ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা সাবরমতী আশ্রমদা চৎখি অমসুং কোচরব আশ্রম শঙ্গাখ্রে অমসুং ঙসি গান্ধী আশ্রম মেমোরিএলগী মাস্তর প্লান হৌদোকখ্রে। প্রধান মন্ত্রীনা মহাত্মা গান্ধীগী মীতমদা হৈকৎ-লৈকৎ তমখি আমসুং হৃদয় কুঞ্জদা চৎখি। মহাক্না একজিবিসনসু কোইনা চৎতুনা য়েংখি অমসুং উ-চারা অমা থাখি।

থৌরম অসিদা ৱা ঙাংলদুনা প্রধান মন্ত্রীনা হায়খি মদুদি সাবরমতী আশ্রম অসিনা লম্বা লৈত্রবা শক্তিগী অচৌবা মফম অমা মতম চুপ্পদা ওইদুনা লাকখি অমসুং ঐখোয় ইশাদা বাপুগী ইথিল অদু ফাওবা ফংই। “সাবরমতী আশ্রমনা বাপুগী অচুম্বা অমসুং অহিম্সা, রাস্ত্রা শেবা অমসুং শোত্থরবশিংগী শেবা তৌববু ঈশ্বরগী শেবা তৌবননি খল্লিবা মমল য়াম্লবা ৱাখল্লোনশিং অদু হিংহন্দুনা থমখি”, হায়না মখোয়না মখা তাখি। প্রধান মন্ত্রনা গান্ধীজীনা সাবরমতীদা হোংদ্রিঙৈ মমাংদা কোচরব আশ্রমদা লৈরিঙৈগী মহাক্কী মতম অদু নীংশিংখি। নৌনা শেমগৎলবা কোচরব আশ্রম অসি ঙসি জাতিদা কত্থোকখ্রে। প্রধান মন্ত্রীনা পুজ্য মহাত্মা গান্ধীদা ইকাই খুম্নবা উৎখি অমসুং ঙসিগী মরু ওইবা অমসুং ইথিল পীনীংঙাই ওইবা প্রোজেক্তশিং অসিগীদমক প্রজাশিংদা নুংঙাইবা ফোঙদোকখি।

ঙসিগী তাং মার্চ 12 অসিদা পুজ্য বাপুনা দান্দী মার্চ হৌদোকখিবা মতমদা ভারতকী নীংতম ইহৌদা তাং অসি সনাগী ময়েক্না হক্তুনা থমলমখি হায়রদুনা প্রধান মন্ত্রীনা হায় মদুদি মসিগী পুৱারী ওইরবা নুমিৎ অসিনা  নীংতম্বা ফংলবা ভারত্তা অনৌবা চহিচা অমগী অহৌবগী শাখি ওই। লৈবাক অসিনা মার্চ 12 মক্তদা সাবরমতী আশ্রমদগী আজাদী কা অমৃত মহোৎসব হৌদোকখি ফোঙদোক্লদুনা পি.এম. মোদীনা হায় মদুদি ইভেন্ত অসিনা লম অসিনা কত্থোকখিবশিংবু নীংশিংহনবদা মরু ওইবা থৌদাং অমা লৌখি। “অমৃত মহোৎসবনা অমৃত কালদা চংনবা ভারতকীদমক গেৎৱে অমা শেমখি” হায়না প্রধান মন্ত্রীনা ফোঙদোকখি, মহাক্না হায় মসিনা ভারতকী নীংতম্বগী মতমদা উবা ফংখিবা অদুগা মান্নবা মওংদা মসিনা প্রজাশিংগী মরক্তা অপুনবগী ওইবা ইহুল অমা পোকহনখি। মহাক্না মহাত্মা গান্ধীগী ৱাখল্লোনশিং অমসুং থাজবা অসিনা পীখিবা ইথোল অমসুং অমৃত মহোৎসবকী স্কোপ অদু থমখি। “আজাদী কা  অমৃত কালগী থৌরম মনুংদা মীওই করোর অহুম হেনবনা পঞ্চ প্রনগী ৱাশক লৌখি”, হায়না পি.এম.না ফোঙদোকখি। মহাক্না উ-চারা করোর 2 হেন্না থাখিবা অমৃত বাতিকা লাখ 2 হেন্না শেমগৎখিবা, ঈশিং য়োকশিন্নবা অমৃত সরোভর 70,000 হেন্না শেমখিবা, লৈবাক্কীদমক কত্থোকপগী খুদম ওইখিবা হর ঘর তিরঙ্গা কেম্পেন, অমসুং নীংতম লান্মীশিংদা প্রজাশিংনা ইকাই খুম্নবা উৎখিবা মেরি মাতী মেরা দেশ কেম্পেনগী মতাংদা পাউদমখি। প্রধান মন্ত্রীনা সাবরমতী আশ্রম অসি ভিকসিৎ ভারতকী ফিরেপকী তীর্থ য়াত্রা ওইহন্নবা অমৃত কাল মনুংদা প্রোজেক্ত লাখ 2 হেন্না উরেপ-উয়ুং তমখি হায়নসু ফোঙদোকখি।

