ভারতকী প্রধানমন্ত্রী

ব্রুনৈ দারুসালামগী সুলতান অমসুং য়াং দি-পেরতুয়ান, সুলতান হাজি হাসানাল বোলকিয়া মুইজাদিন ৱাদ্দাউলাহ ইবনি অল-মরহুম সুলতান হাজি ওমর অলি সাইফুদিয়েন সাঅদুল খাইরি ৱাদ্দিয়েন্না চেবাউ পীরকপদগী ভারতকী প্রধান মন্ত্রী শ্রী নরেন্দ্র মোদী সেপ্তেম্বর ৩ দগী সেপ্তেম্বর ৪,২০২৪ দা ব্রুনৈ দারুসালামদা লৈঙাক্কী ওইবা খোঙচৎ অমা পাংথোকখ্রে। মসি প্রধান মন্ত্রী শ্রী নরেন্দ্র মোদীগী অহানবা খোঙচৎ অমসুং ভারতকী প্রধান মন্ত্রী অমনা ব্রুনৈ দারুসালামদা লাকপা অহানবা খোঙচৎনি।

মহাক্না ব্রুনৈ দারুসালামদা থুংলবগা, ব্রুনৈ দারুসালামগী ক্রাউন প্রিন্স অমসুং প্রধান মন্ত্রী ওফিসকী সেনিয়র মিনিস্তর প্রিন্স হাজি অল-মুহতাদি বিল্লাহনা ভারতকী প্রধান মন্ত্রী শ্রী নরেন্দ্র মোদী তরাম্না ওকখি। সুলতান্না প্রধান মন্ত্রীগা লোয়ননা লৈবাক অনিগী ওইবা মীফম অমা পাংথোকখি অমসুং প্রধান মন্ত্রীগীদমক ইস্তানা নুরুল ইমানদা ওফিসিএল ওইবা চাক্লেন অমা লাংখি।

লৈবাক অনিগী মরক্তা কুতনিতিগী মরী লৈনরকপা চহি ৪০ মপুংফারকপগা মপা চান্ননা পুৱারি ওইরবা খোঙচৎ অসি পাংথোকপা লুচিংবা অনিমক্না অপেনবা ফোঙদোকখি অমসুং হৌখিবা চহি ৪০ অসিদা তোঙান-তোঙানবা হিরমশিংদা ভারত অমসুং ব্রুনৈ দারুসালামগী মরক্তা অচেৎপা মরুপ-মপাংগী মরী লৈনরিবা অসি থাগৎপা ফোঙদোকখি।

নাত অমসুং ললোন-ইতিক্কী থবকশিংনা মরম ওইদুনা চহিচা কয়াদগী ব্রুনৈ দারুসালাম অমসুং ভারতকী মরক্তা পুৱারিগী মরীশিং লৈনরক্লিবা অদু লুচিংবশিংনা খঙখি। ১৯৮৪ দগী লৈবাক অনিগী মরক্তা কুতনিতিগী মরীশিং লৈনরকপদগী অনৌবা মরুপ-মপাং ওইবা মরী অমা শেমগৎলকখি।

ব্রুনৈ দারুসালামগী শেন-থুম অমসুং খুন্নাই চাউখৎনবা তোঙান-তোঙানবা শীনফমশিংদা লৈবাক অসিদা লৈরবা ভারতমচাশিংনা লৌরিবা মমল য়াম্লবা থৌদাংশিং সুলতান্না থাগৎপা ফোঙদোকখি।

চহি কয়া লৈবাক অনিগী মরীশিং ফিবম ফগৎলক্লিবা অসি পল্লদুনা, লৈবাক অনিনা দরকার ওইবা হিরমশিংদা মখা তানা অচেৎপা মরী লৈন্নবা মখোয়না অমুক হন্না থাজবা পীনখি।

