ভারতকী প্রধানমন্ত্রী
ইকায়খুম্নরবা রাস্ত্রপতি ইরফান অলি,
প্রধান মন্ত্রী মার্ক ফিলিপস,
উপ-রাস্ত্রপতি ভারত জগদিও,
হান্নগী রাস্ত্রপতি দোনাল্দ রমোতার,
গয়ানিস কেবিনেতকী মেম্বরশিং,
ইন্দো-গয়ানিস ফুরুপকী মীওইশিং,
ইবেম্মাশিং অমসুং ইবুংঙোশিং,
খুরুমজরি!
সীতারাম!
ঙসি অদোমগা উনবদা ঐ অপেনবা পোকই। থৌরম অসিদা শরুক য়াবগীদমক ঐনা রাস্ত্রপতি ইরফান অলি থাগৎপা ফোঙদোকচরি। ঐ থুংলবদা তরাম্না ওকপগীদমক প্রধান মন্ত্রী মোদীনা রাস্ত্রপতি থাগৎপা ফোঙদোকচরি। মখোয়গী মীনুংশি অমসুং থৌজালগীদমক ঐনা মখা তানা রাস্ত্রপতি অমসুং মহাক্কী ইমুং-মনুং থাগৎপা ফোঙদোকচরি। তরাম্না ওকপগী ৱাখল্লোন অসি ঐখোয়গী নাতকী মরুনি। ভারত সরকারগী এক পের মা কে নাম খোঙজংগী শরুক অমা ওইনা রাস্ত্রপতি অমসুং মহাক্কী মবোক্কা লোয়ননা মহাক্না উ পাম্বী অমা থারে। মসি ঐনা মতম পুম্নমক্ত নিংশিংদুনা লৈহৌরগদবা তাঞ্জা অমনি।
মরুপশিং,
গয়ানাগী খ্বাইদগী ৱাংবা জাতিগী মনা ওর্দর ওফ এক্সলেন্স ফংবদা ঐ য়াম্না হরাওই। মনা অসিগীদমক গয়ানাগী মীয়াম ঐনা থাগৎপা ফোঙদোকচরি। মনা অসি ভারতমচা বিল্লিয়ন ১.৪ অমসুং গয়ানাদা লৈবা ভারতমচা লাখ ৩ অমসুং গয়ানানা চাউখৎনবা মখোয়না পাংথোক্লিবা থবকশিংদা ইকায়খুম্নবা উৎপনি।
মরুপশিং,
লমকোয়বা মীওই অমা ওইনা চহি ২০ গী মমাঙদা ঐনা গয়ানাদা লাকখিবগী নুংঙাইরবা থৌদোকশিং নিংশিংলি। মতম অদুদা ঐ সরকারগী ফম অমতা পায়খিদে। ঙসি ভারতকী প্রধান মন্ত্রী ওইনা তুরেল কয়াগী লৈবাক অসিদা ঐ অমুক লাক্লে। মতম অদুদগী হৌজিক ফাওবদা অহোংবা কয়া উবা ফংলে। অদুবু ঐগী গয়ানাগী ইনাওশিং অমসুং ইচলশিংগী নুংশিবা অমসুং থৌজালদি লেংদনা লৈরি। অদোম্না ভারত্তগী ভারতমচা অমা পুখিবা ঙমগনি, অদুবু অদোম্না ভারতমচা অমদগী ভারত লৌথোকখিবা ঙম্লোই হায়বসি ঐনা উরিবা অসিনা অমুক হেন্না থাজবা ঙমহল্লে।
মরুপশিং,