প্রধান মন্ত্রীনা হায়খি, “মশাগী হেরিতেজ ঙাকশেনবা ঙমদবা লৈবাক অদুনা মাগী তুংলমচৎসু মাংখিগনি। বাপুগী সাবরমতী আশ্রম অসি শুপ্নগী লৈবাক খক্তগী নত্তনা মীওইবা জাতিগী হেরিতেজনি”। মমল নাইদ্রবা হেরিতেজ অসি মতম শাংনা নাথৈদুনা থমলমখিবা অদু নীংশিংলদুনা প্রধান মন্ত্রীনা আশ্রমগী মফম অসি একর 120দগী একর 5দা পীকশিনখিবা অদুসু পনখি অমসুং হায় মদুদি বিল্দিং 63গী মনুংদা বিল্দিং 36 খক্তা লৈরি লোয়ননা ভিজিতরশিংগীদমক বিল্দিং 3 খক্তা হাংলি। মহাক্না হায় নীংতম ইহৌদা মসিগী মরু ওইবা অদু য়েংলগা আশ্রম অসি ঙাকশেন্দুনা থম্বগী থৌদাং ভারত মচা করোর 140গীনি।

প্রধান মন্ত্রীনা আশ্রমগী লম একর 55 অমুক হন্না লৌশিনবদা আশ্রমদা লৈরিবা মীওইশিংনা মতেং পাংখিববু থাগৎখি। মহাক্না আশ্রম অসিগী বিল্দিং পুম্নমক মখোয়গী তশেংবা মওংদা ঙাকশেন্দুনা থম্বগী অপাম্বা ফোঙদোকখি।

প্রধান মন্ত্রীনা ৱিলপাৱরগী অৱাৎপা, লোইলমগী ৱাখল্লোন অমসুং অসিগুম্বা মোন্যুমেন্তশিং মতম শাংনা নাথৈদুনা থম্নবা থেমজিনবা অসিদা মরাল শীখি। মহাক্না মীয়াম্না মতেং পাংদুনা প্রোজেক্তকীদমক লম একর 12 পীদুনা ভক্তাশিংগীদমক ফেসিলিতীশিং শেমগৎতুনা তীর্থ য়াত্রা চৎপা মীওই করোর 12 থুংহনখিবা কাশী বিশ্বানাথ ধাম অসি খুদম ওইনা পীখি। মতৌ অসুম্না অয়োধ্যাদা শ্রী রাম জনমভুমি পাকথোক চাউথোকহন্নবা লম একর 200 পীখি। মফম অসিদসু হৌখিবা নুমিৎ 50 খক্তদা দর্শন তৌনবা ভক্তা করোর অমা হেন্না থুংলখি।

পি.এম.মোদীনা হায়খি মদুদি গুজরাতনা লৈবাক পুম্বগীদমক হেরিতেজ য়োকখৎণবা লম্বী উৎখি। মহাক্না সরদার পতেলগী লুচিং মখাদা সোমনাথ নৌনা শেমগৎ-শাগৎখিবা অদু পুৱারী ওইরবা ইভেন্ত অমনি হায়খি। চম্পানের অমসুং ধোলাবীরা, লোথল, গিরনার, পাৱাগর, মোধেরা অমসুং অম্বাজীগা লোয়ননা অহমদাবাদ অসি ৱর্ল্দ হেরিরেজ সিতী ওইহনখিবা অসিবু অতৈ ঙাকশেনবগী খুদমশিংনি হায়না মহাক্না ফোঙদোকখি।

