ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা ঝারখন্দগী ধনবাদতা লুপা করোর ৩৫,৭০০ রোমগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে অমসুং লৈবাক মীয়ামদা কৎথোকখ্রে। চাউখৎ-থৌরাংগী প্রোজেকশিংগী মনুংদা হার, পৱার অমসুং কোয়লাগী সেক্তরশিং য়াওরি। শ্রী মোদীনা ঐচ.য়ু.আর.এল মোদেল য়েংখি অমসুং সিন্দরি প্লান্ত কন্ত্রোল রুম য়েংখি।

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি ঙসি ঝারখন্দদা লুপা করোর ৩৫,৭০০ রোমগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে অমসুং লৈবাক মীয়ামদা কৎথোকখ্রে অমসুং মসিগীদমক রাজ্য অসিগী লৌমীশিং, ত্রাইবেলশিং অমসুং মীয়ামদা হরাওবা ফোঙদোকচরি।

প্রধান মন্ত্রীনা হায়খি সিন্দরি ফর্তিলাইজর প্লান্ত থবক হৌনবা মহাক্না থাজবা পীখি। মসি মোদীগী গরেন্তিনি অমসুং ঙসি মসিগী গরেন্তি অসি থবক ওইনা পাংথোক্লে। প্রধান মন্ত্রীনা ফর্তিলাইজর প্লান্ত অসি ২০১৮দা উরেপ-উয়ুং তমখি। মহাক্না হায়খি প্লান্ত অসি থবক হৌবদগী মফম অসিগী নহারোলশিং থবক ফংলগনি। ঙসিগী থবকশিং অসি অত্মানির্ভর ভারতকী খোঙচত্তা য়াম্না মরুওইবনি। চহি খুদিংগী ভারতনা য়ুরিয়া মেত্রিক তন লাখ ৩৬০ দরকার ওই অমসুং ২০১৪দা ভারতনা য়ুরিয়া মেত্রিক তন ২২৫ খক পুথোকখি। অৱাৎপশিং মেনখৎনবা মপান্দগী য়াম্লবা য়ুরিয়া পুশিল্লকখি। ঐখোয়গী সরকারনা পায়খৎলিবা থবকশিংনা মরম ওইদুনা, হৌখিবা চহি ১০দা, য়ুরিয়া পুথোকপা হেনগৎলক্তুনা মেত্রিক তন লাখ ৩১০ য়ৌরে। রমাগুন্দাম, গোরাখপুর অমসুং বরাউনি ফর্তিলাইজর প্লান্তশিং অমুক হিঙ্গৎহল্লে। মথং চহিদগী তালচর ফর্তিলাইজর প্লান্ত থবক হৌরগনি। হায়রিবা প্লান্ত অদু মহাক্না লৈবাক মীয়ামদা কৎথোক্কনি। প্লান্ত ৫ অসিনা য়ুরিয়া মেত্রিক তন লাখ ৬০ পুথোক্তুনা মরুওইবা হিরম অসিদা ভরতনা অত্মানির্ভরতা ওইরক্লগনি।

প্রধান মন্ত্রীনা হায়খি অনৌবা রেল লাইনশিং হৌদোক্তুনা, হৌজিক লৈরিবা লাইনশিং দবল ওইহন্দুনা অমসুং অতোপ্পা রেলৱে প্রোজেকশিং হৌদোক্তুনা ঙসিগী থৌরমশিং অসি ঝারখন্দা রেলৱেগী অওনবা পুরকপগী অনৌবা পন্দুব অমা হাংদোক্লে। ধনবাদ-চন্দ্রাপুরা রেল লাইন্না লমদম অসিদা অনৌবা শক্তম অমা উরগনি অমসুং দিওঘর-দিব্রুগর ত্রেন সর্বিসনা বাবা বাইদ্যনাথ লাইশঙ অমসুং মা কমাখ্যা শক্তি পীথ শেম্নরগনি। মহাক্না বরানাসীদা বরানাসী-কোলকাতা-রাঞ্চী এক্সপ্রেসৱেগী উরেপ-উয়ুং তমখ্রে অমসুং মসিনা চাত্রা, হাজারিবাগ, রামগর অমসুং বোকারোগুম্বা মফমশিং চৎথোক-চৎশিন নুংঙাইহল্লগনি অমসুং ঝারখন্দ শীনবা থুংনা চৎপদা চঙবা মতম হন্থহল্লগনি অমসুং নোংপোক ভারত শীনবা থুংনা ফ্রেদকী চৎথোক-চৎশিন হেনগৎহল্লগনি। হায়রিবা প্রোজেকশিং অসিনা রাজ্য অসিগী লম্বী-থোং অমসুং শেন-থুমগী ফিবম ফগৎহনগনি।

