ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি কেরলাগী কোচীদা লুপা করোর 4000 হেনবগী মরু ওইবা ইনফ্রাস্ত্রকচর প্রোজেক্ত অহুম শঙ্গাখ্রে। ঙসি শঙ্গারিবা প্রোজেক্তশিংগী মনুংদা কোচীন শিপয়ার্দ লিমিতেদ (CSL)গী অনৌবা দ্রাই দোক (NDD), CSLগী ইন্তর্নেস্নেল শিপ রিপেয়র ফেসিলিতী (ISRF) অমসুং কোচীগী পুথুভাইপীন্দা লৈবা ইন্দিয়ন ওইল কোর্পোরেসনগী LPG ইম্পোর্ত তর্মিনেল অসি য়াওরি। হায়রিবা ইনফ্রাস্ত্রকচর প্রোজেক্তশিং অসি প্রধান মন্ত্রীনা ভারতকী হিথাংফম, শিপ্পিং অমসুং ৱাতরৱেজ সেক্তরবু নৌনা ওন্থোক্তুনা কেপাসিতী লৈহন্নবা অমসুং মরোমদোম লেপচবা ঙমহন্নবা থম্লিবা পান্দমশিংগা মরী লৈননা পায়খৎপনি।

প্রধান মন্ত্রীনা ঙসি তিনখিবা মীয়ামদা ৱা ঙাঙবদা, ঙসি অয়ুক্তা মহাক্না লাইশঙদা পাংথোকখিবা ভগ্বান গুরুভ্যুরপ্পনগী দর্শনগী মতাংদা ৱারী শাখি। অয়োধ্যা ধামগী মহারিশী বালমিকী ইন্তর্নেস্নেল এয়রপোর্ত হন্দক্তা শঙ্গাখিবগী থৌরমদা মহাক্না কেরলাদা লৈবা অশেংবা লাইশঙ কয়া অমগা রমায়নগা মরী লৈনবগী মতাংদা পাউদমখিবুবু মহাক্না ঙসি পনখি। অয়োধ্যাদা প্রন প্রতিস্থা পাংথোক্ত্রিঙৈগী নুমিৎ খরনিগী মমাংদা মহাক্না রামাস্বামী লাইশঙদা দর্শন তৌজবা ফংখিবদা নুংঙাইবা ফাওই হায়না মহাক্না হায়খি। ঙসিগী অয়ুক্তা কেরলাগী আর্তিস্তশিংনা লান্থোকখিবা নীংথিরবা প্রজেন্তেসন্না কেরলাদা অৱধ পুরীগী ইথিল পুরকখি হায়না মহাক্না হায়খি।

অমৃত কালগী মনুংদা ভারতপু বিকশিৎ ভারত ওইহনবদা রাজ্য খুদিংগী খোঙচৎনা য়ারিবা মরু ওইবা থৌদাংশিংদা মিৎয়েং চঙলদুনা, প্রধান মন্ত্রীনা ভারতনা মমাংগী মতমশিংদা নুংঙাই য়াইফরিঙৈ মতমদা মতমদুগী হিথাংফমশিংনা লৌরম্বা থৌদাংশিং নীংশিংখি অমসুং ভারতনা হৌজিক মালেমগী লল্লোন ইতিক্কী ময়োল অমা অমুক ওইরক্লিবা অসিদা হিথাংফমশিংনা মসিগুম্বা চপ মান্নবা থৌদাং লৌহন্নীংবগী অপাম্বা ফোংদোকখি। মসিগুম্বা ফিভম অসিদা, সরকারনা কোচীগুম্বা হিথাংফমগী শহরগী মপাঙ্গল হেনগৎহন্নবা হোৎনরি হায়না মহাক্না হায়খি। মহাক্না পোর্তকী কেপাসিতী হেনগৎলক্লিবা, পোর্ত ইনফ্রাস্ত্রকচরদা শেল থাদরিবা অমসুং সাগরমালা প্রোজেক্তকী মখাদা হিথানফমশিংগী কন্নেক্তবিতী ফগৎলক্লিবশিংগী মতাংদা পনখি।