ভারতকী নীংতম ইহৌগা মরী লৈনবা হেরিতেজ হান্নগী ফীভমদা হঞ্জিনহন্নবা চাউখৎ থৌরাংগী কেম্পেনগী মতাংদা পল্লদুনা প্রধান মন্ত্রীনা রাজপথপু কর্তব্য পথ ওইনা নৌনা শেমগৎখিবা অমসুং নেতাজী সুভাশ চন্দ্র বোসকী মীতম খিনখিবা, অন্দমান অমসুং নিকোবর ঈথৎশিংদা লৈরিবা নীংতম্বগা মরী লৈনবা মফমশিং শেমগৎপা, বি.আর. অম্বেদকরগা মরী লৈনবা মফমশিং ‘পঞ্চ তীর্থ’ ওইনা শেমগৎপা, এক্তানগরদা স্তেচু ওফ য়ুনিতী মাইখুম হাংদোকখিবা অমসুং দান্দীদা অওনবা পুরকখিবা অসিগী মতাংদা পনখি। পি.এম. মোদীনা সাবরমতী আশ্রম হান্নগুম্না শেমজিনবা অসি মাইকৈ অসিদা মরু ওইবা খোঙথাং অমনি হায়খি।

“তুংগী মীরোলশিং অমসুং সাবরমতী আশ্রমদা চৎলিবা মীওইশিংনা চর্খা অমসুং মাগী তৌবা ঙম্বশিং অদুদগী অওনবা অমা পুরক্নবগী শক্তিগী ইথিল ফংগনি। বাপুনা চহিচা কয়া মীখা পোনবনা মরম ওইদুনা নীংহন্নবা পোকলম্বা লৈবাক অমদা আশা অমসুং থাজবা পোকহনখি”, হায়না মহাক্না ফোঙদোকখি। “বাপুগী বিজন্না ভারতকী অফবা তুংলমচৎকী ময়েক শেংবা মাইকৈ অমা উৎলি” হায়রদুনা প্রধান মন্ত্রীনা হায় মদুদি সরকারনা খুঙ্গংগী লায়রবগী য়াইফনবা মরু ওইবা মীৎয়েং চংলি অমসুং মহাত্মা গান্ধৌনা পীরম্বা আত্মনির্ভর অমসুং স্বাদেশিগী ৱাখল্লোন তুং ইল্লিবা আত্মনির্ভর ভারত কেম্পেন চত্থরি। প্রধান মন্ত্রীনা মহৌশাগী লৌউ-পথাপকী মতাংদসু পনখি অমসুং হায় মদুদি গুজরাতকী লৌমীগী ইমুং লাখ 9না য়ুরিয়া মেত্রিক তন লাখ 3 শিজিন্নবদা হন্থহনবা ঙমখিবা মহৌশাগী লৌউ-পথাপ পাইখৎখি। প্রধান মন্ত্রীনা মতমগা চুনবা মওংদা ইপা-ইপুশিংনা থম্বীরম্বা ৱাখল্লোনশিংগী খুত্থাংদা হীংনবা অমসুং খুঙ্গংগী লায়রবগী হিংনবগী লম্বী অমসুং আত্মনির্ভর কেম্পেনদা মীৎয়েং চংনবা খাদী শিজিন্নবদা শাহৌ পীনবা হায়খি।

খুঙ্গংশিং শক্তি পীনবগী মতাংদা পল্লদুনা প্রধান মন্ত্রীনা হায় মদুদি বাপুগী গ্রাম স্বারাজকী বিজন অসি হিংগৎলক্লি। মহাক্না নুপীশিংগী থৌদাং হেনগৎলকপগী মতাংদা পল্লদুনা হায়, “সেল্ফ-হেল্প গ্রুপশিং ওইরবসু লাখপতি দিদি করোর অমা হেন্না, নুপীশিংনা দ্রোন পাইলোৎ ওইনবা শেম শাখি, মসিগী অহোংবা অসিনা শক্তি লৈবা ভারতকী খুদম ওইরি অমসুং মসিনা ওল-ইনক্লুসিব ইন্দিয়া অমগী শক্তমসু উৎলি”।

