুমশিং অমসুং শঙশিংদা লৈবগী অৱাবা অদু পল্লদুনা প্রধান মন্ত্রীনা হায়খি মদুদি সরকারনা হৌজিক ফাওবদা লায়রবশিংদা য়ুম করোর মরি য়েন্থোকখ্রে। নুপীশিংনা লমহাংদা খোঙ হামবদা থেংনরিবা অৱাবা অদু পল্লদুনা মহাক্না হায়খি মদুদি সরকারনা নুপীশিংগী অৱাবা কোকহন্নবা তোইলেৎ করোর 12 হেন্না শাখ্রে। সরকারনা হর ঘর জল স্কিমগী খুত্থাংদা য়ুমথোং খুদিংদা ঈশিং ফংহন্নবা মীৎয়েং থম্লি হায়না পল্লদুনা প্রধান মন্ত্রীনা হায়খি মদুদি নীংতম্বা ফংলবা চহি 75গী মতুংদা, চাউরাক্না য়ুমথোং 75% নৎত্রগা করোর 16 হেনবদা থক্নবা ঈশিংগী কনেক্সন লৈতে। মহাক্না হায়খি মদুদি সরকারনা হৌখিবা চহি 5দা ইমুং করোর 12দা তেপ ৱাতর কন্নেক্সন ফংহনখ্রে অমসুং থবক অসি খোঙজেল য়াংনা চত্থরি। রাস্ত্রপতিগী ৱারোলদা লায়রবশিংগীদমক পায়খৎলিবা থবকশিংগী অকুপ্পা মরোলশিং পল্লদুনা শ্রী মোদীনা হায়খি মদুদি প্রোব্লেম অমা মশক খঙদোকপা অসি খক্তনা য়াদে, অদুবু সোলুসন অমা ফংহন্নবা হোৎনবদা অচেৎপা মীৎয়েং চঙবা মথৌ তাই। মহাক্না মখা তাখি মদুদি মহাক্কী সরকারনা হৌখিবা চহি 10দা তৌখিবা থবকশিং অদুগা লোয়ননা রাস্ত্রপতিগী ৱারোলদা উবা ফংখিবগী মতুং ইন্না, সমস্যাশিং অদুগী ৱারোইশিন পুরক্নবা হোৎনবা কন্না হোৎনখি।

হান্নগী ফীভম অদু পল্লদুনা মহাক্না হায়খি মদুদি থাখিবা লুপা খুদিংমক্তগী শুপ্নগী পৈশা 15 খক্তমক ফংফম থোকপদা য়ৌহল্লি। প্রধান মন্ত্রীনা হায়খি মদুদি সরকারগী মোদেল ‘বচত ভী, বিকাস ভী’ হায়বদি সেভিংসকা লোয়ননা প্রোগ্রেস হায়বসিনা মীয়ামগী শেনফম অসি মীয়ামগী য়াইফনবা শীজিন্ননবা হোৎনরি। জনধন-আধার-মোবাইল (JAM) ত্রিনিতীগা লোইননা সরকারনা দাইরেক্ত বেনিফিৎ ত্রান্সফর (DBT) হৌদোকখ্রে অমসুং মীওইশিংগী বেঙ্ক একাউন্তশিংদা চাউরাক্না লুপা করোর লাখ 40 থাদোকখ্রে হায়না মহাক্না মখা তাখি। গবর্নমেন্তকী য়াইফ-থৌরাংগী স্কিমশিংগী খুত্থাংদা চাউরাক্না কান্নবা ফংলবা মীওই করোর 10 রোম লৈরি হায়না পল্লদুনা প্রধান মন্ত্রীনা হায়খি মদুদি হৌখিবা চহি 10 অসিদা, সোসিএল জস্তিস ফংহন্নবা কান্নবা ফংলবা মীওইশিং মুত্থৎখ্রে অমসুং তোঙান তোঙানবা স্কিমশিংগী খুত্থাংদা অশেংবা কান্নবা ফংলবশিং হাপচিনখ্রে। মহাক্না মখা তাখি মদুদি মসিনা লুপা করোর লাখ 3গী চাউরাকপা শেনফম অসি অরানবা খুৎতা য়ৌখিগদবদগী ঙাকথোক্লে। সরকারনা পব্লিক প্রোক্যুরমেন্ততা তেক্নোলোজী পাক শন্না শীজিন্নখি, GeM (গবর্নমেন্ত ই-মার্কেৎ প্লেস) পোর্তেলগী খুত্থাংদা ত্রান্সপরেন্সী পুরকখি, মসি হৌজিক রাজ্য সরকারশিংনা শীজিন্নরি হায়না শ্রী মোদীনা ফোংদোকখি। GeM পোর্তেলগী খুত্থাংদা পায়খৎলিবা পোৎ-চৈশিং অসি ত্রেদিস্নেল পোৎ-চৈশিংগা চাংদম্নবদা হেন্না মমল হোংবা ওইরি। মসিনা সরকারগী ওইনা লুপা করোর 1,15,000 কনবা ঙম্লে।

শ্রী মোদীনা হায়খি মদুদি স্বচ্ছ ভারত অভিয়ান অসি অহানবদা কান্নখিদে, মীওই কয়ানা মসিবু অশোয়বা অমা নৎত্রগা পাপ অমা ওইনা লৌখি। অৱাবা কয়া মায়োক্নরবসু, মহাক্না চাউথোকচবা পোক্তুনা হায়খি মদুদি শেংদোক্নবা হোৎনরিবা অসিগী মতুং ইন্না, হৌখিবা চহিশিংদা সরকারগী ওফিসশিংদগী স্ক্রেপ য়োনদুনা সরকারনা লুপা করোর 2,300 ফংলে। প্রধান মন্ত্রীনা মহাত্মা গান্ধীগী ত্রস্তীশিপকী প্রিন্সিপল অদু পনখি। মহাক্না হায়খি মদুদি মখোয় অসি মীয়ামগী প্রোপর্তীগী ত্রস্তীশিংনি অমসুং মখোয়না পৈশা খুদিংগী সেভ তৌনবা অমসুং মসিবু মতিক চাবা মওংদা শীজিন্ননবা ৱাশক্লি।

সরকারনা ইথানোল ব্লেন্দিংগী মতাংদা মরু ওইবা ৱারেপ লৌখিবগী মতাংদা পল্লদুনা প্রধান মন্ত্রীনা হায়খি মদুদি ভারত অসি ইনর্জীগী লমদা মীপাল তাংদবা ওইদে অমসুং মপানগী সোর্সশিংদা মখা পোল্লি। মহাক্না হায়খি ইথানোল ব্লেন্দিং হৌদোকপনা পেত্রোল অমসুং দিজলগী চাদিং হন্থহল্লে, মসিনা লুপা করোর লাখ 1 কনবা ঙমহল্লে। প্রধান মন্ত্রীনা অকনবা ৱাফম থমখি মদুদি হায়রিবা শেনফম অসিনা লৌমীশিংদা হকথেংননা কান্নবা ফংহল্লে, মখোয়গী পোকেৎতা চাউরাক্না লুপা করোর লাখ 1 থাদরে।

প্রধান মন্ত্রীনা হায়খি মদুদি মহাক্না সেভিংগী মতাংদা ৱা ঙাংলিঙৈদা, পাউচেশিং অসি লাখ কয়া অমসুং করোর কয়াগী স্কেমগী মতাংদা ময়েক শেংনা ফোঙনরম্মি। অসিগুম্বা স্কেমশিং অসি থোকখিদবা চহি 10 মপুং ফাখ্রে হায়না মহাক্না ফোংদোকখি। হায়রিবা স্কেমশিং অসি লৈতবনা লৈবাক অসিদা লুপা করোর লাখ কয়া কনবা ঙম্লে হায়না মহাক্না ফোংদোকখি। সেভিংশিং অসি মীয়ামগী সেবা তৌবদা মাইকৈদা শীজিন্নরি।

লৌখৎলিবা খোঙথাং কয়া অসিনা লুপা করোর লাখ কয়া কনবা ঙম্লে হায়না পল্লদুনা শ্রী মোদীনা হায়খি মদুদি হায়রিবা শেনফমশিং অসি অচৌবা য়ুমশিং শানবা শীজিন্নখিদে অদুবু লৈবাক শেমগৎপদা শীজিন্নখি। মহাক্না পনখি মদুদি ইনফ্রাস্ত্রকচরগী বজেৎ অসি চহি 10গী মমাংদা লুপা করোর লাখ 1.8 ওইরম্মি অদুগা ঙসিদি ইনফ্রাস্ত্রকচরগী বজেৎ অসি লুপা করোর লাখ 11 ওইরে। প্রধান মন্ত্রীনা হায়খি মদুদি লম্বী, হাইৱেজ, রেলৱেজ অমসুং রুরেল রোদকুম্বা হিরমশিংদা চাউখৎ-থৌরাংগী মপাঙ্গল কনবা য়ুম্ফম শেম্লে।

