ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি লোক কল্যান মার্গ 7, নই দিল্লীদা তামিলগী শক্নাইরবা কবি অমসুং নীংতম্বগী লান্মী সুব্রমনিয়া ভারতীনা ইরম্বা পুম্নমক খোমজিন্দুনা শেম্বা লাইরিক অমা ফোঙখ্রে। তামিলগী শক্নাইরবা কবি সুব্রমনিয়া ভারতীগী মপোক কুমওন্দা মহাকপু ইকাই খুম্নবা উৎলদুনা শ্রী মোদীনা হায়খি মদুদি ঙসি অসি ভারতকী নাৎ অমসুং সাহিত্যগীদমক, ভারতকী নীংতম লানগী মমিশিং অমসুং তামিল নাদুগী মীংচৎকীদমক অচৌবা খুদোংচাবা অমনি। মহাকবি সুব্রমনিয়া ভারতীগী থবকশিং ফোঙবগী ঙসিগী থৌরম অসি য়াম্না চাউনা লোইশিনখ্রে হায়না মহাক্না মখা তাখি।

প্রধান মন্ত্রীনা ভোল্যুম 21দা ‘কালা ভরিসাইয়িল ভারতীয়র পদাইপুগল’ পুথোক্নবগীদমক চহি তরাগী খুজিং তরুক অসিদা অখন্ননা, অমুক্তা ওইখিদ্রিবা মওংদা অমসুং চোকথবা লৈতনা হোৎনখিবা অদুগীদমক থাগৎপা ফোংদোকখি। মহাক্না মখা তাখি মদুদি সেনি বিশ্বনাথন জীগী কন্না হোৎনখিবা অসি তপস্যা অমনি, মসিনা লাক্কদৌরিবা মীরোন কয়াদা কান্নবা ফংহল্লগনি। শ্রী মোদীনা হায়খি মদুদি শ্রী বিশ্বনাথনগী তপস্যানা মহাকপু মহামাহোপাধ্যয় পন্দুরঙ্গ ভমন কানেগী নীংশিংহল্লি, মহাক্না মহাক্কী পুন্সিগী চহি 35 ধর্মশাস্ত্রগী পুৱারী ইবদা কত্থোকখি। শ্রী সেনি বিশ্বনাথনগী থবকশিং অসি একাদেমিক লম অসিদা বেঞ্চমার্ক অমা ওইরগনি হায়না প্রধান মন্ত্রীনা থাজবা থমখি। মহাক্না মহাক অমসুং মহাক্কী মরুপশিংবু মহাক্কী ইথিল পীনীংঙাই ওইবা থবকশিংগীদমক থাগৎপা ফোংদোকখি।

‘কালা ভরিসাইয়িল ভারতীয়র পদাইপুগল’গী মতাংদা পল্লদুনা প্রধান মন্ত্রীনা হায়খি মদুদি ভোল্যুম অসিদা ভারতীজীগী থবকশিং খক্তা য়াওবা নত্তে, মসিদা মহাক্কী সাহিত্য নৎত্রগা সাহিত্যগী খোঙচৎকী মতাংদা ময়েক শেংবা বেকগ্রাউন্দ ইনফোর্মেসন অমসুং মহাক্কী থবকশিংগী অরুবা ফিলোসোফিকেল এনালাইসিস অমসু য়াওরি। ভোল্যুম খুদিংমক্তা কমেন্তরী, এক্সপ্লেনেসনশিং অমসুং অকুপ্পা ৱারোল পীবা এনোতেসনশিং য়াওরি। শ্রী মোদীনা হায়খি, “মসিগী ইদিসন অসিনা ভারতীজীগী ৱাখল্লোনগী অকুপ্পা ৱাহন্থোক অদু খঙনবা রিসর্চ স্কোলরশিং অমসুং ইন্তলেকচুএলশিংদা অচৌবা মতেং পাংগনি অমসুং মহাক্না লৈরম্বা মতমগী মতাংদা ৱাখল্লোন অমা পীগনি।”

গীতা জয়ন্তীগীদমক নুংঙাইবা ফোংদোক্লদুনা, প্রধান মন্ত্রীনা শ্রী সুব্রমনিয়া ভারতীবু গীতাগী তম্বীরোলদা থাজবা থম্লিবা অমসুং মসিগী লৌশিংবু নীংথিনা খঙবিবগীদমক থাগৎপা ফোংদোকখি। “মহাক্না গীতা অসি তামিলদা হন্দোক্তুনা মাগী কান্নরবা পাউতাক্কী অচম্বা অমসুং লায়না খঙগদবা ৱাহন্থোক অমা পীখি” হায়না ফোংদোক্লদুনা শ্রী মোদীনা হায়খি মদুদি মহাক্না গীতা জয়ন্তী, সুব্রমনিয়া ভারতীজীগী মপোক কুমওন অমসুং মহাক্কী থবকশিং ফোঙবগী থৌরম অসি ত্রিবেনিগা মান্নবা মশক থোকপা থৌরম অমনি।

