ভারতকী প্রধানমন্ত্রী

প্রধান মন্ত্রী ফেব্রুৱারি ২২ অমসুং ফেব্রুৱারি ২৩,২০২৪ দা গুজরাত অমসুং উত্তর প্রদেসতা চৎকনি।

ফেব্রুৱারি ২২,২০২৪গী অয়ুক পুং ১০:৪৫ রোম তাবদা, অহমেদবাত্তা, প্রধান মন্ত্রীনা গুজরাত কোওপরেতিপ মিল্ক মার্কেত্তিং ফেদেরেসন(সি জি এম এম এফ)গী সনা ফুদোংবা থৌরম শরুক য়াগনি। নুমিৎ য়ুংবা পুং ১২:৪৫ রোম তাবদা, প্রধান মন্ত্রী মহেসনাদা থুংগনি অমসুং বালিনাথ মহাদেব লাইশঙদা পুজা অমসুং দর্শন পাংথোক্কনি। নুংথিলগী পুং ১ রোম তাবদা, প্রধান মন্ত্রীনা তরাভ মহেসনাদা মীয়ামগী থৌরম অমা শরুক য়াগনি, মফম অদুদা মহাক্না করোর ৮,৩৫০ হেনবগী তোঙান-তোঙানবা চাউখৎ-থৌরাংগী প্রোজেকশিং মীয়ামদা কৎথোক্কনি অমসুং উরেপ-উয়ুং তমগনি। নুংথিলগী পুং ৪:১৫ রোম তাবদা প্রধান মন্ত্রী নাবসারিদা থুংগনি, মফম অদুদা মহাক্না লুপা করোর ১৭,৫০০ হেনবগী তোঙান-তোঙানবা চাউখৎ-থৌরাংগী প্রোজেকশিং মীয়ামদা কৎথোক্কনি, উরেপ-উয়ুং তমগনি অমসুং থবক শুবা হৌদোক্কনি। নুংথিলগী পুং ৬:১৫ রোম তাবদা, প্রধান মন্ত্রী কাক্রাপার এতোমিক পৱার স্তেসন্দা চৎকনি অমসুং মীয়ামদা অনৌবা প্রেসরাইজ হেভি ৱাতর রিয়েক্তর(পি ঐচ দব্লিউ আর) অনি মীয়ামদা কৎথোক্কনি।

ফেব্রুৱারি ২৩দা প্রধান মন্ত্রী বরানাসীগী বি.ঐচ.য়ুদা শ্বাতন্ত্রতা সভাগরদা সংসদ সংস্কৃত প্রতিয়োগিতাগী মাইপাক্লবশিংদা মনা য়েন্থোকপগী থৌরম অমা শরুক য়াগনি। অয়ুক পুং ১১:১৫ রোম তাবদা, প্রধান মন্ত্রী সান্ত রবিদাস জন্মস্থালিদা পুজা অমসুং দর্শন পাংথোক্কনি। অয়ুক পুং ১১:৩০ তাবদা, প্রধান মন্ত্রী সান্ত গুরু রবিদাসকী ৬৪৭শুবা মপোক কুমওন থৌরম অমা শরুক য়াগনি। নুংথিল পুং ১:৪৫ তাবদা, প্রধান মন্ত্রী মীয়ামগী থৌরম অমা শরুক য়াগনি অমসুং মহাক্না বরানাসীদা লুপা করোর ১৩,০০০ হেনবগী তোঙান-তোঙানবা চাউখৎ-থৌরাংগী প্রোজেকশিং মীয়ামদা কৎথোক্কনি অমসুং উরেপ-উয়ুং তমগনি।

গুজরাত্তা প্রধান মন্ত্রী

প্রধান মন্ত্রী গুজরাত কোওপরেতিপ মিল্ক মার্কেত্তিং ফেদেরেসন(সি জি এম এম এফ)গী সনা ফুদোংবা থৌরম শরুক য়াগনি। অহমেদবাদকী মোতেরাদা লৈবা নরেন্দ্র মোদী স্তদিয়মদা পাংথোক্কদৌরিবা গুজরাত কোওপরেতিপ মিল্ক মার্কেত্তিং ফেদেরেসনগী সনা ফুদোংবা থৌরমদা লৌমী লাখ ১.২৫ হেন্না শরুক য়াগনি। মালেমদা খ্বাইদগী ফবা দাইরি ব্রান্দ অমা ওইরিবা অমুল পুথোকখিবা গুজরাত কোওপরেতিপ মিল্ক মার্কেত্তিং ফেদেরেসন অসি কোওপরেতিপশিংগী খাংবা কনবা, মখোয়গী ওন্ত্রেপ্রেনিউয়রশিপকী থৌনা অমসুং লৌমীশিংগী অচেৎপা ফিরেপকী খুদম অমনি।

