ಪಿಎಂಇಂಡಿಯಾ

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕೇಂದ್ರ ಸಚಿವ ಸಂಪುಟ ಸಭೆ, 26.463 ಕಿ.ಮೀ.ಗಳನ್ನೊಳಗೊಂಡ ದೆಹಲಿ ಮೆಟ್ರೋದ ನಾಲ್ಕನೇ ಹಂತದ ಯೋಜನೆಯ ರಿಥಾಲಾ – ನರೇಲಾ-ನಾಥುಪುರ್ (ಕುಂಡ್ಲಿ) ಕಾರಿಡಾರ್ ಗೆ  ಅನುಮೋದನೆ ನೀಡಿದ್ದು, ಇದು ರಾಷ್ಟ್ರ ರಾಜಧಾನಿ ಮತ್ತು ನೆರೆಯ ಹರಿಯಾಣ ನಡುವಿನ ಸಂಪರ್ಕವನ್ನು ಮತ್ತಷ್ಟು ಹೆಚ್ಚಿಸಲಿದೆ. ಕಾರಿಡಾರ್ ಮಂಜೂರಾದ ದಿನಾಂಕದಿಂದ 4 ವರ್ಷಗಳಲ್ಲಿ ಯೋಜನೆ ಪೂರ್ಣಗೊಳಿಸಲು ನಿರ್ಧರಿಸಲಾಗಿದೆ.

ಈ ಯೋಜನೆಯ ಪೂರ್ಣ ವೆಚ್ಚ 6,230 ಕೋಟಿ ರೂ.ಗಳಾಗಿದ್ದು, ದೆಹಲಿ ಮೆಟ್ರೋ ರೈಲು ನಿಗಮ ನಿಯಮಿತ (ಡಿ ಎಂ ಆರ್ ಸಿ ), ಭಾರತ ಸರ್ಕಾರದ (ಜಿಒಐ) ಅಸ್ತಿತ್ವದಲ್ಲಿರುವ 50:50 ವಿಶೇಷ ಉದ್ದೇಶದ ವಾಹಕ (ಎಸ್ ಪಿ ವಿ) ಮತ್ತು ದೆಹಲಿ ರಾಷ್ಟ್ರೀಯ ರಾಜಧಾನಿ ಪ್ರದೇಶ (ಜಿ ಎನ್ ಸಿ ಟಿ ಡಿ) ಸರ್ಕಾರವು ನಾಲ್ಕು ವರ್ಷಗಳಲ್ಲಿ ಈ ಯೋಜನೆ ಜಾರಿಗೆ ಬರಲಿದೆ.

ಈ ಮಾರ್ಗವು ಪ್ರಸ್ತುತ ಕಾರ್ಯನಿರ್ವಹಿಸುತ್ತಿರುವ ಶಹೀದ್ ಸ್ಥಲ್ (ಹೊಸ ಬಸ್ ಅಡ್ಡಾ) – ರಿಥಾಲಾ (ರೆಡ್ ಲೈನ್) ಕಾರಿಡಾರ್ ನ ವಿಸ್ತರಣೆಯಾಗಿದೆ ಮತ್ತು ರಾಷ್ಟ್ರ ರಾಜಧಾನಿಯ ವಾಯುವ್ಯ ಭಾಗಗಳಲ್ಲಿ ನರೇಲಾ, ಬವಾನಾ, ರೋಹಿಣಿಯ ಕೆಲವು ಭಾಗಗಳಲ್ಲಿ ಸಂಪರ್ಕವನ್ನು ಹೆಚ್ಚಿಸುತ್ತದೆ. ಈ ಸಂಪೂರ್ಣ ವಿಸ್ತರಣೆಯು 21 ನಿಲ್ದಾಣಗಳನ್ನು ಒಳಗೊಂಡಿರುತ್ತದೆ. ಈ ಕಾರಿಡಾರ್ ನ ಎಲ್ಲಾ ನಿಲ್ದಾಣಗಳನ್ನು ಎತ್ತರಿಸಲಾಗುವುದು.

