ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা ওরিসাগী ভুবনেশ্বরদা ওরিসা সরকারগী মরুওইবা স্কিম ‘সুভদ্রা’ হৌদোকখ্রে। মসি নুপীশিংদা য়ুম্ফম ওইবা খ্বাইদগী চাউবা স্কিমনি অমসুং মসিনা নুপী করোর ১ হেন্না কোনশিন্নবা পান্দম থম্লি। নুপী লাখ ১০ হেনবগী বেঙ্ক একাউন্তশিংদা শেন কাপশিনবগী থবকশু প্রধান মন্ত্রীনা হৌদোকখ্রে। প্রধান মন্ত্রীনা লুপা করোর ২৮০০ হেনবগী রেলৱে প্রোজেকশিং উরেপ-উয়ুং তমখ্রে অমসুং লৈবাক মীয়ামদা কৎথোকখ্রে অমসুং লুপা করোর ১০০০ হেনবগী নেসনেল হায়ৱে প্রোজেকশিং উরেপ-উয়ুং তমখ্রে। রাজ্য ১৪গী পি.এম.এ.ৱাই-জিগী মখাদা বেনিফিসির লাখ ১০ রোমদা শেন্থং পীনবা অহানবা ইন্সতোলমেন্ত প্রধান মন্ত্রীনা থাদোকখ্রে অমসুং লৈবাক শীনবা থুংনা পি.এম.এ.ৱাই (গ্রামিন অমসুং অর্বান) গী বেনিফিসরি লাখ ২৬ গী গৃহ প্রভেসতা শরুক য়াখ্রে অমসুং পি.এম.এ.ৱাই (গ্রামিন অমসুং অর্বান) গী বেনিফিসরিশিংদা য়ুমশিংগী শোশিং খুৎশীন্নখ্রে। মখা তানা মহাক্না, পি.এম.এ.ৱাই-গ্রামিনগী অহেনবা য়ুমথোংশিংগী সর্ভে পাংথোক্নবা অৱাস প্লস এপ্প হৌদোকখ্রে অমসুং প্রধান মন্ত্রী অৱাস য়োজনা-অর্বান (পি এম এ ৱাই-য়ু) ২.০ গী চৎন-কাংলোনশিং ফোঙখ্রে।

থৌরম অদুদা তিনখিবা মীয়ামদা ৱা ঙাংবদা, ঙসিগী থৌরম অসিগী শরুক অমা ওইবগীদমক থাগৎপা ফোঙদোক্লদুনা, প্রধান মন্ত্রীনা হায়খি মদুদি ভাগবানগী থৌজালশিং ফংবদগী মীয়াম অমসুং ভাগবান জগনাথকী সেবা তৌনবগী খুদোংচাবা অমা ফংলে।

প্রধান মন্ত্রীনা হায়খি মদুদি হৌজিক গনেস উৎসব পাংথোক্লি অমসুং ঙসি অনন্থ চতুরদসি অমসুং অমসুং বিশ্বাকর্মাগী পুজাগী শেংলবা থৌরমশিং পাংথোক্লি। লৌশিং অমসুং শিন্মী অসি ভাগবান বিশ্বকর্মাগী শক্তম ওইনা ইরাৎ-থৌনিজবা মালেমদা অমতা ঙাইরবা লৈবাক ভারতনি। শেংলবা থৌরম অসি লাকপদা য়াইফ-পাউজেল পীজরি। অসিগুম্বা শেংলবা থৌরম অমদা ওরিসাগী ইমাশিং অমসুং ইচলশিংগী সুভদ্রা স্কিম হৌদোক্নবা খুদোংচাবা অমা মহাক্না ফংলে।

প্রধান মন্ত্রীনা হায়খি ঙসি ভাগবান জাগনাথকী লমদম অসিদগী লৈবাক শীনবা থুংনা ইমুং লাখ ৩০ হেনবদা পাক্কাগী য়ুমশিং শীন্নরে অমসুং খুঙ্গংদা য়ুম লাখ ২৬ অমসুং সহরদা য়ুম লাখ ৪ শীন্নরে। ঙসি ওরিসাদা লুপা করোর লিশিং কয়াগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তম্লে অমসুং শঙ্গারে। মসিগীদমক ওরিসা অমসুং লৈবাক অসিগী মীয়ামদা হরাওবা ফোঙদোকচরি।

