ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইন-স্পেসকী লমজিং মখাদা স্পেস সেক্তরদা কৎথোক্লবা লুপা করোর ১০০০গী ভেঞ্চর কেপিতেল ফন্দ লিংখৎপা অয়াবা পীরে।

শেন-থুমগী দরকার ওইবশিং :

লুপা করোর ১০০০গী ভেঞ্চর কেপিতেল ফন্দ অসিগী থবক তৌবগী মতম অসি ফন্দ থবক হৌবা চপ চাবা তারিক্তগী হৌরগা চহি ৫ ফাওবা ওইনবা থৌরাং তৌরে। শেন থাদবগী খুদোংচাবশিং অমসুং ফন্দ দরকার ওইবগী মতুংইন্না, চাউরাক্না চহি অমদা লুপা করোর ১৫০-২৫০ ফাওবা থাদগনি। চহি চহিগী ওইনা থাদগবা শেনফম মখাদা পীরি:

থাদনবা পান্দম থম্লিবা শেনফম অসি চাউরাক্না লুপা করোর ১০-৬০ ফাওবা ওইগনি, মসি কম্পেনিগী তাঙ্কক, মসিগী চাউখৎলকপা অমসুং জাতিগী স্পেসকী থবকশিংদা মসিনা পীগদবা কান্নবশিংগী মখা পোনগনি। ইকুইতি ইনভেস্তমেন্ত রেঞ্জ মসি ওইগনি:

• গ্রোথ স্তেজ : লুপা করোর ১০-লুপা করোর ৩০

• লেত গ্রোথ স্তেজ : লুপা করোর ৩০-লুপা করোর ৬০

মথক্তা পীরিবা শেন থাদবগী রেঞ্জ অসিদা য়ুম্ফম ওইরগা, ফন্দ অসিনা চাউরাক্না স্তার্দঅপ ৪০ রোম মতেং পাংবা ঙমগনি।

অকুপ্পা মরোলশিং :

মখাদা পীরিবা মরুওইবা থবকশিং অসিগী খুৎথাংদা লৈবাক্কী মরুওইবশিং পাংথোক্নবা অমসুং ইন্নোবেসন অমসুং শেন-থুম চাউখৎপা য়াংখৎনবা ভারতকী স্পেস সেক্তর খুমাঙচাউশিন্নবা ফন্দ অসি দিজাইন তৌবনি:

a. কেপিতেল থাদবা

b. কম্পেনিশিং ভারত্তা লেংদনা লৈহনবা

c. স্পেস ইকোনোমি চাউখৎহনবা

d. স্পেস তেক্নোলোজি শেমগৎপা য়াংখৎহনবা

e. মালেমগী ওইনা চাংদম্নবা হেনগৎহনবা

f. অত্মনির্ভর ভারত মতেং পাংবা

g. অফবা ইন্নোবেসনগী থবক অমা শেমগৎপা

h. শেন-থুমগী ফিবম ফগৎহনবা অমসুং থবক ফংবা হেনগৎহনবা

i. তুংকোইনা চৎনবা য়াগদবা থবকশিং পায়খৎপা

হায়রিবা ৱাফম অসি য়েংলগা, ভারত অসি মাংজিল থাবা স্পেস ইকোনোমিশিংগী মরক্ত অমা ওইহন্নবা ফন্দ অসিনা পান্দম থম্লি।

কান্নবশিং :

1. লনাই শেন থাদবা মীওইশিংদা থাজবা লৈহন্দুনা মতুং তারকপা চাউখৎ-থৌরাংগী থবকশিংগীদমক অহেনবা শেনফম লাক্নবা মরোল কয়াগী ইনোৎ অমা পীনবা কেপিতেল থাদবা।
2. ভারত মনুংগী স্পেস কম্পেনিশিং লেংদনা লৈহনবা অমসুং ভারতকী কম্পেনিশিং মপান লৈবাকশিংদা হোংখিবগী চৎনবী অসি লেপহন্নবা হোৎনবা। 
3. মথং চহি ১০দা ভারতকী স্পেস ইকোনোমি শরুক মঙা পাকথোক-চাউথোক্নবা পান্দম ফংনবা প্রাইভেত স্পেস ইন্দস্ত্রি চাউখৎপা য়াংখৎহনবা।
4. স্পেস তেক্নোলোজি চাউখৎহনবা অমসুং লনাই কাংবু শরুক য়াহন্দুনা ভারতনা মাংজিল থাবগী থবক ফগৎহনবা।
5. মালেমগী ওইনা চাংদম্নবা হেনগৎহনবা।
6. অত্মানির্ভর ভারত শৌগৎপা।

