ভারতকী প্রধানমন্ত্রী

ভারতকী প্রধান মন্ত্রী নরেন্দ্র মোদীনা থাংজ নুমিৎতা হায়খি মদুদি নাকল অনিগী ত্রেদ হেনগৎলকপগা লোয়ননা ত্রেদ অমসুং কম্মর্স অসি কুৱেত অমসুং ভারতকী মরক্তা লৈবা নাকল অনিগী মরীগী মরুওইবা য়ুম্বীনি।

“ত্রেদ অমসুং কম্মর্স অসি ঐখোয়গী নাকল অনিগী ওইবা মরীগী মরুওইবা য়ুম্বীনি। ঐখোয়গী বাইলেতরেল ত্রেদ অসি হেনগৎলক্লি। ঐখোয়গী ইনর্জী পার্তনরশিপ অসিনা ঐখোয়গী নাকল অনিগী ওইবা ত্রেদতা অখন্নবা ভেল্যু অমা হাপচিল্লি,” হায়না ভারতকী প্রধান মন্ত্রীনা কুনাদা পীখিবা ইন্তর্ভ্যু অমদা ফোংদোকখি।

ভারতকী প্রধান মন্ত্রীনা থাংজ নুমিৎতা কুৱেত্তা থুংলখি, মসি চহি তরাগী খুজিং মরিগী মতুংদা ভারতকী প্রধান মন্ত্রী অমনা কুৱেত্তা চৎখিবা অহানবা খোঙচৎনি।

“কুৱেত্তা ওতোমোবাইল, ইলেক্ত্রিকল অমসুং মেকানিকেল মেছিনরী অমসুং তেলিকোম সেগমেন্তশিংদা মরুওইনা মেদ ইন ইন্দিয়া প্রদক্তশিং অসি অনৌবা লম্বীদা চংশিল্লকপা উবদা ঐখোয়না নুংঙাইবা ফাওই। ঙসিদি ভারতনা মালেমগী থাক্কী পোত্থোকশিং মমল হোংনা পুথোক্লি। নন-ওইলগী ললোন-ইতিক্কী দাইভর্সিফিকেসন তৌবা অসি নাকল অনিগী ওইবা ললোন-ইতিক হেনগৎহন্নবগী মরুওইবা অমনি,” হায়না মহাক্না ফোংদোকখি

ফার্মাস্যুতিকল, হেল্থ, তেক্নোলোজী, দিজিতেল, ইন্নোবেসন অমসুং তেক্সতাইল সেক্তরশিংদা নাকল অনিগী ওইবা কোওপরেসন হেনগৎহন্নবা অচৌবা পোতেন্সিএল লৈ হায়না মহাক্না মখা তাখি। বিজিনেস চেম্বরশিং, ওন্তপ্রিনোরশিং অমসুং ইন্নোবেতরশিংনা অমগা অমগা হেন্না মরী লৈননবা মহাক্না তকশিনখি।

কুৱেতকী মহাক্কী খোঙচৎ অদুদা মহাক্না হায়খি: “কুৱেত্তা লাকপদা ঐহাক নুংঙাইবা ফাওই। ঐহাক্না কুৱেতকী অমির হিস হাইনেস শেখ মেশাল অল-অহমদ অল-জাবর অল-সবাহপু মহাক্কী বর্তন তৌবীরকপা অদুগীদমক থাগৎপা ফোংদোকচরি। মসিগী খোঙচৎ অসিগী অখন্নবা মরুওইবা অমা লৈ। চহি তরাগী খুজিং মরিগী মতুংদা ভারতকী প্রধান মন্ত্রী অমনা কুৱেত খোঙচৎ চৎপা অসি মসিনা অহানবা ওইগনি”।

“আরবিয়ন গল্ফ কপ হৌদোকপদা শরুক য়ানবা ঐহাকপু কৌবগীদমক্তা ঐহাক্না হিজ হাইনেসতা থাগৎপা ফোংদোকচরি। মসি ঐহাক্কীদমক ইকায় খুম্নবা অমনি। তোর্নামেন্ত অসি মাই পাক্না পাংথোক্নবা ঐহাক্না য়াইফ-পাউজেল পীজরি,” হায়না মহাক্না ফোংদোকখি।

ভারত অমসুং কুৱেতকী মরক্তা অচেৎপা অমসুং পুৱারীগী ওইরবা মরী লৈনরি অমসুং লৈবাক অনিগী মরক্তা লৈনরিবা মরী অসি মতম পুম্নমক্তা নুংশি-চান্নবা অমসুং মরুপ ওইবগী মরী অমা ওইদুনা লাক্লি অমদি পুৱারীগী ক্রোসকরেন্তশিং অমসুং আইদিয়া অমসুং কম্মর্সকী খুত্থাংদা একচেঞ্জশিং তীবনা মীয়ামবু হেন্না নকশিন্নহল্লি অমসুং পুনশিল্লি হায়না ভারতকী প্রধান মন্ত্রীনা মখা তাখি।