ঙসি ঐনা ভারতমচাশিং থুংলখিবগী নিংশিংনবা মফম য়েংলুরে। চহি ২০০ গী মমাঙদা গয়ানাদা লৈরিবা ভারতমচাশিংগী ইপা-ইপুশিংগী শাংবা খোঙচৎ অমনা লৈবাক অসিদা পুরকখিবনি। ভারতকী তোঙান-তোঙানবা মফমশিংদগী লাকখিবা মীওইশিং অদুনা মখোয়গী তোঙান-তোঙানবা নাতশিং,লোলশিং অমসুং চৎনবীশিং পুরকখি অমসুং মতমগী মতুংইন্না গুয়ানা মখোয়গী য়ুম ওইখি। হায়রিবা লোলশিং, ৱারিশিং অমসুং চৎনবীশিং অসি ঙসিদি গয়ানাগী নাতকী শরুক অমা ওইরে। নিংতম্বা অমসুং গনতন্ত্রগীদমক মখোয়না লান্থেংনখিবগী গয়ানাদা লৈবা ভারতমচাশিংগী থৌনা অদু ঐনা থাগৎপা ফোঙদোকচরি। মখোয়না গয়ানা য়াম্না য়াংনা চাউখৎলক্লিবা ইকোনোমি অমা ওইহন্নবা থবক তৌরি। অদোম মখোঙদগী ৱানা হোৎনদুনা মকোক তারকখিবনি। শ্রী চেদদি জগন্না হায়খি: “ মীওই অমা করম্বা ইমুংদা পোকপগী হায়বা অদু দরকার ওইদে, দরকার ওইরিবদি মহাক করি ওইবগে হায়বদুনি”। হায়রিবা ৱাহৈশিং অসি মহাক্না থাজখি। শ্রী জগন শীন্মীশিংগী অচম্বা ইমুং অমদগী হৌরক্তুনা মালেমগী মশক থোকপা লুচিংবা অমা ওইরকখি। রাস্ত্রপতি ইরফান অলি, উপ-রাস্ত্রপতি ভারত জগদিও, হান্নগী রাস্ত্রপতি দোনাল্দ রামোতার গয়ানাদা লৈবা ভারতমচাশিংগী এম্বেসেদরশিংনি। জোসেফ রোমানগুম্বা ইন্দো-গয়ানিস কয়া, অঙনবা মতমগী ইন্দো-গয়ানিস ইন্তেলেচুএলশিংগী মনুংদা অমনি, সানা য়ারদান অঙনবা মতমগী ইন্দো-গয়ানিস কবিশিংগী মনুংদা মমিং লৈরবা নুপী কবি অমনি অমসুং অতোপ্পা কয়ানা কলা, লাইরিক-লাইশু, ঈশৈ অমসুং মেদিসিন্দা অকনবা ইথিল অমা পীরি।
মরুপশিং,
ঐখোয়গী মরক্ত লৈরিবা মান্নবা কয়ানা ভারত-গয়ানাগী মরীশিংগী অকনবা য়ু্ম্ফম অমা থোল্লি। পোৎশক অহুমনা, নাত, ইন্সাং মথেলশিং অমসুং ক্রিকেতনা ভারত অমসুং গয়ানা অচেৎপা মরী লৈনহল্লি। চয়োল খরগী মমাঙদা অদোম দিৱালি পাংথোক্লমগনি হায়না ঐনা থাজৈ। থা খর অসিদা ভারতনা হোলি পাংথোকপা মতমদা, গয়ানাদা ফাগৱা পাংথোক্কনি। চহি ৫০০ গী মতুংদা শ্রী রাম লাল্লা অয়োধ্যাদা হল্লকপগা লোয়ননা চহি অসিগী দিৱালি অসি অখন্নবনি। অয়োধ্যাদা রাম মন্দির শানবা গয়ানাদগী অশেংবা ঈশিং অমসুং সিলাশিং থারকখিবা অদু ভারতকী মীয়াম্না নিংশিংলি। সমুদ্র কয়া লান্না লৈরবশু, ইমা ভারতকা মখোয়গা নাতকী অচেৎপা মরী লৈনরি অমসুং ঙসি মহাক্না অর্য়া সমাজ মোনুমেন্ত অমসুং সরশ্বতি বিদ্য নিকেতন স্কুলদা চৎলুবদা ঐনা মসি খঙবা ঙমখি। ভারত অমসুং গয়ানা অনিমক্না ঐখোয়গী ইনাকখুল্লবা অমসুং মখল কয়াগী নাতগীদমক চাউথোকচরি অমসুং করিগুম্বা খর পাংথোক্নবা খেন্নবশিং উবা ফংলে। কমদৌনা নাতকী খেন্নবশিং অসিনা মখোয়গী মপাঙ্গল ওইবগে হায়বা ঐখোয়গী লৈবাক অনিমক্না উৎলে।
মরুপশিং,
ভারতকী মীয়াম্না চৎপা মফম খুদিংমক্তা, মখোয়না য়াম্না মরুওইবা পোৎশক অমা মখোয়গা লোয়ননা চৎমিন্নৈ। মদু চীঞ্জাকনি! গয়ানাদা লৈরিবা ভারতমচাশিংনা ভারত অমসুং গয়ানা অনিমক্কী মচাকশিং য়াওবা অঙকপা চীঞ্জাক্কী চৎনবী অমা লৈরি। মফম অসিদা দাল পুরি য়াম্না পাম্নৈ হায়বা ঐ খঙলে। ঐনা রাস্ত্রপতি অলিগী য়ুমদা চাখিবা মথেল তরেৎকী চাক্লেন অদু য়াম্না হাওখি। মদু ঐগীদমক নুংঙাইরবা নিংশিংবা অমা ওইরগনি।
মরুপশিং,
ক্রিকেত পামজবা অসিনা ঐখোয়গী লৈবাকশিং অচেৎপা মরী লৈনহল্লে। মসি শুপ্নগী শান্নবা খক নত্তে, মসি ঐখোয়গী লৈবাক্কী মশক তাকপা পুন্সিগী লম্বী অমনি। গয়ানাগী প্রোভিদেন্স নেসনেল ক্রিকেত স্তদিয়ম অসি ঐখোয়গী মরুপ-মপাং ওইবগী খুদম অমনি। কনহাই, কালিচরন, চন্দরপাউল ভারত্তা পাক-শন্না খঙনবা মিংশিংনি। ক্লাইব লোইদ অমসুং মহাক্কী কাংবু মীরোল কয়াগী পামজবা অমনি। গয়ানাগী নহা ওইরিবা শান্নরোয় কয়াগী মশিং য়াম্লবা ফেনশিং ভারত্তা লৈরি। শক্নাইরবা শান্নরোয় খর ঙসি ঐখোয়গী ইরক্তা য়াওরি। চহি অসিগী অঙনবা শরুক্ত লৈবাক অসিদা পাংথোকখিবা তি-২০ ৱার্ল্দ কপ ভারতমচা কয়ানা পাম্না য়েংখি। গয়ানাদা পাংথোকখিবা মেতচশিংদা অদোম্না ‘তিম ইন ব্লু’গীদমক হরাওবা ফোঙদোকখিবা অদু ভারত্তা য়ুমদা হল্লক্লবা ফাওবদা তারমগনি।
মরুপশিং,
ঙসি অয়ুক ঐ গয়ানা পর্লিয়ামেন্তদা ৱা ঙাংবগী খুদোংচাবা অমা ফংলে। গনতন্ত্রগী মমাগী লৈবাক্তগী লাকপা ওইনা করিব্বিয়ান লমদমদা খ্বাইদগী ফবা গনতন্ত্র চৎপা লৈবাকশিংগী মনুংদা অমা ওইরিবা গয়ানাগা ঐগা থম্মোয়গী ওইবা মরী অমা লৈনরি। লোয়লম লৈঙাক্কী মায়োক্ত লান্থেংনখিবা, গনতন্ত্রগী গুনশিং নুংশিজবা অমসুং খেন্নবা কয়া