ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা নবেম্বর ৩০ দগী দিসেম্বর ১ ফাওবদা স্তেত কনভেন্সন সেন্তর, লোক সভা ভবন, ভুবনেস্বর, ওরিসাদা পাঙথোক্কদবা ওল ইন্দিয়া কন্ফরেন্স ওফ দাইরেক্তর জেনেরেল্স/ ইন্সপেক্তর জেনেরেল্স ওফ পুলিসতা শরুক য়াগদৌরি।
নবেম্বর ২৯ দগী দিসেম্বর ১, ২০২৪ ফাওবা নুমিৎ হুম্নি পাঙথোক্কদবা কন্ফরেন্স অসিদা কাউন্তর তেরোরিজম, লেফ্ত ৱিং এক্সত্রিমিজম, কোস্তেল সিক্যুরিতী, নিউ ক্রিমিনেল লোস, নার্কোতিক্স অমসুং অতৈ য়াওনা নেস্নেল সিক্যুরিতীগী মরুওইবা মচাকশিং খন্নগনি। প্রেসিদেন্ত’স পুলিস মেদল ফোর দিস্তিঙ্গুইস সর্ভিসসু কন্ফরেন্স অসিদা লান্থোক্কনি।
কন্ফরেন্সস অসিনা লৈবাকসিগী মকোক থোংবা পুলিস প্রোফেস্নেলশিং অমদি সিক্যুরিতী এদমিনিস্ত্রেতরশিংদা নেস্নেল সিক্যুরিতীগী মরী লৈনবা ৱাফমশিং, লোয়ননা ভারতকী পুলিসনা থেংনরিবা তোঙান তোঙানবা ওপরেস্নেল, ইনফ্রাস্ত্রকচরেল অমদি ৱেলফ্যারগা মরী লৈনবা ৱাফমশিংগী মতাঙদা মনিং তম্না খন্ননবা অমদি য়েৎননবা ইন্তরেক্তিব প্লেতফোর্ম অমা ফংহনগনি। মসিদা খন্নগদৌরিবা অসিদা ইন্তরনেল সিক্যুরিতী থ্রেতশিংগী মথক্তা ক্রাইম কন্ত্রোল অমদি লো এন্দ ওর্দর মেনেজমেন্তকা মরী লৈনবা প্রোফেস্নেল প্রাক্তিস অমদি প্রোসেসশিং শেম্বা অমদি তাথোক তাশিন তৌনবা য়াওগনি।
প্রধান মন্ত্রীনা মতম পুম্বদা DGP কন্ফরেন্স অসিবু য়াম্না লুম্না লৌরি। প্রধান মন্ত্রীনা পুখৎনরক্লিবা ৱাফমশিং মুন্না তাবখক নত্তনা ওপন অমদি ইনফোর্মেল ওইনা খন্ননবা এনভাইরনমেন্ত অমা ফংহন্দুনা অনৌবা ৱাখল্লোনশিং থোরকপা ঙমহল্লি। চহিসিদা, তোপ তোপ্পা ফীচর খরা কন্ফরেন্স অসিদা হাপচিল্লি। নুমিৎ চুপ্পা অসি য়োগ সেসন্দগী হৌরগা বিজিনেস সেসন, ব্রেক-আউত সেসন, অমদি থিমেতিক দাইনিং তেবল ফাওবদা মতিক চানা শীজিন্ননবা থৌরাং তৌরি। মসিনা মকোক থোংবা পুলিস ওফিসিএলশিংদা লৈবাকসিদা চৈথেং পীরিবা মরুওইবা পুলিসিং অমদি ইন্তরনেস্নেল সিক্যুরিতীগী ৱাফমশিংগী মতাঙদা মখোয়গী মীৎয়েঙ অমদি ৱাফমশিং প্রধান মন্ত্রীগী মফমদা থম্নবা মমল য়াম্লবা খুদোংচাব অমসু ফংহনগনি।
প্রধান মন্ত্রীনা চহিগী DGsP/IGsP কন্ফরেন্স অসি, ২০১৪ দগী হৌরগা লৈবাক শিন্বা থুংনা পাঙথোক্নবা পুক্নিং থৌগত্তুনা লাক্লি। কন্ফরেন্সি অসি গুৱাহাতী (অসাম), রন ওফ কচ্ছ (গুজরাত), হায়দরবাদ (তেলঙ্গনা), তেকনপুর (গ্বালিয়র, মধ্য প্রদেশ), স্তেচ্যু ওফ য়ুনিভর্সিতী (কেবারিয়া, গুজরাত), পুনে (মহারাস্ত্র), লখ্নৌ (উত্তর প্রদেশ), নই দিল্লী অমদি জয়পুর (রাজস্থান) দা পাঙথোকখ্রে। চৎনবী অসি মখা চতত্থরকপা ওইনা, ৫৯শুবা DGsP/IGsP কন্ফরেন্স ২০২৪ অসি ভুবনেস্নর (ওরিসা)দা পাঙথোক্কদৌরি।
কন্ফরেন্স অসি কেন্দ্রগী গৃহ মন্ত্রী, প্রিন্সিপাল সেক্রেতরী তু পি.এম., নেস্নেল সিক্যুরিতী এদভাইজর, রাজ্য মন্ত্রী (হোম এফ্যার্স), স্তেত/য়ু.তি.শিংগী DGP অমদি সেন্ত্রেল পুলিস ওর্গনাইজেসনশিংগী মকোকশিং য়াওনা মীওই কয়ানা শরুক য়াগনি।
***
