پی ایم انڈیا

وزیر اعظم جناب نریندر مودی نے آج شری رام جنم بھومی مندر سے منسوب  چھ خصوصی یادگاری ڈاک ٹکٹوں کے ساتھ ساتھ ایک البم بھی جاری کیا جس میں دنیا کے مختلف ممالک میں بھگوان رام سے متعلق پہلے جاری کیے گئے اسی طرح کے ڈاک ٹکٹ شامل ہیں۔ انہوں نے اس موقع پر بھارت اور بیرون ملک موجود بھگوان رام کے تمام بھکتوں کو مبارکباد دی۔

وزیراعظم نے کہا کہ ہم سب جانتے ہیں کہ یہ ڈاک ٹکٹ خطوط یا اہم دستاویزات بھیجنے کے لیے لفافوں پر چسپاں کیے جاتے ہیں۔ لیکن وہ ایک اور مقصد کو بھی پورا کرتے ہیں۔ ڈاک ٹکٹ تاریخی واقعات کو آنے والی نسلوں تک پہنچانے کے لیے بھی ذریعہ  کا کام کرتے ہیں۔ لہذا جب بھی آپ کسی کو کوئی خط یا اعتراض بھیجتے ہیں جس پر پوسٹل اسٹیمپ ہوتا ہے، توآپ انہیں تاریخ کا ایک ٹکڑا بھی بھیج رہے ہوتے ہیں۔ یہ ٹکٹ صرف کاغذ کا ٹکڑا نہیں ہیں بلکہ تاریخ کی کتابوں، نوادرات اور تاریخی مقامات کی سب سے چھوٹی شکل ہیں۔

وزیر اعظم نے کہا کہ یہ یادگاری ڈاک ٹکٹ ہماری نوجوان نسل کو بھگوان رام اور ان کی زندگی کے بارے میں جاننے میں مدد فراہم کریں گے۔ انہوں نے کہا کہ بھگوان رام کے تئیں عقیدت کا اظہار ان ڈاک ٹکٹوں پر فنکارانہ اظہار کے ذریعے کیا گیا ہے اور اس پرایک مقبول مصرعہ: ‘منگل بھون امنگل ہاری’ رقم ہے ،جس کے ذریعہ  قوم کی ترقی کی خواہش کی گئی ہے۔ ان ڈاک ٹکٹوں پر‘سوریہ ونشی’ رام کی علامت سورج،  دریا ‘سریو ،اور مندر کے اندرونی فن تعمیر کو بھی دکھایا گیا ہے۔ جہاں سورج ملک میں نئی روشنی کا پیغام دیتا ہے، وہیں سریو کی تصویر بتاتی ہے کہ ملک رام کے آشیروادسے ہمیشہ متحرک رہے گا۔

وزیر اعظم نے ان سنتوں کی بھی ستائش کی جنہوں نے رام جنم بھومی تیرتھ شیتر ٹرسٹ کے ساتھ مل کر یادگاری ڈاک ٹکٹوں کی پیشکش میں محکمہ ڈاک کی رہنمائی کی۔

وزیر اعظم نے اس بات پر زور دیا کہ بھگوان رام، ماں سیتا اور رامائن سے متعلق تعلیمات وقت، سماج اور ذات کی حدود سے ماورا ہیں اور ہر فرد سے جڑی ہوئی ہیں۔ انہوں نے کہا کہ رامائن جو مشکل ترین وقت میں بھی محبت، قربانی، اتحاد اور ہمت کا درس دیتی ہے، پوری انسانیت کو جوڑتی ہے۔ یہی وجہ ہے کہ رامائن دنیا میں ہمیشہ توجہ کا مرکز رہی ہے۔ انہوں نے کہا کہ آج جن کتابوں کا اجراکیاگیاہے  وہ اس بات کی عکاس ہیں کہ بھگوان رام، ماں سیتا اور رامائن کو دنیا بھر میں کتنے فخر سے دیکھا جاتا ہے۔

وزیراعظم نے کہا کہ امریکہ، آسٹریلیا، کمبوڈیا، کینیڈا، جمہوریہ چیک، فجی ،انڈونیشیا، سری لنکا، نیوزی لینڈ، تھائی لینڈ، گیانا، سنگاپور جیسے ممالک ان بہت سی قوموں میں شامل ہیں، جنہوں نے بھگوان رام کی زندگی کے واقعات پر بڑی دلچسپی کے ساتھ ڈاک ٹکٹ جاری کیے ہیں۔ انہوں نے کہا کہ بھگوان شری رام کے بارے میں تمام معلومات اور ماں جانکی کی کہانیوں کے ساتھ نیا لانچ کیا گیا البم ہمیں ان کی زندگیوں کے بارے میں بصیرت فراہم کرے گا۔ یہ ہمیں یہ بھی بتائے گا کہ بھگوان رام ہندوستان سے باہر بھی اتنے ہی عظیم آئیکن ہیں اور جدید دور کی قوموں میں بھی ان کے کردار کی تعریف کیسے کی جاتی ہے۔

وزیر اعظم نے کہا کہ مہارشی والمیکی کی دعا آج بھی لازوال ہے جس میں انہوں نے کہا تھا: यावत् स्थास्यंति गिरयः, सरितश्च महीतले। तावत् रामायणकथा, लोकेषु प्रचरिष्यति॥ । ۔ اس کا مطلب ہے کہ جب تک زمین پر پہاڑ اور ندیاں ہیں رامائن کی کہانی لوگوں کے درمیان موجود رہے گی۔ایسے ہی بھگوان رام کی شخصیت بھی ہوگی ۔

*********

 (ش ح۔م م ۔ع آ)

U-3755