ঙসি কোচীনা ফংলিবা লৈবাক্কী খ্বাইদগী চাউবা দ্রাই দোক্কী মতাংদা মহাক্না পনখি। জহাজ শাবা, জহাজ শেম্বা অমসুং LPG ইম্পোর্ত তর্মিনেলগুম্বা অতোপ্পা প্রোজেক্তহসিংনা কেরলা অমসুং লৈবাক্কী খা থাংবা লমদমগী চাউখৎ খোঙথাংগী খোঙজেল হাপকনি। ‘ভারত্তা শাবা’ এয়রক্রাফ কেরিয়র INS বিক্রান্ত অসিবু কোচী শিপয়ার্দতা শাবদা চাউথোকচবা ফাওবগী মতাংদসু মহাক্না পাউদমখি। অনৌবা ফেসিলিতীশিং অসিনা শিপয়ার্দ অসিগী তৌবা ঙম্বগী মতিকপু শরুক য়াম্না হেনগৎহনগনি।

প্রধান মন্ত্রীনা হৌখিবা চহি 10দা হিথাংফম, শিপ্পিং অমসুং ৱাতরৱেজ সেক্তরদা পাংথোকখিবা রিফোর্মশিং পনখি অমসুং মসিনা লৈবাক্কী হিথাংফমশিংদা অনৌবা ইনভেস্তমেন্ত কয়া পুরকখি অমসুং থবক্কী খুদোংচাবা কয়া অমসু শেমখি হায়না মহাক্না হায়খি। ভারতকে সীফেররশিংগা মরী লৈনবা কাঙলোনশিং শেমদোকখিবনা লৈবাক্কী সীফেরর মশিংবু চাদা 140 হেন্না হেনগৎহনখি হায়না মহাক্না হায়খি। লৈবাক অসিদা, পেসেঞ্জর অমসুং কার্গোনা ইনলেন্দ ৱাতরৱেজ শিজিন্নদুনা হান্নদগী হেন্না চাউখৎহনবা য়াগনি হায়না প্রধান মন্ত্রীনা হায়খি।

“সবকা প্রয়াসনা অফবা মহৈ ফংহল্লি”, প্রধান মন্ত্রীনা ভারতকী হিথাংফমশিংনা হৌখিবা চহি 10দা চহিদা দিজিত অনিগী শাহৌ লৌখিবগী ৱাফম পল্লদুনা হায়খি। চহি 10গী মমাংদা, জহাজশিংনা হিথাংফমশিংদা মতম শাংনা ঙাইবগী মথৌ তারম্মি অমসুং পোৎ লৌথবগী থৌওংদসু মতম য়াম্না চঙলম্মি হায়না মহাক্না হায়খি। “ঙসিদি, ফিভম অসি হোংলে”, শ্রী মোদীনা হায়খি অমসুং শিপ-তর্নঅরাউন্দ তাইমগী মতাংদা ভারতনা অতোপ্পা চাউখৎপা লৈবাক কয়াদগী ফিভম হেন্না ফরে হায়নসু পাউদমখি।

“মালেমগী লল্লোন ইতিক্কী হীরমদা ভারতনা লৈরিবা থাক অমসুং তৌবগী ঙম্বগী মতিক অসি মালেম্না খঙলে”, পি.এম.না হায়খি অমসুং মিদ্দল ইস্ত য়ুরোপ ইকোনোমিক কোরিদোরগী মতাংদা ভারতকী G20 প্রসিদেন্সী মনুংদা পুরকখিবা য়ানবগী মতাংদা পনখি। মিদ্দল ইস্ত য়ুরোপ ইকোনোমিক কোরিদোর অসিনা ভারতকী সমুদ্রগী তোর্বানগী শেন্মিৎলোন্দা অচৌবা শাফু পীদুনা বিকশিৎ ভারত অমা শেম্বদা অচৌবা মতেং পাংগগ্নি হায়না শ্রী মোদীনা মখা তাখি। বিকশিৎ ভারত অমা পুরক্নবগীদমক্তা ভারতকী মেরিতাইম মপাঙ্গল হেন্না কনখৎহন্নবা মেরিতাইম অমৃত কাল ভিজন্না রোদমেপ অমা লান্থোকখিবগী মতাংদসু প্রধান মন্ত্রীনা পনখি। লৈবাক অসিদা অচৌবা হিথাংফম, জহাজ শাবা অমসুং শেমজিনবগী ইনফ্রাস্ত্রকচর কয়া শেমগৎনবা সরকারনা হোৎনরিবা কয়া অসিগী মতাংদা মহাক্না পাউদমখি।

