ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা নিউ য়োর্ক, লোং আইলেন্দসতা পাংথোকপা থৌরম অমদা মশিং য়াম্লবা ভারতমচাশিংদা ৱা ঙাংখ্রে। থৌরম অদুদা মীওই ১৫,০০০ হেন্না তিনখ্রে।

লৈবাক অদুদা লৈরিবা ভারতমচাশিংনা প্রধান মন্ত্রী তরাম্না ওকখি। থৌরম অদুদা ৱা ঙাংবদা, প্রধান মন্ত্রীনা হায়খি মদুদি গনতন্ত্র চৎপা অচৌবা লৈবাক অনিগী মরক্তা লৈনরিবা মরীশিং হেন্না ফগৎনবা হোৎনবদা অচৌবা থৌদাং অমা লৌরিবা ভারত্তগী হৌখিবা অমেরিকামচাশিংনা ভারত-য়ু.এস মরী হেন্না মশক থোকহল্লে। হৌখিবা নুমিত্তা রাস্ত্রপতিগী দেলৱায়রদা লৈবা মহাক্কী য়ুমদা মহাক্না রাস্ত্রপতি বাইদেন উনখ্রে। য়ুনাইতেদ স্তেৎগা লোয়ননা ভারতমচাশিংনা শেমগৎলিবা থাজনবগী থোং অদুগী মমি মসিগী অখন্নবা থৌরম অসিদা তারে।
 

প্রধান মন্ত্রীনা ২০৪৭ ফাওবগী মনুংদা চাউখৎলবা ভারত অমা শেমগৎনবা মহাক্কী মঙলান অদুগী মরমদা ফোঙদোকখি। মহাক্না হায়খি মদুদি মীওইবগী পুৱারিদা খ্বাইদগী চাউবা মীখলগী থবক্তা পুৱারি ওইনা মহাক অহুমশুবা তার্মগী খল্লে অমসুং মসিনা ভারত হেন্না চাউখৎনবা হেন্না কৎথোকপগা লোয়ননা থবক তৌনবা মহাক্না ৱারেপ লৌরে। হৌখিবা চহি ১০দা ভারত্তা অচৌবা অওনবশিং পুরক্লে। তুংগী মীরোলশিংগী অৱাংবা থাক্কী ইনফ্রাস্ত্রকচরশিং শেমগৎলে অমসুং মীওই মিল্লিয়ন ২৫০ লায়রবা কোকহল্লে। ভারতকী শেন-থুম চাউখৎলক্তুনা মালেমদা  ১০শুবা খ্বাইদগী চাউবা ইকোনোমি ওইরম্বদগী হৌজিক ৫শুবা খ্বাইদগী চাউবা ইকোনোমি ওইরে অমসুং হৌজিক অমুক মালেমদা অহুমশুবা খ্বাইদগী চাউবা ইকোনোমি ওইনবা পান্দম থম্লি।

প্রধান মন্ত্রীনা হায়খি মীয়ামগী অনিংবশিং থুংহন্নব সরকারনা অওনবশিং পুরক্লে। ইন্নোবেসন, ওন্ত্রেপ্রেনিউয়রশিপ, স্তার্দ-অপশিং, মীওই খুদিংমক শেন-থুমগী কান্নবশিং ফংহনবা অমসুং দিজিতেলগী খুদোংচাবা ফংহনবা, চাউখৎপা অমসুং নুংঙাই-য়াইফবা হেনগৎহনবগা লোয়ননা লৈবাক অসিদা অনৌবা ইনোৎ অমা লৈরে। নুপীশিংনা লুচিংদুনা চাউখৎপা অমসুং গ্রিন ত্রান্সসিসনগী মতাংআদ মখোঙদগী হৌনা অওনবা পুরকপগী কান্নবা উবা ফংলে।

প্রধান মন্ত্রীনা হায়খি মদুদি মালেমগী নুংঙাই-য়াইফবা, চাউখৎপা, শান্তি অমসুং সেকুরিতি, অইং-অশাগী খল হোংলকপা থিংনবা থবক, ইন্নোবেসন, সপ্লাই অমসুং ভেলু চেনশিং অমসুং মালেমগী স্কিলশিংগী অৱাৎপা মেনখৎপদা ভারতনা য়াম্না চাউনা মতেং পাংলি। ঙসিদি ভারতনা হায়বশিং লুম্না লৌরে অমসুং মালেমগী ফম্বাক্তা হেন্না মপাঙ্গল কন্না লাউবা ঙম্লে।

প্রধান মন্ত্রীনা হায়খি য়ু.এসকী বোস্তোন অমসুং লোল এঞ্জেলেসতা অনৌবা ইন্দিয়ান কন্সুলেত অনি হাংদোক্নবা থৌরাং তৌরে অমসুং হাওস্তোন য়ুনিভর্সিতিদা তামিল স্তদিজগী তিরুবাল্লাপুর চিয়ার অমা হাংদোক্লগনি। হায়রিবা থবকশিং অসিনা ভারত অমসুং য়ু.এসতা লৈরিবা ভারতমচাশিংগী মরক্তা লৈরিবা অহিংবা থোং অসি মখা তানা মপাঙ্গল কনখৎলগনি। ভারত অমসুং য়ু.এসগী মরক্তা লৈনরিবা অচেৎপা মরীশিংদা লৈবাক অসিদা লৈরিবা ভারতমচাশিংনা মখা তানা মরুওইবা থৌদাং অমা লৌগনি হায়বগী থাজবা থম্লি।

*****