ভারতকী ফিলোসোফীগী ‘শবদা ব্রহ্ম’গী ৱাখল্লোন পল্লদুনা প্রধান মন্ত্রীনা হায়খি মদুদি ভারতনা মতম পুম্নমক্তা ৱাহৈশিংবু এক্সপ্রেসনগী মেদিয়ম অমা ওইনা লৌদুনা মখোয়গী ঙমখৈ লৈতবা শক্তি অদু উৎলি। “মহাক্কী ৱাখল্লোনশিং, এক্সপরিয়েন্সশিং অমসুং স্পিরিচুএল প্রেক্তিসশিংগী মরুওইবশিং অসি লৌশিং লৈরবা মীওইশিং অমসুং থিঙ্করশিংগী ৱাহৈশিংনা উৎলি, মসিনা মরম ওইদুনা মসিবু তুংগী মীরোনগীদমক্তা ঙাক-শেন্দুনা থম্বা অসি ঐখোয়গী থৌদাং ওইহল্লি”। শ্রী মোদীনা হায়খি মদুদি মরু ওইবা থবকশিংবু পুনশিন্নবগী চৎনবী অসি ঙসিসু মরু ওইনা লৌনরি।, খুদম ওইনা হায়রবদা, পুরানশিংদা পথাপ নাইনা ঙাক-শেন্দুনা থম্লিবা মহারিশি ব্যসানা ইরম্বা ৱারোলশিং অদু হৌজিক ফাওবা ময়েক শেংনা ইরি। খুদম খরা পল্লদুনা মহাক্না হায়খি মদুদি স্বামি বিবেকানন্দ, দা. বাবাসাহেব অম্বেদকরগী অইবা অমসুং স্পীচশিং অমসুং দীন দয়াল উপাধ্যায়গী মপুং ফাবা ৱার্কশিংনা খুন্নাই অমসুং একাদেমিয়াদা চাউনা শরুক তম্মি। ষ শ্রী মোদীনা মখা তানা হায়খি মদুদি তিরুকুরাল অসি লোন কয়াদা হন্দোক্নবা হোৎনরি। মসিনা ভারতকী সাহিত্যগী হেরিতেজ অসি ঙাক-শেন্দুনা থম্বদা অমসুং প্রমোৎ তৌবদা ভারতকী কত্থোকপা অদু উৎলগনি। মহাক্না পাপুয়া ন্যু গিনিদা চৎপা মতমদা তিরুকুরাল অসি তোক পিসিনদা ফোঙবগী খুদোংচাবা ফংখি অমসুং মহাক্কী ওফিসিএল রেসিদেন্সতা গুজরাতিদা হন্দোকপগী খুদোংচাবা ফংখি।