প্রধান মন্ত্রীনা হায়খি মদুদি অনৌবা বি.জে.পি সরকার লাকপদা মহাক্না ৱাশক লৌবগী থৌরম শরুক য়াখিবা মতুংদা হন্দক্কী অসিনা মহাক্না ওরিসাদা লাকপা অহানবনি। মীখলগী কেম্পেন মনুংদা মহাক্না হায়খি মদুদি করিগুম্বা “দবল ইঞ্জিন”গী সরকার লাক্লবদি, মতম অদুদা ওরিসাগী চাউখৎপা অমসুং নুংঙাই-য়াইফবা খোঙজেল য়াংখৎকনি। খুন্নাইগী তোঙান-তোঙানবা কাংলুপশিং হায়বদি খুঞ্জাশিং, নৈহৎপীরবশিং, দলিতশিং, অদিবাসিশিং, নুপীশিং, নহারোলশিং, মিদল ক্লাস ইমুংশিং হৌজিক মখোয়গী মঙলানশিং মঙফাওনরগনি। ৱাশকশিং য়াম্না য়াংনা থবক ওইনা পাংথোকপদা মহাক হরাওই। হৌজিক ফাওবদা থবক ওইনা পাংথোকখিবশিং অদুদি, শ্রী জগনাথ পুরি লাইশঙগী থোং মরি মীয়ামগীদমক হাংদোক্লে, লাইশঙগী রত্ন ভন্দারশু হাংদোক্লে। ওরিসাগী মীয়ামগী থবক তৌনবা বি.জি.পি সরকারনা হোৎনরি অমসুং মখোয়গী খুদোংচাদবশিং কোকহন্নবা সরকার মশামক্না মীয়ামগী মনাক্তা চৎপা অসিদা হরাওবা ফোঙদোকচরি।

প্রধান মন্ত্রীনা হায়খি মদুদি হৌজিক পাল্লিবা সরকার অসি ঙসি নুমিৎ ১০০ মপুংফারকপগা লোয়ননা ঙসি অসি অখন্নবা নুমিৎ অমনি। ভারতকী লায়রবশিং, লৌমীসিং, নহারোলশিং অমসুং নুপীশিংগী ফিবম ফগৎহন্নবা অচৌবা ৱারেপশিং লৌরে। হৌখিবা নুমিৎ ১০০ অসিদা লায়রবশিংগী য়ুম করোর শানবা ৱারেপ লৌরে, নহারোলশিংগী লুপা করোর লাখ ২গী পি.এম পেকেজ অমা লাউথোক্লে – মসিদা মখোয়না লনাই কম্পেনিশিংদা মখোয়না শুবা অহানবা থবক অদুগী অহানবা তোলোব সরকারনা পীগনি, মেদিকেল কলেজশিংদা অহেনবা অনৌবা সিত ৭৫,০০০ হাপগৎলে অমসুং খুঙ্গং ২৫,০০০ পাক্কাগী লম্বীশিং শেমগৎনবা অয়াবা পীখ্রে। ত্রাইবেল এফেয়ার্স মিনিস্ত্রিগী বজেত শরুক অনি হেনগৎলে, ত্রাইবেলগী খুঙ্গং ৬০,০০০ রোমদা চাউখৎ-থৌরাং পায়খৎনবা অখন্নবা প্রোজেক অমা লাউথোক্লে, সরকারগী থবক তৌবা মীওইশিংগী অনৌবা পেন্সন স্কিম অমা হৌদোক্লে অমসুং শীনফম কয়াগী মীওইশিং, ললোন-ইতিকশিংগী মপুশিং অমসুং ওন্ত্রেপ্রেনিউয়রশিংগী ইনকম তেক্স হন্থরে। 

প্রধান মন্ত্রীনা হায়খি হৌখিবা নুমিৎ ১০০দা, লাখপতি দিদি লাখ ১১ হেন্না পুথোকপা লৈবাক অসিনা উরে, থাউ থোকপা মরু অমসুং তিলহৌ থাবা লৌমীশিংগী মরুওইবা ৱারেপশিং লৌরে অমসুং ভারতকী লৌমীশিংগী পুক্নিং থৌগৎনবা মপান লৈবাকশিংদা শুংবা অচাথাউশিংদা লৌবা ইম্পোর্ত দ্যুতি হেনগৎলে, মপান্দা থাদোকপা পুক্নিং থৌগৎনবা বাসমতি চেঙদা লৌবা এক্সপোর্ত দ্যুতি হন্থরে, মহৈ-মরোংশিংগী এম.এস.পি হেনগৎপদগী লৌমী করোর কয়া লুপা করোর লাখ ২ রোমগী শেনফম ফংলে। মীওই খুদিংমক কান্নবা ফংনবা হৌখিবা নুমিৎ ১০০ অসিদা শিংথাবা য়াবা থবক কয়া পায়খৎলে।

