پی ایم انڈیا

بھارت ماتا کی جے!

دیوالی، ملک کی سرحد پر سر کریک کے قریب، کچھ کی سرزمین پر، ملک کی فوجوں کے ساتھ، سرحدی حفاظتی دستوں کے ساتھ، آپ کے درمیان۔ یہ میری خوش قسمتی ہے، آپ سب کو دیوالی کی بہت بہت مبارک باد!

جب میں آپ کے درمیان دیوالی کا تہوار مناتا ہوں تو میری دیوالی کی مٹھاس کئی گنا بڑھ جاتی ہے اور اس بار یہ دیوالی بھی بہت خاص ہے۔ آپ کو لگے گا کہ ہر دیوالی کی اپنی اہمیت ہوتی ہے، اس بار کیا خاص ہے؟ یہ خاص ہے… بھگوان رام 500 سال بعد دوبارہ ایودھیا میں اپنے عظیم الشان مندر میں بیٹھے ہیں۔ میں آپ سب کو اور ماں بھارتی کی خدمت میں تعینات ملک کے ہر سپاہی کو دیوالی کی بہت بہت مبارکباد دیتا ہوں۔ میری نیک خواہشات میں آپ کے تئیں 140 کروڑ ہم وطنوں کا شکریہ بھی شامل ہے۔

ساتھیو

مادر وطن کی خدمت کا یہ موقع ملنا بہت بڑا اعزاز ہے۔ یہ خدمت  آسان نہیں ہے۔ یہ مادر وطن کو سب کچھ سمجھنے والے متوالوں کی سادھنا ہے ۔  یہ  ماں بھارتی  کے  لاڈلوں، لاڈلیوں ،عزیزوں کی تپسیا ان کا تپ  ہے۔کہیں ہمالیہ کی برف اور گلیشیئرز کا درجہ حرارت زیرو ہے، کہیں اعصاب شکن ٹھنڈی راتیں ہیں، کہیں گرمیوں میں جھلستا ہوا رن کا صحرا ہے، چلچلاتی دھوپ ہے، کہیں گرد آلود ریت کے طوفان ہیں،  کہیں دلدل کے چیلنجز اور کہیں جوش مارتا  ہوا سمندر —- یہ سادھنا ہمارے سپاہیوں کو اس حد تک تپاتی ہے جہاں ہمارے ملک کا سپاہی فولاد  بن کر چمکتاہے۔ ایسا فولاد جسے دیکھ کر دشمن کی روح کانپ اٹھے۔ دشمن بھی آپ کو دیکھتا ہے اور سوچتا ہے کہ کون ایسے وحشیانہ حملوں سے متزلزل نہ ہونے والے کو شکست دے سکے گا۔ آپ کی یہ غیر متزلزل قوت ارادی، آپ کی یہ بے پناہ بہادری، بہادری کی بلندی، جب ملک آپ کو دیکھتا ہے تو اسے سلامتی اور امن کی ضمانت نظر آتی ہے۔ جب دنیا آپ کی طرف دیکھتی ہے تو اسے ہندوستان کی طاقت نظر آتی ہے اور جب دشمن آپ کی طرف دیکھتا ہے تو اسے اپنے شیطانی منصوبوں کا انجام نظر آتا ہے۔ جب آپ جوش و خروش سے گرجتے ہیں تو دہشت کے آقا کانپ جاتے ہیں۔ یہ میری فوج، میری سیکورٹی فورسز کی بہادری ہے، مجھے فخر ہے کہ ہمارے جوانوں نے ہر مشکل موقع پر اپنی صلاحیت کا لوہا منوایا ہے۔

