ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা বিহারগী রাজগীরদা নালন্দা য়ুনিভর্সিতীগী অনৌবা কেম্পস শঙ্গাখ্রে। য়ুনিভর্সিতী অসি ভারত অমসুং ইস্ত এসিয়া সম্মিৎ (EAS) লৈবাকশিংগী মরক্তা কোল্লাবোরেসন অমা ওইনা শাখি। শঙ্গাবগী থৌরম অসিদা লৈবাক 17কী হেদ ওফ মিসনশিং য়াওনা মশক নাইবা মীওই কয়ামরুমনা শরুক য়াখি। প্রধান মন্ত্রীনা উ-চারা অমসু থাখি।

থৌরম অদুদা ৱা ঙাংলদুনা প্রধান মন্ত্রনা অহুমশুবা তর্মগীদমক প্রধান মন্ত্রী ওইনা ৱাশক লৌবগী নুমিৎ ১০গী মনুংদা নালন্দদা চৎপা ফংজবা অসিদা নুংঙাইবা ফোঙদোকখি অমসুং মহাক্কী লাইবক ফবনি ফোঙদোকখি অমসুং হায়খি মদুদি ভারতকী চাউখৎ খোঙচৎকী মাইকৈদা পোজিতিব ওইবা খুদম অমনি। “নালন্দা অসি শুপ্নগী মমিং অমা খক্তা নত্তে, মসি শক্তাকনি, ইকাই খুম্নবনি। নালন্দা অসি হৌরকফমনি, মসি মন্ত্রনি। নালন্দা অসি লাইরিকশিং মৈ থাখ্রবসু লৌশিংদি মাংহনবা ঙমদে হায়বা অচুম্বা ৱাফম অদুবু ফোঙদোকপনি”, হায়না প্রধান মন্ত্রীনা ফোঙদোকখি। মহাক্না হায়খি মদুদি অনৌবা নালন্দা য়ুনিভর্সিতী অমা লিংখৎপা অসিনা ভারতকী গোল্দন এজ অমা পুরক্লগনি।

প্রধান মন্ত্রীনা হায়খি মদুদি মাগী অরিবা অকাই-অতোইগী মনাক্তা নালন্দা অমুক হিংগৎহনবা অসিনা মালেমদা ভারতকী মতিক-ময়াইশিং উৎলগনি, মানা মালেমদা মপাঙ্গল কনবা হ্যুমেন ভেল্যুশিং লৈবা লৈবাকশিংনা পুৱারীবু হিংগৎহন্দুনা অফবা মালেম অমা শেম্বগা ঙম্মি তাক্লগনি।

শ্রী মোদীনা হায়খি মদুদি নালন্দনা মালেম, এসিয়া অমসুং লৈবাক কয়াগী হেরিতেজ তাক্লি অমসুং মসি হিংগৎহনবা অসি ভারতকী হীরমশিং হিংগৎহনবা খক্তা নত্তে। ঙসিগী শঙ্গাবা অসিদা লৈবাক কয়ানা শরুক য়াবা অসিনা খুদম ওইরি, মহাক্না মখা তারদুনা নালন্দা প্রোজেক্ততা মরুপ ওইরিবা লৈবাকশিংনা শরুক তম্বিবা অদুগীদমকসু তৌবিমল খঙবা উৎখি। মহাক্না বিহারগী মীয়াম্না নালন্দদা উবা ফংলিবা মাগী মতিক-ময়াই অদু অমুক হন্না পুরক্নবা মখোয়গী অখাং কনবা অদুবুসু থাগৎখি।

