ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা লুপা করোর ১৬,৩০০ গী এক্সপেন্দিচর অমদি PSU নচিংবশিংনা লুপা করোর ১৮,০০০ ইনভেস্ত তৌরক্কনি হায়না পাবগা লোয়ননা নেস্নেল ক্রিতিকেল মিনরেল মিসন (NCMM) হৌদোক্নবা অয়াবা পীখ্রে‍।

আত্মনিরভর ভারত ইনিসিএতিবকী মনুং চন্না, অমদি হায়-তেক ইন্দস্ত্রিশিং, ক্লীন ইনর্জী, অমদি দিফেন্সকী লমদা ক্রিতিকেল মিনরলেশিংগী থাদোক্নবা য়াদ্রবা থৌদাংশিং শকখঙলদুনা, ভারত লৈঙাক্না ক্রিতিকেল মিনরেল সেক্তরদা লৈরিবা শিংনবশিং থেংননবা হৌখিবা চহি অনিসিদা থৌশিল কয়া পায়খৎখ্রে‍।

ক্রিতিকেল মিনরেল সেক্তরদা ভারতকী মরোমদোম লেপচবা খোঙফম পুরক্নবা মতিং লৈবা ফ্রেমৱর্ক অমা শেমগৎপগী মথৌ তারি‍। মীৎয়েঙ অসিগী পরিংদা, শেলথুম মন্ত্রীনা জুলাই ২৩, ২০২৪ দা কেন্দ্র বজেৎ ২০২৪-২৫দা ক্রিতিকেল মিনরেল মিসন লিংখৎনবা ৱাফম লাউথোকখি‍।

কেন্দ্রগী মন্ত্রী মন্দলনা অয়াবা পীখ্রবা নেস্নেল ক্রিতিকেল মিনরেল মিসন্না মিনরেল এক্সপ্লোরেসন, মাইনিং, বেনিফিসিএসন, প্রোসেসিং অমসুং মপুন্সি লোইরবা পোত্থোকশিং রিকভরী তৌবা য়াওনা ভেল্যু চেনগী তাঙ্কক পুম্বা কোনশিল্লি‍। মিসন অসিনা লৈবাক মনুংদা অমদি লৈবাকসিগী ওফসোর মফমশিংদা ক্রিতিকেল মিনরেল এক্সপ্লোরেসনগী থবক হেনগৎহনগনি‍। মসিনা ক্রিতিকেল মিনরেল মাইনিং প্রোজেক্তশিংগী ফাস্ত ত্রেক রিগুলেতরী এপ্রুভেল প্রোসেস অমা শেম্নবা পান্দম থম্লি‍। মসিগী মথক্তা, মিসন অসিনা ক্রিতিকেল মিনরেল এক্সপ্লোরেসনগী ফাইনেন্সিএল ইন্সেন্তিব পীগনি অমদি হায়রিবা মিনরেলশিং অসি ওভরবর্দন অমদি তেলিংদগী রিকভরী তৌবগী থৌওং প্রমোত তৌগনি‍।

মিসন অসিনা ভারতকী PSU শিং অমদি লনাই সেক্তর কম্পেনীশিংবু মপান লৈবাক্তা লৈবা ক্রিতিকেল মিনরেল এসেতশিং লৌশিনবা অমদি রিসোর্স মরাং কায়বা লৈবাকশিংগা লল্লোন ইতিক হেনগৎহন্বদা পুক্নিং থৌগৎনবা পান্দম থম্লি‍। মসিনা লৈবাক মনুংদা ক্রিতিকেল মিনরেলশিংগী স্তোকপাইল শেমগৎনবা ৱাফম প্রপোজ তৌরি‍।

মিসন অসিদা মিনরেল প্রোসেসিং পার্ক শেমগৎনবা অমদি ক্রিতিকেল মিনরেলশিং রিসাইকল তৌবদা ঙাক্লৌ পীনবা ৱাফমশিং য়াওরি‍। মসিনা ক্রিতিকেল মিনরেল তেক্নোলোজীশিংদা থিজিন হুমজিনবগী থৌওংসু য়োকখৎকনি অমদি সেন্তর ওফ এক্সেলেন্স ওন ক্রিতিকেল মিনরেল্স লিংখৎনবা ৱাফমসু থম্লি‍।

হোল-ওফ-গভর্নমেন্ত এপ্রোচ অমদা চঙশিন্দুনা, মিসন অসিনা মাগী পান্দমশিং ফংনবগীদমক মরী লৈনবা মন্ত্রালয়শিং, PSU শিং, লনাই কম্পেনীশিং, অমদি রিছর্চ ইন্সতিত্যুসনশিংগা নক্ননা থবক তৌমিন্ননবা পান্দমসু থম্লি‍।

ক্রিতিকেল মিনরেলশিংগী এক্সপ্লোরেসন অমদি মাইনিং হেনগৎহন্নবা ২০২৩ দা মাইন্স এন্দ মিনরেল্স (দিভেলপমেন্ত এন্দ রিগুলেসন) এক্ত, ১৯৫৭ শেমদোকখ্রে‍। মতুং তারকপদা, মাইন্স মন্ত্রালয়না স্ত্রেতেজিক মিনরেলগী ব্লোক ২৪ ওক্সন তৌখ্রে‍। মখা তানা, জিওলোজিকেল সর্ভে ওফ ইন্দিয়া (GSI) না হৌখিবা চহি অহুমসিদা ক্রিতিকেল মিনরেলশিংগী এক্সপ্লোরেসন প্রোজেক্ত ৩৬৮ পায়খৎখি, মখোয়গী মনুংদা FY ২০২৪-২৫ দা প্রোজেক্ত ১৯৫ পায়খৎওই‍। মখা তানা, FY ২০২৫-২৬ কী ওইনা, GSI না তোঙান তোঙানবা ক্রিতিকেল মিনরেলশিংগী প্রোজেক্ত ২২৭ পায়খৎকদৌরি‍। ইনোভেসন পুরক্নবা, মন্ত্রালয়না সাইন্স এন্দ তেক্নোলোজী – প্রমোসন ওফ রিছর্চ এন্দ ইনোভেসন ইন স্তার্ত-অপ এন্দ MSMEs (S&T PRISM) প্রোগ্রাম ২০২৩ দা পায়খত্তুনা, R&D অমসুং কম্মর্সিএলাইজেসনগী মরক্তা লৈরিবা অহোবা মেনশিন্নবা স্তার্ত-অপ অমদি MSME শিংদা ফন্দিং পীরি‍। মসিগী মথক্তা, KABIL, হায়রিবা মাইন্স মন্ত্রালয়গী JV অসিনা লিথিয়ম এক্সপ্লোরেসন অমসুং মাইনিং তৌনবা অর্জেন্তিনাগী কাতামার্কা প্রোভিন্সতা হেক্তর ১৫৭০৩ গী লম লৌরে‍। ভারত লৈঙাক্না ক্রিতিকেল মিনরেল অয়াম্বগী কস্তম দ্যুতীশিং কেন্দ্র বজেত ২০২৪-২৫ দা লৌথোকখ্রে‍। মসিনা লৈবাকসিদা ক্রিতিকেল মিনরেল ফংবগী চাং হেনগৎহনগনি অমদি ভারত্তা প্রোসেসিং ফেসিলিতীশিং শেমগৎপদা ইন্দস্ত্রীদা পুক্নিং থৌগৎকনি‍। থৌশিল অসিনা ক্রিতিকেল মিনরেল সপ্লাই সিক্যুর তৌনবা ভারতনা লেপ্লিবা খোঙফম উৎলি‍।

******