পি এম ইণ্ডিয়া
আজি অৰ্থাৎ ২০২৪ চনৰ ১৯ আগষ্টত জাপানৰ বৈদেশিক মন্ত্ৰী শ্ৰীযুতা যোকো কামিকাৱা আৰু প্ৰতিৰক্ষা মন্ত্ৰী শ্ৰীযুত মিনোৰু কিহাৰাই প্ৰধানমন্ত্ৰী শ্ৰীযুত নৰেন্দ্ৰ মোডীক সাক্ষাৎ কৰে। উল্লেখ্য যে ভাৰত-জাপানৰ মাজত হ’বলগীয়া ২+২ বৈদেশিক আৰু প্ৰতিৰক্ষা মন্ত্ৰীৰ বৈঠকৰ ৩য় পৰ্যায়ৰ প্ৰস্তুতিৰ বাবে দুয়োগৰাকী মন্ত্ৰীৰ এই ভাৰত ভ্ৰমণ।
প্ৰধানমন্ত্ৰীয়ে জাপানৰ মন্ত্ৰীসকলক উষ্ম আদৰণি জনাই ক্ৰমান্বয়ে জটিল হৈ পৰা আঞ্চলিক আৰু বিশ্বব্যাপী পৰিৱেশৰ মাজত এই ২+২ বৈঠকৰ তাৎপৰ্যৰ ওপৰত গুৰুত্ব আৰোপ কৰে। তেওঁ ভাৰত আৰু জাপানৰ মাজত গভীৰ হৈ অহা সম্পৰ্ক সুদৃঢ় কৰাৰ ক্ষেত্ৰত এই আলোচনাৰ গুৰুত্বৰ ওপৰত আলোকপাত কৰে।
প্ৰধানমন্ত্ৰীয়ে ভাৰত আৰু জাপানৰ দৰে বিশ্বাসযোগ্য অংশীদাৰৰ মাজত গভীৰ সহযোগিতাৰ বাবে তেওঁৰ দৃষ্টিভংগীৰ ৰূপৰেখা দাঙি ধৰে, গুৰুত্বপূৰ্ণ খনিজ পদাৰ্থ, অৰ্ধপৰিবাহী, আৰু প্ৰতিৰক্ষা উৎপাদনৰ দৰে মূল ক্ষেত্ৰসমূহৰ ওপৰত গুৰুত্ব আৰোপ কৰে।
তেওঁলোকে মুম্বাই-আহমেদাবাদ হাই-স্পীড ৰেল প্ৰকল্পকে ধৰি দ্বিপাক্ষিক সহযোগিতাৰ বিভিন্ন দিশৰ অগ্ৰগতি পৰ্যালোচনা কৰাৰ লগতে পাৰস্পৰিক স্বাৰ্থৰ আঞ্চলিক আৰু বিশ্বব্যাপী বিষয়সমূহৰ ওপৰত আলোচনা কৰে।
প্ৰধানমন্ত্ৰীয়ে ভাৰত-প্ৰশান্ত মহাসাগৰীয় অঞ্চল আৰু ইয়াৰ বাহিৰত শান্তি, স্থিতিশীলতা, আৰু সমৃদ্ধিৰ পোষকতাত ভাৰত-জাপান অংশীদাৰিত্বৰ গুৰুত্বপূৰ্ণ ভূমিকাক গুৰুত্ব আৰোপ কৰে।
প্ৰধানমন্ত্ৰীয়ে ভাৰত আৰু জাপানৰ মাজত অৰ্থনৈতিক সহযোগিতা বৃদ্ধি আৰু জনসাধাৰণৰ সংযোগ গভীৰ কৰাৰ প্ৰয়োজনীয়তাৰ ওপৰতো গুৰুত্ব আৰোপ কৰে। তেওঁ দুয়োখন দেশৰ প্ৰধানমন্ত্ৰীৰ মাজত আগন্তুক শীৰ্ষ সন্মিলনৰ বাবে জাপানলৈ এক গঠনমূলক আৰু প্ৰভাৱশালী ভ্ৰমণৰ আশা প্ৰকাশ কৰে।
***
MJPS/SR
Delighted to meet Japanese Foreign Minister @Kamikawa_Yoko and Defense Minister @kihara_minoru ahead of the 3rd India-Japan 2+2 Foreign and Defense Ministerial Meeting. Took stock of the progress made in India-Japan defense and security ties. Reaffirmed the role India-Japan… pic.twitter.com/QE4euOoy0d
— Narendra Modi (@narendramodi) August 19, 2024