“ত্রাস্তীশিপকী প্রিন্সিপলগী খুত্থাংদা মরুওইনা পল্লিবা অসিগুম্না সরকারগী ত্রেজরীদা সেভিং অসি তঙাইফদে। অদুম ওইনমক, অসিগুম্বা সেভিংসশিং অসিদগী মীচম প্রজাশিংসু কান্নবা ফংবা অসিসু চপ মান্ননা মরু ওই” হায়না প্রধান মন্ত্রীনা হায়খি। মহাক্না হায়খি মদুদি স্কিমশিং অসি পব্লিক সেভিংস ফংহন্নবা দিজাইন তৌগদবনি। আয়ুশ্মান ভারত স্কিমগী মতাংদা পল্লদুনা মহাক্না হায়খি মদুদি নাগরিকশিংনা অনাবনা মরম ওইদুনা তৌবা চাদিং অসি য়াম্না হন্থরে। মহাক্না হায়খি মদুদি আয়ুশ্মান ভারত স্কিম্না মীয়ামগীদমক চাউরাক্না লুপা করোর লাখ 1.2 কনবা ঙম্লে। জন ঔশধী কেন্দ্রশিংগী মরুওইবা অদু পল্লদুনা শ্রী মোদীনা হায়খি মদুদি চহি 60-70গী মনুংদা লৈবা অহল ওইরবা মীওইশিং লৈবা ইমুংশিংগীদমক্তা, মেদিকেলগী শেনফম অসি য়াম্না চাউবা য়াই অমসুং জন ঔশধী কেন্দ্রশিংনা হিদাক-লাংথকশিংদা চাদা 80গী ওইবা দিসকাউন্ত পীদুনা ইমুংশিংদা মেদিকেলগী শেনফমদা চাউরাক্না লুপা করোর 30,000 কনবা ঙমহল্লে।

অফবা সেনিতেসন অমসুং তোইলেৎ লৈবা ইমুংশিংনা চহি খুদিংগী চাউরাক্না লুপা 70,000 কনবা ঙমগনি হায়রিবা UNICEFকী এস্তিমেসন অদু শ্রী মোদীনা পনখি। স্বচ্ছ ভারত অভিয়ান, তোইলেৎ শাবগী থবক অমসুং অশেংবা ঈশিং ফংহনবা অসিগুম্বা খোঙথাংশিংনা অয়াম্বা ইমুংশিংদা কান্নবা কয়া ফংহল্লে হায়না মহাক্না অকনবা ৱাফম থমখি।

“নাল সে জল” ইনিসিয়েতিব অসি WHOনা থাগৎপা ফোংদোক্লদুনা প্রধান মন্ত্রীনা হায়খি মদুদি WHOগী রিপোর্তকী মতুং ইন্না ইনিসিয়েতিব অসিগী খুত্থাংদা অশেংবা ঈশিং ফংহনবনা ইমুংশিংদা অতোপ্পা অনাবশিংগা মরী লৈনবা মেদিকেলগী শেনফমশিংদা চহি খুদিংগী চাংচত্তা লুপা 40,000 কনবা ঙমহল্লে। মহাক্না হায়খি মদুদি অসিগুম্বা স্কিম কয়া অমা লৈরি অমসুং মসিনা মীচম প্রজাশিংদা মখোয়গী শেল তুংশিনবদা তেংবাংলি।

নাগরিক মিলিয়ন কয়াদা লেম্না চেং-হৱায় য়েন্থোকপদগী ইমুং কয়াদা শেল য়াম্না কনবা ঙম্লে হায়না পল্লদুনা শ্রী মোদীনা হায়খি মদুদি পি.এম. সুর্য়গর মুফ বিজলি স্কিম্না ইমুং কয়াদা চহি খুদিংগী চাংচত্তা 25,000দগী 30,000 ফাওবা মৈগী শেনফম কনবা ঙমহল্লে। মসিগী মথক্তা, অহেনবা ওইনা পুথোকপা ইলেক্ত্রিসিতী অমহেক্তবু শেন্দোং ফংনবগীদমক্তা য়োন্থোকপা য়াই। প্রধান মন্ত্রীনা তোঙান তোঙানবা খোঙথাং কয়াগী খুত্থাংদা মীচম প্রজাশিংনা শেল য়াম্না কনবা ঙম্লিবসিদা অকনবা ৱাফম থমখি। মহাক্না LED বল্ব কেম্পেনগী মতাংদা পনখি। মহাক্না হায়খি মদুদি মখোয়গী মতমগী মমাংদা LED বল্ব অমমম লুপা 400দা য়োল্লি। কেম্পেন অসিনা মরম ওইদুনা, মমল অসি 40দা হন্থহনখি, মসিনা ইলেক্ত্রিসিতী সেভ তৌহনখি অমসুং মঙাল হেনগৎহনখি। মসিগী কেম্পেন অসিনা নাগরিকশিংদা চাউরাক্না লুপা করোর 20,000 কনবা ঙম্লে হায়না মহাক্না মখা তাখি। সোইল হেল্থ কার্দ অসি সাইন্তিফিক ওইবা মওংদা শীজিন্নখিবা লৌমীশিংনা একর অমদা লুপা 30,000 কনবা ঙমদুনা য়াম্না কান্নবা ফংলি হায়না প্রধান মন্ত্রীনা ফোংদোকখি।

ইনকম তেক্সকী মতাংদা পল্লদুনা প্রধান মন্ত্রীনা হায়খি মদুদি হৌখিবা চহি 10 অসিদা সরকারনা ইনকম তেক্স রেৎ হন্থহনখ্রে। মসিনা মিদ্দল ক্লাসকী শেন্থং হেনগৎহনখ্রে। মহাক্না হায়খি মদুদি 2013-14দা লুপা লাখ 2 খক্তমক ইনকম তেক্সতগী একজেম্প তৌখি অদুগা ঙসিদি লুপা লাখ 12দি ইনকম তেক্সতগী মপুং ফানা লৌথোক্লে। 2014, 2017, 2019 অমসুং 2023দা সরকারনা লেপ্তনা মতেং পীনবা থবক পায়খৎলি অমসুং স্তেন্দর্দ দিদক্সন লুপা 75,000 হাপচিল্লকপগা লোয়ননা এপ্রিল 1দগী হৌরগা লুপা লাখ 12.75 ফাওবগী ইনকম তেক্স অমত্তা পীবা মথৌ তাদ্রে হায়না প্রধান মন্ত্রীনা ফোংদোকখি।

মমাংগী দিসপেন্সনশিং অসি তঙাইফদবা ফীভমশিংদগী লাপ্না লৈরম্বা অমসুং ৱা ঙাঙনবা হোৎনরম্বা অদুগীদমক প্রধান মন্ত্রীনা অকনবা ৱাফম থমখি। মহাক্না মখা তানা হায়খি মদুদি 21শুবা চহিচাগী মতাংদা ৱা ঙাঙখিবা লুচিংবশিংনা 20শুবা চহিচাগী মথৌ তাবশিং অদু মপুং ফাহনবা ঙমখিদে। লৈবাক অসিনা চহি কয়াগী মমাংদা লোইশিনগদৌরিবা থবকশিং অসি চহি 40-50গী মতুংদা লোইশিনখ্রে হায়বা খঙবদা মহাক্না পেন্দবা ফোঙদোকখি। শ্রী মোদীনা মখা তাখি মদুদি মীয়ামনা সেবা তৌবগী খুদোংচাবা পীখিবা 2014দগী হৌরগা, সরকারনা নহারোলশিংদা অহেনবা মীৎয়েং থম্লি, মখোয়গী এস্পিরেসনশিংদা মীৎয়েং থম্লি অমসুং মখোয়গীদমক খুদোংচাবা কয়া শেম্লি। মসিনা মরম ওইদুনা, নহারোলশিংনা মখোয়গী হৈশিংবা অমসুং মায় পাকপশিংবু চাউথোকচবা পোকহল্লি। প্রধান মন্ত্রীনা স্পেস সেক্তর, দিফেন্স সেক্তর অমসুং সেমিকন্দক্তর মিসন হৌদোকপগী মতাংদা পনখি। ইন্নোবেসন প্রমোৎ তৌনবা, অনৌবা স্কিম কয়া অমা হৌদোকখ্রে, অমসুং স্তার্ত-অপ ইন্দিয়া ইকোসিস্তেম মপুং ফানা শেমগৎখ্রে। মসিগী মথক্তা, মহাক্না হায়খি মদুদি হৌজিক লৈরিবা বজেৎ অসিদা মরুওইবা ৱারেপ অমা লৌখিবা অসি লুপা লাখ 12 ফাওবগী ইনকমদা ইনকম তেক্স লৌথোকপা অসিনি। মসিগী মথক্তা, প্রধান মন্ত্রীনা লৈবাক অসিগীদমক লোং-তর্ম পোজিতিব ইম্পেক্তশিং লৈগদবা ন্যুক্লিয়র ইনর্জী সেক্তর হাংদোক্নবা লাউথোকখি।

