ಪಿಎಂಇಂಡಿಯಾ

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ಇಂದು ನಡೆದ ಕೇಂದ್ರ ಸಚಿವ ಸಂಪುಟವು ಹಣಕಾಸು ವರ್ಷ  2024-25 ರಿಂದ 2028-29ರ ಅವಧಿಯಲ್ಲಿ ಪ್ರಧಾನ ಮಂತ್ರಿ ಗ್ರಾಮ ಸಡಕ್ ಯೋಜನೆ – IV (ಪಿ.ಎಂ.ಜಿ.ಎಸ್.ವೈ-IV) ಅನುಷ್ಠಾನಕ್ಕಾಗಿ ಕೇಂದ್ರ ಗ್ರಾಮೀಣಾಭಿವೃದ್ಧಿ ಇಲಾಖೆಯು ಮಾಡಿದ ಪ್ರಸ್ತಾವನೆಗೆ ಅನುಮೋದನೆ ನೀಡಿದೆ. 

ಅರ್ಹ 25,000 ಸಂಪರ್ಕವಿಲ್ಲದ ವಾಸಸ್ಥಳಗಳಿಗೆ ಹೊಸ ಸಂಪರ್ಕವನ್ನು ಒದಗಿಸಲು ಅಗತ್ಯವಿರುವ 62,500 ಕಿಲೋಮೀಟರ್ ರಸ್ತೆ ನಿರ್ಮಾಣಕ್ಕೆ ಮತ್ತು ಹೊಸ ಸಂಪರ್ಕ ರಸ್ತೆಗಳಲ್ಲಿ ನೂತನ ಸೇತುವೆಗಳ ನಿರ್ಮಾಣ / ಉನ್ನತೀಕರಣಕ್ಕೆ ಬೇಕಾದ ಹಣಕಾಸಿನ ನೆರವು ನೀಡಲಾಗುವುದು. ಈ ಯೋಜನೆಯ ಒಟ್ಟು ವೆಚ್ಚವು ರೂ.70,125 ಕೋಟಿಯಾಗಿರುತ್ತದೆ.

ಯೋಜನೆಯ ವಿವರಗಳು:

ಸಚಿವ ಸಂಪುಟದ ಅನುಮೋದನೆಯ ವಿವರಗಳು ಈ ಕೆಳಗಿನಂತಿವೆ.

 i. ಪ್ರಧಾನ ಮಂತ್ರಿ ಗ್ರಾಮ ಸಡಕ್ ಯೋಜನೆ – IV ಅನ್ನು ಆರ್ಥಿಕ ವರ್ಷ 2024-25 ರಿಂದ 2028-29ರ ವರೆಗೆ ಮುಂದುವರಿಸಿ  ಯೋಜನೆಯನ್ನು ಪ್ರಾರಂಭಿಸಲಾಗುವುದು. ಈ ಯೋಜನೆಯ ಒಟ್ಟು ವೆಚ್ಚ ರೂ. 70,125 ಕೋಟಿಯಾಗಿರುತ್ತದೆ (ಕೇಂದ್ರ ಪಾಲು ರೂ. 49,087.50 ಕೋಟಿ ಮತ್ತು ರಾಜ್ಯದ ಪಾಲು ರೂ. 21,037.50 ಕೋಟಿ). 

 ii ಈ ಯೋಜನೆಯಡಿಯಲ್ಲಿ 25,000 ಸಂಪರ್ಕವಿಲ್ಲದ ವಾಸಸ್ಥಳಗಳು ಒಳಗೊಂಡಿರುತ್ತದೆ. ಅವುಗಳಲ್ಲಿ ಬಯಲು ಪ್ರದೇಶದಲ್ಲಿ 500+ ಜನಸಂಖ್ಯೆಯ ವಾಸಸ್ಥಾನಗಳು, ಈಶಾನ್ಯ ಭಾರತದ ಪ್ರದೇಶಗಳು/ ಗುಡ್ಡಗಾಡುಪ್ರದೇಶಗಳು/ ಕೇಂದ್ರಾಡಳಿತ ಪ್ರದೇಶಗಳಲ್ಲಿ 250+ ಜನಸಂಖ್ಯೆಯ ವಾಸಸ್ಥಾನಗಳು, ವಿಶೇಷ ವರ್ಗದ ಪ್ರದೇಶಗಳು ( ಬುಡಕಟ್ಟು ಪಂಗಡ V, ಮಹತ್ವಾಕಾಂಕ್ಷೆಯ ಜಿಲ್ಲೆಗಳು/ತಾಲೂಕುಗಳು, ಮರುಭೂಮಿ ಪ್ರದೇಶಗಳು) ಮತ್ತು ಎಲ್.ಡಬ್ಲ್ಯೂ.ಇ ಪೀಡಿತ ಜಿಲ್ಲೆಗಳಲ್ಲಿ 100+ ವಾಸಸ್ಥಾನಗಳು (2011ರ ಜನಗಣತಿಯಂತೆ) ಒಳಗೊಂಡಿರುತ್ತದೆ.  

 iii ಈ ಯೋಜನೆಯಡಿಯಲ್ಲಿ 62,500 ಕಿ.ಮೀ. ಸರ್ವಋತು ರಸ್ತೆಗಳನ್ನು ಈ ಸೂಚಿತ ಸಂಪರ್ಕವಿಲ್ಲದ ವಾಸಸ್ಥಳಗಳಿಗೆ ಒದಗಿಸಲಾಗುವುದು. ಸರ್ವಋತು ರಸ್ತೆಯ ಜೋಡಣೆಯ ಉದ್ದಕ್ಕೂ ಅಗತ್ಯವಿರುವ ನೂತನ ಸೇತುವೆಗಳ ನಿರ್ಮಾಣವನ್ನು ಸಹ ಒದಗಿಸಲಾಗುವುದು.