প্রধান মন্ত্রীনা হায়খি মদুদি লৈবাক অসি চাউখৎপদা লৈবাক অসিগী অপুনবা মীশিংগী তঙ্খায় অমা ওইরিবা, ঐখোয়গী নুপীশিংগী শক্তিনা চপ মান্ননা শরুক য়ারবা মতমদা লৈবাক অমা, রাজ্য অমা চাউখৎপগী খোঙজেল য়াংখৎকনি। নুপীশিং চাউখৎহনবা অমসুং মখোয়দা শক্তি পীবা অসিনা ওরিসা চাউখৎনবগী মরুওইবা ওইগনি। ওরিসাগী ফুঙ্গা ৱারিদগী মতেক অমা লৌখৎলদুনা, শ্রী মোদীনা হায়খি মদুদি ভাগবান জগনাথকী মনাক্তা লাইরেম্বী সুভদ্রা লৈরিবা অসিনা নুপীশিংদা শক্তি পীবগী মতাংদা ঐখোয়দা তাক্লে।  লাইরেম্বা সুভদ্রাগী শক্তম লৌরিবী ইমাশিং, ইচলশিং অমসুং ইচানুপীশিংদা ঐনা কোক নোঞ্জরি।

মখোয়গী অহানবা ৱারেপশিংগী শরুক অমা ওইনা অনৌবা বি.জে.পি সরকারনা ওরিসাগী ইমাশিং অমসুং ইচলশিংদা সুভদ্রা য়োজনাগী খুদোল পীবদা হরাওবা ফোঙদোক্লদুনা, প্রধান মন্ত্রীনা হায়খি মদুদি ওরিসাগী নুপী করোর ১ হেন্না স্কিম অসিগী কান্নবা ফংলগনি। স্কিম অসিগী মখাদা, নুপীশিংদা লুপা ৫০,০০০গী শেনফম মখোয়গী বেঙ্ক একাউন্তশিংদা হাপচিনগনি। স্কিম অসিগা আর.বি.আইগী দিজিতেল করেন্সিগী পাইলোত প্রোজেক্কা শম্নরে। লৈবাক অসিদা অহানবা ওইনা দিজিতেল করেন্সি স্কিমদা শরুক য়াবদা ওরিসাগী নুপীশিংদা নুংঙাইবা ফোঙদোকচরি।

প্রধান মন্ত্রীনা হায়খি মদুদি রাজ্য শীনবা থুংনা যাত্রা কয়া পাংথোকপদগী ওরিসাগী ইমা, ইচল অমসুং ইচানুপী খুদিংমক্তা সুভদ্রা য়োজনা য়ৌরে। নুপীশিং স্কিম অসিগী মরমদা নিংথিনা খঙহল্লে। স্কিম অসিগী মরমদা মীয়াম ৱাখল তাহনবদা শরুক য়াখিবা সরকার, এদমিনিস্ত্রেসন, এম.এল.এশিং, এম.পিশিং অমসুং দলগী থৌমীশিংগী মফমদা থাগৎপা ফোঙদোকচরি।

প্রধান মন্ত্রীনা হায়খি মদুদি প্রধান মন্ত্রী অৱাস য়োজনা অসি ভারত্তা নুপীশিংদা শক্তি পীবগী মমি অমনি। হৌজিক লন-থুমশিং নুপীশিংগী মমিংদা পাল্লে। ঙসি লৈবাক শীনবা থুংবগী ইমুং লাখ ৩০গী গৃহ প্রভেস পাংথোক্লে অমসুং অনৌবা বেনিফিসরি লাখ ১৫ দা মখোয়গী এপ্রুবেল লেত্তরশিং য়েন্থোক্লে অমসুং অতেনবা নুমিৎ ১০০গী মনুংদা বেনিফিসরি লাখ ১০ হেনবগী বেঙ্ক একাউন্তশিংদা ফন্দশিং কাপশিনখ্রে। ঐখোয়না শেংলবা ওরিসাগী লমদমদগী শেংলবা থবক অসি পাংথোক্লে অমসুং মসিগী মনুংদা ওরিসাগী লায়রবা ইমুং কয়াশু য়াওরে। ঙসি লেংদ্রবা য়ুম ফংলবা ইমুং লাখ কয়াগী অনৌবা পুন্সি অমা হৌরে।