লৈবাক অসিগী মথৌ তাবশিংবু মীৎয়েং থমদুনা থবক তৌখিবা অৱাংবা থাক্কী ৱাখল্লোন লৈবা মীওই অমা ওইনা সুব্রমনিয়া ভারতীবু থাগৎলদুনা শ্রী মোদীনা হায়খি মদুদি মহাক্না মতম অদুদা লৈবাক অসিনা মথৌ তারিবা লম খুদিংমক্তা থবক তৌখি। ভারতীয়র অসি তামিল নাদু অমসুং তামিল লোলগী হেরিতেজ খক্তা নত্তে, অদুবু ভারতকী চাউখৎপা অমসুং চাউথোকচবা অদুগী মঙলান মংজখিবা, মা ভারতীগী সেবাদা মহাক্কী মীকুপ খুদিংমক কত্থোকখিবা ৱাখল লৈবা মীওই অমনি হায়না মহাক্না মখা তাখি। প্রধান মন্ত্রীনা হায়খি মদুদি সরকারনা ভারতীয়রজীগী থৌদাং অসি মীয়ামদা শন্দোক্নবা থৌদাং লৌদুনা লেপ্পা লৈতনা থবক তৌরি। মহাক্না মখা তাখি মদুদি, 2020দা, মালেম পুম্বনা কোবিদ লাইচৎনা শোকহল্লবসু, সরকারনা সুব্রমনিয়া ভারতীগী 100শুবা মপোক কুমওন অসি য়াম্না চাউনা পাংথোক্নবা থৌরাং তৌখি। মহাক্না মখা তানা হায়খি মদুদি মহাক মশামক্না ইন্তর্নেস্নেল ভারতী ফেস্তিবেলগী শরুক অমা ওইখি। শ্রী মোদীনা হায়খি মদুদি মহাক্না ভারতকী মনুং অমসুং মপালদা মহাকবি ভারতীগী ৱাখল্লোনগী খুত্থাংদা মালেমদা ভারতকী ৱাখল্লোন লেপ্পা লৈতনা শন্দোক্লি। কাশী অসি মহাক্কা সুব্রমনিয়া ভারতীগী মরক্তা লৈজবা অমসুং স্পিরিচুএলগী মরী অমনি হায়না পল্লদুনা প্রধান মন্ত্রীনা হায়খি মদুদি সুব্রমনিয়া ভারতীগী মতম অমসুং মরী অসি কাশীগী হেরিতেজকী শরুক অমা ওইরে। শ্রী ভারতী কাশীদা লৌশিং তানবগীদমক লাকখি অমসুং মতম চুপ্পদা মফম অদুদা লৈখি অমসুং মহাক্কী ইমুংগী মীওই কয়া হৌজিকসু কাশীদা লৈরি হায়না মহাক্না মখা তাখি। কাশীদা লৈরিঙৈ মতমদা ভারতীয়রনা মহাক্কী ফজরবা মকোই অদু খাক্নবা ইথিল ফংখি হায়না পল্লদুনা শ্রী মোদীনা হায়খি মদুদি ভারতীয়রনা কাশীদা লৈরিঙৈ মতমদা মহাক্কী থবক কয়া অমা ইখি। বারানসীদগী পার্লিয়ামেন্তকী মেম্বর অমা ওইনা লেপখিবা প্রধান মন্ত্রীনা অখন্নবা থবক অদু তরাম্না ওকখি অমসুং বারানসী হিন্দু য়ুনিভর্সিতীদা মহাকবি ভারতীয়রগী থৌদাংবু ইকায় খুম্নবা চেয়র অমা কত্থোকখিবা অসি সরকারগী নুংঙাইবা অমনি হায়না মহাক্না মখা তাখি।

শক্নাইরবা কবি অমসুং ভিজনরী শ্রী সুব্রমনিয়া ভারতীবু ইকায় খুম্নবা উৎলদুনা প্রধান মন্ত্রীনা ভারতকী নাৎকী, ৱাখল্লোনগী অমসুং খুন্নাইগী ওইবা মওং-মতৌদা মহাক্কী তোপ-তোপ্পা থৌদাংশিং অদু পনখি। মহাক্না হায়খি, সুব্রমনিয়া ভারতী অসি মালেম অসিদা চহি চা কয়াদা অমুক্তং পোকপা মীশকনি। চহি 39 খক্তমক হিংলমলবসু মহাক্না ঐখোয়গী লৈবাক অসিদা অচৌবা ইথিল অমা পীখি। শ্রী মোদীনা হায়খি মদুদি মহাক্কী মপাঙ্গল কনবা ৱাহৈশিংগী খুত্থাংদা, মহাক্না নীংতম্বগী ৱাখল্লোন খক্তমক উৎখিদে, মীয়ামগী অপুনবা ৱাখল্লোনবুসু পুক্নিং থৌগৎখি। মসি মহাক্না ইখিবা কোপ্লেৎ অমনা ময়েক শেংনা উৎলি: “এনরু তানিয়ুম ইন্ধা সুদান্ধিরা থাগাম? এনরু মদিয়ুম এনগল এদিমায়িন মোগম?” হায়বদি নীংতম্বগী খৌরাংবা অদু করম্বা মতমদা কোকহনগনি? করম্বা মতমদা ঐখোয়গী সর্ভিচুদকী ইনফাচুএসন অসি মাংহনবা ঙমগনি? ভারতীজীনা জর্নেলিজম অমসুং সাহিত্যদা শরুক তমখিবশিং থাগৎলদুনা শ্রী মোদীনা হায়খি, “ভারতীজীনা 1906দা ইন্দিয়া ৱিক্লী হৌদোক্তুনা জর্নেলিজমদা অহোংবা পুরকখি, মসি পোলিতিকেল কার্তুনশিং য়াওবা অহানবা তামিলগী পাউচে ওইখি। কন্নন পাত্তুগুম্বা মহাক্কী শৈরেংশিং অসিনা মহাক্কী থোইদোক হেন্দোকপা স্পিরিচুএলিতী অমসুং শোত্থরশিংগীদমক থোইদোক হেন্দোক্না নুংশিজবা উৎলি। লাইরবশিংগীদমক্তা ফিরোল দান তৌনবা মহাক্না হায়জরকখিবা অসিনা মহাক্কী থবক অসিনা মতৌ করম্না এক্সন অমসুং ফিলানথ্রোফীদা ইথিল পীবগে হায়বদু উৎলি”। মহাকপু মতম চুপ্পগী ওইবা ইথিলগী হৌরকফম অমা হায়রদুনা শ্রী মোদীনা মহাক্কী অকিবা লৈতবা ক্লেরিতী অমসুং অফবা তুংলমচৎ অমগীদমক মহাক্কী মতম চুপ্পগী ওইবা মীৎয়েংবু থাগৎপা ফোংদোকখি। মহাক্না মতম পুম্নমক্তা মীয়াম্বু নীংতম্বা, থোং মান্নবা অমসুং মীনুংশি ফংহন্নবা হোৎননবা তকশিনখি।