নালন্দা অসি মতম অমদা ভারতকী নাৎ অমসুং চৎনবীগী লিবিং সেন্তর অমা ওইরমখি হায়রদুনা প্রধান মন্ত্রীনা হায়খি মদুদি নালন্দা হায়বা অসিগী ৱাহন্থোক্তি লৌশিং অমসুং এজুকেসনগী লেপ্তবা ইচেল হায়বনি অমসিং মসিনা এজুকেসনগী মাইকৈদা লৌখৎপা ভারতকী এপ্রোচ অমসুং ৱাখল্লোন ওইখি।“এজুকেসনগী ঙমখৈ লৈতে। মসিনা মশক-মওং পীবগা লোয়ননা ভেল্যু অমসুং ৱাখল-লৌশিং লৈহল্লি”, হায়না প্রধান মন্ত্রীনা ফোঙদোক্লদুনা হায়খি মদুদি মহৈরোয়শিংনা মখোয়গী শক্তাক অমসুং নেস্নেলিতীশিংগী খেন্নবা থমদনা অরিবা নালন্দা য়ুনিভর্সিতীদা মিং চনখি। মহাক্না মতমগা চুনবা মওংদা নৌনা শঙ্গাখিবা নালন্দা য়ুনিভর্সিতী কেম্পস অসিদা চপ মান্নবা অরিবা চৎনবীশিং মপাঙ্গল কনখৎহনবা মথৌ তাই হায়নসু ফোঙদোকখি। প্রধান মন্ত্রীনা নালন্দা য়ুনিভর্সিতীদা হৌজিক লৈবাক 20 হেনবদগী মহৈরোয়শিংনা তম্মিবা অসিদা নুংঙাইবা ফোঙদোকখি অমসুং মসি ‘বসুধৈব কুতুম্বকম’গী চপ চাবা খুদম ওইরি হায়খি।

প্রধান মন্ত্রীনা এজুকেসনবু মীওইবগী য়াইফনবা খুল্লাই ওইনা লৌরিবা ভারতকী চৎনবী অদু থমখি। মহাক্না লাক্কদৌরিবা মালেমগী য়োগ নুমিৎকী মতাংদা পনখি অমসুং হায়খি মদুদি য়োগ নুমিৎ অসি মালেমগী কুহ্মৈ অমা ওইরক্লি। য়োগগী মখল কয়া থোরক্লবসু কনাগুম্বা অমত্তনা ভারত্তা য়োগগী মোনোপোলী তৌবা ঙমদে। মতৌ অসুম্না ভারতনা মালেম পুম্বদা আয়ুর্বেদ পীরি হায়না মহাক্না হায়খি। পি.এম. মোদীনা সস্তেনেবিলিতীগীদমক ভারতকী কত্থোকপা অদুসু থমখি অমসুং হায়খি মদুদি ভারত্তা ঐখোয়না চাউখৎপা অমসুং এনভাইর্নমেন্ত পুনা চৎমিন্নহল্লি। মসিনা ভারতনা মিসন লাইফ অমসুং ইন্তর্নেস্নল সোলর এল্লাইন্সগুম্বা ইনিসিএতিবশিং পীবা ঙমহনখি। নেৎ জিরো ইনর্জী, নেৎ জিরো ইমিসন, নেৎ জিরো ৱাতর অমসুং নেৎ জিরো মোদেল পুথোকপগা লোয়ননা নালন্দ কেম্পসনা সস্তেনেবিলিতীগী ৱাখল্লোনদা মাংদা পুখৎকনি হায়না মহাক্না ফোঙদোকখি।

প্রধান মন্ত্রীনা হায়খি এজুকেসন চাউখৎহনবনা ইকনোমী অমসুং কলচরগী হৌরকফম চেৎশিনহল্লি। মসি গ্লোবেল এক্সপরিয়েন্স অমসুং চাউখৎপা লৈবাকশিংগী এক্সপরিয়েন্সতগী লাকখি। “2047 ফাওবদা চাউখৎপা লৈবাক অমা ওইনবা মাগী পান্দম থুংহন্নবা হোৎনরিবা ভারতনা মাগী এজুকেসন সিস্তেমদা  অওনবা পুরক্লি”, হায়না প্রধান মন্ত্রীনা ফোঙদোকখি। মহাক্না মখা তারদুনা হায় “ঐগী পান্দমদি ভারতনা মালেমগী এজুকেসন অমসুং লৌশিংগী সেন্তর ওইরকপনি। ঐগী পান্দমদি ভারতপু অমুক হন্না মালেমগী মশক নাইবা লৌশিংগী সেন্তর অমা ওইনা শকখঙবনি”
প্রধান মন্ত্রীনা অঙাং করোর অমা হেনবদা মতেং পাংলিবা অতল তিঙ্করিং ললেবশিং, চন্দ্রয়ান অমসুং গগনয়াননা সাইন্সতা পুক্নিং চীংশিনবা অমসুং স্তার্তঅপ ইন্দিয়ানা চহি অমগী মমাংদা শুপ্নগী লিশিং ১০রোমতা লৈরম্বা অদু হৌজিক ভারত্তা স্তার্তঅপ লাখ ১.৩০ হেন্না লৈহল্লিবা থৌশিলগী মতাংদসু পনখি। পেতেন্তশিং অমসুং রিসর্চ পেপর রেকোর্দ ওইনা ফাইল ওইরি অমসুং রিসর্চ ফন্দ করোর লাখ ১ হেনখ্রে হায়না থমখি।