দিফেন্স, চৎথোক-চৎশিন, ললোন-ইতিক অমসুং শেন থাদবা, ইনর্জি অমসুং রিন্যুএবল ইনর্জি, স্পেস, আই.সি.তি, হকশেল অমসুং ফার্মাস্যুতিকেলশিং, লাইরিক-লাইশু অমসুং কেপাসিতি বিল্দিং, নাত অমসুং তুরিজম, নহারোল অমসুং মীগা মীগা চৎথোক-চৎশিন য়াওনা তোঙান-তোঙানবা হিরমশিংদা মতেং পাংনবা হেনগৎহন্নবা লুচিংবা অনিনা খন্নখি অমসুং লৈবাক অনিনা দরকার ওইবা লমদম-লমদম অমসুং মালেমগী ওইবা ৱাফমশিং খন্ন-নৈনখি।

লৈবাক অনিগী হৌজিক লৈরিবা থৌরাংশিংগী খুৎথাংদা নকশিন্ননা ৱারি শান্নবগী মরুওইবা অদু লুচিংবশিংনা থমখি অমসুং ফোরেন ওফিস কন্সলতেসনশিং অমসুং তোঙান-তোঙানবা জোইন্ত ৱার্কিং গ্রুপশিংগী মীফমশিং চাং নাইনা পাংথোকপা য়াওনা লৈবাক অনিনা দরকার ওইবা মালেমগী ৱাফমশিং অমসুং লৈবাক অনিগী মরক্তা চাং নাইনা মীফমশিং পাংথোকপা, ৱারি শান্নবা অমসুং চৎথোক-চৎশিন তৌনবা মখা চৎথবা হায়না য়ানরে।

লৈবাক অনিনা দরকার ওইবা হিরমশিংদা ললোন-ইতিক অমসুং শেন-থুমগী মরীশিং পাকথোক-চাউথোকহনবা হায়না লুচিংবা অনিনা য়ানরে। জোইন্ত ত্রেদ কম্মিতি(জে তি সি) অমসুং অতোপ্পা লৈবাক অনিগী, রিজনেল অমসুং মালেমগী ফোরমশিংগুম্বা মরুওইবা মফমশিংগী খুৎথাংদা চাং নাইনা ৱারি শান্নবা অমসুং লৈবাক অমগা অমগা চৎথোক-চৎশিন তৌনবগী মরুওইবা অদু মখোয়না মখা তানা খন্নখি।

তেক্নোলোজি, ফাইনান্স, মেনুফেকচরিং অমসুং প্রোসেসিংগী হিরমশিং মপাঙ্গল কনখৎহনবা অমসুং লৈবাক অনিমক কান্নবা ফংগদবা মওংদা লৈবাক অমনা লৈবাক অমদা মতেং পাংনবগী খুদোংচাবশিং মশক খঙদোকপা হায়না লুচিংবা অনিনা য়ানখি।

লুচিংবা অনিমক্না চীঞ্জাক ৱাৎহন্দবগী মরুওইবা অদু খন্নখি অমসুং লৌশিং, খ্বাইদগী ফবা থবক শরুক য়ামিন্নদুনা লৌউশিং-শিংউ অমসুং ফুদ সপ্লাই চেনদা মতেং পাংনবা হেনগৎহনবা হায়না য়ানরে।

ইন্দিয়ান স্পেস রিছার্স ওর্গনাইজেসন(ইসরো)গী তেলিমেতরি ত্রেক্কিং এন্দ তেলিকমান্দ (তি তি সি) স্তেসন মখা তানা ব্রুনৈ দারুসালামদা থম্বদা প্রধান মন্ত্রীনা লৈবাক অসি থাগৎপা ফোঙদোকখি। স্তেসন অসি হৌজিক ভারতকী স্পেসকী থবকশিংদা শীজিন্নরিবনি। সরকার অনিগী মরক্তা মেমোরেন্দম ওফ অন্দর্স্তেন্দিং (এম ও য়ু)গী মখাদা য়ানবা পুরকখিবদা লুচিংবা অনিনা থাগৎপা ফোঙদোকখি অমসুং লৈবাক অনিনা দরকার ওইবা হিরমশিংদা এম.ও.য়ুগী মখাদা এম.ও.য়ু নৌথোকহনবদা মখোয়না তরাম্না ওকখি।