“ঐখোয়না মতম কয়াগী মমাংদগী অমগা অমগা ললোন-ইতিক তৌদুনা লাক্লি। ফাইলাকা ঈথৎতা থেংনখিবশিং অসিনা ঐখোয়গী পুৱারীগী মরমদা তাক্লি। ইন্দিয়ন রুপী অসি কুৱেত্তা চহি চা অমরোমদগী 1961 ফাওবা লেগেল তেন্দর অমা ওইখি। মসিনা ঐখোয়গী শেন্মিৎলোন কয়া য়াম্না নক্না পুনশিন্নবগে হায়বদু উৎলি,” হায়না মোদীনা হায়খি।

ভারত অসি কুৱেতকী মহৌশাগী ওইবা ত্রেদিং পার্তনর অমা ওইদুনা লাক্লি অমসুং হৌজিকসু অদুমক ওইরি অমসুং চহি চা কয়াদগী লৈবাক অনিগী মরক্তা লৈনরিবা পিপল-তু-পিপল লিঙ্কশিং অসিনা লৈবাক অনিগী মরক্তা অখন্নবা মরুপ ওইবগী মরী য়োকখৎতুনা থম্মি হায়না মহাক্না ফোংদোকখি।

মহাক্না মখা তাখি: “মপুং ওইনা, নাকল অনিগী ওইবা মরীশিং অসি অফবা মওংদা খুমাং চাউশিল্লি অমসুং ঐহাক্না হায়রবদি, অনৌবা অৱাংবা থাক্তা চঙশিল্লি। দিফেন্স, ত্রেদ, ইনভেস্তমেন্ত অমসুং ইনর্জী য়াওনা তোঙান তোঙানবা লমশিংদা ঐখোয়গী মরীশিং হেন্না ফগৎহন্নবা ঐহাক্না হিস হাইনেস অমিরগা ৱারী শানবগীদমক খৌরাংনা ঙাইজরি”।

“ঐখোয়গী পুৱারীগী ওইবা মরীশিংগী মপাঙ্গল কনবা হৌরকফমশিং অসি ঐখোয়গী 21শুবা চহিচাগী পার্তনরশিপকী মহৈশিং – দাইনামিক, রোবস অমসুং মলতিফেসতেদ অসিগা চান্নবা ওইগদবনি। ঐখোয়না পুন্না থবক কয়া পায়খৎলে, অদুবু ঐখোয়গী পার্তনরশিপকী ওইথোকপা য়াবশিংদি অকক্নবা লৈতে। ঐহাক্না থাজবা থম্লি মদুদি খোঙচৎ অসিনা অনৌবা শাফু অমা পীরগনি,” হায়না মোদীনা ফোংদোকখি।

ভারতকী প্রধান মন্ত্রীনা হায়খি মদুদি কুৱেত্তা মীওই মিলিয়ন অমা হেন্না লৈবা ভারতনা খ্বাইদগী চাউবা এক্সপ্রিএৎ কম্ম্যুনিতী ওইরি অমসুং ভারত অসি কুৱেতকী খ্বাইদগী মকোক থোংবা ত্রেদ পার্তনরশিংগী মরক্তা অমা ওইরি অমসুং ভারতকী কম্পনী কয়ানা কুৱেত্তা ইনফ্রাস্ত্রকচর প্রোজেক্তশিং পায়খৎলি অমসুং তোঙান তোঙানবা লমশিংদা সর্ভিসশিং পীরি।

মহাক্না হায়খি মদুদি কুৱেত ইনভেস্তমেন্ত ওথোরিতীনা ভারত্তা শেল থাদবা য়াম্না লৈরে অমসুং হৌজিক ভারত্তা শেল থাদবগী ইন্তরেস্ত হেনগৎলক্লি। মহাক্না মখা তাখি মদুদি বাইলেতরেল অমসুং মল্তিলেতরেল ওইনা, অমনা অমগী অপাম্বশিং অদু ফজনা খঙমিন্নরি।

মোদীনা হায়খি মদুদি মহাক্কী লৈবাক অসি হৌজিক্তি মালেমগী খ্বাইদগী খোঙজেল য়াংনা চাউখৎলক্লিবা অচৌবা ইকনোমীশিংগী মনুংদা অমা ওইরে। চহি তরাগী মনুংদা মালেমগী খ্বাইদগী চাউবা 11শুবা ইকনোমীদগী খ্বাইদগী চাউবা 5শুবা ইকনোমীদা ওন্থোকখ্রে অমসুং অথুবা মতমদা খ্বাইদগী চাউবা 3শুবা ইকনোমী ওইগদৌরিবনি।