AI, 3D প্রিন্তিং, রোবোতিক্স অমসুং ভর্চুএল রিয়েলিতিগী মরুওইবা অদু পল্লদুনা অমসুং গেমিং সেক্তরদা হোৎনরিবশিং অদু পল্লদুনা শ্রী মোদীনা লৈবাক অসিগী নহারোলশিংদা ভারতপু মালেমগী ওইনা ক্রিএতিব গেমিংগী কোনুং ওইহন্নবা পুক্নিং থৌগৎখি। প্রধান মন্ত্রীনা হায়খি মদুদি মহাক্কীদমক্তা, AIনা আর্তিফিসিএল ইন্তেলিজেন্স খক্তমক নত্তনা এস্পিরেস্নেল ইন্দিয়াসু তাক্লি। মহাক্না স্কুলশিংদা অতল তিঙ্করিং লেব 10,000 হৌদোকখিবগী মতাংদা পনখি। মহৈরোয়শিংনা মখোয়গী রোবোতিক্সকী ক্রীএসনশিংগা লোয়ননা অতোপ্পশিংবু পুক্নিং থৌগৎলি। হৌজিক লৈরিবা বজেৎ অসিদা অতল তিঙ্করিং লেব 50,000গী প্রোভিজন য়াওরি। প্রধান মন্ত্রীনা মসিসু পনখি মদুদি ভারতকী AI মিসননা মালেমগী ওইনা অপেনবা পোকহল্লে, অমসুং মালেমগী AI প্লেৎফোর্মদা ভারতকী মতিং অসি মশক থোক্লে।

চহি অসিগী বজেৎ অসিদা দিপ তেক লমদা ইনবেস্তমেন্ত য়াওরি হায়বা ৱাফম থম্লদুনা প্রধান মন্ত্রীনা হায়খি মদুদি 21শুবা চহিচা অসিদদি তেক্নোলোজীনা খুমাং চাউশিল্লগনি, ভারতনা দিপ তেক লমদা খোঙজেল য়াংনা খুমা চাউশিল্লকপা অসি তঙাইফদে। মহাক্না হায়খি মদুদি সরকার অসিনা নহারোলশিংগী তুংলমচৎকীদমক লেপ্পা লৈতনা থবক তৌরি। অদুম ওইনমক, মহাক্না পোলিতিকেল পার্তী খরবু ইলেক্সনগী মতমদা মখোয়না মপুং ফাহনদ্রবা এলাৱেন্সকী ৱাশকশিংগা লোয়ননা নহাশিংবু লান্না লমজিংবগীদমক কন্না মরাল শিখি। মহাক্না হায়খি মদুদি হায়রিবা পার্তীশিং অসি নহারোলশিংগী তুংলমচৎকীদমক খুদোংথীনিঙাই ওইরক্লি।

হরিয়ানাদা হন্দক থোকখিবা থৌদোকশিং অদু পল্লদুনা সরকার শেম্বা মতমদা শেল অমত্তা নৎত্রগা ইন্তরমিদিয়রী অমত্তা য়াওদনা থবক পীগনি হায়না থাজবা পীরম্বা অদু পাংথোক্লে হায়না প্রধান মন্ত্রীনা হায়খি। মহাক্না হরিয়ানাগী পুৱারী ওইরবা থংন-থংননা অহুমশুবা মায় পাকপগী থৌরম পাংথোকখি। মতৌ অসুম্না, প্রধান মন্ত্রীনা মহারাস্ত্রদা পুৱারী ওইরবা ফলশিং অদু শকখঙখি। মহাক্না লৈঙাকপা পার্তীনা মমাংদা অমুক্তা ওইখিদ্রিবা মশিং কয়া অমা ফংখিবা অদু পনখি। মহাক্না মসিগী মায়পাকপা অসি মীয়ামগী য়াইফ-মঙ্গোলদগীনি হায়খি।

প্রধান মন্ত্রীনা সম্বিধানগী চহি 75 মপুং ফারকপগী মতাংদা কুপ্না খন্ন-নৈনখিবা রাস্ত্রপতিগী ৱারোল অদু পনখি। মহাক্না অকনবা ৱাফম থমখি মদুদি কন্সতিত্যুসনগী আর্তিকলশিংগী মথক্তা, মসিগী স্পিরিৎ অসি হিংগদবনি অমসুং ঐখোয়না মসিদা লেপ্লি। শ্রী মোদীনা হায়খি মদুদি গবর্নরশিংনা মখোয়গী রাজ্যশিংগী থবক থৌরমশিং অদু মখোয়গী ৱারোলশিংদা শন্দোক্না তাকপগুম্না রাস্ত্রপতিনা মহাক্কী ৱারোলদা হৌখিবা চহি অমগী সরকারগী থবক থৌরমশিং অদু শন্দোক্না তাকপা চৎনবী অমা ওইরি। মহাক্না হায়খি মদুদি গুজরাতনা চহি 50শুবা মপোক কুমওন পাংথোকপা মতমদা সম্বিধান অমসুং দেমোক্রেসীগী অশেংবা ৱাখল্লোন অদু উৎখি অমসুং মহাক্না মুখ্য মন্ত্রী ওইনা থবক তৌখি। মহাক্না মখা তাখি মদুদি গোল্দন জুবিলী চহিগী মনুংদা, মহাক্না হৌখিবা চহি 50দা এসেমব্লিদা গবর্নরশিংনা পীখিবা ৱারোল পুম্নমক পুথোক্নবা মরু ওইবা ৱারেপ লৌখি। মসি হৌজিক লাইব্রেরী পুম্নমক্তা ফংলে। মহাক্না হায়খি মদুদি মহাক্কী এদমিনিস্ত্রেসননা ৱারোলশিং অসিবু ফোঙবদা চাউথোকচৈ। মহাক্না সম্বিধানগী ৱাখল্লোনবু খঙমিন্নবা অমসুং হিংমিন্নবা মখোয়গী অচেৎপা ফিরেপ অদু পনখি।

প্রধান মন্ত্রীনা পনখি মদুদি 2014দা মখোয়না লৈঙাক পায়রকপা মতমদা, মথৌ তাবা সিৎ মশিং ফংদবনা মরম ওইদুনা অয়াবা পীরবা ওপোজিসন পার্তী অমত্তা লৈখিদে। আইন কয়া অমনা সরকারবু নীংতম্না থবক তৌবগী অয়াবা পীখি, অমসুং কম্মিতী কয়া অমনা ওপোজিসনগী লুচিংবা য়াওবা য়াহনখি, অদুবু অমত্তা লৈখিদে। প্রধান মন্ত্রীনা হায়খি মদুদি সম্বিধানগী ৱাখল্লোন অমসুং দেমোক্রেসীগী মগুনশিং ঙাক্না চৎতুনা, মশক খঙলবা ওপোজিসন অমত্তা লৈত্রবসু, মীফমশিংদা খ্বাইদগী চাউবা পার্তীগী লুচিংবা কৌনবা মখোয়না ৱারেপ লৌখি। মসিনা দেমোক্রেসীগী মরুওইবশিং অদুদা মখোয়গী অচেৎপা ফিরেপ অদু উৎলি। শ্রী মোদীনা হায়খি মদুদি মমাংদা, প্রধান মন্ত্রীশিংনা ফাইলশিং অসি মনীং তম্না হেন্দল তৌখি। অদুম ওইনমক, মহাক্কী লৈঙাক্না ওপোজিসনগী লুচিংবশিংবু থৌওংশিং অসিদা য়াওহনখি অমসুং মখোয়গী শরুক য়াবা ফংহন্নবা আইনশিংসু শেমখি। প্রধান মন্ত্রীনা হায়খি মদুদি ইলেক্সন কম্মিসন শেম্লবা মতুংদা, ওপোজিসনগী লুচিংবা অসিনা ৱারেপ লৌবগী থৌওং অদুদা শরুক য়াগনি। মসিনা সম্বিধানগী মতুং ইন্না হিংনবগী মখোয়গী ফিরেপ অদু উৎলি।