শ্রী ভারতীয়রবু মীৎয়েং শানবা মীওই অমা ওইনা থাগৎলদুনা প্রধান মন্ত্রীনা হায়খি মদুদি খুন্নাই অসি অৱাবা কয়া মায়োক্নরিবা মতম অসিদা, ভারতীয়র অসি নহারোল অমসুং নুপীশিংগী শক্তি লৈহন্নবা হোৎনবদা চাউনা মতেং পাংখি অমসুং সাইন্স অমসুং ইনোবেসনদা থাজবা য়াম্না থমখি। মহাক্না মখা তাখি মদুদি ভারতীয়রনা লৈবাক পুম্বদা শম্নহন্নবা অমসুং অরাপ্পা হন্থহন্নবা কম্ম্যুনিকেসন লৈহন্নবা মঙলান শাগৎচখি। সুব্রামনিয়া ভারতীগী ৱাহৈ পরেংশিং, “কাশি নগর, পুলাবর পেসুম, উরাই তান, কাঞ্চিয়াল, কেৎপাদরকোর, কারুভি চৈয়ভোম”; মসিগী ৱাহন্থোক্তি কাঞ্চীদা লৈরিঙৈদা বনারসকী লম্বোইবশিংনা হায়রিবশিং অসি কনাগুম্বা অমনা তাবা ঙম্নবগী খুৎলাই অমা লৈগদবনি হায়বনি। দিজিতেল ইন্দিয়ানা ভারতপু খাদগী অৱাং ফাওবা অমসুং নোংপোকদগী নোংচুপ ফাওবা শম্নহন্দুনা মসিগী মঙলানশিং অসি অশেংবদা ওন্থোক্লি হায়না প্রধান মন্ত্রীনা অকনবা ৱাফম থমখি। মহাক্না মখা তাখি মদুদি ভাসিনিগুম্বা এপশিংনা লোলগা মরী লৈনবা সমস্যা পুম্নমক মুত্থৎখ্রে। শ্রী মোদীনা হায়খি মদুদি ভারতকী লোল খুদিংমক ঙাক শেন্নবা অফবা ৱাখল্লোনগা লোয়ননা ভারতকী লোল খুদিংমক্কী মফমদা ইকায়খুম্নবা অমসুং চাউথোকচবগী ৱাখল্লোন লৈরি, মসিনা লোল খুদিংমক্কীদমক সেবা তৌবগী মওং অমা ওইহল্লি।