মহাক্না থাজখি মদুদি চাউখৎলকপা অসিনা সেক্তর কয়াদা ইনভেস্তমেন্তকী অচৌবা খুদোংচাবা কয়া অমা পীরি অমসুং এক্সপ্রেসৱে, রেলৱে, এয়রপোর্ত, পোর্ত, ইনর্জী গ্রিদ নৎত্রগা দিজিতেল কন্নেক্তিবিতী ওইগেরা, ভারত্তা ইনফ্রাস্ত্রকচর দিবেলপমেন্তকী খোঙজেল অসি অখন্নবা অমনি।

“হৌখিবা চহি তরা অসিদা ঐখোয়না ঐখোয়গী এয়রপোর্তশিং অসি 2014দা 70 ওইরম্বদগী 2024দা 150 হেনগৎহনখ্রে। লাক্কদৌরিবা চহি মঙা অসিদা, ভারতকী শহর 31দা মেত্রো ত্রান্সপোর্ত সিস্তেমশিংনা সর্ভিস তৌরগনি। এজুকেসন অমসুং স্কিল দিবেলপমেন্ত ইন্সতিত্যুসনশিংগী মশিংসু 2014দগী শরুক অনি হেনগৎখ্রে। মসিনা হ্যুমেন কেপিতেল দিবেলপমেন্তদা অকনবা মীৎয়েং থম্লিবা অদু উৎলি। মসিদা অফবা দেমোগ্রাফী অমসুং য়াম্না স্কিল লৈরবা শিন্মীশিংনা মতেং পীরি,” হায়না মহাক্না ফোংদোকখি।

“দিজিতেল ইকনোমী অমসুং সর্ভিসশিংনা প্রদক্তিবিতী হেনগৎহল্লি, ইফিসিএন্সী হেনগৎহল্লি অমসুং অনৌবা কঞ্জ্যুমর দিমান্দ শেম্মি। মালেমগী দিজিতেল পেমেন্তশিংগী চাউরাক্না চাদা 50দি ভারত্তা পাংথোক্লি। দ্রোনদগী গ্রীন হাইদ্রোজেন ফাওবা তেক্নোলোজীনা ভারতকী শেন্মিৎলোনগী মশক হোংহল্লি,” হায়না মহাক্না মখা তাখি।

“ঐখোয়গী রাজনিতীগী ওইবা স্তেবিলিতী, পোলিসীগী ওইবা মাংজৌননা খঙবা ঙম্বা অমসুং রিফোর্ম ওরিয়েন্তেদ বিজিনেস এপ্রোচনা ভারতপু মালেমগী ইনভেস্তমেন্ত, মেনুফেকচরিং অমসুং সপ্লাই চেনগী মেগনেৎ অমা ওইহল্লে। ভারতকী গ্রোথ স্তোরী অসিনা সেমিকন্দক্তর, এয়রক্রাফ, দ্রোনদগীনা ই-ভেহিকল ফাওবগী মালেমগী মেনুফেকচররশিং লৈবাক অসিদা দুকানশিং লিংখৎনবা পুক্নিং চিংশিল্লি,” হায়না মহাক্না ফোংদোকখি।

মহাক্না কঞ্জ্যুমর দিমান্দ হেনগৎলক্কি, মিদ্দল ক্লাস খোঙজেল য়াংনা পাকথোক চাউথোরকপনা শাহৌ পীরি হায়না পল্লদুনা হায়খি মদুদি স্তার্ত-অপশিং মশিং য়াম্না হেনগৎলকপগা লোয়ননা ভারতকী দাইনামিক ইকনোমিক এনভাইর্নমেন্ত অসি ইন্নোবেসন অমসুং ‌ওন্তপ্রিনোরশিপনা মশক তাক্লি অমসুং মেন্যুফেকচরিং সেক্তরদা চাউনা খুমাং চাউশিল্লক্লি, মসিনা দোমেস্তিক গ্রোথ অমসুং এক্সপোর্ত এক্সপান্সন অনিমক হেনগৎহন্দুনা ভারতকী ইকনোমীগী পাক চাউবা অসি হেন্না হেনগৎহল্লি।

মহাক্না হায়খি, “মালেম শীনবা থুংনা, করিগুম্বা লৈবাক অমনা খোঙজেল য়াংনা চাউখৎলক্লবদি, ইজ ওফ দুইং বিজিনেস হেনগৎলক্লবদি, ইন্তর্নেস্নেল ইনভেস্তরশিংগীদমক স্তেবিলিতী অমসুং ত্রান্সপরেন্সী লৈরবদি, মদু ভারতনি”।

