ভারতকী প্রধানমন্ত্রী

ঐগী নুংশিরবা ইরৈবাকচাশিং,

ঙসিগী বজেৎ অসি শুপ্নগী ইন্তেরিম বজেৎ খক্তা নত্তনা ইনক্লুসিব অমসুং ইন্নোবেতিব ওইবা বজেৎ অমনি। বজেৎ অসিদা কন্তিন্যুতী লৈগনি হায়বগী থাজবা লৈ। বজেৎ অসিনা চাউখৎপা ভারতকী য়ুম্বী পুম্নমক – নহারোল, লায়রবা, নুপী, অমদি লৌমীশিংবু শক্তি পীগনি। নির্মলাজীগী বজেৎ অসি লৈবাক্কী তুংলমচৎ শেমগৎনবগী বজেৎ অমনি। বজেৎ অসিদা 2047 ফাওবদা ভিকসিৎ ভারতকী য়ুম্ফম মপাঙ্গল কনকৎহন্নবা গরেন্তী য়াওরি। ঐহাক্না নির্মলাজী অমসুং মহাক্কী তিমবু হন্না হন্না থাগৎচরি।

মরুপশিং,

বজেৎ অসিনা য়ং ইন্দিয়াগী অনীংবা অপাম্বশিংগী মমি অমনি। বজেৎ অসিদা মরু ওইবা ৱারেপ অনি লৌখি। লুপা করোর লাখ  1গী ফন্দ রিসর্চ অমসুং ইন্নোবেসনগীদমক লাউথোকখি। ৱবজেৎ অসিদা স্তার্তঅপশিংগীদমক তেক্স এমজেম্পসনশিংগী এক্সতেন্সনগী মতাংদসু লাউথোকখি।

মরুপশিং,

ফিস্কল দেফিসিৎ অসি কন্ত্রোলদা থমদুনা বজেৎ অসিদা কেপিতেল এক্সপেন্দিচর অসি লুপা করোর 11,11,111দা পুৱারী ওইনা হেনগৎহনখি।  ইকনোমিস্তশিংগী লোলদা মসি স্বিৎ স্পোৎ মখল অমনি। মসিনা ভারত্তা 21শুবা চহিচাগী মোদর্ন ইনফ্রাস্ত্রকচর শেমগৎপগা লোয়ননা নহারোলগীদমক অনৌবা থবক্কী খুদোংচাবা করোর কয়া পীগনি। বজেৎ অসিদা ভন্দে ভারত স্তেন্দর্দকী মোদর্ন ভোগী 40,000 শানবগী অমসুং মখোয়বু জেনরেল পেসেঞ্জর ত্রেনশিংদা ইনস্তোল তৌবনা লৈবাক্কী তোঙান-তোঙানবা রেল রুৎশিংদা পেসেঞ্জর করোর কয়াগী কম্ফর্ত অমদি ত্রেবেল এক্সপরিয়েন্স হেন্না হেনগৎহনগদবা অসিগী মতাংদাসু লাউথোকখ্রে।

মরুপশিং,

ঐখোয়না অচৌবা পান্দম থম্লগা মদু ফংবা ঙম্মি অমসুং ঐখোয়গী ইশাগীদমক হেন্না চাউবা পান্দম অমা থম্মু। ঐখোয়না লায়রবা অমদি মিদ্দল ক্লাসকী য়ুম করোর 4 হেন্না শাখি অমসুং য়ুম করোর 2 হেন্না শানবা তার্গেৎ হেনগৎহল্লি । ঐখোয়গী পান্দম অসি নুপীশিংগী মরক্তা ‘লাখপতি’ করোর 2 লৈহনবনি। হৌজিক মসিগী পান্দম অসি ‘লাখপতি’ করোর 3দা হেনগৎহনখ্রে। আয়ুশ্মান ভারত য়োজনানা অঙ্গনৱাদী অমসুং আশা ৱার্করশিংদা কান্নবশিং ফংহনবগা লোয়না লায়রবশিংদা চাউনা মতেং পীখি।

মরুপশিং,

বজেৎ অসিদা লায়রবা অমদি মিদ্দল ক্লাসকীদমক অনৌবা খুদোংচাবশিং ফংহন্দুনা মখোয়বু শক্তি পীবদা মীৎয়েং চংখি। রুফ তোপ সোলর কেম্পেনগী মখাদা ইমুং করোর 1না লেম্না মৈ ফংনবা অমরোমদনা অহেনবা মৈ অদু সরকারদা য়োন্দুনা চহিদা লুপা 15,000দগী লুপা 18,000 তানগদৌরি।

মরুপশিং,

ঙসি লাউথোকখিবা ইনকম তেক্স রিমিসন স্কিম অসিনা মিদ্দল ক্লাসকী মনুং চনবা প্রজা করোর 1দা তেংবাং পীগদৌরি। মমাংগী সরকারশিংনা দিকেদ কয়া মীচম মীয়ামগী মকোক মথক্তা অচৌবা থাং অসি য়ান্দুনা থম্বীরমখি। ঙসি বজেৎ অসিদা লৌমীগী য়াইফনবা মরু ওইবা ৱারেপশং লৌখি। নেনো DAP শিজিন্নবা, শা-শনগী অনৌবা স্কিম, পি.এম. মতস্যা সম্পদা য়োজনা পাকথোক চাউথোকহনবা অমসুং আত্মনির্ভর ওইল সীদস কেম্পেন অসিনা লৌমীশিংগী ইনকম হেনগৎহল্লগনি অমসুং চাদিং হন্থহল্লগনি। ঐহাক্না পুৱারী ওইরবা বজেৎ অসিগীদমক প্রজা পুম্নমক্তা নুংঙাইবা ফোঙদোকচরি। হন্না-হন্না থাগৎচরি।

***