দিল্লীদা মফম কয়াদা ইমুংশিংনা প্রাইবেৎ ম্যুজিয়মশিং শেমগৎলি হায়না পল্লদুনা শ্রী মোদীনা হায়খি মদুদি মীয়ামগী শেনফম শিজিন্নবগী মতাংদা, দিমোক্রেসী অমসুং সম্বিধানগী ৱাখল্লোনগা লোয়ননা হিংবা অসি মরু ওই। মহাক্না প্রধান মন্ত্রী ম্যুজিয়ম শেমখিবগী মতাংদা পনখি। মসিনা অহানবা প্রধান মন্ত্রীদগী হৌরগা মহাক্কী মমাংগী প্রধান মন্ত্রী পুম্নমক্কী পুন্সি অমসুং থবকশিং উৎলি।  প্রধান মন্ত্রীনা পি.এম. ম্যুজিয়ম অসিদা য়াওরিবা শক্নাইরবা লুচিংবশিংগী ইমুং-মনুংশিংনা ম্যুজিয়ম অসি য়েংশিনবা অমসুং ম্যুজিয়ম অসি মখা তানা মপাঙ্গল কনখৎহন্নবা অমসুং নহা ওইরিবা মীরোলশিংবু পুক্নিং থৌগৎনবা অহেনবা খোঙথাংশিং লৌখৎনবা মহাক্কী অপাম্বা ফোঙদোকখি। মশাগীদমক হিংবা হায়বসি মীপুম খুদিংমক্কীনি, অদুবু সম্বিধানগীদমক হিংবা হায়বসি মখোয়না থাজবা থম্লিবা হেন্না ৱাংবা ৱায়েল অমনি হায়না মহাক্না অকনবা ৱাফম থমখি।

প্রধান মন্ত্রীনা হায়খি, “পাৱর অসি সর্ভিসকীদমক শীজিন্নবা মতমদা, মসিনা লৈবাক শেমগৎপদা মতেং পাংই, অদুবু পাৱর অসি লেগেসী ওইরকপা মতমদা, মসিনা মীওইশিংবু মাংহল্লি।” মখোয়না সম্বিধানগী ৱাখল্লোন ঙাক্না চৎলি অমসুং খেন্নবগী রাজনিতীদা শরুক য়াদে হায়না মহাক্না অকনবা ৱাফম থমখি। মহাক্না নেস্নেল য়ুনিতীগী মরুওইবা অদু পনখি অমসুং মালেমগী খ্বাইদগী ৱাংবা স্তেচু, স্তেচু ওফ য়ুনিতী, সর্দার বল্লভভাই পতেলদা কত্থোকখিবগী থৌরম অদু নীংশিংখি। সম্বিধানগী মতুং ইন্না হিংনবগী মখোয়গী অচেৎপা অসিনা মখোয়গী থবকশিংবু লমজিংলি।

মীওই খরনা শহরগী নক্সালশিংগী লোল অসি ফোংনা শীজিন্নরিবা অসি য়াম্না নুংঙাইতবা অমনি হায়না ফোঙদোক্লদুনা শ্রী মোদীনা হায়খি মদুদি লোল অসিবু শীজিন্নরিবা অমসুং ভারতকী রাজ্যবু শিংনরিবা মীওইশিং অসিনা সম্বিধান অমসুং লৈবাক অসিগী অপুনবগী মগুন খঙবা ঙমদে।

চহি তরাগী খুজিং কয়াদগী জম্মু অমসুং কাশ্মীর অমসুং লদাখ অসি কন্সতিত্যুস্নরী ওইবা হকশিংদগী লাপথোকখি হায়না পল্লদুনা প্রধান মন্ত্রীনা হায়খি মদুদি মসি সম্বিধান অমসুং জম্মু অমসুং কাশ্মীর অমসুং লদাখকী মীয়াম অনিমক্কী মায়োক্তা অরানবা অমনি। আর্তিকল 370 মুত্থৎতুনা, প্রধান মন্ত্রীনা হায়খি মদুদি লমদমশিং অসিগী মীয়ামদা লৈবাক অসিগী অতৈ নাগরিকশিংগা মান্নবা হকশিং ফংহল্লে। মহাক্না অকনবা ৱাফম থমখি মদুদি মখোয়না সম্বিধানগী ৱাখল্লোন অদু খঙই অমসুং মদুগী মতুং ইন্না হিংই। মরম অসিনা মখোয়না অসিগুম্বা অচেৎপা ৱারেপশিং লৌরি।

সম্বিধান্না খেৎনবা পীনবগী অয়াবা পীদে হায়না পল্লদুনা শ্রী মোদীনা মুস্লিম নুপীশিংদা পীরিবা অৱাবা অদু পল্লদুনা খেন্নবা থম্বা ৱাখল্লোনগা লোয়ননা হিংলিবা মীওইশিং অদু য়ানীংদবা ফোংদোকখি। ত্রিপল তলাক মুত্থৎতুনা, প্রধান মন্ত্রীনা হায়খি মদুদি মখোয়না সম্বিধানগী মতুং ইন্না মুস্লিম নুপীমচাশিংদা চপ মান্নবা ফংহনখ্রে।

মহাক্কী সরকারনা লৈঙাক পায়রকপা মতম খুদিংদা, মখোয়না অশাংবা মতমগী মীৎয়েংগা লোয়ননা থবক তৌরি হায়না পল্লদুনা, প্রধান মন্ত্রীনা খরগী মরক্তা খেন্নবা পোকহনবা ঙম্বা, আশা লৈতবা অমসুং পুক্নিং চিংশিনবা ঙম্বা লোল শীজিন্নবগী মতাংদা অৱাবা ফোঙদোকখি। মহাক্না হায়খি মদুদি মহাত্মা গান্ধীগী ৱাখল্লোনগী মতুং ইন্না মখোয়গী মীৎয়েং অসি মতম পুম্নমক্তা শোত্থরবশিংদা ওইদুনা লাক্লি। শ্রী মোদীনা অতল বিহারী বাজপায়ীগী লুচিং মখাদা অৱাং-নোংপোক অমসুং ত্রাইবেল এফিয়র্সকুম্বা তোঙানবা মন্ত্রালয়শিং শেমখিবগী মতাংদা পনখি।

ভারতকী খা অমসুং নোংপোক থংবা কোস্তেল স্তেতশিংদা মশিং য়াম্লবা ঙা ফাবা মীওইশিং লৈ হায়না পল্লদুনা, শ্রী মোদীনা অপীকপা ইনলেন্ত ৱাতর এরিয়াশিং য়াওনা হায়রিবা মীওইশিংগী য়াইফ-থৌরাংগী মতাংদা খন্নবগী মরুওইবা অদু পনখি। ঙামীশিংগী মথৌ তাবশিং কোকহন্নবা অমসুং মখোয়গী পুন্সি মহিংদা মতেং পাংনবা ঙা য়োকপগী তোঙানবা মন্ত্রালয় অমা শেমখিবা অসি মহাক্কী সরকারনি হায়না প্রধান মন্ত্রীনা ফোংদোকখি।

খুন্নাইগী শোত্থরবা কাঙলুপকী মনুংদা লৈরিবা পোতেন্সিএল অদু পল্লদুনা, প্রধান মন্ত্রীনা হায়খি মদুদি স্কিল দিবেলপমেন্ততা মীৎয়েং থমদুনা, অনৌবা খুদোংচাবশিং শেম্বা ঙমগনি, মসিনা মখোয়গী এস্পিরেসনশিংগীদমক অনৌবা পুন্সি অমা পীগনি। মসিনা তোঙানবা স্কিল দিবেলপমেন্ত মন্ত্রালয় অমা শেমগৎলকখি। মহাক্না হায়খি মদুদি দেমোক্রেসীগী মরুওইবা থৌদাংদি খ্বাইদগী লায়রবশিং ফাওবদা খুদোংচাবা পীবনি। মীওই করোর কয়াবু শম্নহল্লিবা ভারতকী কোওপরেতিব সেক্তর অসি হেনগৎহন্নবা অমসুং মপাঙ্গল কনখৎহন্নবা, সরকারনা কোওপরেতিবশিংগীদমক তোঙানবা মন্ত্রালয় অমা শেম্লে। মসিনা মখোয়গী মীৎয়েং অদু উৎলি হায়না প্রধান মন্ত্রীনা ফোংদোকখি।