মসিনা মরম ওইদুনা, ভারত অসি ইন্তর্নেস্নেল ইনভেস্তমেন্তকী খ্বাইদগী পাম্নবা মফম অমনি অমসুং মসি কুৱেতি ইনভেস্তরশিংগী অনৌবা কৈথেল অমা নত্তে হায়না মহাক্না ফোংদোকখি। মহাক্না মখা তাখি, “কুৱেতিগী বিজিনেস কয়া অমা ভারতকী বিজিনেস ইকোসিস্তেমদা মপুং ফানা য়াওরি অমসুং মখোয়গী ইন্দস্ত্রীশিংদা লুচিংবা ওইরি। ঐখোয়গী ইনভেস্তর-ফ্রেন্দলী রেজিম অমসুং য়াম্না খুমাং চাউশিল্লিবা ইকনোমী অসিনা অতোপ্পা কয়া অমসু তরাম্না ওক্নবা ঙাইরি”। 2047 ফাওবদা ভারতপু চাউখৎলবা লৈবাক অমদা ওন্থোক্নবা মহাক্কী সরকারগী পান্দমগী মতাংদা মহাক্না হায়খি: “ঐখোয়গী পান্দম অমসুং ভারত মচা করোর 140গী পান্দমদি 2047 ফাওবদা ভারতপু চাউখৎলবা লৈবাক অমা ওইনা উবনি, মতম অদুদা ঐখোয়না ঐখোয়গী নীংতম্বা চহি 100 মপুং ফারগনি। ঐখোয়গী মীয়ামগী পুন্সি মহিং ফগৎহন্নবগীদমক সেক্তর খুদিংমক্তা গ্রোথ খোঙজেল য়াংখৎহন্নবা ঐখোয়না হোৎনরি। ঐখোয়না ফিজিকেল অমসুং সোসিএল ইনফ্রাস্ত্রকচর অসি মালেমগী থাক্কী ওইগদবা ভারত অমা শেমগৎলি অমসুং নাগরিক খুদিংমক্না মাইপাকপা ঙম্নবগী খুদোংচাবা ফংলি”। “ভারত মচা খুদিংমকপু হেন্না ৱাংবা দিবেলপমেন্ত ত্রেজেক্তরী অমদা পুখৎনবা ঐখোয়না ঐখোয়গী দিবেলপমেন্ত সাইকলদা খোঙজেল য়াংনা চংশিন্নবা ৱাশক্লি। মসিগী ফলশিং অসি মীপুম খুদিংমক্না উবা ফংই। হৌখিবা চহি 10 অসিদা ঐখোয়না মীওই মিলিয়ন 250বু লায়রবদগী কোকহল্লে। ঐখোয়না ঐখোয়গী রিগুলেসন অমসুং আইন পুম্নমক মালেমগী থাক্তা লৈহন্নবা হোৎনরি। মসিনা ইনভেস্তরশিংবু য়ুমদা লৈবগুম্না ফাওহল্লগনি,” হায়না মহাক্না ফোংদোকখি।

মোদীনা মখা তারদুনা হায়খি: “অসিগুম্না, কুৱেত ভিজন 2035না লৈবাক অসিবু ইকনোমিক অমসুং কন্নেক্তিবিতী হব অমা ওইহন্দুনা লৈবাক অসি ত্রান্সফোর্মেসন তৌবদা মীৎয়েং থম্লি হায়না ঐহাক্না খঙবা ফংলে। এয়রপোর্ত তর্মিনেলদগী সি পোর্ত ফাওবা রেল লিঙ্ক, ইলেক্ত্রিসিতী ত্রান্সমিসন, রিন্যুএবল ইনর্জী প্রোজেক্তশিং, অমসুং অখন্নবা ইকনোমিক জোনশিং ফাওবগী ইনফ্রাস্ত্রকচর প্রোজেক্ত মশিং য়াম্না পাইপলাইন্দা লৈরে হায়নসু ঐনা খঙই”। অদুম ওইনমক, মহাক্না হায়খি, নাকল অনিমক্কী মীৎয়েংশিং অসি য়াম্না মান্নৈ। লৈবাক অনিমক্কী ইকনোমিক এক্তিবিতীগী অৱাংবা খোঙজেল অসিনা সরকার অনি অমসুং কম্পনীশিংদা কোওপরেসন অমসুং কোলাবোরেসন তৌনবা অচৌবা খুদোংচাবা কয়া অমা পীরি।

মহাক্না হায়খি মদুদি কুৱেত অমসুং ভারতকী মরক্তা এজুকেসন, স্কিলিং, তেক্নোলোজী অমসুং দিফেন্স কোওপরেসন য়াওনা ত্রেদিস্নেল ইনর্জী সেক্তর পার্তনরশিপকী মথক্তা হিরম কয়াদা হেন্না পাক চাউবা পার্তনরশিপ লৈরি।

“ভারতকী কম্পনী কয়ানা কুৱেতকী তোঙান-তোঙানবা সেক্তরশিংদা ইনফ্রাস্ত্রকচর প্রোজেক্তশিং পায়খৎনবা হোৎনরি। মসিগা মান্ননা, ঐখোয়না ভারত্তা কুৱেতকী কম্পনীশিংদগী ইনভেস্তমেন্তশিং উবা ফংলি। মসি অশেংবা ৱাখল্লোন্দা পার্তনরশিপ অমনা অমবু কান্নবা পীবা অমনি”, হায়না মহাক্না হায়খি।