ಪ್ರಯೋಜನಗಳು:

•  25,000 ಸಂಪರ್ಕವಿಲ್ಲದ ಪ್ರದೇಶಗಳಿಗೆ ಸರ್ವಋತು (ಎಲ್ಲಾ ಹವಾಮಾನ)ರಸ್ತೆ ಸಂಪರ್ಕವನ್ನು ಒದಗಿಸಲಾಗುವುದು.
• ಸರ್ವ ಋತು ರಸ್ತೆಗಳು ಅಗತ್ಯವಿರುವ ಸಾಮಾಜಿಕ-ಆರ್ಥಿಕ ಅಭಿವೃದ್ಧಿ ಮತ್ತು ದೂರದ ಗ್ರಾಮೀಣ ಪ್ರದೇಶಗಳ ರೂಪಾಂತರಕ್ಕೆ ಪೂರಕವಾಗಿ ವೇಗವರ್ಧಕಗಳ ಪಾತ್ರವನ್ನು ವಹಿಸುತ್ತವೆ. ಈ ಸರ್ವಋತು ರಸ್ತೆಯೊಂದಿಗೆ ವಾಸಸ್ಥಳಗಳನ್ನು ಸಂಪರ್ಕಿಸುವಾಗ, ಹತ್ತಿರದ ಸರ್ಕಾರಿ ಶೈಕ್ಷಣಿಕ, ಆರೋಗ್ಯ, ಮಾರುಕಟ್ಟೆ, ಅಭಿವೃದ್ಧಿ ಕೇಂದ್ರಗಳನ್ನು ಸ್ಥಳೀಯ ಜನರಿಗೆ ಅನುಕೂಲವಾಗುವಂತೆ ಸಾಧ್ಯವಾದಷ್ಟು ಮಟ್ಟಿಗೆ ಜೊತೆಯಲ್ಲಿ ಜೋಡಿಸಿ ಸಂಪರ್ಕಿಸಲಾಗುವುದು.
• ಪಿ.ಎಂ.ಜಿ.ಎಸ್.ವೈ-IV ರಸ್ತೆ ನಿರ್ಮಾಣಗಳ ಅಡಿಯಲ್ಲಿ ಅಂತಾರಾಷ್ಟ್ರೀಯ ಮಾನದಂಡಗಳು ಮತ್ತು ಉತ್ತಮ ಅಭ್ಯಾಸಗಳನ್ನು ಸೇರಿಸಲಾಗುತ್ತದೆ. ಉದಾಹರಣೆಗೆ ಕೋಲ್ಡ್ ಮಿಕ್ಸ್ ಟೆಕ್ನಾಲಜಿ ಮತ್ತು ವೇಸ್ಟ್ ಪ್ಲಾಸ್ಟಿಕ್, ಪ್ಯಾನೆಲ್ಡ್ ಸಿಮೆಂಟ್ ಕಾಂಕ್ರೀಟ್, ಸೆಲ್ ಫಿಲ್ಡ್ ಕಾಂಕ್ರೀಟ್,  ಫುಲ್ ಡೆಪ್ತ್ ರಿಕ್ಲೇಮೇಶನ್, ನಿರ್ಮಾಣ ತ್ಯಾಜ್ಯ ಮತ್ತು ಇತರ ತ್ಯಾಜ್ಯಗಳಾದ ಫ್ಲೈ ಆಶ್, ಸ್ಟೀಲ್ ಸ್ಲ್ಯಾಗ್ , ಇತ್ಯಾದಿ ವಿಷಯಗಳಲ್ಲಿ ಜಾಗತಿಕ ಮಾನದಂಡ ಪಾಲಿಸಲಾಗುವುದು
• ಪಿ.ಎಂ.ಜಿ.ಎಸ್.ವೈ-IV ರಸ್ತೆ ಜೋಡಣೆ ಯೋಜನೆಯನ್ನು ಪ್ರಧಾನಮಂತ್ರಿ ಗತಿ ಶಕ್ತಿ ಜಾಲತಾಣ ಮೂಲಕ ನಿರ್ವಹಿಸಿ ವ್ಯವಸ್ಥೆ ಕೈಗೊಳ್ಳಲಾಗುತ್ತದೆ. ಪಿಎಂ ಗತಿ ಶಕ್ತಿ ಜಾಲತಾಣದಲ್ಲಿನ ಯೋಜನಾ ಸಾಧನವು ಡಿ.ಪಿ.ಆರ್. ತಯಾರಿಕೆಯಲ್ಲಿ ಸಹ ಸಹಾಯ ಮಾಡುತ್ತದೆ.

*****