প্রধান মন্ত্রীনা ফোংদোকখি মদুদি কাস্তকী মতাংদা খন্ন-নৈনবা অসি মীওই খরগীদমক ফেশন্দা ওন্থোকখ্রে অমসুং হৌখিবা চহি 30-35 অসিদা তোঙান তোঙানবা পার্তীশিংগী OBC এম.পি.শিংনা OBC কম্মিসনগীদমক সম্বিধানগী থাক অমা পীবীনবা হায়দুনা লাক্লি। মহাক্না মখা তাখি মদুদি OBC কম্মিসনদা সম্বিধানগী ওইবা থাক পীখিবা অসি মখোয়গী সরকারনি। মহাক্না হায়খি মদুদি হৌজিক্তি বেকৱার্দ ক্লাস কম্মিসন অসি সম্বিধানগী শরুক অমা ওইরে।

সেক্তর খুদিংমক্তা SC, ST, অমসুং OBC কম্ম্যুনিতীশিংদা অৱাংবা থাক্কী খুদোংচাবশিং ফংহন্নবা মখোয়না লেপ্পা লৈতনা থবক তৌরি হায়না প্রধান মন্ত্রীনা ফোংদোকখি। মহাক্না লৈবাক মীয়ামদা মরুওইবা ৱাহংশিং হংখি। মহাক্না হংখি মদুদি করিগুম্বা মতম অমদা SC ইমুং অমগী এম.পি. অহুম্না অমুক্তা, নৎত্রগা ST ইমুং অমগী এম.পি. অহুম্না অমুক্তা পার্লিয়ামেন্তদা থবক তৌখিবা য়াওখ্রবরা। মহাক্না মীওই খরগী ৱাহৈশিং অমসুং মখোয়গী থবকশিংগী মরক্তা লৈরিবা খেন্নবদু ফোংদোকখি, মসিনা মখোয়গী ৱাশকশিং অমসুং মখোয়গী থবকশিংগী মরক্তা লৈরিবা অচৌবা খেন্নবদু তাকখি।

প্রধান মন্ত্রীনা SC অমসুং ST কম্ম্যুনিতীশিংবু মপাঙ্গল কনখৎহনবগী তঙাইফদবা অদু পনখি অমসুং সোসিএল তেন্সন লৈহন্দনা অপুনবা শক্তম ঙাকপগী মরুওইবা অদু পনখি। 2014গী মমাংদা লৈবাক অসিদা মেদিকেল কোলেজ 387 লৈরম্মি হায়না মহাক্না খুদম অমা পীখি। ঙসিদি, মশিং অসি 780দা হেনগৎখ্রে, মসিনা ফংলিবা সীৎশিং হেনগৎহল্লে। মহাক্না পনখি মদুদি 2014গী মমাংদা SC মহৈরোইশিংগীদমক MBBSগী সীৎ 7,700 লৈরম্মি। চহি 10গী থবক তৌবগী মতুংদা, মশিং অসি 17,000দা হেনগৎখ্রে। মসিনা দালিত কম্ম্যুনিতীগীদমক্তা সোসিএল তেন্সনশিং লৈতনা অমসুং অমনা অমগী ইকাই খুম্নবা ঙাক্তুনা দোক্তর ওইবগী খুদোংচাবশিং চাউনা হেনগৎহল্লে। শ্রী মোদীনা হায়খি মদুদি 2014গী মমাংদা, ST মহৈরোয়শিংগীদমক MBBS সীৎ 3,800 খক্তা লৈরমখি। ঙসিদি, হায়রিবা মশিং অসি চাউরাক্না 9000 য়ৌরে। মহাক্না মসিসু পনখি মদুদি 2014গী মমাংদা OBCগী মহৈরোইশিংগীদমক MBBSগী সীৎ 14,000দগী হন্থরম্মি। ঙসিদি, হায়রিবা মশিং অসি চাউরাক্না 32,000দা হেনগৎখ্রে। মসিনা OBC মহৈরোয় 32,000বু দোক্তর ওইবা ঙমহল্লি। হৌখিবা চহি 10 অসিদা চয়োল খুদিংগী অনৌবা য়ুনিভর্সিতী অমা, নুমিৎ খুদিংগী অনৌবা ITI অমা অমসুং নুমিৎ নিনি খুদিংগী অনৌবা কোলেজ অমা হাংদোক্লি হায়না প্রধান মন্ত্রীনা ফোংদোকখি। মহাক্না SC, ST অমসুং OBCগী নহারোলশিংগীদমক খুদোংচাবশিং য়াম্না হেনগৎলে হায়না ফোংদোকখি।

. বেনিফিসরী অমত্তা চিথবা তৌহন্দনবা ঐখোয়না স্কিম পুম্নমক্তা 100% সেচুরেসন ফংহন্নবা ৱাশক্লি।” মহাক্না হায়খি মদুদি কনাগুম্বা খরখক্তনা কান্নবা ফংবা ঙম্বা মতমদগী চৎনরক্লবা মোদেল অসি থাদোক্তুনা বেনিফিসরী খুদিংমক্না কান্নবা ফংগদবনি। প্রধান মন্ত্রীনা এপীজমেন্তগী অমসুং চাউখৎলবা ভারত অমা শেমগৎনবা লৈবাক অসিনা পুকচেল শেংবদগী কোকহন্দুনা অপেনবগী লম্বীদা চংশিনগদবনি হায়না ফোংদোকখি। মহাক্না হায়খি মদুদি খুন্নাইগী কাংলুপ খুদিংমক্না খেন্নবা অমত্তা লৈহনদনা মখোয়গী হক ফংহনগদবনি। মহাক্কী মতুং ইন্না, 100% সেচুরেসন ফংবা হায়বসিনা অচুম্বা সোসিএল জস্তিস, সেকুলরিজম অমসুং কন্সতিত্যুসনগী ইকাই খুম্নবা হায়বনি।

সম্বিধানগী ৱাখল্লোন অসি মীপুম খুদিংমক্কীদমক হেন্না ফবা হকশেল অমা লৈহন্নবা হোৎনবনি হায়না পল্লদুনা শ্রী মোদীনা হায়খি মদুদি ঙসি অসি কেন্সর নুমিৎনি অমসুং লৈবাক অসিদা অমসুং মালেম পুম্বদা হকশেলগী মতাংদা পাক শন্না খন্ন-নৈনরি। রাজনিতীগী ওইবা কলক-মীহৌবনা মরম ওইদুনা মীওই খরনা লায়রবশিং অমসুং চহি য়াম্লবা মীওইশিংদা হকশেলগী সর্ভিসশিং ফংহনবদা অথিংবা থম্লি হায়না মহাক্না হায়খি। অখন্নবা প্রাইবেৎ হোস্পিতালশিং য়াওনা হোস্পিতাল 30,000 অসি আয়ুশ্মান ভারত স্কিমগা শম্নদুনা আয়ুশ্মান কার্দ হোল্দরশিংদা লেম্না লায়েংবগী খুদোংচাবা পীরি হায়না প্রধান মন্ত্রীনা ফোংদোকখি। অদুম ওইনমক, অখন্নবা রাজনিতী দল খরনা, মখোয়গী অখন্নবা ৱাখল্লোন অমসুং অশোইবা পোলিসীশিংগী মতুং ইন্না, লায়রবশিংগীদমক হোস্পিতালশিং অসিগী থোঙশিং অদু লোনশিল্লে, মসিনা কেন্সরগী অনাবশিংদা শোকহল্লি। আয়ুশ্মান স্কিমগী মখাদা মতম চানা কেন্সরগী লাইয়েং হৌরে হায়না পব্লিক হেল্থ জর্নেল লান্সেৎনা নৌনা পাঙথোকখিবা নৈনবগী মতাংদা পল্লদুনা, শ্রী মোদীনা কেন্সরগী স্ক্রিনিং অমসুং লাইয়েংদা সরকারগী মরুওইবা অদু পনখি। মহাক্না হায়খি মদুদি ঙল্লিঙৈদা লাইয়েং অমসুং লাইয়েংবনা কেন্সরগী অনাবশিংবু কনবা ঙম্মি। ভারত্তা মসিগী মায়কৈদা চাউনা খুমাং চাউশিল্লক্লিবা অসি পল্লদুনা, লান্সেতনা আয়ুশ্মান স্কিমগী ক্রেদিৎ পীখি।