শ্রী ভারতীগী সাহিত্যগী থৌদাংশিংবু থাগৎলদুনা প্রধান মন্ত্রীনা মহাক্কী থবকশিংবু অরিবা মতমগী তামিল লোলগীদমক মমল য়াম্লবা হেরিতেজ অমনি হায়না ফোংদোকখি। সুব্রমনিয়া ভারতীগী সাহিত্য অসি মালেমগী খ্বাইদগী অরিবা লোলশিংগী মনুংদা অমা ওইরিবা তামিল লোলগীদমক পুকৈনি। ঐখোয়না মহাক্কী সাহিত্য শন্দোকপা মতমদা, ঐখোয়না তামিল লোলসু তেংবাংলি। অমসুং মসি পাংথোকপদা, ঐখোয়না ঐখোয়গী লৈবাক্কী অরিবা হেরিতেজ অসিবু ঙাক-শেল্লি অমসুং প্রমোৎ তৌরি।” তামিলগী থাক ৱাংখৎহন্নবা হৌখিবা চহি তরা অসিদা হোৎনখিবশিং অদু পল্লদুনা শ্রী মোদীনা হায়খি, “হৌখিবা চহি 10 অসিদা লৈবাক অসিনা তামিলগী ইকাই খুম্নবা উৎনবা হোৎনখি।” মহাক্না হায়খি মদুদি মহাক্না য়ুনাইতেদ নেসন্সতা তামিলগী ইকাই খুম্নবা উৎনবগী খুদোংচাবা ফংখি। “ঐখোয়না মালেমগী মফম কয়াদা থিরুভল্লুভর কলচরেল সেন্তরশিংসু হাংলি,” হায়না মহাক্না ফোংদোকখি।

প্রধান মন্ত্রীনা থাজবা ফোংদোকখি মদুদি কবি সুব্রমনিয়া ভারতীগী থবকশিংবু পুনশিনবনা তামিল লোলবু শৌগৎপদা চাউনা মতেং পাংগনি। মহাক্না হায়খি, “ঐখোয় পুন্না চৎমিন্নরগা, চাউখৎলবা ভারত অমগী পান্দম অদু ফংলগনি অমসুং ভারতীজীগী মঙলানশিং ঐখোয়গী লৈবাক অসিগীদমক মপুং ফাহনগনি।” শ্রী মোদীনা ৱারোল লোইশিনবদা ইরম্বশিং খোমজিনবা অমসুং ফোঙবদা শরুক য়ারিবা মীওই খুদিংমকপু থাগৎপা ফোংদোকখি।

কেন্দ্রগী কলচর মন্ত্রী শ্রী গজেন্দ্র সিংহ শেকৱাৎ, কেন্দ্রগী রাজ্য মন্ত্রী শ্রী রাও ইন্দ্রজিৎ সিংহ, শ্রী এল. মুরুগান, লিতরেতর শ্রী সেনি বিশ্বনাথন, পব্লিসর শ্রী ভি. শ্রী শ্রীনিবাসন অমসুং দিগনিতরীশিংনা শরুক য়াখি।

বেকগ্রাউন্দ

সুব্রমনিয়া ভারতীগী অইবশিংনা মীয়ামদা লৈবাক নুংশিবগী ৱাখল্লোন পোকহল্লি, ভারতকী নাৎ অমসুং লৈবাক অসিগী স্পিরিচুএল হেরিতেজকী মরুওইবশিং মীয়ামদা মীয়ামনা খঙবা ঙম্বা লোল অমদা ফংহল্লি। মহাক্কী মপুং ফাবা থবকশিংগী ভোল্যুম 23গী কম্পেন্দিয়ম অসি সেনি বিশ্বনাথন্না খোমজিনখি অমসুং এল্লাইয়ন্স পাব্লিশরসনা ফোঙখি। মসিদা সুব্রমনিয়া ভারতীগী অইবশিংগী ইদিসনশিং, এক্সপ্লেনেসনশিং, দোক্যুমেন্তশিং, বেকগ্রাউন্দ ইনফোর্মেসনশিং অমসুং ফিলোসোফিকেল প্রজেন্তেসনশিং য়াওরি।

Honoured to release a compendium of Mahakavi Subramania Bharati’s works. His vision for a prosperous India and the empowerment of every individual continues to inspire generations. https://t.co/3MvdIVyaG0

— Narendra Modi (@narendramodi) December 11, 2024

हमारे देश में शब्दों को केवल अभिव्यक्ति ही नहीं माना गया है।

हम उस संस्कृति का हिस्सा हैं, जो ‘शब्द ब्रह्म’ की बात करती है, शब्द के असीम सामर्थ्य की बात करती है: PM @narendramodi pic.twitter.com/A8MBA5Zchn

— PMO India (@PMOIndia) December 11, 2024

Subramania Bharati Ji was a profound thinker dedicated to serving Maa Bharati. pic.twitter.com/T22Un1pSK1

— PMO India (@PMOIndia) December 11, 2024

Subramania Bharati Ji’s thoughts and intellectual brilliance continue to inspire us even today. pic.twitter.com/uUmUufXRJu

— PMO India (@PMOIndia) December 11, 2024

The literary works of Mahakavi Bharati Ji are a treasure of the Tamil language. pic.twitter.com/CojAV8jlja

— PMO India (@PMOIndia) December 11, 2024

***