অনৌবা দ্রাই দোক্না ভারতকী চাউথোকচনীংঙাই ওইরি হায়না পি.এম.মোদীনা হায়খি। মসিনা অচৌবা জহাজশিংবু খামহনবা য়াহনবতা নত্তনা মফমসিদা জহাজ শাবা অমসুং শেমজিনবগী থবকসু পাংথোকপা য়াহল্লগনি অমসুং হীরম অসিগী মতাংদা মীরমগী মখা পোল্লিবা অসিবুসু হন্থহন্দুনা ফোরেন এক্সচেঞ্জ কয়াসু কনবা ঙমগনি।

ইন্তর্নেস্নেল শিপ রিপেয়র ফেসিলিতী শঙ্গারিবা অসিগী মতাংদা পল্লদুনা, প্রধান মন্ত্রীনা মসিনা কোচীবু ভারত অমসুং এসিয়াগী খ্বাইদগী চাউবা জহাজ শেমফম অমা ওইহল্লগ্নি হায়খি। INS বিক্রান্ত শাখিবা মতমদা MSME কয়ানা অমত্তা ওইনা পুনখিবগী খুদম পীরদুনা, প্রধান মন্ত্রীনা MSMEগী অনৌবা ইকোসীস্তেম অমা শেম্বগা লোয়ননা মসিগুম্বা জহাজ শেম্বা য়াবা অমসুং শাবা য়াবা ফেসিলিতী কয়া অমগসু শেমগৎপা ঙমগনি হায়বগী থাজবা ফোংদোকখি। মহাক্না মখা তাখিবদা, কোচী, কোইম্বতোর, ইরোদ, সেলম, কলিকৎ, মদুরাই অমসুং ত্রিচীগী LPGগী তঙাই ফদবশিংবু অনৌবা LPG ইম্পোর্ত তর্মিনেল অসিনা থেংনবা ঙম্বগা লোয়ননা হায়রিবা লমদমশিং অসিদা শেন্মলিৎলোনগী চাউখৎ থৌরাংগী থবক কয়া অমসুং অনৌবা থবকসু লৈহনগনি।

প্রধান মন্ত্রীনা কোচী শিপয়ার্দকী গ্রীন তেক্নোলোজী কেপাসিতী অমসুং ‘ভারত্তা শাবা’ জহাজশিং শাবদা মসিনা লৌরিবা মরু ওইবা থৌদাংশিংদা মাঙজিল থারিবা অসিগী মতাংদা পনখি। কোচী ৱাতর মেত্রোগীদমক্তা ইলেক্ত্রিক ভেসেলশিং শাখিববুসু প্রধান মন্ত্রীনা থাগৎখি। অয়োধ্যা, ভরানসী, মথুরা অমসুং গৌহাতীগী ইলেক্ত্রিক হাইব্রীদ ফেরীশিংসু মফমসিদা শাবনি। “কোচী শিপয়ার্দনা লৈবাক্কী শহরশিংগী মোদর্ন অমসুং গ্রীন ৱাতর কন্নেক্তিবিতীদা মরু ওইবা থৌদাং লৌরি”, মহাক্না হায়খি। নোর্ৱেগীদমক্তা জিরো-ইমিসন ইলেক্ত্রিক কার্গো ফেরী শারিবা অমসুং মালেমগী খ্বাইদগী অহানবা হাইদ্রোজেন-ফুএল্দ ফীদর কন্তেনর ভেসেল শারিবা অসিগী মতাংদসু মহাক্না পনখি। “ভারতপু হাইদ্রোজেন ফুএলদা য়ুম্ফম ওইবা ত্রান্সপোর্তকী মাইকৈদা চঙশিনবগী খোঙচৎপু কোচী শিপয়ার্দনা মপাঙ্গল হাপ্লি। লৈবাক অসিনা ইন্দিজিনিয়স হাইদ্রোজেন ফুএল সেল ফেরী অমা অথুবা মতমদা ফংলগনি হায়বগী ঐহাক্না থাজবা থম্লি”, পি.এম. মোদীনা হায়খি।