ساتھیو

آج جب میں کچھ میں کھڑا ہوں تو ہماری بحریہ کا ذکر کرنا اتنا ہی فطری ہو جاتا ہے، گجرات کی یہ ساحلی پٹی ملک کی بہت بڑی طاقت ہے۔ اس لیے یہاں کی سمندری سرحد کو سب سے زیادہ بھارت مخالف سازشوں کا سامنا ہے۔ ہندوستان کی سالمیت کا اعلان کرنے والی یہ سر کریک بھی کچھ کے اس علاقے میں واقع ہے، ماضی میں بھی اس علاقے کو میدان جنگ بنانے کی کوشش کی گئی۔ ملک جانتا ہے کہ دشمن کی نظریں کافی عرصے سے سرکریک پر جمی ہوئی ہیں، لیکن ملک بھی مطمئن ہے کیونکہ آپ سیکیورٹی کے لیے تعینات ہیں۔ دشمن بھی جانتا ہے کہ آپ نے 1971 کی جنگ میں کیسے منہ توڑ جواب دیا تھا۔ یہی وجہ ہے کہ ہماری بحریہ کی موجودگی میں کوئی سر کریک اور کچھ کی طرف دیکھنے کی جرات بھی نہیں کرتا۔

ساتھیو

آج ملک میں ایک ایسی حکومت ہے جو ملک کی سرحد کے ایک انچ پر بھی سمجھوتہ نہیں کر سکتی۔ ایک وقت تھا جب سفارت کاری کے نام پر دھوکے سے سر کریک پر قبضہ کرنے کی پالیسی پر کام کیا جا رہا تھا۔ میں نے اس وقت گجرات کے وزیر اعلیٰ کی حیثیت سے بھی ملک کی آواز کو بلند کیا اور میں اس علاقے میں پہلی بار نہیں آیا ہوں۔ میں اس علاقے سے واقف ہوں۔ میں کئی بار آیا ہوں، بہت آگے تک جاکر آیا ہوں۔ اس لیے آج جب ہمیں ذمہ داری ملی ہے تو ہماری پالیسیاں ہماری افواج کے عزائم  کے مطابق ہیں۔ ہم دشمن کی باتوں پر نہیں بلکہ اپنی افواج کے عزم پر بھروسہ کرتے ہیں۔

ساتھیو

21ویں صدی کی ضروریات کو مدنظر رکھتے ہوئے آج ہم اپنی افواج اور اپنی سکیورٹی فورسز کو جدید وسائل سے لیس کر رہے ہیں۔ ہم اپنی افواج کو دنیا کی جدید ترین فوجی قوتوں سے ہم آہنگ کر رہے ہیں۔ ہماری ان کوششوں کی بنیاد دفاعی شعبے میں خود کفیل ہندوستان ہے… ابھی کچھ دن پہلے، گجرات کے وڈودرا میں سی295 فیکٹری کا افتتاح ہوا تھا۔ آج ملک میں میڈ ان انڈیا ہوائی جہاز اور وکرانت جیسے طیارہ بردار جہاز ہیں۔ آج بھارت میں اپنی آبدوزیں بنائی جارہےرہی ہیں۔ آج ہمارا تیجس جنگی طیارہ فضائیہ کی طاقت بن رہا ہے۔ ہمارا اپنا 5واں جنریشن جنگی طیارہ بنانے کا کام بھی شروع ہو گیا ہے۔ پہلے بھارت کو اسلحہ درآمد کرنے والا ملک کہا جاتا تھا، آج بھارت دنیا کے کئی ممالک کو دفاعی سازوسامان برآمد کر رہا ہے۔ گزشتہ 10 سالوں کے دوران ہماری دفاعی برآمدات میں 30 گنا اضافہ ہوا ہے۔

ساتھیو

حکومت کے اس وژن کو کامیاب بنانے میں ہماری افواج اور مسلح افواج کے تعاون کا بھی بڑا کردار ہے۔ ہماری سیکورٹی فورسز کا بہت بڑا کردار ہے۔ میں ملک کی افواج اور سیکورٹی فورسز کو مبارکباد دینا چاہتا ہوں کہ انہوں نے 5 ہزار سے زائد فوجی سازوسامان کی فہرست بنائی ہے جو اب وہ بیرون ملک سے نہیں خریدیں گے۔ اس سے فوجی میدان میں خود انحصار ہندوستان مہم کو بھی نئی تحریک ملی ہے۔