ইকাইখুম্নবা অসিগুম্বা মান্নবশিং অসিনা ঐখোয় পুনশিন্দুনা ভারত অমসুং গয়ানাগী মান্নবা পুৱারি অমা লৈরি। ঐখোয়না শেম্বা পাম্বা মান্নবা তুংলমচৎ অমা ঐখোয়গী লৈরি। চাউখৎনিংবগী অপাম্বশিং, ইকোনোমি অমসুং ইকোলোজিগী থবকশিং অমসুং অপুনবা মালেমগী চৎন-কাংলোন অমদা থাজবা থম্লি।
মরুপশিং,
গয়ানাগী মীয়াম ভারতকী য়াইফনবা খনবা মীওইশিংনি হায়বা ঐ খঙই। ভারত্তা চাউখৎলিবশিং অদোম চেকশিন্না য়েংলমগনি। হৌখিবা চহি ১০ দা ভারতকী খোঙচৎ অসি পাক-চাউবা, খোঙজেল য়াংবা অমসুং তুংকোইনা চৎনবা য়ারগদবা অমনি। চহি ১০ অসিদা, ভারতনা ১০শুবা খ্বাইদগী চাউবা ইকোনোমি ওইরম্বদগী অথুবা মতমদা ভারত মালেমদা ৫শুবা খ্বাইদগী চাউবা ইকোনোমি ওইরে। অথুবা মতমদা ঐখোয় মালেমদা ৩শুবা খ্বাইদগী চাউবা ইকোনোমি ওইরগনি। ঐখোয়গী নহারোলশিংনা মালেমদা ৩শুবা খ্বাইদগী চাউবা স্তার্দ-অপকী থবকশিং পায়খৎলে। ভারত অসি ই-কম্মর্স, এ.আই, ফিনতেক, লৌউ-শিংউ, তেক্নোলোজি অমসুং অতৈ কয়াগী মালেমগী মফম অমা ওইরে। ভারতকী মার্সতগী থা ফাওবগী স্পেসন মিসনশিং পাংথোক্লে। হায়ৱেজশিংদগী আই-ৱেজশিং, এয়রৱেজশিংদগী রেলৱেজ ফাওবগী, অৱাংবা থাক্কী ইনফ্রাস্ত্রকচরশিং ঐখোয়না শেমগৎলে। ভারতকী অকনবা সর্বিস সেক্তর অমা লৈরে অমসুং হৌজিক ভারত মেনুফেকচরিংদা মপাঙ্গল কনখৎলক্লে অমসুং ভারত মালেমদা মোবাইল শাবা অনিশুবা খ্বাইদগী চাউবা লৈবাক ওইরে।
মরুপশিং,
ভারতকী চাউখৎপা অসি ইথিল পীবা খক নত্তনা খুদিংমক কোনশিনবনি। ভারতকী দিজিতেল পব্লিক ইনফ্রাস্ত্রকচর অসিনা লায়রবশিংদা থৌনা পীরে অমসুং সরকারনা মীয়ামগী বেঙ্ক একাউন্ত মিল্লিয়ন ৫০০ হেন্না হাংদোক্লে অমসুং হায়রিবা বেঙ্ক একাউন্তশিং অসিগা দিজিতেল আইদেন্তিতি অমসুং মোবাইলশিংগা শম্নরে। মসিনা মরম ওইদুনা মীয়াম্না মখোয়গী বেঙ্ক একাউন্তশিংদা সরকারগী শেন্থং ফংবদা মতেং পাংলে। মালেমদা খ্বাইদগী চাউবা শেন তিংদবা হেল্থ ইন্সুরেন্স স্কিম ওইরিবা অয়ু্স্মান ভারত স্কিম্না মীওই মিল্লিয়ন ৫০০ হেন্না কান্নবা পীরে। সরকারনা লায়রবশিং য়ুম মিল্লিয়ন ৩০ হেন্না শাখ্রে। শুপ্নগী চহি ১০ দা, মীওই মিল্লিয়ন ২৫০ ঐখোয়না লায়রবা কোকহল্লে। স্কিমশিং অসিগী কান্নবশিং নুপীশিংনা হেন্না ফংলে অমসুং নুপী মিল্লিয়ন কয়া ওন্ত্রেপ্রেনিউয়রশিং ওইরে, থবকশিং অমসুং খুদোংচাবশিং ফংহল্লে।