প্রধান মন্ত্রীনা খ্বাইদগী এদভান্স ওইবা রিসর্চ-ওরিয়েন্তেদ হায়র এজুকেসন সিস্তেমগা লোয়ননা ভারত্তা মালেমগী ওইনা খ্বাইদগী কম্প্রিহেন্সিব ওইবা অমসুং মপুং ফাবা স্কিলিং সিস্তেম থম্নবা লৌখৎলিবা সরকারগী খোঙথাংশিংসু থমখি। মহাক্না গ্লোবেল রেঙ্কিংশিংদা ভারতকী য়ুনিভর্সিতীশিংগী পরফোর্মেন্স হেনগৎলকপা অসুবু পনখি। হৌখিবা চহি 10দা এজুকেসন অমসুং স্কিল দিবেলপমেন্তগী লমদা হন্দক্তা মাইপাকখিবশিং অদু পল্লদুনা প্রধান মন্ত্রীনা QS রেঙ্কিংদা 9দগী 46দা হাইগৎলকপা অমসুং তাইমস হায়র এজুকেসন ইম্পেক্ত রেঙ্কিংদা 13দগী 100দা ভারতকী এজুকেস্নেল ইন্সতিত্যুসনশিংগী মশিং হেনগৎলকপা অদুসু পনখি। হৌখিবা চহি 10দা ভারত্তা প্রধান মন্ত্রীনা হায়খি মদুদি চয়োল খুদিংগী য়ুনিভর্সিতী অমা লিংখৎলি, নুমিৎ খুদিংগী অনৌবা ITI অমা লিংখৎলি, হুমনি শুবা নুমিৎ খুদিং অতল তিঙ্করিং লেব অমা হাংদোক্লি অমসুং নুমিৎ খুদিংগী অনৌবা কোলেজ অনি হাংদোকখি। মহাক্না মখা তারদুনা হায়খি মদুদি ভারত অসি ঙসিদা IIT 23 লৈরে, IIMশিংগী মশিং অসি 13দগী 21দা হেনগৎলে অমসুং AIIMSকী মশিং অসি শরুক অহুম হেনগৎতুনা 22 শুরে। “হৌখিবা চহি 10দা মেদিকেল কোলেজ মশিং অসি শরুক অনিরোম হেনগৎখি”, হায়না মহাক্না ফোঙদোকখি। এজুকেস্নেল সেক্তরদা রিফোর্মশিং পুরকপগী মতাংদা প্রধান মন্ত্রীনা অনৌবা এজুকেস্নেল পোলিসীগী মতাংদা পনখি অমসুং হায়খি মদুদি মসিনা ভারতকী নহারোলশিংগী মঙলানশিংদা অনৌবা মায়োল অমা পীরি। শ্রী মোদীনা ইন্দিয়ন অমসুং ফোরেন য়ুনিভর্সিতীশিং চুংশিন্নবা অমসুং দেকিন অঞসুং ৱোল্লোংগোংগুম্বা ইন্তর্নেস্নেল য়ুনিভর্সিতীশিংগী অনৌবা কেম্পসশিং হাংদোকপগী মতাংদসু পনখি। “খোঙথাং পুম্নমক অসিগা লোয়ননা ভারতকী মহৈরোয়শিংনা ভারত্তা হায়র এজুকেসনগীদমক অফবা এজুকেস্নেল ইন্সতিত্যুসনশিং ফংলি। মসিনা ঐখোয়গী মিদ্দল ক্লাসকীদমক শেলসু তুংশিনবা ঙমহল্লি”, হায়না পি.এম. মোদীনা মখা তাখি।

প্রিমিয়র ইন্দিয়ন ইন্সতিত্যুসনশিং হন্দক হাংদোকপা অসিগী মতাংদা পল্লদুনা প্রধান মন্ত্রীনা নালন্দগীসু চপ মান্ননা আশা তৌরি ফোঙদোকখি।