ساتھیو

آج، جب بات نئے دور کی جنگ کی ہو، ڈرون ٹیکنالوجی ایک اہم ہتھیار بن چکی ہے۔ ہم دیکھ رہے ہیں کہ جنگ میں ملوث ممالک آج ڈرون ٹیکنالوجی کو بڑے پیمانے پر استعمال کر رہے ہیں۔ ڈرون کے ذریعے نگرانی کی جا رہی ہے، ڈرون کے ذریعے انٹیلی جنس معلومات اکٹھی کی جا رہی ہیں۔ ڈرون کسی شخص یا جگہ کی شناخت کے لیے استعمال کیے جا رہے ہیں۔ ڈرون سامان کی ترسیل میں مدد کر رہے ہیں۔ ڈرونز کوہتھیار کے طور پر  بھی استعمال کیا جا رہا ہے۔ یہی نہیں ڈرونز روایتی فضائی دفاع کے لیے بھی ایک چیلنج بن کر ابھر رہے ہیں۔ ایسے میں بھارت بھی ڈرون ٹیکنالوجی کی مدد سے اپنی فوجوں اور اپنی سکیورٹی فورسز کو مضبوط بنا رہا ہے۔ آج حکومت تین فوجوں کے زیر استعمال پریڈیٹر ڈرون خرید رہی ہے۔ ڈرون کے استعمال سے متعلق حکمت عملی بنائی جا رہی ہے اور مجھے خوشی ہے کہ بہت سی ہندوستانی کمپنیاں بھی پوری طرح سے دیسی ڈرون بنانے میں مصروف ہیں۔ بہت سے اسٹارٹ اپ میدان میں آ چکے ہیں۔

ساتھیو

آج جنگ کی نوعیت بدل رہی ہے۔ آج سیکورٹی کے نئے مسائل بھی ابھر رہے ہیں۔ مستقبل کے چیلنجز زیادہ پیچیدہ ہوں گے۔ اس لیے یہ بہت ضروری ہے کہ تینوں سروسز کی صلاحیتیں، ہماری سیکیورٹی فورسز کی صلاحیتیں ایک دوسرے سے جڑی ہوں اور خاص طور پر ہماری تینوں سروسز کے لیے، اس جوڑنے  کی کوشش کی وجہ سے ان کی کارکردگی میں کئی گنا بہتری آئے گی اور میں کبھی کبھی کہتا ہوں کہ ہم ایک آرمی، ایک ایئر فورس اور ایک نیوی دیکھتے ہیں۔ لیکن جب وہ ایک ساتھ مشق کرتے ہیں تو وہ ایک ایک نہیں بلکہ ایک سو گیارہ کے طور پر نظر آتے ہیں۔ افواج کو جدید بنانے کی اس سوچ کے ساتھ چیف آف ڈیفنس اسٹاف سی ڈی ایس کا تقرر کیا گیا ہے۔ اس نے ملکی افواج کو مضبوط کرنے میں بڑا کردار ادا کیا۔ اب ہم انٹیگریٹڈ تھیئٹر کمانڈ کی طرف بڑھ رہے ہیں۔ انٹیگریٹڈ تھیئٹر کمانڈ کے لیے ایک طریقہ کار تیار کیا گیا ہے جس سے فوج کے تینوں حصوں میں بہتر ہم آہنگی پیدا ہوگی۔

ساتھیو

ہمارا عزم  ہے نیشن فرسٹ، ملک پہلے – قوم اپنی سرحدوں سے شروع ہوتی ہے۔ اس لیے سرحدی انفرااسٹرکچر کی ترقی ملک کی اولین ترجیحات میں شامل ہے۔ بی آر او نے 80 ہزار کلومیٹر سے زائد سڑکیں تعمیر کی ہیں۔ لداخ اور اروناچل پردیش میں بھی اسٹریٹجک طور پر اہم سڑکیں بنائی گئی ہیں۔ گزشتہ 10 سالوں میں بی آر او نے تقریباً 400 بڑے پل بنائے ہیں۔ آپ جانتے ہیں کہ ملک کے دور دراز علاقوں میں تمام موسمی رابطے کے لیے ہماری فوجوں کے لیے سرنگیں کتنی اہم ہیں۔ اس لیے پچھلے 10 سالوں میں اٹل اور سیلا جیسی اسٹریٹجک اہمیت کی کئی بڑی سرنگوں کی تعمیر مکمل ہو چکی ہے۔ بی آر او ملک کے مختلف حصوں میں ٹنلنگ کا کام تیز رفتاری سے مکمل کر رہا ہے۔

ساتھیو

ہم نے سرحدی دیہاتوں کو آخری گاؤں سمجھنے کی سوچ بھی بدل دی ہے۔ آج ہم انہیں ملک کا پہلا گاؤں کہتے ہیں، وہ آخری گاؤں نہیں، پہلا گاؤں ہیں۔ وائبرینٹ ولیج اسکیم کے تحت ملک کے پہلے گاؤں کو تیار کیا جا رہا ہے۔ وائبرنٹ ولیج کا مطلب ہے سرحد پر واقع ایسے متحرک گاؤں، جہاں پہلی بار وائبرنٹ انڈیا دیکھا جا سکتا ہے۔ یہ ہمارے ملک کا خاص اعزاز ہے کہ قدرت نے ہمارے اکثر سرحدی علاقوں کو خصوصی ایجادات سے نوازا ہے۔ وہاں سیاحت کے بے پناہ امکانات ہیں۔ ہمیں اسے سنوارنا ہے اور اسے بہتر کرنا ہے۔ اس کے ذریعے ان دیہاتوں میں رہنے والے شہریوں کی زندگی بہتر ہوگی۔ انہیں نئے مواقع ملیں گے۔ ہم وائبرینٹ ولیج مہم کے ذریعے ایسا ہوتا دیکھ رہے ہیں۔ آپ کے محلے میں جو آخری دور دراز گاؤں کہلاتا تھا، جو آج پہلا گاؤں ہے، آپ کی آنکھوں کے سامنے سمندری غذا کا(سی ویڈ)  کام تیزی سے جاری ہے۔ ایک بہت بڑا نیا اقتصادی شعبہ کھل رہا ہے۔ یہاں ہم مینگروز کے لئے ایک بڑی قوت لگا رہے ہیں۔ یہ ملک کے ماحولیات کے لیے بہت سنہرا موقع ہے لیکن یہاں پر جو مینگرو کے جنگلات بنائے جائیں گے وہ سیاحوں کے لیے ہوں گے اور جس طرح دھورڈو میں رنوتسو نے پورے ملک اور دنیا کو اپنی طرف متوجہ کیا ہے، یہ علاقہ جلد ہی سیاحوں  کے لئے دلکشی کا باعث بنے گا۔  سیاحوں کی جنت بننے والی ہے۔ یہ آپ کی آنکھوں کے سامنے تعمیر ہونے والا ہے۔

ساتھیو

اس وژن کو بڑھانے کے لیے ہماری حکومت کے وزراء بھی سرحدی وائبرنٹ ولیج جا رہے ہیں۔ آج وہ وائبرنٹ ولیج میں رکتے ہے جہاں وہ زیادہ سے زیادہ وقت گزارتے ہیں۔ ایسے میں ملک کے لوگوں میں ان گاؤں کے بارے میں کشش اور تجسس بڑھتا جا رہا ہے۔

ساتھیو

قومی سلامتی سے جڑا ایک اور پہلو بھی ہے جس پر زیادہ بحث نہیں کی جاتی۔ یہ سرحدی سیاحت ہے اور ہمارے کچھ میں اس کی بے پناہ صلاحیت ہے۔ اتنا بھرپور ورثہ، ایسی حیرت انگیز کشش اور  عقیدت  کے مراکز اور قدرت کے حیرت انگیز تحائف۔ گجرات میں کچھ اور خلیج کھمبات کے مینگرو کے جنگلات بہت اہم ہیں۔ گجرات کے ساحلوں پر سمندری جانوروں اور پودوں کا ایک مکمل ماحولیاتی نظام موجود ہے۔ حکومت نے مینگروو کے جنگلات کو وسعت دینے کے لیے بھی کئی اقدامات کیے ہیں۔ حکومت گزشتہ سال شروع کی گئی مشٹی اسکیم پر تیزی سے کام کر رہی ہے۔