ভারতকী সোফ পাৱরনা মালেমগী থাক্তা করম্না ইথিল পীবা ঙমগনি হায়বগী ৱাহং অমগী পাউখুম পীরদুনা মহাক্না হায়খি মদুদি ভারতকী সিভিলাইজেস্নেল ইথোস অমসুং হেরিতেজনা মাগী সোফ পাৱরগী য়ুম্ফম ওইরি। মসিগী সোফ পাৱর অসি মালেমগী থাক্তা পাকথোক চাউথোকপা, মরুওইনা হৌখিবা চহি তরা অসিদা চাউখৎলক্লি।

“কুৱেত অমসুং গল্ফতা, ভারতকী ফিল্মশিং অসি কলচরেল কন্নেক্সন অসিগী মরুওইবা খুদম অমনি। ঐখোয়না উখি মদুদি কুৱেতকী মীয়াম্না ভারতকী সিনেমাদা অখন্নবা পামজবা লৈ। ঐঙোন্দা হায়খি মদুদি কুৱেত তেলিভিজনদা ভারতকী ফিল্ম অমসুং এক্তরশিংগী মতাংদা চয়োল খুদিংগী শো অহুম লৈ,” হায়না মহাক্না হায়খি।

“অসিগুম্বা মওংদা, ঐখোয়না ঐখোয়গী ক্যুজিন অমসুং কলিনরীগী চৎনবীদা মগুন কয়া অমগা লোয়ননা চৎমিন্নরি। চহি চা কয়াগী মমাংদগী মীওই অমগা মীওই অমগগী মরক্তা লৈরকখিবা মরী অসিনা লোলগী মান্নবশিং অমসুং মান্নবা ৱাহৈ-ৱাতা কয়া অমা পুথোকখি। ভারতকী মখল-মখা কয়া অমসুং শান্তি, তোলরেন্স অমসুং পুন্না হিংমিন্নবদা মরুওইবা পীবা অসিনা কুৱেতকী মল্তিকলচরেল খুন্নাইগী ভেল্যুশিংগা মান্নৈ। হন্দক্তা কুৱেতি স্কোলর অমনা রামায়ন অমসুং মহাভারতবু আরবিক্তা,” হন্দোকখ্রে হায়না মোদীনা ফোংদোকখি।

ভারতকী প্রধান মন্ত্রীনা হায়খি মদুদি ভারতকী কম্ম্যুনিতীনা লৈবাক অনিগী মরক্তা থোং অমা ওইনা থবক তৌরি। মসিনা ভারতকী ফিলোসোফী, ম্যুজিক অমসুং পর্ফোর্মিং আর্তশিংগীদমক চাউথোকচবা পোকহল্লি। কুৱেতকী নেস্নেল রেদিওনা হিন্দী লোলদা চয়োলগী ওইবা প্রোগ্রাম অমা ‘নমস্তে কুৱেত’ হায়না মিংথোনবা হৌদোকখিবা অসিদা মহাক্না নুংঙাইবা ফোংদোকখি।

ভারতকী তুরিজম সেক্তরনা সোফ পাৱরগী অতোপ্পা দাইমেন্সন অমা পীরি। UNESCOগী ৱার্ল্দ হেরিতেজ সাইৎ 43 লৈদুনা, ভিজিস্তরগী খুদোংচাবশিং হেনগৎহন্নবা লেপ্তনা হোৎনরিবা অসিদা, ভারতনা পুৱারী, কলচর অমসুং মহৌশাগী ফজবগী তোপ তোপ্পা মচল অমা পীরি হায়না মহাক্না ফোংদোকখি।

কুৱেতকুম্বা খুন্নাই অমগীদমক, মসিগা লোয়ননা ভারতনা ইনাক খুল্লবা পুৱারীগী ওইবা মরী য়াম্না লৈনরি, ভারতকী তুরিজমগী খুদোংচাবশিং অসি শরুক য়ামিন্নরিবা নাৎকী মরীশিং অসি থিজিনবা অমসুং হেন্না চেৎশিলহন্নবা খুৎশম্নবনি হায়না মহাক্না ফোংদোকখি। মহাক্না হিস হাইনেস অমির অমসুং কুৱেত স্তেৎকী সরকারদা ভারতকী মীয়ামগীদমক অমসুং মখোয়গী য়াইফনবা হোৎনবগীদমক থাগৎপা ফোংদোকখি।

মহাক্না মখা তাখি মদুদি কুৱেত্তা লৈরিবা ভারত মচাশিং অসি খ্বাইদগী চাউবা এক্সপত্রিৎ গ্রুপনি অমসুং মখোয়না দাক্তরশিং, বিজিনেসমেনশিং, কন্সত্রক্সন ৱার্করশিং, ইঞ্জিনীয়রশিং, নর্সশিং অমসুং অতোপ্পা প্রোফেস্নেলশিং ওইনা কুৱেতকী চাউখৎপদা চাউনা শরুক তম্মি।