প্রধান মন্ত্রীনা হায়খি মালেমগী মীৎয়েং অসি ভারতকী নহারোলদা থম্মি। “ভারত  অসি ভগৱান বুদ্ধগী লমদমনি অমসুং মালেমনা দেমোক্রেসীগী মমাগা খুৎশম্ননা চৎপা পাম্মি”, হায়না প্রধান মন্ত্রীনা মখা তারদুনা হায়, “ভারতনা ‘ৱান আর্থ, ৱান ফেমিলী, অমসুং ৱান ফ্যুচর’ হায়বা মতমদা মালেমনা মাগীদমক লেপখি। ভারতনা ‘ৱান সন, ৱান ৱর্ল্দ, ৱান গ্রীদ’ হায়বা মতমদা মসি মালেমগী তুংলমচৎকী লম্বী ওইনা  লৌখি। ভারতনা ৱান আর্থ, ৱান হেল্থ হায়বা মতমদা মালেমনা মসিবু ইকাই খুম্নখি অমসুং মাগী ৱাখল্লোন অদু তরাম্না ওকখি। “নালন্দগী লমদম অসিনা য়ুনিভর্সেল ব্রদরহুদকী ৱাখল্লোনদা অনৌবা মায়োল অমা পীরি। মরম অসিনা নালন্দগী মহৈরোয়শিংগী থৌদাং অসি য়াম্না চাউই”, হায়না পি.এম. মোদীনা ফোঙদোকখি।

নালন্দগী মহৈরোয়শিং অমসুং স্কোলরশিংবু ভারতকী তুংলমচৎনি হায়রদুনা প্রধান মন্ত্রীনা অমৃত কালগী মথংগী চহি 25গী মরু ওইবা অদু থমখি অমসুং মখোয়গা লোয়ননা ‘নালন্দগী মওং-মতৌ’ অমসুং নালন্দগী ভেল্যু অদু পুদুনা চৎনবা হায়খি। মহাক্না মখোয়দা খঙনীংবা পোক্নবা, থৌনা লৈনবা অমসুং পুম্নমক অসিগী মথকতা মখোয়গী লোগোগী পরিং মখাদা পুকচেল চাউবা ওইনবা হায়খি অমসুং মখোয়দা খুন্নাইদা অফবা অহোংবা অমা পুরক্নবা থবক তৌনবা হায়খি।

প্রধান মন্ত্রীনা নালন্দগী লৌশিংনা মীওইবা খুন্নাইদা মাইকৈ তাক্কনি অমসুং নহারোলনা লাক্কদৌরিবা মতমশিংদা মালেম পুম্ববু লমজিংগনি হায়বগী থাজবা ফোঙদোকখি। “ঐহাক্না থাজৈ নালন্দনা মালেমগী য়াইফনবা তৌনবা মরু ওইবা সেন্তর অমা ওইরগনি”, হায়না ফোঙদোক্লদুনা প্রধান মন্ত্রীনা ৱা ঙাংবা লোইশিনখি।

থৌরম অদুদা বিহারগী রাজ্যপাল, শ্রী রাজেন্দ্র অর্লেকর, বিহারগী মুখ্য মন্ত্রী, শ্রী নিতিশ কুমার, কেন্দ্রগী মপাল থৌরম  মন্ত্রী, দা. সুব্রহ্মনিয়ম জয়শঙ্কর, মপাল থৌরমগী কেন্দ্রগী রাজ্য মন্ত্রী, শ্রী পবিত্রা মর্ঘেরিতা, বিহারগী উপ মুখ্য মন্ত্রী, শ্রী বিজয় কুমার সিনহা অমসুং শ্রী সমরত চৌধরী, নালন্দ য়ুনিভর্সিতীগী চাঞ্চেল্লর, প্রোফেসর অর্বিন্দ পনাগরিয়া অমসুং নালন্দ য়ুনিভর্সিতীগী ভাইস চাঞ্চেল্লর, প্রোফেসর অভে কুমারন্না শরুক য়াখি।

বেকগ্রাউন্দ

নালন্দা য়ুনিভর্সিতী কেম্পস অসিদা অপুনবা ফম্ফম 1900. রোম লৈবা কা 40 অমসুং একাদেমিক ব্লোক অনি য়াওরি। মসিদা সিত 300/300 চনবা ওদিওতোরিয়ম অনি য়াওরি। কেম্পস অসিদা মহৈরোয় 550গী মহৈরোয়শিংগী হোস্তেল অমা য়াওরি। কেম্পস অসিদা ইন্তরনেসনেল সেন্তর, মীওই 2000 চনবা এম্পিথিয়েতর, ফেকলতি ক্লব অমসুং শান্নফমশিং য়াওরি।