কেন্সরগী হিদাক-লাংথকশিং অসি হেন্না মমল হোংনা ফংহন্নবা বজেৎ অসিদা লৌখৎলিবা মরুওইবা খোঙথাং অদু পল্লদুনা শ্রী মোদীনা হায়খি মদুদি মসি মরুওইবা ৱারেপ অমনি অমসুং মসিনা কেন্সরগী অনাবশিং, মরুওইনা কেন্সর নুমিৎতা কান্নবা ফংহল্লগনি। মহাক্না ইকায় খুম্নরবা এম.পি. পুম্নমকপু মখোয়গী কেন্দ্রশিংদা লৈরিবা পেসেন্তশিংগীদমক মসিগী কান্নবা অসি শীজিন্ননবা হায়খি। হোস্পিতাল মশিং য়াম্না লৈতবনা মরম ওইদুনা অনাবশিংনা থেংনরিবা শিংনবশিং মহাক্না পনখি অমসুং দে কেয়র সেন্তর 200 লিংখৎনবা ৱারেপ লৌখিবগী ৱাফম মহাক্না ফোঙদোকখি। সেন্তরশিং অসিনা অনাবশিং অমসুং মখোয়গী ইমুং-মনুং অনিমক্তা চাউনা মতেং পাংগনি।

রাস্ত্রপতিগী ৱারোলদা ফোরেন পোলিসীগী মতাংদা খন্ন-নৈনখিবা অদুগী মতাংদা পল্লদুনা, প্রধান মন্ত্রীনা হায়খি মদুদি লৈবাক অসিদা শোকহল্লবসু, মপুং ফাবা মীওই অমা ওইনা উনবগীদমক্তা ফোরেন পোলিসীগী মতাংদা ৱা ঙাংবগী তঙাইফদবা অদু মীওই খরনা উবা ফংই। মহাক্না ফোরেন পোলিসীদা তশেংনা পুক্নিং চঙবশিংনা মমিং লৈরবা ফোরেন পোলিসী স্কোলর অমনা ইবা “JFKগী ফোর্তন ক্রাইসিস” হায়বা লাইরিক অসি পাবা য়াই হায়না ফোংদোকখি। লাইরিক অসিনা ভারতকী অহানবা প্রধান মন্ত্রী পন্দিৎ জৱাহরলাল নেহরু অমসুং তুংদা য়ু.এস. প্রসিদেন্ত জোন এফ. কেনেদীনা অৱাবা তারকপা মতমগী মরু ওইবা থৌদোকশিং অমসুং খন্ন-নৈনখিবশিং অদু পীরি।

প্রধান মন্ত্রীনা লায়রবা ইমুং অমগী নুপী অমা ওইরিবা রাস্ত্রপতিনা মহাক্কী ৱারোল পীরবা মতুংদা মহাক্কী মফমদা ইকায়খুম্নবা উৎখিদবদা নুংঙাইতবা ফোংদোকখি। মহাক্না হায়খি মদুদি মহাক্না পোলিতিকেল ফ্রসত্রেসনবু খঙই, অদুবু রাস্ত্রপতিগী মায়কৈদা অসিগুম্বা ইকায় খুম্নদবগী মরমশিং অদুদা ৱাহং হংখি। ভারতনা নুপীশিংনা লুচিংবা চাউখৎ-থৌরাংগী মন্ত্র অসি য়ানশিন্দুনা মাংলোমদা চংশিল্লি হায়না পল্লদুনা শ্রী মোদীনা হায়খি মদুদি করিগুম্বা মীশিং অসিগী শরুক অমা ওইরিবা নুপীশিংদা মপুং ফানা খুদোংচাবা পীরবদি ভারতনা শরুক অনিগী খোঙজেল য়াংনা চাউখৎপা ঙমগনি। মহাক্না চহি 25গী মতুংদগী হায়রিবা লম অসিদা থবক তৌরকপদগী মহাক্কী থাজবা অসি হেন্না চেৎশিল্লক্লি। মহাক্না হায়খি মদুদি হৌখিবা চহি 10দা নুপী করোর 10, মরুওইনা লায়রবা অমসুং খুঙ্গংগী লমদগী, সেল্ফ হেল্প গ্রুপ (SHG) নুপীশিং অসিগী তৌবা ঙম্বশিং হেনগৎলে, মখোয়গী খুন্নাইগী থাক ফগৎলে, অমসুং সরকারনা মখোয়গী থবক মখা তানা পাংথোকপদা মতেং পাংনবা লুপা লাখ 20গী এসিস্তেন্স হেনগৎহনখ্রে। প্রধান মন্ত্রীনা পনখি মদুদি মসিগী হোৎনবা অসিনা খুঙ্গংগী শেন্মিৎলোনদা য়াম্না অফবা শাফু অমা পীরি।

রাস্ত্রপতিগী ৱারোলদা লাখপতি দিদি কেম্পেনগী মতাংদা পনখিবা অদু পল্লদুনা, প্রধান মন্ত্রীনা হায়খি মদুদি অহুমশুবা ওইনা অনৌবা সরকার শেমখিবদগী লাখপতি দিদি লাখ 50 হেন্না রেজিস্তর তৌখ্রে। মহাক্না হায়খি মদুদি থৌরাং অসি পায়খৎপা হৌরকপদগী নুপী করোর 1.25 রোম লাখপতি দিদী ওইখ্রে অমসুং পান্দমদি নুপী করোর 3বু লাখপতি দিদী ওইহন্নবা শেন্মিৎলোনগী থৌরাংগী খুত্থাংদা হোৎনবনি। প্রধান মন্ত্রীনা খুঙ্গংশিংদা মরুওইবা সাইকোলোজিকেলগী অহোংবা লাকপগী মতাংদা পনখি। নমো দ্রোন দিদিস হায়না খঙনবা দ্রোনশিং ওপরেৎ তৌবা নুপীশিংনা খুন্নাইগী নুপীশিংগী ৱাখল্লোন হোংহনখ্রে। দ্রোন দিদীশিং অসিনা লমদম অসিদা থবক তৌদুনা লুপা লাখ কয়া ফংলি। মহাক্না নুপীশিংদা শক্তি পীনবা মুদ্রা য়োজনাগী থৌদাং অদুসু পনখি। মসিনা নুপী করোর কয়া অমা ইন্দস্ত্রীএল সেক্তরদা অহানবা ওইনা চঙলকপা অমসুং ওন্তপ্রিন্যুওরগী থৌদাং লৌরকপা উবা ফংখি।

ইমুংশিংদা পীরিবা য়ুম করোর 4গী মনুংদা চাউরাক্না 75% নুপীশিংগী মিংদা রেজিস্তর তৌখ্রে হায়না পল্লদুনা প্রধান মন্ত্রীনা হায়খি, “মসিগী অহোংবা অসিনা 21শুবা চহিচাদা মপাঙ্গল কনবা অমসুং শক্তি লৈরবা ভারত অমগী য়ুম্ফম ওইরি।” প্রধান মন্ত্রীনা হায়খি, “খুঙ্গংগী শেন্মিৎলোনবু মপাঙ্গল কনখৎহন্দনা চাউখৎলবা ভারত অমগী পান্দম অসি ফংবা ঙম্লোই।” খুঙ্গংগী শেন্মিৎলোনদা লৌউ-শিংউগী মরুওইবা অদু মহাক্না ফোংদোকখি অমসুং লৌমীশিং অসি চাউখৎলবা ভারতকী মপাঙ্গল কনবা য়ুম্বী অমনি হায়না মহাক্না পনখি। হৌখিবা চহি তরা অসিদা, লৌউ-শিংউগী বজেৎ অসি 2014দগী শরুক তরা হেনগৎখ্রে, মসিনা মশক থোকপা খোঙজং অমা উৎলি।