গুজরাতকী মহেসনা অমসুং নাভসারিদা পাংথোক্কদবা মীয়ামগী থৌরম অনিদা, প্রধান মন্ত্রীনা গুজরাত্তা লুপা করোর ২২,৮৫০ হেনবগী তোঙান-তোঙানবা চাউখৎ-থৌরাংগী প্রোজেকশিং মীয়ামদা কৎথোক্কনি অমসুং উরেপ-উয়ুং তমগনি। মরুওইবা সেক্তরশিংগী মনুংদা লম্বী, রেল, হকশেল, ইন্তরনেত কন্নেক্তিবিতি, সহর চাউখৎহনবা, ঈশিং পীবা, তুরিজম য়াওরি অমসুং প্রোজেকশিং অসি গান্ধীনাগর, অহমেদবাদ, বনাসকান্থা, অনন্দ, মহেসনা, কাছছ, খেরা, ভারুচ, তাপী, বদোদারা, সুরত, নাভসারি, পঞ্ছমহল, বালসাদ অমসুং নর্মাদা জিলাশিংদা পায়খৎকদবনি।

তারাভ, মহেসনাদা পাংথোক্কদবা মীয়ামগী থৌরম অমদা, প্রধান মন্ত্রীনা মীয়ামদা কৎথোক্কদবা মরুওইবা প্রোজকশিংগী মনুংদা গ্রাম পঞ্চয়াত ৮০০০ হেনবদা অয়াংবা ইন্তরনেত পীগদবা ভারত নেত ফেজ-২ গুজরাত ফাইবর গ্রিদ নেতৱার্ক লিমিতেদ; প্রোজেকশিং; মেহসনা অমসুং বনাসকান্থা জিলাশিংদা রেল লাইন দবল ওইহনবা, গেজ ওনখৎপা অমসুং অনৌবা ব্রোদ-গেজ লাইনগী তোঙান-তোঙানবা প্রোজেকশিং; খেরা, গান্ধীনগর, অহমেদবাদ অমসুং মহেসনাদা তোঙান-তোঙানবা লম্বীগী প্রোজেকশিং; গান্ধীনগরদা গুজরাত বাইওতেক্নোলোজি য়ুনিভর্সিতিগী মেন একাদেমিক বিল্দিং; বনাসকান্থা ঈশিং পীনবা তোঙান-তোঙানবা প্রোজেকশিং য়াওরি।

থৌরম মনুংদা, অনন্দ জিলাদা অনৌবা দিস্ত্রিক হোস্পিতাল অমসুং অয়ুর্বেদা হোস্পিতাল; বনাসকান্থীদা রিনছাদিয়া মহাদেব লাইশঙ শেমগৎপা অমসুং অম্বাজিদা পাৎ শেমগৎপা; গান্ধীনগর, অহমেদবাদ, বনাসকান্থা অমসুং মহেসনাদা  তোঙান-তোঙানবা লম্বীগী প্রোজেকশিং; দিসাদা এয়র ফোর্স স্তেসনগী রনৱে; অহমেদবাদতা হুমেন এন্দ বাইওলোজিকেল গেল্লরি; গিফ সিতিদা গুজরাত বাইওতেক্নোলোজি রিছার্স সেন্তর(জি বি আর সি)গী অনৌবা বিল্দিং; গান্ধীনগর, অহমেদবাদ অমসুং বনাসকান্থাদা ঈশিং পীবগী থবক ফগৎহন্নবা তোঙান-তোঙানবা প্রোজেকশিং য়াওনা তোঙান-তোঙানবা মরুওইবা প্রোজেকশিং প্রধান মন্ত্রীনা উরেপ-উয়ুং তমগনি।