থবক ফংনবগী খুদোংচাবা য়াওনা কান্নবশিং:

অপুনবা স্পেস সপ্লাই চেন-অপস্ত্রিম, মিদস্ত্রিম অমসুং দাউনস্ত্রিম শীনবা থুংনা স্তার্দঅপশিং মতেং পাংদুনা ভারত্তা স্পেস সেক্তরনা থবক পীবা হেনগৎহন্নবা ফন্দ অসিনা পান্দম থম্লি। মসিনা ললোন-ইতিক পাকথোক-চাউথোকপা, আর অমসুং দিদা শেন থাদবা অমসুং মখোয়গী শিন্মী হেনগৎহনবদা মতেং পাংগনি। শেন থাদবা খুদিংগী ইঞ্জিনিয়ারিং, সোফৱায়র শেমগৎপা, দেতা নৈনবা অমসুং মেনুফেকচরিংগী হকথেংন্না থবক লিশিং কয়া পীগনি অমসুং সপ্লাই চেনশিং, লোজিস্তিক্স অমসুং প্রোফেসনেল সর্বিসশিংদা নাকোইন্না থবক লিশিং কয়া পীগনি। মপাঙ্গল কনবা স্তার্দঅপ ইকোসিস্তেম অমা শেমগৎতুনা, ফন্দ অসিনা থবক ফংহনবা খক নত্তনা হৈথোই-শিংথোইবা শিন্মী শেমগৎকনি, ইন্নোবেসন চাউখৎহনগনি অমসুং স্পেসকী কৈথেলদা ভারতনা মালেমগী ওইনা চাংদম্নবা হেনগৎহনগনি।

নুঙগীৱারোল :

ভারত সরকারনা, মসিগী ২০২০গী স্পেস সেক্তরগী অওনবশিংগী শরুক অমা ওইনা, স্পেসকী থবকশিংদা লনাই কাংবু শরুক য়াবা য়োকখৎনবা অমসুং য়েংশিন্নবা ইন-স্পেস লিংখৎখি। ভারতকী স্পেস চাউখৎলকপদা মতেং পাংনবা ইন-স্পেসনা লুপা করোর ১০০০গী ভেঞ্চর কেপিতেল ফন্দ অমা লিংখৎনবা থবক পায়খৎলে। হৌজিক ভারতকী স্পেস ইকোনোমি অসি দোল্লর বিল্লিয়ন ৮.৪ ওইরি অমসুং মসি ২০৩৩ ফাওবগী মনুংদা দোল্লর বিল্লিয়ন ৪৪ য়ৌহন্নবা পান্দম অমা থম্লি। অৱাংবা তেক্নোলোজিগী সেক্তর অসিদা শেন থাদবা মীওইশিংনা চিংনরিবা লৈবদগী, রিক্স কেপিতেলগী দরকার ওইবা অদু ফংহন্নবা ফন্দ অসিনা পান্দম থম্লি।

অপুনবা ভেলু চেনদা চাউরাক্না স্পেস স্তার্দ অপ ২৫০ রোম লৈরে, মখোয় চাউখৎনবা অমসুং মপান লৈবাকশিংদা মখোয় চৎখিগদবদগী মাঙজৌননা থিংহৌনবা মতম চানা শেন্থং পীবা দরকার ওই। সরকারনা শৌগৎপা ফন্দ অসিনা ইনভেস্তরশিংগী থাজবা হেনগৎহনগনি, লনাই কেপিতেল লাকহনগনি অমসুং স্পেসকী অওনবশিং পুরকপা চাউখৎহন্নবা সরকারনা থবক ওইনা পায়খৎপা অদু উৎলে। মসিনা সেবিগী চৎন-কংলোনশিংগী মখাদা অলতর্নেতিপ ইনভেস্তমেন্ত ফন্দ অমা ওইনা থবক তৌগনি, স্তার্দঅপশিংদা অহানবা তাঙ্কক্কী ইকুইতি পীগনি অমসুং মখোয় মখা তানা প্রাইভেত ইকুইতি ইনভেস্তমেন্তশিংগী থাক্তা লাকপা ঙমহনগনি।

***