પીએમઇન્ડિયા

પ્રધાનમંત્રી શ્રી નરેન્દ્ર મોદીએ આજે યુનાઇટેડ સ્ટેટ્સ ઑફ અમેરિકાના રાષ્ટ્રપતિ મહામહિમ ડોનાલ્ડ જે. ટ્રમ્પ સાથે વાત કરી હતી અને તેમને યુનાઇટેડ સ્ટેટ્સ ઓફ અમેરિકાના 47મા રાષ્ટ્રપતિ તરીકેના તેમના ઐતિહાસિક બીજા કાર્યકાળ બદલ અભિનંદન પાઠવ્યા હતા.

બંને નેતાઓએ પારસ્પરિક લાભદાયક અને વિશ્વસનીય ભાગીદારી માટે તેમની પ્રતિબદ્ધતાની પુનઃપુષ્ટિ કરી હતી. તેમણે વિસ્તૃત દ્વિપક્ષીય વિસ્તૃત વૈશ્વિક વ્યૂહાત્મક ભાગીદારીનાં વિવિધ પાસાંઓ અને તેને આગળ વધારવા માટેનાં પગલાંની ચર્ચા કરી હતી, જેમાં ટેકનોલોજી, વેપાર, રોકાણ, ઊર્જા અને સંરક્ષણનાં ક્ષેત્રો સામેલ છે.

બંને નેતાઓએ પશ્ચિમ એશિયા અને યુક્રેનની સ્થિતિ સહિત વૈશ્વિક મુદ્દાઓ પર અભિપ્રાયોનું આદાનપ્રદાન કર્યું હતું તથા વૈશ્વિક શાંતિ, સમૃદ્ધિ અને સુરક્ષાને પ્રોત્સાહન આપવા સંયુક્તપણે કામ કરવાની કટિબદ્ધતાનો પુનરોચ્ચાર કર્યો હતો.

બંને નેતાઓ સંપર્કમાં રહેવા અને વહેલી તકે પરસ્પર અનુકૂળ તારીખે મળવા સંમત થયા હતા.

AP/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964@gmail.com