প্রধান মন্ত্রীনা সরকারগী খোঙথাংশিংনা মরম ওইদুনা হৌখিবা চহি 10দা মীওই করোর 25 লায়রদগী থোরকপা ঙমহনখি হায়খি। মহাক্না স্পেস সেক্তরদা হন্দক্তা ভারতকী মাইপাকখিবশিংসু পনখি। “ঙসি, ভারতনা চাউখৎনবগী ফিরেপকা লোয়ননা মাংদা চংশিনবা মতমদা মহাত্মা গান্ধীগী খুবমনা ঐখোয় পুম্নমক্কী অচৌবা ইথিল ওইখি। মরম অসিনা সাবরমতী আশ্রম আমসুং কোচরব আশ্রম শেমগৎপা অসি শুপ্নগী পুৱারীগী মফমশিং শেমগৎপা খক্তা নত্তে। মসিনা ফিরেপ অসিদা ঐখোয়গী থাজবা অমসুং ভিকসিৎ ভারত অমগী ইথিল অদুসু মপাঙ্গল কনখৎহনখি”, হায়না প্রধান মন্ত্রীনা ফোঙদোকখি। মহাক্না বাপুগী ৱাখল্লোনশিং অমসুং মহাক্কা মরী লৈনবা ইথিলগী হৌরকফম ওইরিবা মফমশিং অসিনা ঐখোয়গী লৈবাক শেমগৎপগী খোঙচৎতা ঐখোয়বু মখা তানা লমজিংখিগনি হায়বগী থাজবা ফোঙদোকখি।

প্রধান মন্ত্রীনা গুজরাত সরকার অমসুং অহমদাবাদ ম্যুনিসিপাল কোর্পোরেসনদা অহমদাবাদ অসি হেরিতেজ সিতী ওইবনা গাইদশিংগীদমক কম্পিতিসন অমা তৌনবা অমসুং স্কুলশিংনা সাবরমতী আশ্রমদা নুমিৎ খুদিং য়ামদ্রবদা অঙাং 1000 পুনবা অমসুং মফম অসিদা মতম লেন্নবা হায়খি। “মসিনা ঐখোয়বু অহেনবা বজেৎকী মথৌ তাবা য়াওহনদনা মীকুপ খরা নুংঙাইনা লৈহনবা ঙমহনগনি”। ৱারোল পীবা লোইশিনবদা প্রধান মন্ত্রীনা অনৌবা ৱাখল্লোন অমা পুথোকপনা লৈবাক শেমগৎপগী খোঙচৎতা শক্তি পীরগনি হায়না ফোঙদোকখি।

থৌরম অসিদা গুজরাতকী রাজ্যপাল, শ্রী অচার্য়া দেবরত অমসুং গুজরাতকী মুখ্য মন্ত্রী, শ্রী ভুপেন্দ্র পতেলনা শরুক য়াখি।

বেকগ্রাউন্দ

প্রধান মন্ত্রীনা নৌনা শেমগৎলবা কোচ্রব আশ্রম শঙ্গাখ্রে‍। মসি মহাত্মা গান্ধীনা 1915দা খা অফ্রিকাদগী ভারত্তা হল্লক্লবা মতুংদা লিংখৎখিবা অহানবা আশ্রমনি। মসি হৌজিক্সু গুজরাত বিদ্যাপীথনা নীংশিং খুভম অমসুং লমকোয়বশিংগী মফম অমা ওইনা ঙাক শেন্দুনা থম্লি‍। প্রধান মন্ত্রীনা গান্ধী আশ্রম মেমোরিএলগী মাস্তর প্লানসু হৌদোক্কনি‍।

মহাত্মা গান্ধীনা লেপ্লম্বা ফিদমশিং ঙাক্না চৎপা অমদি লুনা নিংবা অমসুং মহাক্কী ফিদমশিং উত্তুনা মীয়ামগা হেন্না নকশিন্নগদব মফমশিং শেমগৎপা অসি প্রধান মন্ত্রীনা লেপ্পা নাইদনা পায়খৎলিবা থৌদাং অমনি‍। থাংজিল্লিবা খোঙথাং অসিগী থৌরাং অমা ওইনা, গান্ধী আশ্রম মেমোরিএল প্রোজেক্তনা মহাত্মা গান্ধীনা তাকপিরম্বা অমসুং মহাক্কী ৱাঙুলোনবু হৌজিক্কী অমসুং তুংগী মীরোলশিংগী মফমদা নৌনা মতিং হাপ্পদা মতেঙ ওইগনি‍। মার্তরপ্লান অসিগী মখাদা, হৌজিক লৈরিবা একর মঙাগী আশ্রম অসি একর 55দা হেনগৎহনগনি‍, হান্না লৈরম্বা বিল্দিং 36 নৌনা শেমজিনগনি, মখোয়গী মনুংদা, গান্ধীগী ময়ুম ওইরম্বা ‘হ্রীদয় কুঞ্জ’ য়াওনা বিল্দিং 20দি কঞ্জর্ব তৌগনি, 13না নৌনা শেমজিনগনি, অমসুং 3না পুম্নৌ নৌনা হান্নগী ফীভমদা শাগৎকনি‍।