প্রধান মন্ত্রীনা ব্লু ইকোনোমী অমসুং পোর্ত-লেদ দিভেলপএন্ততা ঙামী খুন্নাইনা লৌরিবা থৌদাংশিংদা  মীয়ামগী পুক্নীংন চীংশিনখি। পি.এম. মতস্য সম্পদা য়োজনাগী মখাদা পায়খৎপা ইনফ্রাস্ত্রকচরগী অনৌবা প্রোজেক্ত, অরুবা সমুদ্রদা চত্তুনা ঙা ফাবা য়াহন্নবগীদমক্তা কেন্দ্র সরকারনা মতমগা চুনবা হি লৈনবা সবসিদী পীবা অমসুং লৌমীশিংদা পীবগুম্না ঙামীশিংদা কিসান ক্রেদিত কার্দ পীবগী থবকশিংনা মরম ওইদুনা মমাংগী চহি 10দা ঙা পুথোকপা অমসুং এক্সপোর্তকী চাং হেনগৎপা ঙমখিবনি হায়না মহাক্না হায়খি। সীফুদ প্রোসেসিং ইন্দস্ত্রীদা লৈরিবা ভারকী শরুকপু হেন্না হেনগৎহন্নবগীদমক্তা সরকারনা তেংবাংলিবা অসিনা ঙামীশিংগী শেন্থোক হেনগৎহন্দুনা অমসুং মখোয়গী পুন্সি মহিংবু হেন্না নুংঙাইহনগনি হায়না মহাক্না হায়খি। প্রধান মন্ত্রীনা কেরলাদা লেপ্তনা চাউখৎ থৌরাং লৈবা ওইসনু হায়বগী য়াইফ পাউজেল পীরদুনা অনৌবা ইনফ্রাস্ত্রচকচর প্রোজেক্তশিংগীদমক্তা মীয়াম্বু থাগৎলদুনা মহাক্কী ৱারোল লোইশিনখি।

কেরলাগী রাজ্যপাল, শ্রী আরিফ মোহম্মদ খান, মুখ্য মন্ত্রী, শ্রী পিনারায় বিজায়ন, কেন্দ্রগী হিথাংফম, শিপ্পিং অমসুং ৱাতরৱেজ মন্ত্রী, শ্রী সর্বানন্দ সোনোৱালসু ঙসিগী থৌরমদা শরুক য়াখি।

বেকগ্রাউন্দ

কোচিগী হৌজিক লৈরিবা CSL কেম্পস্তা লুপা করোর 1,800গী শেনফমদা শাখিবা ন্যু দ্রাই দোক অসি অনৌবা ভারতকী ইঞ্জিনীয়রিংগী হৈ-শীংবা অদু তাক্লিবা ফ্লেগশিপ প্রোজেক্ত অমনি। মিতর 75/60 গী আপাকপা অমসুং মিতর 13 লুবা অমসুং মিতর 9.5 ফাওবগী দ্রাউত ওইবা অনৌবা মখলগী খোঙকাপ মিতর 310 শাংবা দ্রাই দোক অসি রিজন অসিগী অচৌবা মেরিন ইনফ্রাস্ত্রকচর অমা ওইরি। ন্যু দ্রাই দোক প্রোজেক্ত অসিনা হেভী গ্রাউন্দ লোদিংগী ফীচর য়াওরিবা অসিনা 70,000T দিস্প্লেসমেন্ত ফাওবগী তুংগী এয়রক্রাফ কেরিয়রশিং লোয়ননা অচৌবা কম্মর্সিএল ভেসেলশিংগুম্বা স্ত্রেতেজিক এসেৎশিং হেন্দল তৌবগী এদভান্স ওইবা মতিক ময়াই ভারত্তা লৈহল্লগনি, মসিনা ভারতনা ইমর্জেন্সী ওইবা লৈবাক্কী মথৌ তাবশিংগীদমক মীরৈবাক্তা মীপাল তাংবা হন্থহল্লগনি।

লুপা করোর 970গী শেনফমদা শাখিবা ইন্তরনেস্নেল শিপ রিপিয়র ফেসিলিতী (ISRF) প্রোজেক্ত অসি মশাগী ওইনা তোপ-তোপ্পা ফেসিলিতী অমনি। মসিদা 6000Tগী কেপাসিতী ওইবা শিপ লিফ সিস্তেম, ত্রান্সফর সিস্তেম, ৱার্কস্তেসন তরুক অমসুং অমুক্তংদা মিতর 130 শাংবা ভেসেল 7 থম্বা য়াবা চাউরাক্না মিতর 1,400 ওইবা বর্থ য়াওরি। ISRF অসি CSL মোদর্নাইজ তৌগনি অমসুং হৌজিক লৈবা শিপ রিপিয়র কেপাবিলিতীশিং হেনগৎহনগনি অমসুং মসিনা কোচি অসি গ্লোবেল শিপ রিপিয়র হব অমা ওইনা ওন্থোক্নবা মাইকৈদা চংশিনবা খোঙথাং অমা ওইরগনি।

