পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে আজি বিনামূলীয়া বিদ্যুতৰ বাবে ছাঁদৰ ওপৰত সৌৰ আঁচনি – PM Surya Ghar Muft Bijli Yojana (প্ৰধানমন্ত্ৰী সূৰ্য ঘৰ বিনামূলীয়া বিজুলী আঁচনি) আৰম্ভ কৰাৰ কথা ঘোষণা কৰে।

প্ৰধানমন্ত্ৰীয়ে এই বিষয়ে এক্সত পোষ্ট কৰি লিখিছে:

“অধিক বহনক্ষম উন্নয়ন আৰু জনসাধাৰণৰ মংগলৰ বাবে আমি পি এম সূৰ্য্য ঘৰ: মুফট বিজুলী যোজনা বা প্ৰধানমন্ত্ৰী সূৰ্য ঘৰ বিনামূলীয়া বিজুলী আঁচনি আৰম্ভ কৰিছো । ৭৫,০০০ কোটি টকাৰো অধিক বিনিয়োগেৰে এই প্ৰকল্পৰ লক্ষ্য হৈছে প্ৰতিমাহে ৩০০ ইউনিট পৰ্যন্ত বিনামূলীয়া বিদ্যুৎ যোগান ধৰি ১ কোটি পৰিয়ালৰ ঘৰ পোহৰাই তোলা।”

“মানুহৰ বেংক একাউণ্টত পোনপটীয়াকৈ দিয়া হ’বলগীয়া বস্তুনিষ্ঠ ৰাজসাহায্যৰ পৰা আৰম্ভ কৰি যথেষ্ট ৰেহাইমূলক বেংক ঋণলৈকে কেন্দ্ৰীয় চৰকাৰে নিশ্চিত কৰিব যাতে জনসাধাৰণৰ ওপৰত কোনো ধৰণৰ খৰচৰ বোজা নাথাকে। সকলো অংশীদাৰক ৰাষ্ট্ৰীয় অনলাইন পৰ্টেলত একত্ৰিত কৰা হ’ব, যিয়ে অধিক সুবিধা প্ৰদান কৰিব।” .”

“তৃণমূল পৰ্যায়ত এই আঁচনিখন জনপ্ৰিয় কৰাৰ উদ্দেশ্যে নগৰীয়া স্থানীয় সংস্থা আৰু পঞ্চায়তসমূহক তেওঁলোকৰ অধিকাৰক্ষেত্ৰত ছাঁদৰ ওপৰত সৌৰ ব্যৱস্থাৰ প্ৰচাৰৰ বাবে আহ্বান জনোৱা হ’ব। একে সময়তে এই আঁচনিৰ জৰিয়তে অধিক আয়, কম বিদ্যুৎৰ বিল আৰু মানুহৰ বাবে কৰ্মসংস্থাপন সৃষ্টি হ’ব।”

“আহক সৌৰশক্তি আৰু বহনক্ষম অগ্ৰগতি বৃদ্ধি কৰোঁ। মই সকলো আৱাসিক গ্ৰাহকক, বিশেষকৈ যুৱক-যুৱতীসকলক আহ্বান জনাইছো যে pmsuryaghar.gov.in ৱেবছাইট ব্যৱহাৰ কৰি প্ৰধানমন্ত্ৰী – সূৰ্য্য ঘৰ: বিনামূলীয়া বিজুলী যোজনাক শক্তিশালী কৰক”।

In order to further sustainable development and people’s wellbeing, we are launching the PM Surya Ghar: Muft Bijli Yojana. This project, with an investment of over Rs. 75,000 crores, aims to light up 1 crore households by providing up to 300 units of free electricity every month.

— Narendra Modi (@narendramodi) February 13, 2024

***

DS/RT