“ঐখোয়না কুৱেতকা লোয়ননা ঐখোয়গী মরী অসি স্ত্রেতেজিক পার্তনরশিপকী থাক্তা পুখৎলকপা মতমদা, ঐহাক্না থাজৈ মদুদি ভারতকী কম্ম্যুনিতীগী থৌদাং অসি হেন্না মরু ওইগনি। ঐহাক্না থাজবা থম্লি মদুদি কুৱেতকী ওথোরিতীশিংনা থৌনা ফরবা কম্ম্যুনিতী অসিগী অচৌবা কন্ত্রিব্যুসনশিং অদু মশক খঙলে অমসুং মখা তানা পুক্নিং থৌগৎকনি অমসুং মতেং পাংগনি,” হায়না মহাক্না হায়খি।

কুৱেত-ভারত ইনর্জীগী মরীগী মতাংদা হংলকপা ৱাহং অমদা, প্রধান মন্ত্রীনা হায়খি মদুদি ইনর্জী অসি লৈবাক অনিগী পার্তনরশিপকী মরুওইবা য়ুম্বী অমনি। হৌখিবা চহিদা, ত্রেদ এক্সচেঞ্জ অসি USD বিলিয়ন 10 হেনখি। মসিনা পার্তনরশিপ অসিগী মখাদা লৈরিবা অচেৎপা থাজবা অমসুং নাকল অনিগী কান্নবা অদু উৎলি।

“লৈবাক অনিমক অসি ইনর্জী সেক্তরদা খ্বাইদগী মকোক থোংবা তরেৎকী মনুংদা লেপ্পা লৈতনা য়াওরি। ভারতকী কম্পনীশিংনা কুৱেত্তগী ক্রুদ ওইল, LPG অমসুং পেত্রোলিয়ম প্রদক্তশিং ইম্পোর্ত তৌবদা এক্তিব ওইনা শরুক য়ারি অমসুং পেত্রোলিয়ম প্রদক্তশিংসু কুৱেত্তা এক্সপোর্ত তৌরি। হৌজিক্তি কুৱেত অসি ভারতকী খ্বাইদগী চাউবা 6শুবা ক্রুদ সপ্লাইয়র অমসুং 4শুবা খ্বাইদগী চাউবা LPG সপ্লাইয়র ওইরি,” হায়না মহাক্না ফোংদোকখি।

ভারতনা মালেমগী খ্বাইদগী চাউবা অহুমশুবা ইনর্জী কঞ্জ্যুমর, ওইল কঞ্জ্যুমর অমসুং LPGগী কঞ্জ্যুমর ওইনা থোরকপা অমসুং কুৱেতনা মালেমগী ওইল রিজর্বকী চাদা 6.5 রোম লৈরকপদা, মখা তানা পুন্না থবক তৌমিন্নবগী খুদোংচাবা অসি য়াম্না চাউই, ইঞ্জিন ওইল অমসুং গ্যাস ভেল্যু চেন পুম্বদা খুদোংচাবশিং খঙদোক্তুনা লৈবাক অনিমক্না মখোয়গী ত্রেদিস্নেল বায়র-সেলর রিলেসনশিপপু স্ত্রেতেজিক পার্তনরশিপ অমদা ওন্থোক্নবা শেম-শারি হায়না মহাক্না ফোংদোকখি।

কনভেনস্নেল হায়দ্রোকার্বোনশিং ললোন-ইতিক তৌবগী মথক্তা, ওইল অমসুং গ্যাসকী ভেল্যু চেন পুম্নমক য়াওনা পুন্না থবক তৌমিন্ননবা অনৌবা লম কয়া অমা লৈরি, লোয়ননা গ্রীন হাইদ্রোজেন, বাইওফ্যুএল অমসুং কার্বোন কেপচর তেক্নোলোজীগুম্বা লো-কার্বোন সোলুসনশিংদা পুন্না হোৎনমিন্নরি হায়না মহাক্না মখা তাখি।

পেত্রোকেমিকেল সেক্তরনা কো-ইনভেস্তমেন্ত, তেক্নোলোজী একচেঞ্জ অমসুং ম্যুচুএল গ্রোথকী থোঙ হাংদোকপা ঙম্নবা কুৱেতকী অচৌবা পেত্রোকেমিকেল ভিজনগী মখাদা 2040গী স্ত্রেতেজীগী মখাদা 2025 ফাওবদা ভারতকী য়াম্না থুনা চাউখৎলক্লিবা পেত্রোকেমিকেল ইন্দস্ত্রী অসি USD বিলিয়ন 300 ওইগদৌরিবা অসিগা লোয়ননা কোলাবোরেসনগী অতোপ্পা আশা তৌরবা লম্বী অমা পীরি হায়না মোদীনা ফোংদোকখি।

