ভারতকী প্রধানমন্ত্রী

শেনবা চহি 2024-25 দগী 2028-29 ফাওবগী মনুংদা প্রধান মন্ত্রী অৱাস য়োজনা-গ্রামিন(পিএমএৱাই-জি) পায়খৎপা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে। তম্পাক্কী লমদমশিং য়ুম অমা শাবদা লুপা লাখ 1.20 অমসুং অৱাং-নোংপোক রাজ্যশিং অমসুং হিমাচল প্রদেস, উত্তরখন্দ, জম্মু অমসুং কাস্মির অমসুং লাদাখতা লুপা লাখ 1.30 গী মতেং পীগনি।

অকুপ্পা মরোলশিং:

মন্ত্রীমন্দলনা অয়াবা পীখিবগী অকুপ্পা মরোলশিং মখাদা পীরি:

1. অৱাস+(2018) লিস্ত (অপদেসন মতুংদা) থবক ওইনা মপুংফানা পায়খৎনবা অমসুং এপ্রিল 2024 দগী মার্চ 2029 ফাওবগী মনুংদা পাক্কাগী য়ুম করোর 2 হেন্নবা শানবা মতেং পীদুনা সোসিও ইকোনোমিক কাস্ত সেন্সস 2011 পর্মনেন্ত ৱাইতিং লিস্ততা য়াওরিবা য়ুম শাবা য়ারবা ইমুংশিংগী য়ুম শানবা প্রধান মন্ত্রী অৱাস য়োজনা-গ্রামিন(পিএমএৱাই-জি) মখা চৎথগনি।
2. কেন্দ্রগী সিয়ার লুপা করোর 2,05,856 অমসুং রাজ্যগী মেতচিং সিয়ার লুপা করোর 1,00,281 য়াওনা শেনবা চহি 2024-25 t দগী 2028-29 ফাওবগী ওইনা অপুনবা ওইনা লুপা করোর 3,06,137 কাইথোক্লে।
3. নিতি অয়োগনা প্রধান মন্ত্রী অৱাস য়োজনা-গ্রামিন(পিএমএৱাই-জি) য়েংশিল্লবা মতুংদা অমসুং ই.এফ.সিনা স্কিম অসি অমুক হন্না পুথোক্লবা মতুংদা স্কিম অসি মার্চ 2026 গী মতুং ফাওবদা মখা চৎথগনি।
4. শেমদোক্লবা খুদোংচাবা ফংবা য়াদবা ইমুংশিংগী ফিবম শীজিন্নদুনা য়ুম শাবা য়ারবা খুঙ্গংগী য়ুমথোঙশিং মশক খঙদোক্নবা অৱাস+ লিস্ত নৌনা শেম্বা।
5. য়ুম অমা শানবা হৌজিক তম্পাক্কী লমদমশিংদা লুপা লাখ 1.20 অমসুং অৱাং-নোংপোক/চীংগী রাজ্যশিংদা লুপা লাখ 1.30 পীরবা অসি মখা চৎথগনি।
6. প্রোগ্রামগী ফন্দশিংদগী এদমিনিস্ত্রেতিপ ফন্দ ওইনা 2% থম্লিবা অসি অনি থোক্না খায়দোক্তুনা 1.70% রাজ্যশিং/য়ু.তিশিংদা পীগনি অমসুং 0.30% না কেন্দ্র সরকারদা খাকহৌগনি।
7. শেনবা চহি 2024-25 মনুংদা 31.03.2024 ফাওবদা য়োজনা অসিগী মমাঙগী ফেজগী মখাদা শাবা লোইশিনহৌদবা য়ুমশিং হৌজিক চৎনরিবা রেতশিংগী মতুংইন্না লোইশিনগনি।

কান্নবশিং :

• 31.03.2024 ফাওবদা শাবা লোইশিন্দ্রিবা য়ুম লাখ 35 হৌখিবা ফেজদা য়ুম করোর 2.95 শানবগী অপুনবা পান্দম অদু ফংনবা শাবা লোইশিনগনি।
• চহি চহিগী ওইনা য়ুম দরকার ওইবা হেনগৎলক্লিবা অদু ফংবা ঙম্নবা শেনবা চহি 2024-2029 দগী মথং চহি মঙা মনুংদা য়োজনা অসিগী মখাদা অহেনবা য়ুম করোর অনি শাগনি। অহেনবা য়ুম করোর অনি শাবা অসিনা লনাই মীওই করোর 10 কান্নবা পীগনি।
• অয়াবা পীখিবা অসিনা য়ুম লৈতবা মীওইশিং অমসুং ফিবম চাদ্রবা অমসুং কচাগী য়ুমদা লৈরিবা মীওইশিং অফবা অমসুং মগুন লৈবা খুদোংচাবা খুদিংমক য়াওরবা য়ুমশিং ফংহল্লগনি। মসিনা বেনিফিসরিশিংদা অফবা, লু-নানবা অমসুং খুন্নাইগা থোং মান্নবা অমা ফংহনগনি।

নুঙগীৱারোল

খুঙ্গংগী লমদা “মীওই খুদিংমক য়ুম লৈহনবা” পান্দম ফংনবা এপ্রিল 2016 দগী ভারত সরকারনা প্রধান মন্ত্রী অৱাস য়োজনা-গ্রামিন(পিএমএৱাই-জি) হৌদোক্তুনা মার্চ 2024 ফাওবগী মনুংদা য়ুম করোর 2.95 শানবা পান্দম থম্লি।

****