নাভসারিদা মীয়ামদা থৌরম অমদা, প্রধান মন্ত্রীনা মীয়ামদা কৎথোক্কদবা চাউখৎ-থৌরাংগী প্রোজেকশিংগী মনুংদা বদোদারা মুম্বাই এক্সপ্রেসৱে; বারুচ, নাভসারি, বালসাদতা তোঙান-তোঙানবা লম্বীগী প্রোজেকশিং; তাপীদা খুঙ্গংদা থক্নবা ঈশিং পীনবা প্রোজেক; বারুচতা লৈনুংগী দ্রেনেজ প্রোজেক য়াওরি। নাভসারিদা পি.এম মেগা ইন্তিগ্রেতেদ তেক্সতাইল রিজন এন্দ এপ্পারেল (পি এম মিত্রা) পার্ক শানবা থবক প্রধান মন্ত্রীনা হৌদোক্কনি।

থৌরম অসিদা প্রধান মন্ত্রীনা উরেপ-উয়ুং তমগদবা প্রোজেকশিংগী মনুংদা বারুচ-দাহেজ এসেস কন্ত্রোল এক্সপ্রেসৱে; বদোদারাগী এস.এস.জি হোস্পিতালদা তোঙান-তোঙানবা প্রোজেকশিং; বদোদারাদা রিজনেল সাইন্স সেন্তর; সুরত, বদোদারা অমসুং পঞ্চমহলদা রেলৱে গেজ ওনখৎপগী তোঙান-তোঙানবা প্রোজেকশিং; বারুচ, নাভসারি অমসুং সুরত্তা তোঙান-তোঙানবা লম্বীগী প্রোজেকশিং; বালসাদতা থক্নবা ঈশিং পীনবা স্কিমশিং অমসুং নর্মাদা জিলাদা স্কুল অমসুং হোস্তেল বিল্দিং অমসুং অতোপ্পা প্রোজেকশিং য়াওরি।

প্রধান মন্ত্রীনা কাক্রাপার এতোমিক পৱার স্তেসন(কে এ পি এস) য়ুনিত-৩ অমসুং য়ুনিত-৪ দা অনৌবা প্রেসরাইজ হেভি ৱাতর রিয়েক্তর(পি ঐচ দব্লিউ আর) অনি মীয়ামদা কৎথোক্কনি। নিউক্লিয়ার কোওপরেসন ওফ ইন্দিয়া লিমিতেদ( এন পি সি আই এল)না লুপা করোর ২২,৫০০ হেন্না চঙনা শাবা কাক্রাপার এতোমিক পৱার স্তেসন(কে এ পি এস) য়ুনিত-৩ অমসুং য়ুনিত-৪ দা অপুনবা মেগাৱাত ১৪০০ পুথোকপা ঙমগনি অমসুং মসি লৈবাক অসিনা শাজবা খ্বাইদগী চাউবা প্রেসরাইজ হেভি ৱাতর রিয়েক্তরনি। মখোয় মখল অসিগী অহানবা রিয়েক্তরশিংনি অমসুং মালেমদা খ্বাইদগী ফবশিংগা চাংদম্নবা য়ারবা অশোই-অঙাম থোক্তনা খুদোংচাবশিং য়াওরে। অপুনবা ওইনা রিয়েক্তর অনি অসিনা চহি অমদা ইলেক্ত্রিসিতি য়ুনিত বিল্লিয়ন ১০.৪ রোম পুথোক্কনি অমসুং গুজরাত, মহারাস্ত্রা, মধ্য প্রদেস, ছতিসগর, গৱাগুম্বা রাজ্যশিং অমসুং  দাদ্রা অমসুং নগর হাভেলি অমসুং দমন অমসুং দিয়ুগী কঞ্জুমরশিংদা কান্নবা পীগনি।

বরানাসীদা প্রধান মন্ত্রী 

২০১৪দগী, মরুওইবা হিরমশিং হায়বদি লম্বী, রেল, এভিএসন, তুরিজম, লাইরিক-লাইশু, হকশেল, থক্নবা ঈশিং, সহর শেমগৎপা অমসুং সেনিতেসন য়াওনা তোঙান-তোঙানবা চাউখৎ-থৌরাংগী প্রোজেকশিং পায়খৎতুনা বরানাসী অমসুং মসিগী অকোয়বদা লৈরিবা মফমশিংদা প্রধান মন্ত্রীনা মীৎয়েং চঙদুনা লাক্লি। বরানাসী অমসুং মসিগী অকোয়বা মফমশিং অওনবা পুরক্নবা অতোপ্পা খোঙথাং অমদা, প্রধান মন্ত্রীনা লুপা করোর ১৩,০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি

বরানাসীগী লম্বী-থোংগী ফিবম মখা তানা ফগৎহন্নবা প্রধান মন্ত্রীনা শঙ্গাগদবা অমসুং উরেপ-উয়ুং তমদবা তোঙান-তোঙানবা প্রোজেকশিংগী মনুংদা এন.ঐচ-২৩৩গী ঘরগ্রা-ব্রিজ-বরানাসী সেক্সন লেন মরি ওইহনবা; এন.ঐচ-৫৬গী সুলতানপুর-বরানাসী সেক্সন লেন মরি ওইহনবা; এন.ঐচ-৩৫তা পেকেজ-১ বরানাসী-হনুমানা সেক্সন লেন মরি ওইহনবা অমসুং ভারতপুর ময়াদা বরানাসী-জাউনপুর রেল সেক্সনদা আর.ও.বি য়াওরি। মহাক্না বরানাসী-রাঞ্চি-কোলকাতা এক্সপ্রেসৱে পেকেজ-১গী উরেপ-উয়ুংশু তমগনি।

লমদম অসিদা উদোগ চাউখৎপা হেনগৎহন্নবা প্রধান মন্ত্রীনা সেৱারিদা এল.পি.জি বোত্তলিং প্লান্ত; য়ুপিসিদা এগ্রো পার্ক.ৱ, কারখিয়াওন্দা বনাস কাসি সনকুল মিল্ক প্রোসেসিং য়ুনিত; য়ুপিসিদা এগ্রো পার্ক.ৱ, কারখিয়াওন্দা তোঙান-তোঙানবা ইনফ্রাস্ত্রকচরগী থবক অমসুং ফিশাবীশিংগী সিল্ক ফেব্রিক প্রিন্তিং কম্মন ফেসিলিতি সেন্তর শঙ্গাগনি।

প্রধান মন্ত্রীনা বরানাসীদা শঙ্গাগদবা তোঙান-তোঙানবা চাউখৎ-থৌরাংগী প্রোজেকশিংগী মনুংদা রমানাদা এন.তি.পি.সিনা সহরগী অমোৎ-অকায়দগী মৈতাল পুথোক্নবা প্লান্ত; বরুনা এরিয়াদা ঈশিং পীনবা থবক ফগৎহনবা অমসুং এস.তি.পিশিং অমসুং সিৱেরেজ পম্পিং স্তেসনশিংগী ওনলাইন ইফ্লুয়েন্ত মোনিতরিং অমসুং স্কাদা ওতোমেসন য়াওরি। পুখ্রিশিং অমসুং পার্কশিং অমুক হন্না শেমগৎপা অমসুং ৩-দি অর্বান দিজিতেল মেপ অমসুং দেতাবেজগী দিজাইন অমসুং দিবলপমেন্ত য়াওনা বরানাসী ফজহন্নবা তোঙান-তোঙানবা প্রোজেকশিং প্রধান মন্ত্রীনা উরেপ-উয়ুং তমগনি।

প্রধান মন্ত্রীনা বরানাসীদা তুরিজম অমসুং স্পিরিচুএল তুরিজমগা মরী লৈনবা তোঙান-তোঙানবা প্রোজেকশিংশু শঙ্গাগনি। প্রোজেকশিংগী মনুংদা পঞ্চকোসি পরিক্রমা মার্গতা পান্দব মঙাদা মীয়ামগী খুদোংচাবশিং অমুক হন্না শেমগৎপা অমসুং পাবন পথগা লোয়ননা স্পিরিচুএল যাত্রা ১০; বরানাসী অমসুং অযোধ্যাগীদমক ইনলেন্দ ৱাতরৱেজ ওথোরিতি ওফ ইন্দিয়ানা পীবা ইলেক্ত্রিক কেতামারন ভেসেল হৌদোকপা অমসুং চেঞ্জ রুম ফ্লোতিং জেতি ৭ অমসুং কম্মুনিতি জেতি ৪ য়াওরি। গ্রিন ইনর্জি শীজিন্নদুনা ইলেক্ত্রিক কেতামারন্না গঙ্গাদা তুরিজমগী খুদোংচাবা হেনগৎহনগনি। প্রধান মন্ত্রীনা তোঙান-তোঙানবা সহরশিংদা ইনলেন্দ ৱাতরৱেজ ওথোরিতি ওফ ইন্দিয়াগী কম্মুনিতি জেতি ১৩ অমসুং বাল্লিয়াদা কুইক পোনতুন ওপনিং মেকানিজমগী উরেপ-উয়ুং তমগনি।