ರಿಥಾಲಾ – ನರೇಲಾ – ನಾಥುಪುರ್ ಕಾರಿಡಾರ್ ಪೂರ್ಣಗೊಂಡ ನಂತರ, ಉತ್ತರ ಪ್ರದೇಶದ ಗಾಜಿಯಾಬಾದ್ ನ ಶಹೀದ್ ಸ್ಥಲ್ ಹೊಸ ಬಸ್ ಅಡ್ಡಾ ನಿಲ್ದಾಣವನ್ನು ದೆಹಲಿ ಮೂಲಕ ಹರಿಯಾಣದ ನಾಥುಪುರದೊಂದಿಗೆ ಸಂಪರ್ಕಿಸುತ್ತದೆ, ಇದು ಇಡೀ ರಾಷ್ಟ್ರೀಯ ರಾಜಧಾನಿ ಪ್ರದೇಶದಲ್ಲಿ ಸಂಪರ್ಕವನ್ನು ಅದ್ಭುತವಾಗಿ ಹೆಚ್ಚಿಸುತ್ತದೆ.

ನಾಲ್ಕನೇ ಹಂತದ ಯೋಜನೆಯ ಈ ಹೊಸ ಕಾರಿಡಾರ್ ಎನ್ ಸಿ ಆರ್ ನಲ್ಲಿ ದೆಹಲಿ ಮೆಟ್ರೋ ಜಾಲದ ವ್ಯಾಪ್ತಿಯನ್ನು ವಿಸ್ತರಿಸುತ್ತದೆ, ಆ ಮೂಲಕ ಆರ್ಥಿಕತೆಯನ್ನು ಮತ್ತಷ್ಟು ಹೆಚ್ಚಿಸುತ್ತದೆ. ಕೆಂಪು ಮಾರ್ಗದ ಈ ವಿಸ್ತರಣೆಯು ರಸ್ತೆಗಳಲ್ಲಿನ ದಟ್ಟಣೆಯನ್ನು ಕಡಿಮೆ ಮಾಡುತ್ತದೆ, ಹೀಗಾಗಿ, ಮೋಟಾರು ವಾಹನಗಳಿಂದ ಉಂಟಾಗುವ ಮಾಲಿನ್ಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಈ ಸಂಪೂರ್ಣ ವಿಸ್ತರಣೆಯು 21 ನಿಲ್ದಾಣಗಳನ್ನು ಒಳಗೊಂಡಿರುತ್ತದೆ. ಈ ಕಾರಿಡಾರ್ ನ ಎಲ್ಲಾ ನಿಲ್ದಾಣಗಳನ್ನು ಎತ್ತರಿಸಲಾಗುವುದು. ಈ ಕಾರಿಡಾರ್ ನಲ್ಲಿ ಬರುವ ನಿಲ್ದಾಣಗಳು: ರಿಥಾಲಾ, ರೋಹಿಣಿ ಸೆಕ್ಟರ್ 25, ರೋಹಿಣಿ ಸೆಕ್ಟರ್ 26, ರೋಹಿಣಿ ಸೆಕ್ಟರ್ 31, ರೋಹಿಣಿ ಸೆಕ್ಟರ್ 32, ರೋಹಿಣಿ ಸೆಕ್ಟರ್ 36, ಬಾರ್ವಾಲಾ, ರೋಹಿಣಿ ಸೆಕ್ಟರ್ 35, ರೋಹಿಣಿ ಸೆಕ್ಟರ್ 34, ಬವಾನಾ ಕೈಗಾರಿಕಾ ಪ್ರದೇಶ – 1 ಸೆಕ್ಟರ್ 3, 4, ಬವಾನಾ ಕೈಗಾರಿಕಾ ಪ್ರದೇಶ – 1 ಸೆಕ್ಟರ್ 1, 2, ಬವಾನಾ ಜೆಜೆ ಕಾಲೋನಿ, ಸನೋತ್, ನ್ಯೂ ಸನೋತ್, ಡಿಪೋ ನಿಲ್ದಾಣ, ಭೋರ್ಗಢ್ ಗ್ರಾಮ, ನರೇಲಾ ಡಿಡಿಎ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್, ನರೇಲಾ, ನರೇಲಾ ಸೆಕ್ಟರ್ 5, ಕುಂಡ್ಲಿ ಮತ್ತು ನಾಥ್ಪುರ್.