লৈবাক অনিগী মরক্তা চাং নাইনা চৎথোক-চৎশিন তৌনদুনা, ত্রেনিং প্রোগ্রামশিং পাংথোক্তুনা, অপুনবা এক্সরসাইজশিং পাংথোক্তুনা অমসুং নেভেল অমসুং কোস্ত গার্দশিং চৎথোক-চৎশিন তৌদুনা ঙাক-শেন অমসুং মেরিতাইমগী মতেং পাংনবা হেনগৎহনবগী মরুওইবা লুচিংবা অনিনা খঙজিনখি।

লৈবাক অনিমক্কী জহাজশিং চাংনাইনা পোর্ত-কোলশিং পাংথোকপদা লুচিংবা অনিনা অপেনবা ফোঙদোকখি।

বন্দর সেরি বেগাৱান অমসুং চেন্নাইগী মরক্তা দাইরেক্ত ফ্লাইত লৈনবা থৌরাং তৌবদা লুচিংবা অনিনা তরাম্না ওকখ্রে, মসিনা লৈবাক অনিগী মরক্তা মীগা মীগা চৎথোক-চৎশিন তৌবা অমসুং ললোন-ইতিক অমসুং তুরিজমগী থবকশিং হেনগৎহনগনি।

​
​লৈবাক চাউখৎহনবদা নহারোলশিংগী মরুওইবা থৌদাং লুচিংবা অনিনা খঙখি অমসুং লৈবাক অনিগী মরক্তা য়ুথ একচেঞ্জশিং হেন্না পাংথোকপদা য়ানবা পুরকখ্রে।

ইন্দিয়ান তেক্নিকেল এন্দ ইকোনোমিক কোওপরেসন(আই তি ই সি) অমসুং ই-আই.তি.ই.সি প্রোগ্রামশিং য়াওনা তোঙান-তোঙানবা থৌরমশিংগী মখাদা ব্রনৈমচাশিংদা ভারতনা ত্রেনিং অমসুং স্কোলারশিপ পীবদা সুলতান্না থাগৎপা ফোঙদোকখি অমসুং মখোয় মথা চৎথনবা তরাম্না ওকখি।

লমদম অসিদা শান্তি, তংদু-লৈতাবা, সেকুরিতি, নুংঙাই-য়াইফবা অমসুং অৱা-অনা খাংবা ঙম্বা পুরক্নবা লুচিংবা অনিনা অমুক হন্না মখোয়গী থাজবা পীনখি অমসুং য়ুনাইতেদ নেসন্স চার্তর অমসুং মালেমগী আইনশিং ঙাক্না চৎপগী মরুওইবা অদু পনখি।

অসিয়ান-ইন্দিয়া দাইলোগ রিলেসন্স, ইস্ত এসিয়া সম্মিৎ, এসিয়ান রিজনেল ফোরম, এসিয়া-য়ুরোপ মিতিং(অসেম) অমসুং য়ুনাইতেদ নেসন্স(য়ু এন)গুম্বা মালেমগী অমসুং লমদম-লমদমগী তোঙান-তোঙানবা লুপশিং মতেং পাংনবা হেনগৎহনবা হায়না লুচিংবশিংনা য়ানখ্রে। শান্তি অমসুং চাউখৎপা পুরক্নবা নিয়মদা য়ুম্ফম ওইবা মালেমগী চৎন-কাংলোন অমা থম্বগী মরুওইবা অদু মখোয়না খন্নখি।

হৌজিক থেংনরিবা ফিবমশিংগী মতাংদা মালেমগী লুপশিংদা খন্ন-নৈনবা হেনগৎহন্নবা পুন্না থবক তৌমিন্নবা হায়না লুচিংবা অনিনা য়ানরে।

অসিয়ান-ইন্দিয়া কমপ্রেহেন্সিপ স্ত্রাতেজিক পার্তনরশিপ মখা তানা মপাঙ্গল কনখৎহন্নবা লৈবাক অনিমক কান্নবা ফংগদবা হিরমশিংদা পুন্নবা থবক তৌমিন্নবা হায়না লুচিংবা অনিনা অমুক হন্না থাজবা পীনখি।