মরুপশিং,
ভারত চাউখৎলকপগা লোয়ননা স্তেনেবিলিতিদশু মীৎয়েং চঙলে। চহি ১০ গী মনুংদা, ভারতনা নুমিৎ মঙালদগী ইনর্জি পুথোকপা শরুক ৩০ হেনগৎলে। অদোম ৱাখলদা শাগৎপা ঙম্বরা? পেত্রোলদা ইথানোল চাদা ২০ য়ানশীন্দুনা মৈখু থাংহন্দবা চৎথোক-চৎশিনগী মাইকৈদা চঙশিল্লি। অইং-অশাগী খল হোংলকপা থেংননবা থবক কয়াদা, মালেমগী থাক্তা ভারতনা মরুওইবা থৌদাং অমা লৌরি। ইন্তরনেসনেল সোলার এল্লাইন্স, গ্লোবেল বাইওফুয়েল এল্লাইন্স, কোলিএসন ফোর দিজাস্তর রেসিলিয়েন্ত ইনফ্রাস্ত্রকচর অমসুং অতোপ্পা থবকশিংনা গ্লোবেল সাউথ শক্তি পীনবা অখন্নবা মীৎয়েং অমা থম্লি। ভারতনা ইন্তরনেসনেল বিগ কেত এল্লাইন্সকী মাঙজিল থারি অমসুং গয়ানাগী ফজরবা জেগুৱারশিংগীদমক মসিদগী কান্নবা লৌগদবনি।
মরুপশিং,
হৌখিবা চহিদা পাংথোকখিবা প্রাভাসি ভারতিয় দিবসতা চীফ গেস্ত ওইনা রাস্ত্রপতি ইরফান অলি ভারতনা তরাম্না ওকখিবা অদু নিংশিংলি। ভারতনা প্রধান মন্ত্রী মার্ক ফিলিপস অমসুং উপ-রাস্ত্রপতি ভারত জগদিওশু ভারত্তা তরাম্না ওকখি। মখোয়না চহি কয়া লৈবাক অনিগী মরী মপাঙ্গল কনখৎহন্নবা থবক তৌখি। ঙসিদি লৈবাক অনিনা হিরম কয়াদা হায়বদি-ইনর্জি, ইন্তরপ্রাইজশিং, অয়ুর্বেদ, লৌউ-শিংউ, ইনফ্রাস্ত্রকর, ইন্নোবেসন, হকশেল, হুমেন রিছোর্স, দেতাদা মতেং পাংনবা হেনগৎহনবা হায়না য়ানরে। ঙরাং পাংথোকখিবা ২শুবা ভারত-করিকোম মীফম অদু মসিগী খুদম অমনি। য়ু.এনগী মেম্বরশিং ওইনা, মালেমগী লুপশিং অমুক হন্না শেমদোকপদা লৈবাক অনিনা থাজবা থম্লি অমসুং চাউখৎলক্লিবা লৈবাকশিং ওইনা মখোয়না গ্লোবেল সাউথকী শক্তি মশক খঙলে। ঐখোয়না স্ত্রাতেজিক ওতোনোমি থিরি অমসুং অপুনবা ওইনা চাউখৎমিন্নবা পুরক্নবদা শৌগৎলি। স্তেনেবল দিবলপমেন্ত অমসুং ক্লাইমেত জসতিস্ততা লৈবাক অনিমক্না মরুওইনা লৌরি অমসুং মালেমগী মুক্নবশিং ৱারোইশিন পুরক্নবা মখা তানা ৱারি শানবা অমসুং কুতনিতিগী থবকশিং চৎথনবা তকশিল্লি।