ساتھیو

ہمارا دھولاویرا یونیسکو کے عالمی ثقافتی ورثے میں بھی شامل ہے اور یہ ہمارے ملک کی ہزاروں سال  کی صلاحیت اور استحکام کی پہچان ہے۔ دھولاویرا میں وادی سندھ کی تہذیب کی باقیات سے پتہ چلتا ہے کہ اس شہر کو ہزاروں سال پہلے کس طرح منظم طریقے سے آباد کیا گیا تھا۔ یہاں گجرات میں سمندر سے تھوڑے فاصلے پر لوتھل جیسے تجارتی مراکز نے بھی ایک زمانے میں ہندوستان کی خوشحالی کے باب لکھے تھے۔ گرو نانک دیو جی کے قدموں کے نشان  لکھپت میں ہیں ۔ کچھ کا کوٹیشور مہادیو مندر ہو،  ماتا آشاپورا کا مندر ہو،  کالا ڈونگر پہاڑی پر بھگوان دتاتریہ کے ذاتی درشن ہوں یا کچھ کے رن اتسو یا سر کریک کو دیکھنے کا جوش، کچھ کے صرف ایک ضلع میں سیاحت کی اتنی صلاحیت ہے کہ سیاحوں کے لئے پورا ایک ہفتہ بھی کم پڑ جائے گا۔ شمالی گجرات کی سرحد پر واقع ناڈا  بیٹ میں ہم نے دیکھا کہ کس طرح سرحدی سیاحت نے لوگوں میں اپنی گرفت مضبوط کر لی ہے۔ ہمیں ایسے ہر امکان کا ادراک کرنا ہوگا۔ جب ملک کے مختلف حصوں سے سیاح ایسی جگہوں پر آتے ہیں تو ہندوستان کے وہ دونوں حصے آپس میں جڑ جاتے ہیں۔ وہ سیاح اپنے ساتھ قومی یکجہتی کا بہاؤ اور قومی اتحاد کی توانائی لاتا ہے اور یہاں ایک ہندوستان، بہترین ہندوستان کے جذبے کو زندہ کرتا ہے۔ وہ اپنے علاقے میں جا کر بھی کرتا ہے۔ یہ احساس ہماری قومی سلامتی کی مضبوط بنیاد بناتا ہے۔ اس لیے ہمیں کچھ اور دیگر سرحدی علاقوں کو ترقی کی نئی سطح پر لے جانا ہے۔ جب ہمارے سرحدی علاقے ترقی کریں گے اور وہاں سہولیات میسر ہوں گی تو یہاں تعینات ہمارے فوجیوں کی زندگی کا تجربہ بھی بہتر ہوگا۔

ساتھیو

ہمارا ملک  ایک زندہ شعور ہے جسے ہم ماں بھارتی کے طور پر پوجتے ہیں۔ ہمارے فوجیوں کی استقامت اور قربانیوں کی بدولت آج ملک محفوظ ہے۔ اہل وطن محفوظ ہیں، محفوظ قومیں ہی ترقی کر سکتی ہیں۔ اس لیے آج جب ہم ترقی یافتہ ہندوستان کے ہدف کی طرف اتنی تیزی سے آگے بڑھ رہے ہیں، تو اس میں  آپ سب اس خواب کے محافظ ہیں۔ آج ہر اہل وطن اپنا 100 فیصد دے ​​کر ملک کی ترقی میں تعاون  دے رہا ہے کیونکہ اسے آپ پر اعتماد ہے۔ مجھے یقین ہے کہ آپ کی بہادری ہندوستان کی ترقی کو مضبوط کرتی رہے گی۔ اس یقین کے ساتھ، ایک بار پھر آپ سب کو دیوالی کی بہت بہت مبارکباد!

آپ سب کا بہت بہت شکریہ!

میرے ساتھ بولو، بھارت ماتا کی جے ! بھارت ماتا کی جے !بھارت ماتا کی جے !بھارت ماتا کی جے !

وندے ماترم! وندے ماترم! وندے ماترم! وندے ماترم! وندے ماترم! وندے ماترم! وندے ماترم!

۔۔۔۔۔۔۔۔۔۔۔

ش ح۔ش ت ۔رض

U-1995