ಈ ಕಾರಿಡಾರ್ ಹರಿಯಾಣಕ್ಕೆ ದೆಹಲಿ ಮೆಟ್ರೋದ ನಾಲ್ಕನೇ ವಿಸ್ತರಣೆಯಾಗಿದೆ. ಪ್ರಸ್ತುತ, ದೆಹಲಿ ಮೆಟ್ರೋ ಹರಿಯಾಣದ ಗುರುಗ್ರಾಮ್, ಬಲ್ಲಭಗಡ್ ಮತ್ತು ಬಹದ್ದೂರ್ ಗಢದವರೆಗೆ ಕಾರ್ಯನಿರ್ವಹಿಸುತ್ತಿದೆ.

65.202 ಕಿ.ಮೀ ಮತ್ತು 45 ನಿಲ್ದಾಣಗಳನ್ನು ಒಳಗೊಂಡ ಹಂತ -4 (3 ಆದ್ಯತೆಯ ಕಾರಿಡಾರ್) ನಿರ್ಮಾಣ ನಡೆಯುತ್ತಿದೆ ಮತ್ತು ಇಂದಿನವರೆಗೆ, ಶೇ.56 ಕ್ಕಿಂತ ಹೆಚ್ಚು ನಿರ್ಮಾಣ ಪೂರ್ಣಗೊಂಡಿದೆ. ನಾಲ್ಕನೇ ಹಂತದ (3 ಆದ್ಯತೆಯ) ಕಾರಿಡಾರ್ ಗಳು 2026ರ ಮಾರ್ಚ್ ವೇಳೆಗೆ ಹಂತ ಹಂತವಾಗಿ ಪೂರ್ಣಗೊಳ್ಳುವ ಸಾಧ್ಯತೆಯಿದೆ. ಇದಲ್ಲದೆ, 20.762 ಕಿಲೋಮೀಟರ್ ಒಳಗೊಂಡ ಇನ್ನೂ ಎರಡು ಕಾರಿಡಾರ್ ಗಳನ್ನು ಸಹ ಅನುಮೋದಿಸಲಾಗಿದೆ ಮತ್ತು ಟೆಂಡರ್ ಪೂರ್ವ ಹಂತದಲ್ಲಿದೆ.

ಇಂದು, ದೆಹಲಿ ಮೆಟ್ರೋ ಸರಾಸರಿ 64 ಲಕ್ಷ ಪ್ರಯಾಣಿಕರ ಪ್ರಯಾಣವನ್ನು ಪೂರೈಸುತ್ತದೆ. 18.11.2024 ರಂದು ಇದುವರೆಗೆ ದಾಖಲಾದ ಗರಿಷ್ಠ ಪ್ರಯಾಣಿಕರ ಪ್ರಯಾಣ 78.67 ಲಕ್ಷ. ಎಂ ಆರ್ ಟಿ ಎಸ್ ನ ಪ್ರಮುಖ ನಿಯತಾಂಕಗಳಾದ ಸಮಯಪ್ರಜ್ಞೆ, ವಿಶ್ವಾಸಾರ್ಹತೆ ಮತ್ತು ಸುರಕ್ಷತೆಯಲ್ಲಿ ಶ್ರೇಷ್ಠತೆಯ ಸಾರಾಂಶವನ್ನು ನಿಗದಿಪಡಿಸುವ ಮೂಲಕ ದೆಹಲಿ ಮೆಟ್ರೋ ನಗರದ ಜೀವನಾಡಿಯಾಗಿದೆ.

ಪ್ರಸ್ತುತ ದೆಹಲಿ ಮತ್ತು ಎನ್ ಸಿ ಆರ್ ನಲ್ಲಿ 288 ನಿಲ್ದಾಣಗಳೊಂದಿಗೆ ಸುಮಾರು 392 ಕಿ.ಮೀ ಉದ್ದದ ಒಟ್ಟು 12 ಮೆಟ್ರೋ ಮಾರ್ಗಗಳನ್ನು ಡಿ ಎಂ ಆರ್ ಸಿ ನಿರ್ವಹಿಸುತ್ತಿದೆ. ಇಂದು, ದೆಹಲಿ ಮೆಟ್ರೋ ಭಾರತದ ಅತಿದೊಡ್ಡ ಮೆಟ್ರೋ ಜಾಲವನ್ನು ಹೊಂದಿದೆ ಮತ್ತು ವಿಶ್ವದ ಅತಿದೊಡ್ಡ ಮೆಟ್ರೋಗಳಲ್ಲಿ ಒಂದಾಗಿದೆ.