মরুপশিং,
ঐনা মতম পুম্নমক্তা মপান লৈবাক্তা লৈরিবা ভারতমচাশিং রাস্ত্রাদুতশিংনি হায়রি। এম্বেসেদর অসি রাজদুত অমনি, অদুবু ঐগী ওইনা অদোম রাজদুত ঙাক্তনি। মখোয় ভারতকী নাত অমসুং গুনশিংগী এম্বেসেদরশিংনি। গয়ানা অসি মখোয়গী মমা লৈবাক ওইনা অমসুং ভারত মাতা অসি মখোয়গী মপা-মপুশিংগী লমদম অমা ওইনা গয়ানাদা লৈরিবা ভারতমচাশিং অসি খুদোংচাবা অনি ফংলে। ঙসি ভারত অসি খুদোংচাবশিংগী লমদম অমা ওইরকপা অসিদা, মখোয় অমমমনা ঐখোয়গী লৈবাকশিং শম্নহনবদা অচৌবা থৌদাং অমা লৌগনি।
মরুপশিং,
ভারত কো জানিয়ে কুইজ হৌদোক্লে। মপান লৈবাকশিংদা লৈরিবা ভারতমচাশিংনা হন্দক হৌদোকখিবা ভারত কো জনিয়ে কুইজ শরুক য়াগদবনি। কুইজ অসি ভারতকী গুনশিং, নাত অমসুং খেন্নবশিং মশক খঙনবা অফবা খুদোংচাবা অমনি। মসিদা শরুক য়ানবা মীয়াম্না মখোয়গী মরুপশিংদা হায়গদবনি।
মরুপশিং,
মথং চহিগী জনুৱারি ১৩ দগী ফেব্রুৱারি ২৬ ফাওবা প্রায়াগ্রাজদা পাংথোক্কদৌরিবা মহা কুম্ভ শরুক য়ানবা ঐনা চেবাউ পীজরি। অদোম্না হৌরকখিবা বাস্তি নত্ত্রগা গোন্দা কয়া অদোম চৎপা য়াগনি। অদোম অয়োধ্যাদা লৈবা রাম মন্দির য়েংবা য়াগনি। অতোপ্পা চেবাউ অমগা লৈরে। জনুৱারিদা ভুবনেশ্বরদা পাংথোক্কদৌরিবা প্রাভাসি ভারতিয় দিবস পাংথোক্কনি। করিগুম্বা অদোম লাক্লবদি, অদোম্না পুরিদা মহাপ্রভু জগনাথগী থৌজাল ফংগনি। হৌজিক য়াম্লবা থৌরমশিং অমসুং চেবাউশিংগা লোয়ননা, অদোম অথুবা মতমদা ভারত্তা উনগনি হায়না ঐনা থাজৈ। অদোম্না ঐঙোন্দা উৎলিবা নুংশিবা অমসুং থৌজাল অদুগীদমক ঐনা অমুক হন্না মীয়াম পুম্নমক থাগৎপা ফোঙদোকচরি।
মখোয়না অয়োধ্যাদা লৈবা রাম মন্দিরশু য়েংনবা মহাক্না খঙহনখি।
মহাক্কী ৱারোল লোইশিল্লকপদা, জনুৱারিদা ভুবনেশ্বরদা পাংথোক্কদৌরিবা প্রাভাসি ভারতিয় দিবস শরুক য়ানবা অমসুং পুরিদা মহাপ্রভু জগনাথগী থৌজাল ফংনবা মহাক্না লৈবাক অদুদা লৈরিবা ভারতমচাশিংদা খঙহনখ্রে।
অদোম থাগৎচরি।
অদোম ঙমখৈ লৈতনা থাগৎপা ফোঙদোকচরি।
****