শান্তি, তংদু-লৈতাবা, মেরিতাইম সেফতি অমসুং সেকুরিতি হেনগৎহনবা, মনিংতম্না জহাজ হোনবা অমসুং এরোপ্লেন পাইবা অমসুং আইন্না য়াবা ললোন-ইতিক পাংথোকপদা ইকায়খুম্নবা উৎপা অমসুং য়ুনাইতেদ নেসন্স কনভেসন ওন লো ওফ সি(য়ু এন সি এল ও এস) ১৯৮২ য়াওনা মালেমগী আইনশিং ঙাক্না চৎনবা লুচিংবশিংনা অমুক হন্না ফোঙদোক্নখি। মালেমগী আইন মরুওইনা য়ুনাইতেদ নেসন্স কনভেসন ওন লো ওফ সি(য়ু এন সি এল ও এস) ১৯৮২গী মতুংইন্না য়ানদবশিং শান্তি ওইনা ৱারোইশিন পুরক্নবা লুচিংবা অনিনা লৈবাকশিংদা তকশিনখি।

লুচিংবা অনিমক্না মখল খুদিংমক্কী তেরোরিজম য়ানিংদবা ফোঙদোকখি অমসুং মসি মুৎথৎনবা তকশিনখি। লৈবাক অমতনা মখোয়গী লম তেরোরিজমগী থবক্তা শীজিন্নবগী অয়াবা পীরোইদবনি; লৈবাক অমতনা তেরোরিস্তশিং চঙজফম পীরোইদবনি অমসুং তেরোরিস্তকী থবকশিং অচুম্বা ৱায়েন পুরক্নবা পুন্না থবক তৌমিন্ননবা ৱাশক লৌগদবনি হায়না লুচিংবশিংনা ফোঙদোকখি। তেরোরিজম থেংননবা য়ু.এন অমসুং মালেমগী অতোপ্পা লুপশিংদা পুন্না থবক তৌমিন্নবা হায়না লৈবাক অনিমক্না য়ানরে।

অইং-অশাগী খল হোংলকপা থেংননবা অমসুং পেরিস এগ্রিমেন্ত য়াওনা মালেমগী ক্লাইমেতগী পান্দমশিংগী মতুংইন্না, মসিনা পীরিবা অকনবা চৈথেং কোকহন্নবা থবকশিং হেনগৎহনবগী তঙাইফদবা অদু লুচিংবা অনিনা য়ানরে। ইন্তরনেসনেল সোলার এল্লাইন্স(আই এস এ), কোলিএসন ফোর দিজাস্তর রিসিলিয়েন্ত ইনফ্রাস্ত্রকচর(সি দি আর আই) অমসুং গ্লোভেল বাইও-ফ্যুএল এল্লাইন্স(জি বি এ) লিংখৎনবা ভারতনা পায়খৎলিবা থবকশিং সুলতান্না থাগৎপা ফোঙদোকখি। অসিয়ান সেন্তর ফোর ক্লাইমেত চেঞ্জগী য়ুম্বু ওইনবা ব্রুনৈ দারুসালামনা পায়খৎলিবা থবকশিংদা ভারতনা শৌগৎপদা সুলতান্না থাগৎপা ফোঙদোকখি।

ভোইস ওফ গ্লোভেল সাউথ সম্মিৎ (ভি ও জি এস এস) তা ব্রুনৈ দারুসালামনা মখা তানা শরুক য়াবদা প্রধান মন্ত্রীনা তরাম্না ওকখি। ভারতনা লুচিংদুনা পায়খৎলিবা থবক অসিনা গ্লোভেল সাউথকী লৈবাকশিং তোঙান-তোঙানবা ৱাফমশিংদা পুন্না থবক তৌমিন্ননবা মান্নবা মফম অমগী মখাদা পুনগনি।

খোঙচৎ অসিদা মহাক অমসুং মহাক্কী মীহুৎকাংবু তরাম্না ওকপগীদমক প্রধান মন্ত্রীনা সুলতান থাগৎপা ফোঙদোকখি। তুংদা সুলতান ভারত্তা লাক্নবা প্রধান মন্ত্রীনা চেবাউ অমা পীখি।

****