ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ভারতকী কন্তিঞ্জেন্তপু ৪৫শুবা চেস ওলিম্পিয়াদদা ওপন অমসুং নুপীগী কাঙলুপ অনিমক্তা গোল্দ লৌরকখিবগীদমক থাগৎখ্রে‍।  মহাক্না অঙকপা ফংনা হৈথোই শিংথোইরবা নুপা অমসুং নুপীগী তীমশিংগী মফমদা মখোয়গী শিংথানিংঙাই ওইনা মায় পাক্লকখিবগীদমক নুংঙাইবা ফোঙদোকখি‍।

প্রধান মন্ত্রীনা X তা থাগৎপা পাউজেল অমদা হায়খি:

“ঐখোয়গী চেস কন্তিঞ্জেন্তনা ৪৫শুবা #FIDE চেস ওলিম্পিয়াদ মায় পাক্লকখিবা অসি পুৱারী ওইবা মায় পাকপা অমনি! ভারতনা চেস ওলিম্পিয়াদ অসিদা ওপন অমসুং নুপীগী কাঙলুপ অনিমক্তা গোল্দ লৌখ্রে! ঐখোয়গী অঙকপা ফংনা হৈথোই শিংথোইরবা নুপা অমসুং নুপীগী তীমশিংগী মফমদা নুংঙাইবা ফোঙদোকচরি‍। শিংথানিংঙাই ওইনা মায় পাক্লকপা অসিনা ভারতকী শান্ন-খোৎনবগী লম্বীদা অনৌবা পন্দুপ অমা ওইরি‍। মায় পাকপা অসিনা চেসপু পামজবা মীরোল কয়াবু পুক্নিং থৌগত্তুনা মশান্না অসিদা মীথোয় মীহেন্বা ওইরসনু‍।”

Historic win for India as our chess contingent wins the 45th #FIDE Chess Olympiad! India has won the Gold in both open and women’s category at Chess Olympiad! Congratulations to our incredible Men’s and Women’s Chess Teams. This remarkable achievement marks a new chapter in… pic.twitter.com/FUYHfK2Jtu

— Narendra Modi (@narendramodi) September 22, 2024

*****