মহাক্না ভারত অমসুং কুৱেতকী মরক্তা ইনর্জী পার্তনরশিপ অসি শেন্মিৎলোনগী মরীগী য়ুম্বী অমা ওইবতা নত্তনা তোঙান তোঙানবা অমসুং সস্তেনেবল গ্রোথকী দ্রাইভর অমা ওইরিবা, পুন্না চাউখৎপা, ইনর্জী সেক্যুরিতী অমসুং অকোয়বগী ফীভম ফগৎহন্নবগী তুংলমচৎ অমগী লম্বী অমা শেম্লিবা অসি থাগৎপা ফোংদোকখি।

GCC-ইন্দিয়াগী মরীশিংগী মতাংদা মহাক্না GCCবু ভারতকীদমক অপুনবা এন্তিতী অমা ওইনা মরুওইবা অমা ওইবগীদমক থাগৎপা ফোংদোকখি। মহাক্না হায়খি মদুদি ভারত অমসুং গল্ফকী মরক্তা লৈরিবা মরী অসি পুৱারীগী ওইবা, নাৎকী ওইবা অমসুং ললোন-ইতিক্কী ওইবা মরীশিংদা য়ুম্ফম ওই অমসুং মান্নবা মগুনশিংদা য়ুম্ফম ওই অমসুং মরীশিং অসি মপাঙ্গল কনখৎলে অমসুং তোঙান তোঙানবা লমশিংদা পার্তনরশিপ অমা তৌরক্লি।

মহাক্না পনখি মদুদি GCCগী লমদম অসি ভারতকী অপুনবা ত্রেদকী শরুক তরুক থোকপগী অমখক ওইরি অমসুং মসিদা ভারত মচাশিংগী শরুক অহুম থোকপগী অমা লৈরি। মহাক্না হায়খি মদুদি গল্ফ লমদম অসিদা চাউরাক্না ভারত মচা মিলিয়ন মাপল লৈরি। মখোয়না GCCগী লৈবাক তরুক্কী মরুওইবা কম্ম্যুনিতী অমা শেম্মি অমসুং মখোয়গী শেন্মিৎলোন চাউখৎপা অমসুং দিবেলপমেন্তদা পোজিতিব ওইনা মতেং পাংলি।

চহি অসিগী সেপ্তেম্বরদা, রিয়াধতা ফোরেন মিনিস্তরশিংগী থাক্তা স্ত্রেতেজিক দাইলোগকীদমক অহানবা ইন্দিয়া-GCC জোইন্ত মিনিস্তরেল মীফম পাংথোকখি, মখা তারদুনা মহাক্না হায়, মীফম অদুদা পোলিতিকেল দাইলোগ, সেক্যুরিতী, ত্রেদ অমসুং ইনভেস্তমেন্ত, ইনর্জী, হেল্থ, এজুকেসন, এগ্রিকলচর অমসুং ফুদ সেক্যুরিতী, ত্রান্সপোর্তেসন অমসুং কলচর য়াওনা হিরম কয়াদা মতেং পীননবা ইন্দিয়া-GCC জোইন্ত এক্সন প্লান অমা এদোপ্ত তৌখি।

ভারতকী মালেমগী থৌদাং, মরু ওইনা গ্লোবেল সাউথকী ভোইস ওইবগী মতাংদা হংবদা মহাক্না হায়খি: “ভারতনা গ্লোবেল সাউথকীদমক ভোইস ওইবগী খুদোংচাবা ফংলি। ঐখোয়গী পুৱারীদগী হৌরগা ঐখোয়গী মীয়ামগী অপাম্বা ফাওবদা ঐখোয়গী মরুপ ওইরিবা চাউখৎলক্লিবা লৈবাকশিংগা ঐখোয়না মান্নবা কয়া অমা লৈ। মরম অদুনা ঐখোয়না মখোয়গী অৱাবশিংবু খঙবা খক নত্তনা, ঐখোয়না মখোয়গী অৱাবা অদু ফাওই। চত্থরিবা লানশিনশিং অমসুং চীঞ্জাক, ফ্যুএল অমসুং ফর্তিলাইজরগী শীংনবশিং অসিনা গ্লোবেল সাউথকী শরুকশিং অসিবু অৱাবা কয়া মায়োক্নহল্লি। মখোয়না ক্লাইমেৎ চেঞ্জগী অৱাবা অদুসু কা হেন্না মায়োক্নরি।

মহাক্না মহাক্কী লৈবাক অসি গ্লোবেল সাউথকী থাজবা য়াবা দিবেলপমেন্ত পার্তনর অমা ওইনা, মখোয় অমসুং অতোপ্পশিংগীদমক অৱাবা তারবা মতমদা অহানবা রেস্পোন্সর অমা ওইনা, ক্লাইমেৎ এক্সনগী লমদা লুচিংবা অমা ওইনা অমসুং ইনক্লুসিব গ্রোথ অমসুং দিবেলপমেন্তকী চেম্পিয়ন অমা ওইনা থাগৎখি।

