پی ایم انڈیا

وزیر اعظم جناب نریندر مودی نے آج نئی دہلی میں  ایک ویڈیو پیغام میں سابق وزیر اعظم ڈاکٹر  منموہن سنگھ کے انتقال پر گہرے دکھ کا اظہار کیا۔ انہوں نے کہا  کہ ڈاکٹر سنگھ کا انتقال ملک کے لیے ایک ناقابل تلافی نقصان ہے۔ وزیراعظم نے کہا کہ زندگی کے ہر شعبے میں کامیابی حاصل کرنا کوئی معمولی کارنامہ نہیں ہے اور ڈاکٹر سنگھ تقسیم کے دوران ہندوستان آنے کے بعد بہت کچھ کھونے کے باوجود ایک بڑی کامیابی حاصل کی تھی۔ انہوں نے مزید کہا کہ ڈاکٹر سنگھ کی زندگی آنے والی نسلوں کو سکھاتی ہے کہ کس طرح مشکلات سے اوپر اٹھ کر عظیم بلندیاں حاصل کی جائیں۔

جناب مودی نے زور دے کر کہا کہ ڈاکٹر سنگھ کو ہمیشہ ایک مہربان شخص، ایک ماہر معاشیات اور اصلاحات کے لیے وقف رہنما کے طور پر یاد رکھا جائے گا۔  انہوں نے ایک ماہر معاشیات کے طور پر ڈاکٹر سنگھ کی مختلف سطحوں پر ہندوستانی حکومت کے لیے بے شمار تعاون پر روشنی ڈالی۔ وزیراعظم نے مشکل وقت میں ریزرو بینک آف انڈیا کے گورنر کے طور پر ڈاکٹر سنگھ کی کارکردگی کی ستائش کی۔

وزیر اعظم نے نوٹ کیا کہ سابق وزیر اعظم اور بھارت رتن آنجہانی  پی وی نرسمہا راؤ کی حکومت میں وزیر خزانہ کے طور پرڈاکٹر منموہن سنگھ نے ملک کو مالی بحران سے نکال کر ایک نئی اقتصادی راہ پر گامزن کیا۔ انہوں نے زور دے کر کہا کہ وزیر اعظم کے طور پر ملک کی تعمیر و ترقی میں ڈاکٹر سنگھ  کے  تعاون کو ہمیشہ یاد رکھا جائے گا۔ انہوں نے مزید کہا کہ ڈاکٹر سنگھ نے عوام اور ملک کی ترقی کے تئیں اپنی وابستگی کو ہمیشہ بلند رکھا ۔

جناب مودی نے اس بات پر زور دیا کہ ڈاکٹر سنگھ کی زندگی ان کی ایمانداری اور سادگی کی عکاس تھی۔ انہوں نے روشنی ڈالی ڈاکٹر سنگھ کا ممتاز پارلیمانی کیریئر ان کی انکساری، شائستگی اور ذہانت سے نمایاں تھا۔ وزیر اعظم نے یاد دلایا کہ آخر میں بھی ڈاکٹرسنگھ، اس سال کے شروع میں راجیہ سبھا میں انہوں نے ڈاکٹر سنگھ کی تعریف کی تھی۔ ڈاکٹر سنگھ کی لگن سب کے لیے ایک تحریک ہے۔ اپنے جسمانی چیلنجوں کے باوجود، ڈاکٹر سنگھ نے وہیل چیئر پر اہم اجلاسوں میں شرکت کی، اپنے پارلیمانی فرائض کو پورا کیا۔

وزیر اعظم نے کہا کہ  ممتاز عالمی اداروں سے تعلیم حاصل کرنے اور اعلیٰ سرکاری عہدوں پر فائز ہونے کے باوجود ڈاکٹر سنگھ اپنے عاجزانہ پس منظر کی اقدار کو کبھی نہیں بھولے۔ انہوں نے مزید کہا کہ ڈاکٹر سنگھ نے ہمیشہ پارٹی کی سیاست سے بالاتر ہوکر تمام پارٹیوں کے افراد سے رابطہ برقرار رکھا اور ہر کسی تک آسانی سے رسائی حاصل کی۔ وزیر اعظم نےوزیر اعلیٰ کے دور میں اور بعد میں دہلی میں قومی اور بین الاقوامی مسائل پر ڈاکٹر سنگھ کے ساتھ اپنے والہانہ لگاؤ اور گفتگوکو  بھی یاد کیا۔   انہوں نے تمام شہریوں اور ڈاکٹر سنگھ کے اہل خانہ کو ان کی رحلت پر خراج عقیدت پیش کیا۔

The passing away of Dr. Manmohan Singh Ji is deeply saddening. I extend my condolences to his family and admirers.https://t.co/6YhbaT99dq

— Narendra Modi (@narendramodi) December 27, 2024

******

U.No:4613

ش ح۔ع و۔ع ر