প্রধান মন্ত্রীনা হায়খি মদুদি 2014গী মমাংদা, য়ুরিয়াগী দিমান্দ তৌবদা লৌমীশিংনা খুদোংচাদবা কয়া থেংনখি অমসুং পুলিসকী থবক ফাওবা লৌখৎখি। মহাক্না মখা তাখি মদুদি মখোয়না অশাংবা ক্যু অমদা নুমিদাং চুপ্পা লেপতুনা লৈগদবনি, অমসুং লৌমীশিংগীদমক্তা শেম্বা ফর্তিলাইজরশিং অসি অয়াম্বা মতমদা ক্লেক মার্কেৎশিংদা য়োনবা থেংনৈ। শ্রী মোদীনা হায়খি ঙসি, লৌমীশিংনা মরাং কায়না ফর্তিলাইজরশিং ফংলি। মহাক্না মখা তাখি মদুদি কোবিদ-19গী অৱাবা মনুংদা, সপ্লাই চেনশিংদা অপনবা থোকখি, অমসুং মালেমগী মমল হেনগৎখি। শ্রী মোদীনা হায়খি মদুদি ভারতনা ইম্পোর্ত তৌরিবা য়ুরিয়াদা মখা পোল্লবসু, সরকারনা শেনফম অদু পুথোকপা ঙমখি। মহাক্না মখা তাখি মদুদি সরকারদা লুপা 3,000 চংগদবা য়ুরিয়াগী বেগ অমা লৌমীশিংদা লুপা 300দগী হন্থনা ফংহল্লি। মখোয়না লেপ্পা লৈতনা হোৎনরিবা অসিনা লৌমীশিংদা খ্বাইদগী হেন্না কান্নবা ফংহনগনি হায়না মহাক্না ফোংদোকখি।

“হৌখিবা চহি 10দা, লৌমীশিংগীদমক মমল হোংবা ফর্তিলাইজর ফংহন্নবা লুপা করোর লাখ 12 চাদিং তৌখ্রে অমসুং পি.এম. কিসান সম্মান নিধিগী খুত্থাংদা, লুপা করোর লাখ 3.5 রোম লৌমীশিংগী একাউন্তশিংদা হকথেংননা ত্রান্সফর তৌখ্রে”, হায়না শ্রী মোদীনা হায়খি। MSPদা রেকোর্দ হেনগৎলকপা অদু মহাক্না পনখি অমসুং হৌখিবা চহি তরা অসিদা পোৎ-চৈ পুথোকপগী চাং শরুক অহুম হেনগৎলে হায়না মহাক্না ফোংদোকখি। মহাক্না হায়খি মদুদি লৌমীশিংগী লোনশিং অসি হেন্না ফংহনখ্রে অমসুং শেল চংদনা ফংহনখ্রে, পীরিবা ক্রেদিৎকী শেনফম অসি শরুক অহুম হেনগৎহনখ্রে। শ্রী মোদীনা হায়খি মদুদি মহৌশাগী ওইবা খুদোংচাদবশিংগী মতমদা, লৌমীশিং অসি মরনাই ওইনা অৱাবা থেংনহল্লম্মি, অদুবু পি.এম. ফাসল বিমা য়োজনাগী মখাদা লৌমীশিংদা লুপা করোর লাখ 2গী শেনফম পীখ্রে। মহাক্না হৌখিবা চহি তরা অসিদা ইরিগেসনগী লমদা লৌখৎখিবা মমাংদা অমুক্তা ওইখিদ্রিবা খোঙথাংশিং অদু পনখি। বাবাসাহেব অম্বেদকরগী ঈশিং মেনেজমেন্তকীদমক অপুনবা অমসুং ইনক্লুসিব ভিজন অদু পল্লদুনা মহাক্না হায়খি মদুদি লৌমীশিংগী লমশিংদা ঈশিং য়ৌহন্নবগীদমক চহি তরাগী খুজিং কয়াদগী লেপ্তুনা লৈরকখিবা মরুওইবা ইরিগেসন প্রোজেক্ত 100 হেন্না লোইশিনখ্রে। প্রধান মন্ত্রীনা হায়খি মদুদি দোক্তর. অম্বেদকরনা তুরেলশিং শম্নহন্নবগীদমক ৱা ঙাংখি, চহি কয়াগী মমাংদগী উবা ফংদ্রিবা ৱাখল্লোন অমনি। ঙসি, কেন-বেৎৱা লিঙ্ক প্রোজেক্ত অমসুং পার্বতী-কালিসিন্ধ-চম্বল লিঙ্ক প্রোজেক্তকুম্বা প্রোজেক্তশিং হৌখ্রে। মহাক্না গুজরাত্তা অসিগুম্বা মখলগী তুরেল শম্নহনবগী খোঙথাংশিংগা মরী লৈননা মহাক্কী মায়পাকপা এক্সপরিয়েন্স অদুসু শেয়র তৌখি।

প্রধান মন্ত্রীনা হায়খি, “ভারত্তা শাবা চিঞ্জাক্কী পেকেৎশিং মালেমগী মফম কয়াদা ফংহন্নবা ভারত মচা খুদিংমক্না মঙলান উগদবনি।” মহাক্না নুংঙাইবা ফোংদোকখি মদুদি ভারতকী চা অমসুং কোফীনা হৌজিক মালেমগী ওইনা মমিং চৎলি, অমসুং কোবিদকী মতুংদা য়াইঙংগী দিমান্দ হেনগৎলক্লি। লাক্কদৌরিবা মতমশিংদা, ভারতকী প্রোসেস তৌরবা সীফুদ অমসুং বিহারগী মখানা অসি মালেম পুম্বদা ময়েক শেংনা ফোংলগনি হায়না মহাক্না ফোংদোকখি। শ্রী অন্না হায়না খঙনবা ভারতকী মেল্লেতশিংনা মালেমগী কৈথেলশিংদা ভারতকী মিংচৎ হেনগৎহল্লগনি হায়না প্রধান মন্ত্রীনা ফোংদোকখি।

চাউখৎলবা ভারত অমগীদমক তুংলমচৎকীদমক শেম-শারিবা শহরশিংগী মরুওইবা অদু পল্লদুনা শ্রী মোদীনা হায়খি মদুদি লৈবাক অসি য়াম্না থুনা অর্বানাইজেসন তৌরি, মসিবু শিংনবদগী হেন্না খুদোংচাবা অমা ওইনা উগদবনি। ইনফ্রাস্ত্রকচর পাকথোক চাউথোকহনবনা খুদোংচাবা কয়া অমা লৈহল্লি, মরমদি কনেক্তিবিতী হেনগৎপনা ওইথোকপা য়াবশিং হেনগৎহল্লি হায়না মহাক্না ফোংদোকখি। প্রধান মন্ত্রীনা দিল্লী অমসুং উত্তর প্রদেশ শম্নহল্লিবা অহানবা নমো রেল হৌদোকখিবগী মতাংদা পনখি অমসুং মসিদা চৎলুবগী মহাক্কী এক্সপরিয়েন্স অদু ফোংদোকখি। লৈবাক অসিগী তুংলমচৎকী মায়কৈ তাকপীবা অসিগুম্লবা কনেক্তিবিতী অমসুং ইনফ্রাস্ত্রকচর অসি ভারতকী মরুওইবা শহর পুম্নমক্তা য়ৌহন্নবগী তঙাইফদবা অদু মহাক্না ফোংদোকখি। মহাক্না হায়খি মদুদি দিল্লীগী মেত্রো রেল নেৎৱার্ক অসি শরুক অনি হেনগৎখ্রে, অমসুং হৌজিক মেত্রো নেৎৱার্ক অসি তিয়র-2 অমসুং তিয়র-3গী শহরশিংদা পাকথোক চাউথোক্লি। ভারতকী মেত্রো নেৎৱার্কনা কিলোমিতর 1,000 হেনখ্রে, হৌজিক্তি অহেনবা কিলোমিতর 1,000 দিবেলপ তৌরি, মসিনা খোঙজেল য়াংনা খুমাং চাউশিল্লক্লিবা অদু উৎলি হায়না প্রধান মন্ত্রীনা চাউথোকচবা ফোংদোকখি। লৈবাক শিনবা থুংনা ইলেক্ত্রিক বস 12,000 পুথোকপা য়াওনা পোলুসন হন্থহন্নবা ভারত সরকারনা লৌখৎলিবা খোংথাং কয়া মহাক্না ফোংদোকখি। মসিনা দিল্লীদসু অচৌবা তেংবাং অমা পীরি।

অচৌবা শহরশিংদা গিগ ইকোনোমী পাকথোক চাউথোকহনবগী মতাংদা পল্লদুনা, নহা লাখ কয়ানা মসিগী শরুক য়াবা হেনগৎলক্লি হায়না পল্লদুনা, প্রধান মন্ত্রীনা গিগ ৱার্করশিং ই-শ্রম পোর্তেলদা রেজিস্তর তৌনবা অমসুং ভেরিফিকেসন তৌরবা মতুংদা ID কার্দ অমা পীরগনি হায়না লাউথোকখি। গিগ ৱার্করশিং অসি আয়ুশ্মান স্কিমদগী কান্নবা ফংগনি হায়নসু মহাক্না ফোংদোকখি। লৈবাক অসিদা হৌজিক্তি গিগ ৱর্কর করোর অমা রোম লৈরে হায়না মহাক্না পানখি অমসুং সেক্তর অসিবু মতেং পাংনবা সরকারনা হোৎনরি হায়না মহাক্না ফোংদোকখি।

