পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত আজি কেন্দ্ৰীয় কেবিনেটে সংসদত গোৱা বিধানসভা সমষ্টিসমূহত অনুসূচিত জনজাতি প্ৰতিনিধিত্বৰ পুনঃসামঞ্জস্য বিধেয়ক, ২০২৪ উত্থাপন কৰাৰ বাবে আইন আৰু ন্যায় মন্ত্ৰালয়ৰ প্ৰস্তাৱত অনুমোদন জনায়।

গোৱাত অনুসূচিত জনজাতিসকলৰ সাংবিধানিক অধিকাৰ ৰক্ষা কৰিবলৈ এনে আইন প্ৰণয়ন কৰাটো অতি গুৰুত্বপূৰ্ণ যিয়ে নিৰ্বাচন আয়োগক সংসদীয় আৰু বিধানসভা সমষ্টিৰ সীমা নিৰ্ধাৰণৰ আদেশ, ২০০৮ সংশোধন কৰিবলৈ ক্ষমতা প্ৰদান কৰে। ইয়াৰ ফলত গোৱাৰ বিধানসভাৰ আসন পুনৰ সামঞ্জস্য ৰক্ষা কৰি ৰাজ্যখনৰ অনুসূচিত জনজাতিসকলৰ বাবে পৰ্যাপ্ত প্ৰতিনিধিত্ব নিশ্চিত কৰিব পৰা যাব।

প্ৰস্তাৱিত বিধেয়কখনৰ উল্লেখযোগ্য বৈশিষ্ট্যসমূহ হ’ল-

(i) ইয়াৰ দ্বাৰা ২০০১ চনৰ লোকপিয়ল প্ৰকাশৰ পিছত অনুসূচিত জনজাতি হিচাপে ঘোষণা কৰা জনজাতিসমূহৰ জনসংখ্যাৰ পৰিসংখ্যাৰ প্ৰতি লক্ষ্য ৰাখি গোৱা ৰাজ্যৰ অনুসূচিত জনজাতিসমূহৰ জনসংখ্যা নিৰ্ণয় আৰু নিৰ্ণয়ৰ বাবে লোকপিয়ল আয়ুক্তক ক্ষমতা প্ৰদান কৰা হয়। লোকপিয়ল আয়ুক্তই ভাৰতৰ গেজেটত নিৰ্ধাৰিত জনসংখ্যাৰ পৰিসংখ্যা অৱগত কৰিব, আৰু এই পৰিসংখ্যাক পূৰ্বতে প্ৰকাশিত যিকোনো তথ্যক অতিক্ৰম কৰি চূড়ান্ত বুলি গণ্য কৰা হ’ব। সংবিধানৰ ৩৩২ নং অনুচ্ছেদৰ দ্বাৰা নিৰ্দেশিত অনুসূচিত জনজাতিসকলৰ বাবে আনুপাতিক প্ৰতিনিধিত্ব নিশ্চিত কৰাৰ বাবে এইটো অতি গুৰুত্বপূৰ্ণ;

(ii) ইয়াৰ দ্বাৰা নিৰ্বাচন আয়োগক সংসদীয় আৰু বিধানসভা সমষ্টিৰ সীমা নিৰ্ধাৰণৰ আদেশ, ২০০৮ৰ সংশোধনীৰ ক্ষমতা প্ৰদান কৰা হৈছে।এই সংশোধনীসমূহৰ লক্ষ্য হৈছে প্ৰয়োজন অনুসৰি সমষ্টিসমূহৰ সীমা সালসলনি কৰি গোৱাৰ বিধানসভাত অনুসূচিত জনজাতিসকলৰ বাবে পৰ্যাপ্ত প্ৰতিনিধিত্ব নিশ্চিত কৰা।;

(iii) নিৰ্বাচন আয়োগে সংবিধানৰ ১৭০ আৰু ৩৩২ নং অনুচ্ছেদৰ বিধান অনুসৰি আৰু সীমা নিৰ্ধাৰণ আইন, ২০০২ৰ ৮ নং ধাৰা অনুসৰি অনুসূচিত জনজাতিৰ নবীকৃত জনসংখ্যাৰ পৰিসংখ্যা বিবেচনা কৰি সেই অনুসৰি বিধানসভা সমষ্টিসমূহৰ সংশোধন কৰিব;

(iv) বিধানসভা সমষ্টিসমূহ পুনৰ্গঠন কৰাৰ উদ্দেশ্যে ভাৰতৰ নিৰ্বাচন আয়োগে নিজাকৈ পদ্ধতি সাজু কৰিব আৰু দেৱানী আদালতৰ দৰে কিছুমান ক্ষমতা লাভ কৰিব;

(v) ইয়াৰ উপৰিও ভাৰতীয় নিৰ্বাচন আয়োগক সীমা নিৰ্ধাৰণৰ আদেশত কৰা সংশোধনী আৰু ইয়াৰ কাৰ্যকৰীকৰণৰ তাৰিখসমূহ ৰাজপত্ৰিত নথিৰ ৰূপত প্ৰকাশ কৰাৰ কৰ্তৃত্ব প্ৰদান কৰে। কিন্তু সংশোধিত সীমা নিৰ্ধাৰণৰ আদেশে বৰ্তমানৰ বিধানসভা ভংগ নোহোৱালৈকে ইয়াৰ গঠন সলনি নকৰে;

(vi) প্ৰস্তাৱিত বিধেয়কখনে নিৰ্বাচন আয়োগক প্ৰয়োজন সাপেক্ষে সীমা নিৰ্ধাৰণ আদেশত থকা যিকোনো ভুল শুধৰণি কৰাৰ কৰ্তৃত্বও প্ৰদান কৰিছে।

***

DS