پی ایم انڈیا

عالی مرتبت،

میں آپ سب کی طرف سے پیش کی  گئی قیمتی تجاویز اور مثبت خیالات کا خیرمقدم کرتا ہوں۔ ہندوستان کی تجاویز کے حوالے سے، میری ٹیم آپ کے ساتھ تمام تفصیلات مشترک کرے گی اور ہم تمام موضوعات پر ایک مقررہ وقت میں آگے بڑھیں گے۔

عالی مرتبت،

ہندوستان اور کیریکوم ممالک کے درمیان تعلقات ہمارے مشترکہ ماضی کے تجربات، آج کی ہماری مشترکہ ضروریات اور مستقبل کے لیے ہماری مشترکہ خواہشات پر مبنی ہیں۔

ہندوستان ان تعلقات کو نئی بلندیوں تک لے جانے کے لیے پوری طرح پرعزم ہے۔ اپنی تمام کوششوں میں، ہم نے گلوبل ساؤتھ کے خدشات اور اس کی ترجیحات پر توجہ مرکوز کی ہے۔

ہندوستان کی صدارت میں، پچھلے سال،جی20 گلوبل ساؤتھ کی آواز بن کر ابھرا۔ کل، برازیل میں بھی، میں نے عالمی برادری سے گلوبل ساؤتھ کے ممالک کو ترجیح دینے کا مطالبہ کیا۔

مجھے خوشی ہے کہ ہندوستان اور ہمارے تمام کیریکوم دوست اس بات پر متفق ہیں کہ عالمی اداروں میں اصلاحات ضروری ہیں۔

انہیں اپنے آپ کو آج کی دنیا اور آج کے معاشرے کے مطابق ڈھالنے کی ضرورت ہے۔ یہ وقت کی ضرورت ہے۔ اس کو حقیقت بنانے کے لیے، کیریکوم کے ساتھ قریبی تعاون اور کیریکوم کا تعاون بہت ضروری ہے۔

عالی مرتبت،

آج کی ہماری میٹنگ میں جو فیصلے کیے گئے، ان سے ہر شعبے میں ہمارے تعاون میں نئی​​جہتیں شامل ہوں گی۔ ہندوستان- کیریکوم جوائنٹ کمیشن اور جوائنٹ ورکنگ گروپس ان کو نافذ کرنے میں اہم کردار ادا کریں گے۔

ہمارے مثبت تعاون کو آگے بڑھانے کے لیے، میں تجویز کرتا ہوں کہ تیسری کیریکوم چوٹی کانفرنس ہندوستان میں منعقد کی جائے۔

ایک بار پھر، میں صدر عرفان علی، وزیر اعظم ڈکن مچل، کیریکوم سیکریٹریٹ اور آپ سب کا تہہ دل سے شکریہ ادا کرتا ہوں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ ف ا۔ع ن

 (U: 2718)