ঙাইহাক্কী মমাংদা মহাক্না ত্রাইবেল ইমুং অমগী গৃহ প্রভেস শরুক য়ারুবগী মতাংদা, প্রধান মন্ত্রীনা হায়খি মদুদি মখোয়গী মাইথোংদা উখিবা হরাওবা অমসুং অপেনবা অদু মহাক্না কৈদৌঙৈদা কাউবা ঙম্লোই। মসিগী থৌদোক, মসিগী ৱাখল অসি ঐগী পুন্সিদা তানশিনখিবা অপুনবা লন-থুমশিংগা মান্নৈ। মসিগী হরাওবা অসি লায়রবশিং, দলিত, তোল্লবশিং অমসুং ত্রাইবেলশিংগী পুন্সিদা অহোংবা লাকখিবা অদুনা ওইহনবনি। থবক কন্না শুনবা খুন্নাইনা ঐঙোন্দা থৌনা পীরে।

প্রধান মন্ত্রীনা হায়খি মদুদি চাউখৎলবা রাজ্য অমা ওইনবা দরকার ওইবা খুদিংমক ওরিসাদা ফংলি। রাজ্য অসিগী নহারোলশিংগী হৈথোই-শিংথোইবা, নুপীশিংগী থৌনা, মহৌশাগী লনশিং, উদ্যোগশিংগী খুদোংচাবশিং অমসুং তুরিজমগী খুদোংচাবা কয়া ফংলি। হৌখিবা চহি ১০ অসিদা, কেন্দ্র সরকারনা ওরিসা অসি মরুওইনা লৌদুনা লাকখি। চহি ১০গী মমাঙগা চাংদম্নবদা, ঙসি ওরিসানা কেন্দ্র সরকারদগী ফন্দশিং শরুক অহুম হেনগৎনা ফংলে। মতম অমদা মমিং ফাওবা তারমদবা স্কিমশিং রাজ্য অসিদা পায়খৎলকপদা হরাওবা ফোঙদোক্লি।

অয়ুস্মান য়োজনাগী মতাংদা, প্রধান মন্ত্রীনা হায়খি ওরিসাগী মীয়ামশু লুপা লাখ ৫ ফাওবা লেম্না লায়েংবগী খুদোংচাবা ফংলগনি অমসুং মখোয়গী শেন্থোক্কী চাং থিদনা চহি ৭০ শুরবা অহলশিং লুপা লাখ ৫ ফাওবগী লেম্না লায়েংবগী খুদোংচাবা ফংলগনি। লোক সভা মীখল মনুংদা মোদীনা থাজবা অমা পীরমখি অমসুং পীরমখিবা থাজবশিং মোদীনা থবক ওইনা পাংথোক্লে। লায়রবা কোকহন্নবগী খোঙজংদা ওরিসাদা লৈরিবা দলিতশিং, তোল্লবশিং, ত্রাইবেলসিং য়াম্না চাউনা কান্নবা ফংলে। ত্রাইবেলশিংগী য়াইফনবা তোখায়বা মিনিস্ত্রি অমা লিংখৎলে, মখোয়গী হৌরকফমশিং, লম অমসুং উমংশিংগী হকশিং ত্রাইবেলশিংদা পীরে, ত্রাইবেল নহারোলশিংদা লাইরিক-লাইশু তম্বা অমসুং থবক তৌনবা খুদোংচাবশিং পীরে নত্ত্রগা ওরিসাদগী ত্রাইবেল নুপী অমা লৈবাক অসিগী রাস্ত্রপতি হাপ্লে। অসিগুম্বা অচৌবা থবকশিং অসি সরকারনা অহানবা ওইনা পাংথোক্লে।

প্রধান মন্ত্রীনা হায়খি মদুদি মীরোল কয়া চাউখৎতনা লৈরক্লবা ত্রাইবেলশিংগী লমশিং অমসুং কাংলুপ কয়া ওরিসাদা লৈরি। ত্রাইবশিংগী মরক্তা খ্বাইদগী শোৎথরবশিং মতেং পাংনবা পি.এম জনমন য়োজনা পায়খৎলে অমসুং ওরিসাদা অসিগুম্বা ত্রাইব ১৩ মশক খঙদোক্লে। পি.এম জনমন য়োজনাগী মখাদা হায়রিবা ফুরুপশিং অসিদা চাউখৎ-থৌরাংগী স্কিমশিংগী কান্নবশিং সরকারনা ফংহল্লে। ত্রাইবেল লমদমশিং সিক্কল সেল এনেমিয়াদগী মনিং তম্নবা খোঙজং অমসু পায়খৎলে। খোঙজং অসিগী মখাদা হৌখিবা থা অহুমদা মীওই লাখ ১৩ হেন্না লায়না অসি লৈবরা হায়না য়েংখ্রে।

প্রধান মন্ত্রীনা হায়খি মদুদি ঙসিদি ভারতনা মমাঙদা অমুক্তা ওইখিদ্রিবা মওংদা মমাংঙৈদগী লৈরক্লবা লৌশিং কয়া ঙাক-শেন্দুনা থম্নবা মীৎয়েং চঙলে। লৈবাক অসিদা চহি চা অমসুং লিশিং কয়াগী মমাঙদগী য়োৎশুবা, চফু শাবা, সনা শাবা অমসুং মীতম শাবগী থবক তৌদুনা লাক্লি। হৌখিবা চহিগী বিশ্বকর্মা জয়েন্তিদা বিশ্বকর্মা য়োজনা হৌদোক্তুনা স্কিম অসিগীদমক সরকারনা লুপা করোর ১৩,০০০ চাদিং তৌখ্রে। হৌজিক ফাওবদা, মীওই লাখ ২০ রেজিস্তার তৌরে অমসুং স্কিম অসিগী মখাদা ত্রেনিং পীখ্রে। অনৌবা খুৎলায়শিং লৈনবা অমসুং গরেন্তি য়াওদনা বেঙ্কশিংদগী অপীকপা শেন্দোয়দা লোন লৌনবা লুপা লিশিং কয়াগী শেন্থং পীরে। হকশেল, খুন্নাই অমসুং শেন-থুমগী লমদা লায়রবশিংদা পীরিবা গরেন্তি অসিনা বিকসিত ভারতকী অশেংবা মপাঙ্গল ওইরগনি।

প্রধান মন্ত্রীনা হায়খি মদুদি ওরিসাগী শাংলবা সমুদ্র মপান লৈরি, মিনরেল অমসুং মহৌশাগী লন মরাংকাইনা ফংলি। হায়রিবা লন-থুমশিং অসিনা ওরিসাগী মপাঙ্গল ওইগনি। মথং চহি ৫ দা, ঐখোয়না ওরিসাগী লম্বী অমসুং রেল অনৌবা থাকশিংদা পুখৎলগনি। ঙসি রেল অমসুং লম্বীগা মরী লৈনবা প্রোজেক কয়া হৌদোক্লে। লাঞ্জিগর রোদ-অম্বোদালা-দোইকালু রেলৱে লাইন, লক্ষমিপুর রোদ-শিঙ্গারম-তিক্রি রেলৱে লাইন, ধেনকানাল-সাদাসিবপুর-হিন্দোল রেল রেলৱে লাইন লৈবাক মীয়ামদা কৎথোকখ্রে। জয়পুর-নৱারঙ্গপুর অনৌবা রেলৱে লাইনগী উরেপ-উয়ুং তম্বগা লোয়ননা পারাদিপ হিথাংফমদগী লম্বী-থোং ফগৎনবা থবক ঙসি হৌদোক্লে। অনৌবা ইনফ্রাস্ত্রকচর প্রোজেকশিংনা ওরিসাগী নহারোলশিংদা মশিং য়াম্লবা অনৌবা থবকশিং ফংহনগনি। পুরিদগী কোনার্ক রেলৱে লাইনগী থবক অমসুং অৱাংবা তেক্নোলোজিগী নমো ভারত রেপিদ রেলগী থবকশু অথুবা মতমদা হৌরগনি অমসুং মতমগী অনৌবা ইনফ্রাস্ত্রকচরনা ওরিসাগী খুদোংচাবশিংগী অনৌবা থোংশিং হাংদোক্লগনি।

প্রধান মন্ত্রীনা হায়খি মদুদি ঙসি লৈবাক অসিনা হায়দ্রবাদ লিবরেসন দে পাংথোক্লি। তোপ-তোপ্পা থৌনা উৎতুনা সরদার পতেলনা হোৎনবদগী লেবাক অসি অমতা ওইনা পুনশিনখিবনি। মতম অদুদা ভারতকী মায়োক্তা লৈবশিং লাকশিন্দুনা হায়দ্রবাদ নিংতম্বা ফংহনখিবনি। হায়দ্রবাদ লিবরেসন দে অসি শুপ্নগী তারিখ অমা নত্তে। মসি লৈবাক অসিগী অপুনবা, লৈবাক অসিগীদমক ঐখোয়না পাংথোক্কবা ঐখোয়গী থৌদাংশিংগীদমক ইথিল পীবা নুমিৎ অমসুনি।

প্রধান মন্ত্রীনা হায়খি মদুদি ভারতকী নিংতম ইহৌদা গনেস উৎসবনা মরুওইবা থৌদাং অমা লৌখি, লৈবাক অসিগী থৌনা অমুক ময়োল চোংহন্নবা অমসুং লোয়লম লৈঙাক্কী ফত্তবা লাল্লোংশিং থেংন্নবা লোকমন্যা তিলক্না মসি মীয়াম পাক-শন্না পাংথোকখি। গনেস উৎসব অসি অপুনবা অমসুং তাথি-তাওইনা তৌবা অমসুং কাংলুপ-ফুরুপ নাইবগী মথক্তা লৈবগী খুদম অমনি। গনেস উৎসব থৌরমশিং মনুংদা অপুনবা খুন্নাই অমতা ওইখি।

প্রধান মন্ত্রীনা হায়খি মদুদি লাইনিং অমসুং কাস্ততা য়ুম্ফম ওইদুনা ঙসি খুন্নাই অসি খায়দোক্নবা হোৎনরিবা মীওইশিংদগী চেকশিনগদবনি। প্রধান মন্ত্রীনা গনেস উৎসব শরুক য়ারুবদগী মীওই কাংলুপ খরগী মরক্তা শাওনিংবা ফাওরে অমসুং ভাগবান গনেসকী মীতম ফাজিনবগী মতাংদা কর্নাতকাদা লাইবক থিবা থৌদোক থোক্লে। মসিগী তুগৎচনিঙাই ওইবা ৱাখল্লোন অমসুং খুন্নাইদা হু কামশিনবগী থৌওং অসি লৈবাক অসিগী ওইনা শাথিনা খুদোংথিনিঙাই ওইরে। মীওই খুদিংমক্না অসিগুম্বা শাফুশিং অসি মাংলোমদা চঙশিনহল্লোইদবনি।

লোইশিল্লকপগী ৱারোলদা, প্রধান মন্ত্রীনা হায়খি মদুদি ওরিসানা অচৌবা থবক কয়া পাংথোক্কনি অমসুং লৈবাক অসি মাইপাকপগী অনৌবা থাকশিংদা কাখৎকনি হায়বগী থাজবা থম্লি। তুংদা চাউখৎপগী খোঙজেল শোইনা য়াংখৎলক্কনি।

থৌরম অসিদা শরুক য়াখিবশিংগী মনুংদা ওরিসাগী রাজ্যপাল শ্রী রঘুবার দাস অমসুং ওরিসাগী চীফ মিনিস্তর শ্রী মোহন চরন মানঝি য়াওখি।

নুঙগীৱারোল

সুভদ্রা স্কিম অসিগী মখাদা, চহি ২১-৬০ ফাওবগী মনুংদা লৈবা মতিক চারবা বেনিফিসরীশিংনা ২০২৪-২৫ তগীনা ২০২৮-২৯ ফাওবগী মনুংদা চহি ৫ গী ওইনা লুপা ৫০,০০০ ফংগনি। চপ মান্নবা ইনস্তোলমেন্ত অনিদা চহি অমগী ওইনা লুপা ১০,০০০ গী শেনফম অমা বেনিফিসরীশিংগী আধার শম্লবা অমসুং দি.বি.তি শম্লবা বেঙ্ক একাউন্তশিংদা দাইরেক্ত ওইনা হাপচিল্লগনি। অসিগুম্বা পুৱারি ওইরবা থৌরম অসিদা প্রধান মন্ত্রীনা নুপী লাখ ১০ হেনবগী বেঙ্ক একাউন্তশিংদা ফন্দ ত্রান্সফর তৌবা হৌদোকখ্রে।

প্রধান মন্ত্রীনা ভুবনেস্বরদা লুপা করোর ২৬০০ হেনবা রেলৱে প্রোজেক্তশিংগী উরেপ-উয়ুং তমখ্রে অমসুং লৈবাক মীয়ামদা খুৎশিনখ্রে। মসিগী রেলৱে প্রোজেক্তশিং অসিনা ওরিশাদা রেলৱে ইনফ্রাস্ত্রকচর ফগৎহল্গনি অমসুং লমদম অসিদা গ্রোথ অমসুং কনেক্তিবিতী ফগৎহল্লগনি। মহাক্না লুপা করোর ১০০০ হেনবা নেস্নেল হাইৱে প্রোজেক্তশিংগী উরেপ-উয়ুং তমখ্রে।

প্রধান মন্ত্রীনা রাজ্য ১৪ রোমগী পি.এম.এ.ৱাই-জিগী মখাদা লৈবা বেনিফিসরী লাখ ১৩ রোমদা তেংবাংগী অহানবা ইনস্তোলমেন্ত থাদোকখ্রে। থৌরম অসিদা লৈবাক শিনথুংবদগী পি.এম.এ.ৱাই (গ্রামিন অমসুং অর্বান)গী বেনিফিসরী লাখ ২৬ কী গৃহ প্রৱেশ থৌরম পাংথোকখ্রে। প্রধান মন্ত্রীনা পি.এম.এ.ৱাই (গ্রামিন অমসুং অর্বান)গী বেনিফিসরীশিংদা মখোয়গী য়ুমগী শোশিং অদু খুৎশিন্নখ্রে। মহাক্না পি.এম.এ.ৱাই-জিগীদমক্তা অহেনবা ইমুংশিংগী সর্ভে তৌনবগীদমক্তা অৱাস প্লস এপশু হৌদোকখ্রে। মখা তারকপদা, প্রধান মন্ত্রীনা প্রধান মন্ত্রী আৱাস য়োজনা–অর্বান (পি.এম.এ.ৱাই-য়ু) ২.০ গী ওপরেস্নেল গাইদলাইনশিং ফোঙখ্রে।

Delighted to be in Bhubaneswar. Various development initiatives are being inaugurated or their foundation stones are being laid. These will greatly accelerate Odisha’s progress.https://t.co/crdBp1IB7w

— Narendra Modi (@narendramodi) September 17, 2024

आज केंद्र की एनडीए सरकार के 100 दिन भी हो रहे हैं।

इस दौरान, गरीब, किसान, नौजवान और नारीशक्ति के सशक्तिकरण के लिए बड़े-बड़े फैसले लिए गए हैं: PM @narendramodi pic.twitter.com/ak2dc5SD2P

— PMO India (@PMOIndia) September 17, 2024

कोई भी देश, कोई भी राज्य तभी आगे बढ़ता है, जब उसके विकास में उसकी आधी आबादी यानि हमारी नारीशक्ति की बराबर भागीदारी होती है: PM @narendramodi pic.twitter.com/giMMghUIEj

— PMO India (@PMOIndia) September 17, 2024

मैं हमारे एक आदिवासी परिवार के गृहप्रवेश में उनके घर भी गया था।

उस परिवार को भी अपना नया पीएम आवास मिला है।

उस परिवार की खुशी…उनके चेहरों का संतोष…मैं कभी नहीं भूल सकता।

उस आदिवासी परिवार में मुझे मेरी बहन ने खुशी से खीरी भी खिलाई: PM @narendramodi pic.twitter.com/rQguyfYxYL

— PMO India (@PMOIndia) September 17, 2024

सरदार पटेल ने असाधारण इच्छाशक्ति दिखाकर देश को एक किया। pic.twitter.com/hMtA6dnOZX

— PMO India (@PMOIndia) September 17, 2024

*****