ভারতকী প্রধানমন্ত্রী

ঙসি স্তেৎ হাউসতা পাংথোকপা থৌরম অমদা কোওপরেতিব রিপব্লিক ওফ গুয়ানাগী দা. রাস্ত্রপতি মোহমদ ইরফান অলিনা প্রধান মন্ত্রী শ্রী নরেন্দ্র মোদীদা মহাক্কী ‘মালেমগী থাক্তা চাউখৎলক্লিবা লৈবাকশিংগী হকশিং মরু ওইবা থমখিবা মীৎয়েং শানবা লুচিংবা ওইবগী মতৌগীদমক, মালেমগী মীয়ামদা অখন্নবা থবক তৌবগীদমক অমসুং ভারত-গুয়ানাগী মরীশিং মপাঙ্গল কনখৎহন্নবা হোৎনবগীদমক’ গুয়ানাগী খ্বাইদগী ৱাংবা নেস্নেল এৱার্দ, “দি ওর্দর ওফ এক্সিলেন্স” পীখ্রে।

প্রধান মন্ত্রীনা এৱার্দ অদু লৌবদা ভারতকী মীয়ামদা অমসুং লৈবাক অনিগী মীয়ামগী মরক্তা লৈনরিবা পুৱারীগী ওইবা মরীশিংদা ইকায় খুম্নবা উৎখি। মহাক্কী স্তেৎ ভিজিৎ অসি ভারত-গুয়ানাগী মরুপ ওইবগী মরী হেন্না চেৎশিলহন্নবা ভারতনা লেপ্তনা হোৎনবগী খুদম্নি হায়না মহাক্না অকনবা ৱাফম থমখি।

প্রধান মন্ত্রী শ্রী নরেন্দ্র মোদী অসি গুয়ানাগী খ্বাইদগী ৱাংবা নেস্নেল এৱার্দ ফংলবা মরিশুবা মপান লৈবাক্কী লুচিংবা অমনি।

***