ভারতকী প্রধানমন্ত্রী

​ঙসি প্রধান মন্ত্রী শ্রী নরেন্দ্র মোদীনা কুৱেতকী প্রধান মন্ত্রী সৈখ অহমদ অল-অবদুল্লাহ অল-অহমদ অল-সাবাহগা ৱারি শানখ্রে।

রাজনিতি, ললোন-ইতিক, শেন থাদবা, ইনর্জি, দিফেন্স, সেকুরিতি, হকশেল, লাইরিক-লাইশু, তেক্নোলোজি, নাত অমসুং মীগা মীগা লৈনবা মরীশিং য়াওনা হিরম কয়াদা মতেং পাংনবা হেনগৎহন্নবা লম্বীশিং লুচিংবশিংনা খন্নখ্রে। লৈবাক অনিগী মরক্ত শেন-থুমগী মরী হেন্না চেৎশিনহন্নবা মখোয়না খন্নখ্রে। ইনর্জি, দিফেন্স, মেদিকেলগী খুৎলায়শিং, ফার্মা, ফুদ পার্কশিংগী হিরমশিংদা অনৌবা খুদোংচাবশিং য়েংনবা কুৱেত ইনভেস্তমেন্ত ওথোরিতি অমসুং অমসুং অতোপ্পা মরী লৈনবশিং য়াওবা মীহুৎ কাংবু অমা ভারত্ত লাক্নবা প্রধান মন্ত্রীনা চেবাউ পীখ্রে। মহৌশাগী লায়েং কাংলোনশিং অমসুং লৌউ-শিংউগী লমদা থিজিনবগী মতাংদা মতেং পাংন্নবা মখোয়না খন্নখ্রে। হৌজিক হকশেল, মেনপৱার অমসুং হায়দ্রোকার্বোনশিংগী জোইন্ত ৱার্কিং গ্রুপশিংগী মথক্ত ললোন-ইতিক, শেন থাদবা, লাইরিক-লাইশু, তেক্নোলোজি, লৌউ-শিংউ, সেকুরিতি অমসুং নাতকী হিরমশিংদা অনৌবা জোইন্ত ৱার্কিং গ্রুপশিং লিংখৎনবা হন্দক জোইন্ত কম্মিসন ফোর কোওপরেসন (জে সি সি) গী খুৎয়েক পীনখিবদা লুচিংবশিংনা তরাম্না ওকখ্রে।

ৱারি শানরবা মতুংদা, লৈবাক অনি য়ানচেশিং অমসুং এম.ও.য়ুশিং খুৎয়েক পীনবা অমসুং খুৎশীন্নবা লুচিংবশিং শরুক য়াখি। মখোয়গী মনুংদা দিফেন্স কোওপরেসনগী এম.ও.য়ু অমা, কলচরেল একচেঞ্জ প্রোগ্রাম অমা শান্নবগী লমদা মতেং পাংন্নবা ইজুক্যুতিপ প্রোগ্রাম অমা অমসুং কুৱেতনা ইন্তরনেসনেল সোলার এল্লাইন্স শরুক য়ানবা ফ্রেমৱার্ক এগ্রিমেন্ত অমনি।

কুৱেতকী প্রধান মন্ত্রী ভারত্ত লাক্নবা প্রধান মন্ত্রীনা চেবাউ পীখ্রে।

****