কেম্পস অসি ‘নেত জিরো’ গ্রিন কেম্পস অমনি। মসিদা সোলার প্লান্ত, থক্নবা ঈশিং শেংদোক্নবা প্লান্ত, অফত্তবা ঈশিং চুমথোক্নবা প্লান্ত, একর 100গী পাৎ অমসুং অতোপ্পা মহৌশাগী অকোয়বগী ফিবমগা চুনবা অতোপ্পা খুদোংচাবা কয়া য়াওরি।

য়ুনিভর্সিতি অসি পুৱারিগা অচেৎপা মরী অমা লৈনরি। নলান্দা য়ুনিভর্সিতি অসি চহি 1600গী মমাঙদা লিংখৎখিবনি। মসি মালেমগী অহানবা রেসিদেন্সিএল য়ুনিভর্সিতিশিংগী মনুংদা য়াওরি হায়না খন্নরি। 2016দা, নলান্দা অসি UN হেরিতেজ সাইত ওইনা লাউথোকখি।

Nalanda is a symbol of India’s academic heritage and vibrant cultural exchange. Speaking at inauguration of the new campus of the Nalanda University in Bihar. https://t.co/vYunWZnh4c

— Narendra Modi (@narendramodi) June 19, 2024

नालंदा उद्घोष है इस सत्य का… कि आग की लपटों में पुस्तकें भलें जल जाएं… लेकिन आग की लपटें ज्ञान को नहीं मिटा सकतीं: PM @narendramodi pic.twitter.com/Hp4two7yNv

— PMO India (@PMOIndia) June 19, 2024

अपने प्राचीन अवशेषों के समीप नालंदा का नवजागरण…

ये नया कैंपस… विश्व को भारत के सामर्थ्य का परिचय देगा: PM @narendramodi pic.twitter.com/qivg3QJz5k

— PMO India (@PMOIndia) June 19, 2024

नालंदा केवल भारत के ही अतीत का पुनर्जागरण नहीं है।

इसमें विश्व के, एशिया के कितने ही देशों की विरासत जुड़ी हुई है: PM @narendramodi pic.twitter.com/s5X8LBbtv6

— PMO India (@PMOIndia) June 19, 2024

आने वाले समय में नालंदा यूनिवर्सिटी, फिर एक बार हमारे cultural exchange का प्रमुख centre बनेगी: PM @narendramodi pic.twitter.com/doJJV84Q4u

— PMO India (@PMOIndia) June 19, 2024

आज पूरा विश्व योग को अपना रहा है, योग दिवस एक वैश्विक उत्सव बन गया है: PM @narendramodi pic.twitter.com/eMhmzhsfjS

— PMO India (@PMOIndia) June 19, 2024

भारत ने सदियों तक sustainability को एक model के रूप में जीकर दिखाया है।

हम प्रगति और पर्यावरण को एक साथ लेकर चले हैं: PM @narendramodi pic.twitter.com/jSPHHO9t4J

— PMO India (@PMOIndia) June 19, 2024

मेरा मिशन है…

– भारत दुनिया के लिए शिक्षा और ज्ञान का केंद्र बने।

– भारत की पहचान फिर से दुनिया के सबसे prominent knowledge centre के रूप में हो: PM @narendramodi pic.twitter.com/EAUMZjL8wx

— PMO India (@PMOIndia) June 19, 2024

हमारा प्रयास है…

भारत में दुनिया का सबसे Comprehensive और Complete Skilling System हो।

भारत में दुनिया का सबसे Advanced research oriented higher education system हो: PM @narendramodi pic.twitter.com/wFv0H1VKpH

— PMO India (@PMOIndia) June 19, 2024

आज पूरी दुनिया की दृष्टि भारत पर है… भारत के युवाओं पर है: PM @narendramodi pic.twitter.com/MUtQk8ygqK

— PMO India (@PMOIndia) June 19, 2024

मुझे विश्वास है… हमारे युवा आने वाले समय में पूरे विश्व को नेतृत्व देंगे।

मुझे विश्वास है… नालंदा global cause का एक महत्वपूर्ण सेंटर बनेगा: PM @narendramodi pic.twitter.com/sErkUkV7nS

— PMO India (@PMOIndia) June 19, 2024

***