প্রধান মন্ত্রীনা হায়খি ত্রাইবেল ফুরুপ, লায়রবা, নহারোল অমসুং নুপীশিং য়াইফনা হৌখিবা চহি ১০ অসিদা সরকারনা ঝারখন্দগীদমক থবক পায়খৎলে। ২০৪৭ দা ভারত চাউখৎলবা লৈবাক অমা ওইহন্নবা পান্দম থম্লি। ঙসি ভারত মালেমদা খ্বাইদগী য়াংনা চাউখৎলক্লিবা ইকোনোমি অমা ওইরে অমসুং খ্বাইদগী নৌবা ক্বাতরগী ইকোনোমিক স্তেতিস্তিক্স ঙরাং ফোঙখ্রে।

মহাক্না হায়খি ওক্তোবর-দিশেম্বর ২০২৩গী ফাইনান্সিএল ক্বাতর মনুংদা চাদা ৮.৪ গ্রোথ লৈখিবা অসিনা ভারতনা চাউখৎলকপা ঙম্বগী শক্তি অদু উৎলে অমসুং বিকসিত ভারতকী পান্দম ফংনবা মাইকৈদা য়াংনা চাউখৎলক্লি। বিকসিত ভারত শেম্নবগীদম বিকসিত ঝারখন্দ ওইহনবা য়াম্না মরুওই। রাজ্য অসি চাউখৎলবা রাজ্য অমা ওইহন্নবা হিরম খুদিংমক্তা সরকারনা থবক পায়খৎলে। ভগবান বিরসা মুন্দ্রগী লমদম অসি বিকসিত ভারতকী ৱারেপশিংগী থৌনাগী হৌরকফম অমা ওইরগনি।

মহাক্না হায়খি মঙলানশিং অমসুং ৱারেপশিং মখা তানা মপাঙ্গল কনখৎহনগনি অমসুং ঝারখন্দগী মীয়ামদা য়াইফ-পাউজেল পীজরি।

থৌরম অদুদা শরুক য়াখিবশিংগী মনুংদা ঝারখন্দগী রাজ্যপাল শ্রী সি.পি রাধাকৃষ্ণন, ঝারখন্দগী চীফ মিনিস্তর শ্রী চমপাই সোরেন অমসুং য়ুনিয়ন মিনিস্তর শ্রী অর্জুন মুন্দা য়াওখি।

নুঙগীৱারোল

প্রধান মন্ত্রীনা লৈবাক মীয়ামদা হিন্দুস্থান উরবরাক এন্দ রয়ায়ন লিমিতেদ(হুরল) সিন্দরি ফর্তিলাইজর প্লান্ত লৈবাক মীয়ামদা কৎথোকখ্রে। লুপা করোর ৮৯০০ হেন্না চঙনা শেমগৎপা ফর্তিলাইজর প্লান্ত অসি মশাগী ওক্নবা য়ুরিয়া পুথোক্নবা মাইকৈদা থাংজিনবা খোঙথাং অমনি। মসিনা লৈবাক অসিদা মশানা চহি অমদা ১২.৭ এল.এম.তি হাপচিন্দুনা লৈবাক অসিগী লৌমীশিংদা কান্নবা পীগনি। লৈবাক অসিদা অমুক হিঙ্গৎহনগদবা মরিশুবা ফর্তিলাইজর প্লান্তনি, গোরাখপুর অমসুং রমাগুন্দমদা ফর্তিলাইজর প্লান্তশিং হিঙ্গৎহল্লবা মতুংদা, প্রধান মন্ত্রীনা দিশেম্বর ২০২১ অমসুং নবেম্বর ২০২২দা লৈবাক মীয়ামদা কৎথোকখি।