বরানাসকী মমিং চৎলবা তেক্সতাইল সেক্তর ইনোৎ পীনবা, প্রধান মন্ত্রীনা বরানাসীদা নেসনেল ইন্সতিতুৎ ওফ ফেসন তেক্নোলোজি(নিফ)কী উরেপ-উয়ুং তমগনি। অনৌবা মহৈলোয়শঙ অসিনা তেক্সতাইল সেক্তরদা মহৈ-মশিং তম্বা অমসুং ত্রেনিংগী ইনফ্রাস্ত্রকচর মপাঙ্গল কনখৎহনগনি।

বরানাসীগী হকশেলগী মচাক-মথুমশিং ফগৎহন্নবা, প্রধান মন্ত্রীনা বরানাসীদা অনৌবা মেদিকেল কলেজ অমা শানবা উরেপ-উয়ুং তমগনি। মহাক্না বি.ঐচ.য়ুদা নেসনেল সেন্তর ফোর এজিংগী উরেপ-উয়ুংশু তমগনি। সহর অসিদা শান্নবগী ইনফ্রাস্ত্রকচর মপাঙ্গল কনখৎহন্নবা মাইকৈদা থাংজিনবা খোঙথাং অমদা, প্রধান মন্ত্রীনা সিগ্রা স্পোর্তস স্তদিয়ম ফেজ-১ অমসুং দিস্ত্রিক রাইফল সুতিং রেঞ্জ শঙ্গাগনি।

বি.ঐচ.য়ুদা শ্বাতন্ত্রতা সভাগরদা পাংথোক্কদবা মনা য়েন্থোকপগী থৌরম অমদা, প্রধান মন্ত্রীনা কাসি সংসদ গ্যান প্রাতিয়োগিতা, কাসি সংসদ ফোতোগ্রাফি প্রাতিয়োগিতা অমসুং কাসি সংসদ সংস্কৃত প্রাতিয়োগিতাগী মাইপাক্লবশিংদা মনা য়েন্থোক্কনি। মহাক্না বরানাসীগী সংস্কৃত মহৈরোয়শিংদা লাইরিকশিং, য়ুনিফোর্ম সেতশিং, ঈশৈগী যন্ত্রশিং অমসুং মেরিত স্কোলারশিপশিং য়েন্থোক্কনি। মহাক্না কাসি সংসদ ফোতোগ্রাফি প্রাতিয়োগিতা গেল্লারি য়েংগনি অমসুং “সংৱার্তি কাসি” হায়বা থিমদা নমখিবা মখোয়গী ফোতোগ্রাফশিংগা লোয়ননা শরুক য়ারিবশিংগা ৱারি শানগনি।

বি.ঐচ.য়ু ময়াদা সিয়র গোবর্ধনপুরদা সান্ত গুরু রবিদাস জন্মাস্থালিদা, রবিদাস পার্কতা নৌনা খিনবা সান্ত রবিদাসকী মীতম প্রধান মন্ত্রীনা মাইখুম হাংদোক্কনি। মহাক্না সান্ত গুরু রবিদাস জন্মাস্থালিগী অকোয়বদা লুপা করোর ৩২ রোম চঙনা পায়খৎপা তোঙান-তোঙানবা চাউখৎ-থৌরাংগী থবকশিং শঙ্গাগনি অমসুং সান্ত রবিদাস মিউজম অমসুং লুপা করোর ৬২ রোম চঙনা পার্ক ফজহন্নবা থবক উরেপ-উয়ুং তমগনি।

***