মাস্তরপ্লান অসিদা এদমিনিস্ত্রেতিব ফেসিলিতীশিং, ওরিএন্তেসন সেন্তরগুম্বা লাক্লিবশিংগী ফেসিলিতীশিং, তরেং চাকপা, খুৎনা চে শাবা, লশিংগী ফি শাবা অমসুং শউনগী পোত্থোকশিং শাবগী ইন্তরেক্তিব ৱর্কস,পশিং অমসুং পব্লিক য়ুতিলিতীশিং থম্নবা বিল্দিংশিং য়াওরি‍। বিল্দিং অসিদা গান্ধীজীঈগী পুন্সিগী মশকশিং লোয়ননা আশ্রম অসিগী লিগেসী উৎননবা ইন্তরেক্তিব একজিবিতশিং অমসুং থবক থৌওংশিং য়াওগনি‍।

মাস্তরপ্লান অসিনা গান্ধীজীগী ৱাখল্লোনশিং মাঙহন্দনা থম্নবা, ঙাক শেন্নবা অমসুং শন্দোক্নবা লাইব্রেরী অমসুং অর্কাইব বিল্দিংশিং শেমগৎপগী থবকশিংসু কোনশিল্লি‍। মসিনা মফমসিদা লাক্লিবা স্কোলারশিংবু আশ্রমসিগী লাইব্রেরী অমসুং অর্কাইবশিং শীজিন্নবা ফেসিলিতীশিংসু শেমগৎকনি‍। প্রোজেক্ত অসিনা খেন্নবা থাজবশিংগা লোয়ননা মফমসিদা লাক্লিবা মীওইশিংবু তোঙান তোঙানবা লোলদা লমজিংদুনা মখোয়গী এক্সপিরিএন্সপু কলচরেল্লী অমসুং ইন্তেলেকচুএল্লী হেন্না মতিং লৈহনগদবা ইন্তরপ্রিতেসন সেন্তর অমা শেমগৎপসু য়াহনগনি‍।

মেমোরিএল অসিনা তুংগী মীরোলশিংগী পুক্নিং থৌগৎনফম অমা ওইদুনা, গান্ধিগী ৱাখল্লোনশিং মখোঙ শোমগনি অমসুং ত্রস্তীসিপকী কাঙলোন্দা পায়খৎপা থৌওং অমগী খুত্থাঙদা গান্ধিয়ন ভেল্যুশিংবু হিংহন্দুনা থমগনি‍।

Bapu’s ideals are our guiding light. The inauguration of the revamped Kochrab Ashram and launch of the Gandhi Ashram Memorial Master Plan will further his vision and inspire every Indian for generations to come.https://t.co/FH1HveI0Xg

— Narendra Modi (@narendramodi) March 12, 2024

जो देश अपनी विरासत नहीं संजो पाता, वो देश अपना भविष्य भी खो देता है।

बापू का ये साबरमती आश्रम, देश की ऐतिहासिक धरोहर है: PM @narendramodi pic.twitter.com/BbUXdHgPeQ

— PMO India (@PMOIndia) March 12, 2024

सदियों की गुलामी के कारण जो देश हताशा का शिकार हो रहा था, उसमें बापू ने आशा भरी थी, विश्वास भरा था: PM @narendramodi pic.twitter.com/ShtuMgtQsB

— PMO India (@PMOIndia) March 12, 2024

महात्मा गांधी जी की ये तपोस्थली हम सभी के लिए बहुत बड़ी प्रेरणा है। pic.twitter.com/QsLSOE2Yw8

— PMO India (@PMOIndia) March 12, 2024

***