লুপা করোর 1,236গী শেনফমদা শাখিবা কোচিগী পুথুবাইপীনদা লৈবা ইন্দিয়ন ওইলগী LPG ইম্পোর্ত তর্মিনেল অসিদা স্তেৎ ওফ দি আর্ত ফেসিলিতীশিং লৈ। স্তোরেজ কেপাসিতী 15400 MTলৈবগা লোয়ননা তর্মিনেল অসিনা য়ুমথোং করোর কয়া অমসুং রিজন অসিদা বিজিনেসশিংদা LPG লেপ্পা লৈতনা সপ্লাই তৌবা ঙমহনগনি। প্রোজেক্ত অসিনা ভারতনা পুম্নমক্কীদমক এক্সেসিবল অমসুং এফোর্দেবল ইনর্জী ফংহন্নবা মাইকৈদা চংশিনবা খোঙথাংশিং মপাঙ্গল কনখৎহনগনি।

প্রোজেক্ত 3 অসি কম্মিসন তৌবগা লোয়ননা লৈবাক্কী জহাজ শাবা অমসুং রিপিয়র তৌবগী কেপাসিতী লোয়ননা এন্সিল্লরী ইন্দস্ত্রীশিং য়াওনা ইনর্জী ইনফ্রাস্ত্রকচরগী গ্রোথ শাহৌ পীরগনি। প্রোজেক্তশিং অসিনা EXIM ত্রেদতা শাহৌ পীগনি, লোজিস্তিক্তা চংবা শেনফম হন্থহনগনি, ইকনোমিক গ্রোথ শাহৌ পীগনি, মরোমদোম লেপচবা ঙমহনগনি অমসুং মশিং লাকঙমদ্রবা দোমেস্তিক অমসুং ইন্তরনেস্নেলগী ওইবা বিজিনেসগী খুদোংচাবশিং পীরগনি।

Speaking at inauguration of the new campus of National Academy of Customs, Indirect Taxes & Narcotics in Andhra Pradesh. https://t.co/xOWZJ7Jkzk

— Narendra Modi (@narendramodi) January 16, 2024

NACIN का रोल देश को एक आधुनिक ecosystem देने का है। pic.twitter.com/iymUCv0BZi

— PMO India (@PMOIndia) January 16, 2024

हमने बीते 10 वर्षों में tax system में बहुत बड़े reform किए: PM @narendramodi pic.twitter.com/gbpnqn0z8C

— PMO India (@PMOIndia) January 16, 2024

बीते 10 वर्षों में गरीब, किसान, महिला और युवा, इन सबको हमने ज्यादा से ज्यादा सशक्त किया है: PM @narendramodi pic.twitter.com/Wx6A4OVbhI

— PMO India (@PMOIndia) January 16, 2024

भ्रष्टाचार के विरुद्ध लड़ाई, भ्रष्टाचारियों पर एक्शन सरकार की प्राथमिकता रही है। pic.twitter.com/GcsKwZGwxh

— PMO India (@PMOIndia) January 16, 2024

इस देश के गरीब में वो सामर्थ्य है कि अगर उसे साधन दिए जाएं, संसाधन दिए जाएं तो वो गरीबी को खुद परास्त कर देगा: PM @narendramodi pic.twitter.com/KLfaXkpYVe

— PMO India (@PMOIndia) January 16, 2024

Today, when India is becoming a major centre of global trade, we are focusing on increasing the country’s maritime strength. pic.twitter.com/A2ApGBdPN9

— PMO India (@PMOIndia) January 17, 2024

Many reforms have been carried out in the last 10 years to enhance ‘Ease of Doing Business’ in the sectors of ports, shipping and inland waterways. pic.twitter.com/xBxKTXYh2K

— PMO India (@PMOIndia) January 17, 2024

Towards making India a major maritime power. pic.twitter.com/s5dG3yiGTa

— PMO India (@PMOIndia) January 17, 2024

***