প্রধান মন্ত্রীনা ঝারখন্দা লুপা করোর ১৭,৬০০ হেনবগী তোঙান-তোঙানবা রেল প্রোজেকশিং শঙ্গাখি, মীয়ামদা কৎথোকখি অমসুং উরেপ-উয়ুং তমখি। প্রোজেকশিংগী মনুংদা সোনে নগর-অন্দাল শম্নবা ৩শুবা অমসুং ৪শুবা লাইন; তোরি-সিবপুর অহানবা অমসুং অনিশুবা অমসুং বিরাতোলি-সিবপুর অহুমশুবা রেলৱে লাই(তোরি-সিবপুর প্রোজেক্কি শরুক );মোহনপুর-হান্সদিহা অনৌবা রেল লাইন; ধনবাদ-চন্দ্রপুরা রেল লাইন অমসুং অতোপ্পশিং য়াওরি। থৌরম অসিদা প্রধান মন্ত্রীনা অনৌবা ত্রেন অহুম লমথাগনি। মসিগী মনুংদা দিওঘর-দিব্রুগর ত্রেন সর্বিস, তাতানগর অমসুং বদামপাহারগী মরক্তা মেমু ত্রেন সর্বসি(নুমিৎ খুদিংগী) অমসুং সিবপুর স্তেসন্দগী লোং-হোল ফ্রেদ ত্রেন য়াওরি।

প্রধান মন্ত্রীনা ঝারখন্দা মরুওইবা পৱার প্রোজেকশিং লৈবাক মীয়ামদা কৎথোকখি, প্রোজেকশিংগী মনুংদা চাত্রাদা নোর্থ করানপুরা সুপর থর্মেল পৱার প্রোজেক(এস তি পি পি)গী য়ুনিত ১(মেগাৱাত ৬৬০) য়াওরি। লুপা করোর ৭৫০০ হেন্না চঙনা শেমগৎপা প্রোজেক অসিনা লমদম অসিদা মৈ ফংবা হেনগৎহনগনি। মসিদা রাজ্য অসিদা থবক ফংবা হেনগৎহনগনি অমসুং খুন্নাই অমসুং শে-থুমগী ফিবম চাউখৎহনগনি। প্রধান মন্ত্রীনা ঝারখন্দা কোয়লা সেক্তরগা মরী লৈনবা প্রোজেকশিং লৈবাক মীয়ামদা কৎথোকখি।

From Sindri, projects relating to fertiliser, rail and power sectors are being launched. These will strengthen Jharkhand’s progress and strengthen the state’s economy. https://t.co/RJFZpWmQ6S

— Narendra Modi (@narendramodi) March 1, 2024

आज सिंदरी उर्वरक कारखाने का लोकार्पण किया गया है।

मैंने संकल्प लिया था कि सिंदरी के इस खाद कारखाने को जरूर शुरू करवाउंगा।

ये मोदी की गारंटी थी और आज ये गारंटी पूरी हुई है: PM @narendramodi pic.twitter.com/V7u9mdDj2n

— PMO India (@PMOIndia) March 1, 2024

भारत तेजी से यूरिया के मामले में आत्मनिर्भर होने की तरफ बढ़ रहा है। pic.twitter.com/YLI1RM0pLa

— PMO India (@PMOIndia) March 1, 2024

आज भारत दुनिया की सबसे तेजी से आगे बढ़ती अर्थव्यवस्था वाले देशों में है: PM @narendramodi pic.twitter.com/AnpAhN8Lc4

— PMO India (@PMOIndia) March 1, 2024

***