প্রধান মন্ত্রীনা MSMEসেক্তরনা পীরিবা থবক ফংবগী মরুওইবা খুদোংচাবশিং অদু পনখি। অপীকপা ইন্দস্ত্রীশিং অসি মশা-মরোমদোম লেপচবা ভারত অমগী খুদম্নি অমসুং লৈবাক অসিগী শেন্মিৎলোনদা চাউনা মতেং পাংলি হায়না মহাক্না ফোংদোকখি। সরকারগী পোলিসী অসিনা MSMEশিংবু লায়থোকহনবা, খুদোংচাবশিং ফংহনবা অমসুং মতেং পীনবদা মিসন মেনুফেকচরিংদা মীৎয়েং থমদুনা মেন্যুফেকচরিং সেক্তরদা পুক্নিং থৌগৎলি অমসুং স্কিল দিবেলপমেন্তগী খুত্থাংদা নহাশিংদা থবক পীরি।

MSMEসেক্তর ফগৎহন্নবা খোঙথাং কয়া পায়খৎলে হায়না পল্লদুনা শ্রী মোদীনা হায়খি মদুদি 2006তা শেমখিবা MSMEক্রাইতেরিয়া অসি হৌখিবা চহি তরা অসিদা অনিরক হন্না শেমদোকখি। 2020দা অমসুং মসিগী বজেৎ অসিদা চাউনা ফগৎহনখি। মহাক্না MSMEশিংদা পীরিবা শেলগী তেংবাং, ফোর্মেল ফাইনান্সিএল রিসোর্সশিংগী শিংনবশিং কোকহন্নবা অমসুং কোবিদকী অৱাবা মনুংদা MSMEসেক্তরদা পীরিবা অখন্নবা তেংবাং অদু পনখি। শান্নপোৎ অমসুং তেক্সতাইল সেক্তরশিংগুম্বা ইন্দস্ত্রীশিংদা মীৎয়েং চংলিবা অদু প্রধান মন্ত্রীনা পনখি। মসিনা কেশ ফ্লো অমসুং কোলেতরেল য়াওদনা লোন পীনবা ঙম্লগনি। মসিনা থবক ফংহন্নবা অমসুং থবক ফংহন্নবগী খুদোংচাবা ফংহল্লগনি। মহাক্না অপীকপা ইন্দস্ত্রীশিংগী ললোন-ইতিক্কী থবকশিং লায়থোকহন্নবগীদমক কস্তমাইজ ক্রেদিৎ কার্দশিং অমসুং ক্রেদিৎ গেরেন্তী কবরেজ হৌদোকপগী মতাংদা পনখি। মহাক্না চাউথোক্না হায়খি মদুদি 2014গী মমাংদা, ভারতনা শান্নপোৎশিং পুশিল্লকখি, অদুবু ঙসিদি, ভারতকী শান্নপোৎ মেনুফেকচররশিংনা মালেম শিনবা থুংনা শান্নপোৎশিং থাদোক্লি, পুশিল্লকপদা য়াম্না হন্থরে অমসুং থাদোকপদা 239% হেনগৎলে। MSMEশিংনা চলাইরিবা তোঙান তোঙানবা সেক্তরশিংনা মালেমগী থাক্তা শকখঙবা ফংলি হায়না প্রধান মন্ত্রীনা ফোংদোকখি। মেদ ইন ইন্দিয়াগী পোৎথোকশিং হায়বদি লু-নানবা, ইলেক্ত্রোনিক্স অমসুং ইলেক্ত্রিকেল গুদস অসি অতোপ্পা লৈবাকশিংদা নুমিৎ খুদিংগী পুন্সিগী শরুক অমা ওইরক্লি।

চাউখৎলবা ভারত অমগী মঙলান অসি সরকারগী মঙলান খক্তমক নত্তে, মসি ভারত মচা করোর 140গী মঙলাননি হায়না প্রধান মন্ত্রীনা অকনবা ৱাফম থমখি। মহাক্না হায়খি মদুদি ভারত অসি চাউরবা থাজবগা লোBননা মাংলোমদা চংশিল্লি। মহাক্না মীপুম খুদিংমকপু মসিগী মঙলান অসি মংফাওনহন্নবা হোৎনবদা মখোয়গী ইনর্জী থাদনবা হায়খি। মহাক্না হায়খি মদুদি চহি 20-25গী মনুংদা চাউখৎলকপা লৈবাকশিংগী মালেমগী ওইবা খুদমশিং লৈরি অমসুং ভারতনা মসিগী দেমোগ্রাফিক এদভান্তেজ, দেমোক্রেসী অমসুং দিমান্দগা লোয়ননা 2047 ফাওবদা ভারতনা নীংতম্বা চহি 100 মপুং ফারকপা মতমদা মসি ফংলগনি।

প্রধান মন্ত্রীনা লাক্কদৌরিবা চহি কয়াগী ওইনা মোদর্ন, তৌবা ঙম্বা অমসুং চাউখৎলবা ভারত অমা শেমগৎনবা হোৎনবদা হেন্না চাউবা পান্দমশিং ফংনবা অমসুং লেপ্পা লৈতনা হোৎনবগী তঙাইফদবা অদুদা অকনবা ৱাফম থমখি। মহাক্না রাজনিতী দলশিং, লুচিংবশিং অমসুং নাগরিক পুম্নমক্তা লৈবাক অসিবু পুম্নমক্তগী হেন্না মরুওইনা লৌনবা অমসুং চাউখৎলবা ভারত অমগী মঙলানগী মায়কৈদা পুন্না থবক তৌমিন্নবা হায়খি। মহাক্কী ৱারোল লোইশিল্লকপদা, প্রধান মন্ত্রীনা মহাক্কী থাগৎপা ফোংদোকখি অমসুং মহাক্কী ৱারোল অদুগীদমক রাস্ত্রপতিদা থাগৎপা ফোংদোকখি অমসুং হাউসকী মেম্বরশিংদা মহাক্কী থাগৎপা ফোংদোকখি।

Speaking in the Lok Sabha. https://t.co/5cGIgu7G00

— Narendra Modi (@narendramodi) February 4, 2025

The President’s address clearly strengthens the resolve to build a Viksit Bharat! pic.twitter.com/0LkMOVGe9t

— PMO India (@PMOIndia) February 4, 2025

A Government that has worked for all sections of society. pic.twitter.com/NkQ2caCc9p

— PMO India (@PMOIndia) February 4, 2025

We believe in ensuring resources are spent towards public welfare. pic.twitter.com/IYl8D4jaeT

— PMO India (@PMOIndia) February 4, 2025

Our Government is proud of the middle class and will always support it! pic.twitter.com/j7VYFXx5Bk

— PMO India (@PMOIndia) February 4, 2025

Proud of India’s Yuva Shakti. pic.twitter.com/9Ttm8DaajG

— PMO India (@PMOIndia) February 4, 2025

Leveraging the power of AI to build an Aspirational India. pic.twitter.com/Mnbk5IwdUQ

— PMO India (@PMOIndia) February 4, 2025

An unwavering commitment to strengthening the values enshrined in our Constitution. pic.twitter.com/j3i0zegzQ1

— PMO India (@PMOIndia) February 4, 2025

Public service is all about nation building. pic.twitter.com/B2ilXOHjoq

— PMO India (@PMOIndia) February 4, 2025

Our commitment to the Constitution motivates us to take strong and pro-people decisions. pic.twitter.com/4ALSCOulBk

— PMO India (@PMOIndia) February 4, 2025

Our Government has worked to create maximum opportunities for people from SC, ST and OBC Communities. pic.twitter.com/ft4vTHtaOr

— PMO India (@PMOIndia) February 4, 2025

Our Government has shown how to strengthen unity as well as care for the poor and downtrodden. pic.twitter.com/APfORBYryb

— PMO India (@PMOIndia) February 4, 2025

Emphasis on saturation is generating outstanding results. pic.twitter.com/Q5c1WU08NR

— PMO India (@PMOIndia) February 4, 2025

In the last decade, unprecedented support has been given to the MSME sector. pic.twitter.com/C6P3sguBH1

— PMO India (@PMOIndia) February 4, 2025

***