মহাক্না মখা তারদুনা হায়খি: “ঐখোয়না G20গী প্রসিদেন্সী লৌরকপা মতমদা চাউখৎলক্লিবা লৈবাকশিংগী খন্ননিংঙাই ওইবা ৱাফমশিংদা ৱা ঙাংখি। ঐখোয়না গ্লোবেল সাউথকী মীফম অহুম পাংথোকখি অমসুং মীয়ামগী তঙাই ফদবশিংবু মপাঙ্গল কনখৎহন্নবা হোৎনখি। অনৌবা দিল্লী সম্মিৎতা আফ্রিকান য়ুনিয়ননা G20গী পর্মিনেন্ত মেম্বর অমা ওইরকপা অসিদা ঐখোয়না চাউথোকচবা পোকই। মসি গ্লোবেল সাউথকী পুৱারী ওইরবা মাই পাকপা অমনি, অমসুং ঐখোয়গীদমক চাউথোকচনীংঙাই ওইবা তাঞ্জা অমনি”। রিজনেল অমসুং গ্লোবেল কনফ্লিক্তশিং, মরুওইনা গাজা অমসুং য়ুক্রেনগী মতাংদা, মোদীনা হায়খি মদুদি লানফমদা সোলুসনশিং ফংবা ঙম্লোই। খেন্নবা লৈতবশিং কোকহন্নবা অমসুং ৱারী শানদুনা ৱারোইশিন পুরক্নবা স্তেকহোল্দরশিংগী মরক্তা পুকচেল শেংনা অমসুং থবক ওইনা পাংথোক্নবা হায়খি।

মতাং অসিদা মহাক্না মরু ওইনা গাজা অমসুং য়ুক্রেনদা অথুবা মতমদা শান্তি অমুক হন্না পুরক্নবা হোৎনরিবা অসিদা মতেং পাংনবা অপাম্বা ফোঙদোকখি।

হ্যুমেনিতরিয়নগী মায়কৈদা, মহাক্না হায়খি মদুদি মহাক্কী লৈবাক অসিনা হৌখিবা থাদা গাজাদা হ্যুমেনিতরিয়ন এসিস্তেন্স ওইনা তন 70, হিদাক তন 65 রোম থাখি। মসিগী মথক্তা হৌখিবা চহি অনিদা UNRWAদা USD মিলিয়ন 10 থাখি।

মোদীনা সেক্যুর অমসুং রিকোগনাইজ বোর্দরশিংগী মনুং চন্না সোভরেন, নীংতম্বা অমসুং ভাইএবল ওইবা পেলেস্তাইন স্তেত অমা লিংখৎনবগী মায়কৈদা লৈবাক অনিগী ৱারোইশিন অমা পুরকপদা ভারতনা মতেং পাংলি হায়না অমুক হন্না ফোংদোকখি।

এনভাইর্নমেন্তেল সস্তেনেবিলিতী ইনিসি‌এ”তিবশিংগী মতাংদা, মোদীনা হায়খি: ঐখোয়না শীংনবা কয়া থেংনরি, অদুবু ক্লাইমেৎ চেঞ্জদগী হেন্না মরু ওইবা অমা লৈতে। ঐখোয়গী গ্রহ অসি অৱাবা মায়োক্নরি। ঐখোয়দা খুদক্কী ওইবা অপুনবা থবক অমা দরকার ওই, অমসুং মসিদা মালেমগী কম্ম্যুনিতী পুম্নমক্না শরুক য়াগদবনি। কনাগুম্বা অমত্তনা মথন্থা মসি পাংথোকপা ঙমদে। ঐখোয়না অমত্তা ওইনা পুনশিনগদবনি”।

“ভারতনা লমজিংবা পাম্মি অমসুং লৈবাক পুম্নমকপু পুন্না পুনশিন্নদুনা প্রো-প্লানেৎ এক্সনগীদমক থৌনা পীবা পাম্মি। মসি ঐখোয়গী তোঙান তোঙানবা গ্রীন গ্লোবেল ইনিসিএতিবশিংগী মখাদা লৈরিবা ৱাখল্লোন অদুনি,” হায়না মহাক্না ফোংদোকখি।

ভারতনা লুচিংবা গ্রীন ইনিসিএতিবশিং অসি ক্লাইমেৎ চেঞ্জ থেংননবা, অকোয়বগী ফীভম লেংদনা লৈহন্নবা, দিজাস্তর রেসিলিয়েন্ত ইনফ্রাস্ত্রকচর শেমগৎনবা অমসুং ক্লিন ইনর্জীগী মায়কৈদা মালেমগী ওইবা অহোংবা পুরক্নবা লৈবাক পুম্নমক্কী প্লেৎফোর্ম অমনি হায়না মহাক্না ফোংদোকখি।

অহেনবা পানবা মসিদা নম্বীয়ু: