ভারতকী প্রধানমন্ত্রী

শেনবা চহি ২০২৪-২৫ দগী ২০২৮-২৯ ফাওবা রুরেল দিবলপমেন্ত দিপার্তমেন্তনা প্রধান মন্ত্রী গ্রাম সরক য়োজনা-৪ (পি এম জি এস ৱাই-৪) পায়খৎনবা পুখৎলকপা ৱাফম ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীখ্রে।

লম্বী শেমদ্রিবা খুঙ্গং ২৫,০০০গী কিমি ৬২,৫০০ গী অনৌবা লম্বীশিং শেম্নবা অমসু অনৌবা লম্বীশিংদা থোংশিং শানবা/ফগৎহন্নবা শেন্থং পীগনি। স্কিম অসিগী অপুনবা শেনফম লুপা করোর ৭০,১২৫ ওইগনি।

স্কিমগী অকুপ্পা মরোলশিং:

মন্ত্রীমন্দলনা অয়াবা পীখিবগী অকুপ্পা মরোলশিং মখাদা পীরি:

i. শেনবা চহি ২০২৪-২৫ দগী ২০২৮-২৯ ফাওবগী প্রধান মন্ত্রী গ্রাম সরক য়োজনা-৪ হৌদোক্লে। স্কিম অসিগী অপুনবা শেনফম লুপা করোর ৭০,১২৫ নি (কেন্দ্রগী সিয়ার লুপা করোর ৪৯,০৮৭.৫০ অমসুং রাজ্যগী সিয়ার লুপা করোর ২১,০৩৭.৫০)।

ii. সেন্সন ২০১১গী মতুংইন্না, স্কিম অসিনা তম্পাক্তা অপুনবা মীশিং ৫০০ হেন্না লৈবা লম্বী লৈত্রিবা খুঙ্গংশিং, অৱাং-নোংপোক অমসুং চীংগী রাজ্যশিং/য়ু.তিশিং, অখন্নবা কাংলুপকী লমশিং(সেদুল ৫গী ত্রাইবেল, এস্পিরেসনেল দিস্ত্রিকশিং/ব্লোকশিং, মরুভুমিগী লমশিং)দা অপুনবা মীশিং ২৫০ হেন্না লৈবা অমসুং এল.দব্লিউ.ইনা শোকহল্লবা মফমশিংদা অপুনবা মীশিং ১০০ হেন্না লৈবা লম্বী লৈত্রিবা খুঙ্গং ২৫,০০০গী লম্বীশিং শেমগনি।

iii. স্কিম অসিগী মখাদা, লম্বী লৈত্রিবা খুঙ্গংশিংদা চহি চুপ্পা চৎপা য়াবা কিমি ৬২,৫০০ শাংবা লম্বীশিং শেমগনি। চহি চুপ্পা চৎপা য়াবা লম্বী অদুদা দরকার ওইবা থোংশিং শাগনি।

কান্নবশিং:

• লম্বী লৈত্রিবা খুঙ্গং ২৫,০০০ দা চহি চুপ্পা চৎপা য়াবা লম্বী শেমগৎকনি।
• চহি চুপ্পা চৎপা য়াবা লম্বীনা খুন্নাই অমসুং শেন-থুম চাউখৎনবা মরুওইবা থৌদাং লৌগনি অমসুং খুঙ্গংশিংগী লমদা অওনবা পুরক্কনি। খুঙ্গংশিং লম্বী শেম্বা অসিনা, লমদম অদুগী মীয়ামদা চহি চুপ্পা চৎপা য়াবা লম্বী ফংহন্দুনা অনকপা সরকারগী মহৈলোয়শঙশিং, হকশেল, কৈথেল অমসুং গ্রোথ সেন্তরশিংগা শম্নহনগনি।
• পি.এম.জি.এস.ৱাই-৪ না লম্বী শেম্নবা মালেমগী ওইনা চৎনরিবা খ্বাইদগী ফবা থবকশিং হায়বদি কোল্দ মিক্স তেক্নোলোজি অমসুং ফত্তবা প্লাস্তিক, পেনেল্দ সিমেন্ত কনক্রিত, সেল ফিল্দ কনক্রিত, ফুল দেপ রিক্লেমেসন, য়ুম শাবখিবগী অমোৎপা শীজিন্নবা অমসুং ফ্লাই এস, স্তিল শ্লেগগুম্বা অমোৎপশিং লম্বী শেম্বদা শীজিন্নগনি।
• পি.এম.জি.এস.ৱাই-৪গী লম্বী শেম্বগী থৌরাং তৌবা পি.এম গাতি শক্তি পোর্তেলগী মখাদা পাংথোক্কনি। দি.পি.আর শেম্বদা পি.এম গাতি শক্তি পোর্তেলগী প্লান্নিং তুলনা মতেং পাংগনি।

****