ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ফেব্রুৱারি ১৪,২০২৪ দা দুবাইদা উপ-রাস্ত্রপতি, প্রধান মন্ত্রী, দিফেন্স মিনিস্তর অমসুং দুবাইগী লৈঙাকপা ইকায়খুম্নরবা সৈখ মোহমদ বিন রসিদ অল মাকতুম উনখ্রে।

লুচিংবা অনিমক্না ললোন-ইতিক, শেন থাদবা, তেক্নোলোজি, স্পেস, ইজুকেসন অমসুং মীগা মীগা লৈনবা মরীশিং য়াওনা লৈবাক অনি মতেং পাংনবা তোঙান-তোঙানবা হিরমশিং খন্নখি। ভারত অমসুং য়ু.এ.ইগী মরক্তা শেন-থুম অমসুং ললোন-ইতিক্কী মরীশিং য়াংনা ফগৎলকপদা মখোয়না অপেনবা ফোঙদোকখি অমসুং কমপ্রেহেন্সিপ ইকোনোমিক পার্তনরশিপ এগ্রিমেন্তনা লৌরিবা মরুওইবা থৌদাং থাগৎখি। বাইলেতরেল ইনভেস্তমেন্ত এগ্রিমেন্ত খুৎয়েক পীনবদা মখোয়না তরাম্না ওকখি।

দুবাইদা লৈরিবা ভারতমচাশিংগী য়াইফনবা মহাক্না হোৎনবদগীদমক প্রধান মন্ত্রী মোদীনা প্রধান মন্ত্রী মোহমদ বিন রসিদ অল মাকতুম থাগৎপা ফোঙদোকখি। দুবাই মালেমগী ললোন-ইতিক, থবক অমসুং তুরিজমগী মফম অমা ওইরকপদা ভারতমচাশিংনা লৌখিবা থৌদাং লুচিংবা অনিমক্না থাগৎপা ফোঙদোকখি।

শিন্মী ওইনা থবক তৌরিবা ভারতমচাশিংদা মমল হোংনা অনা-লায়য়েংগী খুদোংচাবশিং ফংহন্নবা দুবাইদা ভারতমচাশিংগী হোস্পিতাল অমা শানবা লম পীবগীদমক প্রধান মন্ত্রী মোদীনা প্রধান মন্ত্রী মোহমদ বিন রসিদ অল মাকতুম থাগৎপা ফোঙদোকখি।

মহাক্কী খুদোংচাগদবা য়েংলবা ভারত্তা লাক্নবা প্রধান মন্ত্রী মোদীনা প্রধান মন্ত্রী মোহমদ বিন রসিদ অল মাকতুমদা চেবাউ পীখি।

***